| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਦਿਟ੍ਠਾવਿਕਮ੍ਮવਗ੍ਗવਣ੍ਣਨਾ
Diṭṭhāvikammavaggavaṇṇanā
੪੨੫. ਦਿਟ੍ਠਾવਿਕਮ੍ਮવਗ੍ਗੇ – ਦਿਟ੍ਠਾવਿਕਮ੍ਮਾਤਿ ਦਿਟ੍ਠੀਨਂ ਆવਿਕਮ੍ਮਾਨਿ; ਲਦ੍ਧਿਪ੍ਪਕਾਸਨਾਨਿ ਆਪਤ੍ਤਿਦੇਸਨਾਸਙ੍ਖਾਤਾਨਂ વਿਨਯਕਮ੍ਮਾਨਮੇਤਂ ਅਧਿવਚਨਂ। ਅਨਾਪਤ੍ਤਿਯਾ ਦਿਟ੍ਠਿਂ ਆવਿ ਕਰੋਤੀਤਿ ਅਨਾਪਤ੍ਤਿਮੇવ ਆਪਤ੍ਤੀਤਿ ਦੇਸੇਤੀਤਿ ਅਤ੍ਥੋ । ਅਦੇਸਨਾਗਾਮਿਨਿਯਾਤਿ ਗਰੁਕਾਪਤ੍ਤਿਯਾ ਦਿਟ੍ਠਿਂ ਆવਿਕਰੋਤਿ; ਸਙ੍ਘਾਦਿਸੇਸਞ੍ਚ ਪਾਰਾਜਿਕਞ੍ਚ ਦੇਸੇਤੀਤਿ ਅਤ੍ਥੋ। ਦੇਸਿਤਾਯਾਤਿ ਲਹੁਕਾਪਤ੍ਤਿਯਾਪਿ ਦੇਸਿਤਾਯ ਦਿਟ੍ਠਿਂ ਆવਿਕਰੋਤਿ; ਦੇਸਿਤਂ ਪੁਨ ਦੇਸੇਤੀਤਿ ਅਤ੍ਥੋ।
425. Diṭṭhāvikammavagge – diṭṭhāvikammāti diṭṭhīnaṃ āvikammāni; laddhippakāsanāni āpattidesanāsaṅkhātānaṃ vinayakammānametaṃ adhivacanaṃ. Anāpattiyā diṭṭhiṃ āvi karotīti anāpattimeva āpattīti desetīti attho . Adesanāgāminiyāti garukāpattiyā diṭṭhiṃ āvikaroti; saṅghādisesañca pārājikañca desetīti attho. Desitāyāti lahukāpattiyāpi desitāya diṭṭhiṃ āvikaroti; desitaṃ puna desetīti attho.
ਚਤੂਹਿ ਪਞ੍ਚਹਿ ਦਿਟ੍ਠਿਨ੍ਤਿ ਯਥਾ ਚਤੂਹਿ ਪਞ੍ਚਹਿ ਦਿਟ੍ਠਿ ਆવਿਕਤਾ ਹੋਤਿ, ਏવਂ ਆવਿਕਰੋਤਿ; ਚਤ੍ਤਾਰੋ ਪਞ੍ਚ ਜਨਾ ਏਕਤੋ ਆਪਤ੍ਤਿਂ ਦੇਸੇਨ੍ਤੀਤਿ ਅਤ੍ਥੋ। ਮਨੋਮਾਨਸੇਨਾਤਿ ਮਨਸਙ੍ਖਾਤੇਨ ਮਾਨਸੇਨ ਦਿਟ੍ਠਿਂ ਆવਿਕਰੋਤਿ; વਚੀਭੇਦਂ ਅਕਤ੍વਾ ਚਿਤ੍ਤੇਨੇવ ਆਪਤ੍ਤਿਂ ਦੇਸੇਤੀਤਿ ਅਤ੍ਥੋ।
Catūhi pañcahi diṭṭhinti yathā catūhi pañcahi diṭṭhi āvikatā hoti, evaṃ āvikaroti; cattāro pañca janā ekato āpattiṃ desentīti attho. Manomānasenāti manasaṅkhātena mānasena diṭṭhiṃ āvikaroti; vacībhedaṃ akatvā citteneva āpattiṃ desetīti attho.
ਨਾਨਾਸਂવਾਸਕਸ੍ਸਾਤਿ ਲਦ੍ਧਿਨਾਨਾਸਂવਾਸਕਸ੍ਸ વਾ ਕਮ੍ਮਨਾਨਾਸਂવਾਸਕਸ੍ਸ વਾ ਸਨ੍ਤਿਕੇ ਦਿਟ੍ਠਿਂ ਆવਿਕਰੋਤਿ; ਆਪਤ੍ਤਿਂ ਦੇਸੇਤੀਤਿ ਅਤ੍ਥੋ। ਨਾਨਾਸੀਮਾਯਾਤਿ ਸਮਾਨਸਂવਾਸਕਸ੍ਸਾਪਿ ਨਾਨਾਸੀਮਾਯ ਠਿਤਸ੍ਸ ਸਨ੍ਤਿਕੇ ਆવਿਕਰੋਤਿ। ਮਾਲ਼ਕਸੀਮਾਯ ਹਿ ਠਿਤੇਨ ਸੀਮਨ੍ਤਰਿਕਾਯ ਠਿਤਸ੍ਸ ਸੀਮਨ੍ਤਰਿਕਾਯ વਾ ਠਿਤੇਨ ਅવਿਪ੍ਪવਾਸਸੀਮਾਯ ਠਿਤਸ੍ਸਾਪਿ ਆਪਤ੍ਤਿਂ ਦੇਸੇਤੁਂ ਨ વਟ੍ਟਤਿ। ਅਪਕਤਤ੍ਤਸ੍ਸਾਤਿ ਉਕ੍ਖਿਤ੍ਤਕਸ੍ਸ વਾ, ਯਸ੍ਸ વਾ ਉਪੋਸਥਪવਾਰਣਾ ਠਪਿਤਾ ਹੋਨ੍ਤਿ, ਤਸ੍ਸ ਸਨ੍ਤਿਕੇ ਦੇਸੇਤੀਤਿ ਅਤ੍ਥੋ।
Nānāsaṃvāsakassāti laddhinānāsaṃvāsakassa vā kammanānāsaṃvāsakassa vā santike diṭṭhiṃ āvikaroti; āpattiṃ desetīti attho. Nānāsīmāyāti samānasaṃvāsakassāpi nānāsīmāya ṭhitassa santike āvikaroti. Māḷakasīmāya hi ṭhitena sīmantarikāya ṭhitassa sīmantarikāya vā ṭhitena avippavāsasīmāya ṭhitassāpi āpattiṃ desetuṃ na vaṭṭati. Apakatattassāti ukkhittakassa vā, yassa vā uposathapavāraṇā ṭhapitā honti, tassa santike desetīti attho.
