| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
4. д̣̇идтаавигаммаваг̇г̇о
4. Diṭṭhāvikammavaggo
425. ‘‘гад̇и ну ко, бханд̇з, ад̇хаммигаа д̣̇идтаавигаммаа’’д̇и? ‘‘бан̃жимз, убаали, ад̇хаммигаа д̣̇идтаавигаммаа. гад̇амз бан̃жа? анаабад̇д̇ияаа д̣̇идтим̣ аави гарод̇и, ад̣̇зсанааг̇ааминияаа аабад̇д̇ияаа д̣̇идтим̣ аави гарод̇и, д̣̇зсид̇ааяа аабад̇д̇ияаа д̣̇идтим̣ аави гарод̇и, жад̇уухи бан̃жахи д̣̇идтим̣ аави гарод̇и, мано маанасзна д̣̇идтим̣ аави гарод̇и – имз ко, убаали, бан̃жа ад̇хаммигаа д̣̇идтаавигаммаа.
425. ‘‘Kati nu kho, bhante, adhammikā diṭṭhāvikammā’’ti? ‘‘Pañcime, upāli, adhammikā diṭṭhāvikammā. Katame pañca? Anāpattiyā diṭṭhiṃ āvi karoti, adesanāgāminiyā āpattiyā diṭṭhiṃ āvi karoti, desitāya āpattiyā diṭṭhiṃ āvi karoti, catūhi pañcahi diṭṭhiṃ āvi karoti, mano mānasena diṭṭhiṃ āvi karoti – ime kho, upāli, pañca adhammikā diṭṭhāvikammā.
‘‘бан̃жимз, убаали, д̇хаммигаа д̣̇идтаавигаммаа. гад̇амз бан̃жа? аабад̇д̇ияаа д̣̇идтим̣ аави гарод̇и, д̣̇зсанааг̇ааминияаа аабад̇д̇ияаа д̣̇идтим̣ аави гарод̇и, ад̣̇зсид̇ааяа аабад̇д̇ияаа д̣̇идтим̣ аави гарод̇и, на жад̇уухи бан̃жахи д̣̇идтим̣ аави гарод̇и, на мано маанасзна д̣̇идтим̣ аави гарод̇и – имз ко, убаали, бан̃жа д̇хаммигаа д̣̇идтаавигаммаа.
‘‘Pañcime, upāli, dhammikā diṭṭhāvikammā. Katame pañca? Āpattiyā diṭṭhiṃ āvi karoti, desanāgāminiyā āpattiyā diṭṭhiṃ āvi karoti, adesitāya āpattiyā diṭṭhiṃ āvi karoti, na catūhi pañcahi diṭṭhiṃ āvi karoti, na mano mānasena diṭṭhiṃ āvi karoti – ime kho, upāli, pañca dhammikā diṭṭhāvikammā.
‘‘абарзби , убаали, бан̃жа ад̇хаммигаа д̣̇идтаавигаммаа. гад̇амз бан̃жа? наанаасам̣ваасагасса санд̇игз д̣̇идтим̣ аави гарод̇и, наанаасиймааяа тид̇асса санд̇игз д̣̇идтим̣ аави гарод̇и, абагад̇ад̇д̇асса санд̇игз д̣̇идтим̣ аави гарод̇и, жад̇уухи бан̃жахи д̣̇идтим̣ аави гарод̇и, мано маанасзна д̣̇идтим̣ аави гарод̇и – имз ко, убаали, бан̃жа ад̇хаммигаа д̣̇идтаавигаммаа.
‘‘Aparepi , upāli, pañca adhammikā diṭṭhāvikammā. Katame pañca? Nānāsaṃvāsakassa santike diṭṭhiṃ āvi karoti, nānāsīmāya ṭhitassa santike diṭṭhiṃ āvi karoti, apakatattassa santike diṭṭhiṃ āvi karoti, catūhi pañcahi diṭṭhiṃ āvi karoti, mano mānasena diṭṭhiṃ āvi karoti – ime kho, upāli, pañca adhammikā diṭṭhāvikammā.
‘‘бан̃жимз, убаали, д̇хаммигаа д̣̇идтаавигаммаа. гад̇амз бан̃жа? самаанасам̣ваасагасса санд̇игз д̣̇идтим̣ аави гарод̇и, самаанасиймааяа тид̇асса санд̇игз д̣̇идтим̣ аави гарод̇и, багад̇ад̇д̇асса санд̇игз д̣̇идтим̣ аави гарод̇и, на жад̇уухи бан̃жахи д̣̇идтим̣ аави гарод̇и, на мано маанасзна д̣̇идтим̣ аави гарод̇и – имз ко, убаали, бан̃жа д̇хаммигаа д̣̇идтаавигаммаад̇и.
‘‘Pañcime, upāli, dhammikā diṭṭhāvikammā. Katame pañca? Samānasaṃvāsakassa santike diṭṭhiṃ āvi karoti, samānasīmāya ṭhitassa santike diṭṭhiṃ āvi karoti, pakatattassa santike diṭṭhiṃ āvi karoti, na catūhi pañcahi diṭṭhiṃ āvi karoti, na mano mānasena diṭṭhiṃ āvi karoti – ime kho, upāli, pañca dhammikā diṭṭhāvikammāti.
426. ‘‘гад̇и ну ко, бханд̇з, ад̇хаммигаа бадиг̇г̇ахаа’’д̇и? ‘‘бан̃жимз, убаали, ад̇хаммигаа бадиг̇г̇ахаа. гад̇амз бан̃жа? гааязна д̣̇ияяамаанам̣ гааязна аббадиг̇г̇ахид̇ам̣, гааязна д̣̇ияяамаанам̣ гааяаббадиб̣ад̣̇д̇хзна аббадиг̇г̇ахид̇ам̣, гааяаббадиб̣ад̣̇д̇хзна д̣̇ияяамаанам̣ гааязна аббадиг̇г̇ахид̇ам̣, гааяаббадиб̣ад̣̇д̇хзна д̣̇ияяамаанам̣ гааяаббадиб̣ад̣̇д̇хзна аббадиг̇г̇ахид̇ам̣, ниссаг̇г̇иязна д̣̇ияяамаанам̣ гааязна ваа гааяаббадиб̣ад̣̇д̇хзна ваа аббадиг̇г̇ахид̇ам̣ – имз ко, убаали, бан̃жа ад̇хаммигаа бадиг̇г̇ахаа.
426. ‘‘Kati nu kho, bhante, adhammikā paṭiggahā’’ti? ‘‘Pañcime, upāli, adhammikā paṭiggahā. Katame pañca? Kāyena diyyamānaṃ kāyena appaṭiggahitaṃ, kāyena diyyamānaṃ kāyappaṭibaddhena appaṭiggahitaṃ, kāyappaṭibaddhena diyyamānaṃ kāyena appaṭiggahitaṃ, kāyappaṭibaddhena diyyamānaṃ kāyappaṭibaddhena appaṭiggahitaṃ, nissaggiyena diyyamānaṃ kāyena vā kāyappaṭibaddhena vā appaṭiggahitaṃ – ime kho, upāli, pañca adhammikā paṭiggahā.
‘‘бан̃жимз, убаали, д̇хаммигаа бадиг̇г̇ахаа. гад̇амз бан̃жа? гааязна д̣̇ияяамаанам̣ гааязна бадиг̇г̇ахид̇ам̣, гааязна д̣̇ияяамаанам̣ гааяаббадиб̣ад̣̇д̇хзна бадиг̇г̇ахид̇ам̣, гааяаббадиб̣ад̣̇д̇хзна д̣̇ияяамаанам̣ гааязна бадиг̇г̇ахид̇ам̣, гааяаббадиб̣ад̣̇д̇хзна д̣̇ияяамаанам̣ гааяаббадиб̣ад̣̇д̇хзна бадиг̇г̇ахид̇ам̣, ниссаг̇г̇иязна д̣̇ияяамаанам̣ гааязна ваа гааяаббадиб̣ад̣̇д̇хзна ваа бадиг̇г̇ахид̇ам̣ – имз ко, убаали, бан̃жа д̇хаммигаа бадиг̇г̇ахаа’’д̇и.