੪੩੦. ਨਾਲਂ ਓਕਾਸਕਮ੍ਮਂ ਕਾਤੁਨ੍ਤਿ ਨ ਪਰਿਯਤ੍ਤਂ ਕਾਤੁਂ; ਨ ਕਾਤਬ੍ਬਨ੍ਤਿ ਅਤ੍ਥੋ। ਇਧਾਪਿ ਅਪਕਤਤ੍ਤੋ ਉਕ੍ਖਿਤ੍ਤਕੋ ਚ ਠਪਿਤਉਪੋਸਥਪવਾਰਣੋ ਚ। ਚਾવਨਾਧਿਪ੍ਪਾਯੋਤਿ ਸਾਸਨਤੋ ਚਾવੇਤੁਕਾਮੋ।
430.Nālaṃ okāsakammaṃ kātunti na pariyattaṃ kātuṃ; na kātabbanti attho. Idhāpi apakatatto ukkhittako ca ṭhapitauposathapavāraṇo ca. Cāvanādhippāyoti sāsanato cāvetukāmo.
੪੩੨. ਮਨ੍ਦਤ੍ਤਾ ਮੋਮੂਹਤ੍ਤਾਤਿ ਮਨ੍ਦਭਾવੇਨ ਮੋਮੂਹਭਾવੇਨ વਿਸ੍ਸਜ੍ਜਿਤਮ੍ਪਿ ਜਾਨਿਤੁਂ ਅਸਮਤ੍ਥੋ, ਕੇવਲਂ ਅਤ੍ਤਨੋ ਮੋਮੂਹਭਾવਂ ਪਕਾਸੇਨ੍ਤੋਯੇવ ਪੁਚ੍ਛਤਿ ਉਮ੍ਮਤ੍ਤਕੋ વਿਯ। ਪਾਪਿਚ੍ਛੋਤਿ ‘‘ਏવਂ ਮਂ ਜਨੋ ਸਮ੍ਭਾવੇਸ੍ਸਤੀ’’ਤਿ ਪਾਪਿਕਾਯ ਇਚ੍ਛਾਯ ਪੁਚ੍ਛਤਿ। ਪਰਿਭવਾਤਿ ਪਰਿਭવਂ ਆਰੋਪੇਤੁਕਾਮੋ ਹੁਤ੍વਾ ਪੁਚ੍ਛਤਿ। ਅਞ੍ਞਬ੍ਯਾਕਰਣੇਸੁਪਿ ਏਸੇવ ਨਯੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ। ਅਤ੍ਤਾਦਾਨવਗ੍ਗੇ ਚ ਧੁਤਙ੍ਗવਗ੍ਗੇ ਚ ਯਂ વਤ੍ਤਬ੍ਬਂ ਸਿਯਾ, ਤਂ ਸਬ੍ਬਂ ਹੇਟ੍ਠਾ વੁਤ੍ਤਮੇવ।
432.Mandattāmomūhattāti mandabhāvena momūhabhāvena vissajjitampi jānituṃ asamattho, kevalaṃ attano momūhabhāvaṃ pakāsentoyeva pucchati ummattako viya. Pāpicchoti ‘‘evaṃ maṃ jano sambhāvessatī’’ti pāpikāya icchāya pucchati. Paribhavāti paribhavaṃ āropetukāmo hutvā pucchati. Aññabyākaraṇesupi eseva nayo. Sesaṃ sabbattha uttānamevāti. Attādānavagge ca dhutaṅgavagge ca yaṃ vattabbaṃ siyā, taṃ sabbaṃ heṭṭhā vuttameva.
ਦਿਟ੍ਠਾવਿਕਮ੍ਮવਗ੍ਗવਣ੍ਣਨਾ ਨਿਟ੍ਠਿਤਾ।
Diṭṭhāvikammavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੪. ਦਿਟ੍ਠਾવਿਕਮ੍ਮવਗ੍ਗੋ • 4. Diṭṭhāvikammavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦਿਟ੍ਠਾવਿਕਮ੍ਮવਗ੍ਗવਣ੍ਣਨਾ • Diṭṭhāvikammavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦਿਟ੍ਠਾવਿਕਮ੍ਮવਗ੍ਗવਣ੍ਣਨਾ • Diṭṭhāvikammavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਾਰવਗ੍ਗਾਦਿવਣ੍ਣਨਾ • Vohāravaggādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਦਿਟ੍ਠਾવਿਕਮ੍ਮવਗ੍ਗવਣ੍ਣਨਾ • Diṭṭhāvikammavaggavaṇṇanā