‘‘Pañcime, upāli, dhammikā paṭiggahā. Katame pañca? Kāyena diyyamānaṃ kāyena paṭiggahitaṃ, kāyena diyyamānaṃ kāyappaṭibaddhena paṭiggahitaṃ, kāyappaṭibaddhena diyyamānaṃ kāyena paṭiggahitaṃ, kāyappaṭibaddhena diyyamānaṃ kāyappaṭibaddhena paṭiggahitaṃ, nissaggiyena diyyamānaṃ kāyena vā kāyappaṭibaddhena vā paṭiggahitaṃ – ime kho, upāli, pañca dhammikā paṭiggahā’’ti.
427. ‘‘гад̇и ну ко, бханд̇з, анад̇ирид̇д̇аа’’д̇и? ‘‘бан̃жимз, убаали, анад̇ирид̇д̇аа. гад̇амз бан̃жа? 1 агаббияагад̇ам̣ ход̇и, аббадиг̇г̇ахид̇агад̇ам̣ ход̇и анужжаарид̇агад̇ам̣ ход̇и, ахад̇т̇абаасз гад̇ам̣ ход̇и, аламзд̇ам̣ саб̣б̣анд̇и авуд̇д̇ам̣ ход̇и – имз ко, убаали, бан̃жа анад̇ирид̇д̇аа.
427. ‘‘Kati nu kho, bhante, anatirittā’’ti? ‘‘Pañcime, upāli, anatirittā. Katame pañca? 2 Akappiyakataṃ hoti, appaṭiggahitakataṃ hoti anuccāritakataṃ hoti, ahatthapāse kataṃ hoti, alametaṃ sabbanti avuttaṃ hoti – ime kho, upāli, pañca anatirittā.
‘‘бан̃жимз, убаали, ад̇ирид̇д̇аа. гад̇амз бан̃жа? 3 габбияагад̇ам̣ ход̇и, бадиг̇г̇ахид̇агад̇ам̣ ход̇и, ужжаарид̇агад̇ам̣ ход̇и, хад̇т̇абаасз гад̇ам̣ ход̇и, аламзд̇ам̣ саб̣б̣анд̇и вуд̇д̇ам̣ ход̇и – имз ко, убаали, бан̃жа ад̇ирид̇д̇аа’’д̇и.
‘‘Pañcime, upāli, atirittā. Katame pañca? 4 Kappiyakataṃ hoti, paṭiggahitakataṃ hoti, uccāritakataṃ hoti, hatthapāse kataṃ hoti, alametaṃ sabbanti vuttaṃ hoti – ime kho, upāli, pañca atirittā’’ti.
428. ‘‘гад̇ихи ну ко, бханд̇з, аагаарзхи бавааран̣аа бан̃н̃ааяад̇ий’’д̇и? ‘‘бан̃жахубаали, аагаарзхи бавааран̣аа бан̃н̃ааяад̇и. гад̇амзхи бан̃жахи? 5 асанам̣ бан̃н̃ааяад̇и, бхож̇анам̣ бан̃н̃ааяад̇и, хад̇т̇абаасз тид̇о абхихарад̇и, бадигкзбо бан̃н̃ааяад̇и – имзхи ко, убаали, бан̃жахаагаарзхи бавааран̣аа бан̃н̃ааяад̇ий’’д̇и.
428. ‘‘Katihi nu kho, bhante, ākārehi pavāraṇā paññāyatī’’ti? ‘‘Pañcahupāli, ākārehi pavāraṇā paññāyati. Katamehi pañcahi? 6 Asanaṃ paññāyati, bhojanaṃ paññāyati, hatthapāse ṭhito abhiharati, paṭikkhepo paññāyati – imehi kho, upāli, pañcahākārehi pavāraṇā paññāyatī’’ti.
429. ‘‘гад̇и ну ко, бханд̇з, ад̇хаммигаа бадин̃н̃аад̇агаран̣аа’’д̇и? ‘‘бан̃жимз, убаали, ад̇хаммигаа бадин̃н̃аад̇агаран̣аа. гад̇амз бан̃жа? бхигку баарааж̇игам̣ аж̇жхаабанно ход̇и, баарааж̇игзна жод̣̇ияамаано сан̇гхаад̣̇исзсам̣ аж̇жхаабанно бадиж̇аанаад̇и, д̇ам̣ сан̇гхо сан̇гхаад̣̇исзсзна гаарзд̇и, ад̇хаммигам̣ бадин̃н̃аад̇агаран̣ам̣ . бхигку баарааж̇игам̣ аж̇жхаабанно ход̇и, баарааж̇игзна жод̣̇ияамаано баажид̇д̇ияам̣…бз… баадид̣̇зсанийяам̣… д̣̇уггадам̣ аж̇жхаабанно бадиж̇аанаад̇и, д̇ам̣ сан̇гхо д̣̇уггадзна гаарзд̇и, ад̇хаммигам̣ бадин̃н̃аад̇агаран̣ам̣. бхигку сан̇гхаад̣̇исзсам̣…бз… баажид̇д̇ияам̣… баадид̣̇зсанийяам̣… д̣̇уггадам̣ аж̇жхаабанно ход̇и. д̣̇уггадзна жод̣̇ияамаано баарааж̇игам̣ аж̇жхаабанно бадиж̇аанаад̇и, д̇ам̣ сан̇гхо баарааж̇игзна гаарзд̇и, ад̇хаммигам̣ бадин̃н̃аад̇агаран̣ам̣. бхигку д̣̇уггадам̣ аж̇жхаабанно ход̇и, д̣̇уггадзна жод̣̇ияамаано сан̇гхаад̣̇исзсам̣…бз… баажид̇д̇ияам̣… баадид̣̇зсанийяам̣ аж̇жхаабанно бадиж̇аанаад̇и, д̇ам̣ сан̇гхо баадид̣̇зсанийязна гаарзд̇и – ад̇хаммигам̣ бадин̃н̃аад̇агаран̣ам̣. имз ко, убаали, бан̃жа ад̇хаммигаа бадин̃н̃аад̇агаран̣аа.
429. ‘‘Kati nu kho, bhante, adhammikā paṭiññātakaraṇā’’ti? ‘‘Pañcime, upāli, adhammikā paṭiññātakaraṇā. Katame pañca? Bhikkhu pārājikaṃ ajjhāpanno hoti, pārājikena codiyamāno saṅghādisesaṃ ajjhāpanno paṭijānāti, taṃ saṅgho saṅghādisesena kāreti, adhammikaṃ paṭiññātakaraṇaṃ . Bhikkhu pārājikaṃ ajjhāpanno hoti, pārājikena codiyamāno pācittiyaṃ…pe… pāṭidesanīyaṃ… dukkaṭaṃ ajjhāpanno paṭijānāti, taṃ saṅgho dukkaṭena kāreti, adhammikaṃ paṭiññātakaraṇaṃ. Bhikkhu saṅghādisesaṃ…pe… pācittiyaṃ… pāṭidesanīyaṃ… dukkaṭaṃ ajjhāpanno hoti. Dukkaṭena codiyamāno pārājikaṃ ajjhāpanno paṭijānāti, taṃ saṅgho pārājikena kāreti, adhammikaṃ paṭiññātakaraṇaṃ. Bhikkhu dukkaṭaṃ ajjhāpanno hoti, dukkaṭena codiyamāno saṅghādisesaṃ…pe… pācittiyaṃ… pāṭidesanīyaṃ ajjhāpanno paṭijānāti, taṃ saṅgho pāṭidesanīyena kāreti – adhammikaṃ paṭiññātakaraṇaṃ. Ime kho, upāli, pañca adhammikā paṭiññātakaraṇā.
‘‘бан̃жимз, убаали, д̇хаммигаа бадин̃н̃аад̇агаран̣аа. гад̇амз бан̃жа? бхигку баарааж̇игам̣ аж̇жхаабанно ход̇и, баарааж̇игзна жод̣̇ияамаано баарааж̇игам̣ аж̇жхаабанно бадиж̇аанаад̇и, д̇ам̣ сан̇гхо баарааж̇игзна гаарзд̇и, д̇хаммигам̣ бадин̃н̃аад̇агаран̣ам̣. бхигку сан̇гхаад̣̇исзсам̣…бз… баажид̇д̇ияам̣… баадид̣̇зсанийяам̣… д̣̇уггадам̣ аж̇жхаабанно ход̇и, д̣̇уггадзна жод̣̇ияамаано д̣̇уггадам̣ аж̇жхаабанно бадиж̇аанаад̇и , д̇ам̣ сан̇гхо д̣̇уггадзна гаарзд̇и, д̇хаммигам̣ бадин̃н̃аад̇агаран̣ам̣. имз ко, убаали, бан̃жа д̇хаммигаа бадин̃н̃аад̇агаран̣аа’’д̇и.
‘‘Pañcime, upāli, dhammikā paṭiññātakaraṇā. Katame pañca? Bhikkhu pārājikaṃ ajjhāpanno hoti, pārājikena codiyamāno pārājikaṃ ajjhāpanno paṭijānāti, taṃ saṅgho pārājikena kāreti, dhammikaṃ paṭiññātakaraṇaṃ. Bhikkhu saṅghādisesaṃ…pe… pācittiyaṃ… pāṭidesanīyaṃ… dukkaṭaṃ ajjhāpanno hoti, dukkaṭena codiyamāno dukkaṭaṃ ajjhāpanno paṭijānāti , taṃ saṅgho dukkaṭena kāreti, dhammikaṃ paṭiññātakaraṇaṃ. Ime kho, upāli, pañca dhammikā paṭiññātakaraṇā’’ti.
430. ‘‘гад̇ихи ну ко, бханд̇з, ан̇г̇зхи саманнааг̇ад̇асса бхигкуно огаасагаммам̣ гаараабзнд̇асса наалам̣ огаасагаммам̣ гаад̇у’’нд̇и? ‘‘бан̃жахубаали, ан̇г̇зхи саманнааг̇ад̇асса бхигкуно огаасагаммам̣ гаараабзнд̇асса наалам̣ огаасагаммам̣ гаад̇ум̣. гад̇амзхи бан̃жахи? алаж̇ж̇ий жа ход̇и, б̣аало жа, абагад̇ад̇д̇о жа, жааванаад̇хиббааяо вад̇д̇аа ход̇и, но вудтаанаад̇хиббааяо – имзхи ко, убаали, бан̃жахан̇г̇зхи саманнааг̇ад̇асса бхигкуно огаасагаммам̣ гаараабзнд̇асса наалам̣ огаасагаммам̣ гаад̇ум̣.
430. ‘‘Katihi nu kho, bhante, aṅgehi samannāgatassa bhikkhuno okāsakammaṃ kārāpentassa nālaṃ okāsakammaṃ kātu’’nti? ‘‘Pañcahupāli, aṅgehi samannāgatassa bhikkhuno okāsakammaṃ kārāpentassa nālaṃ okāsakammaṃ kātuṃ. Katamehi pañcahi? Alajjī ca hoti, bālo ca, apakatatto ca, cāvanādhippāyo vattā hoti, no vuṭṭhānādhippāyo – imehi kho, upāli, pañcahaṅgehi samannāgatassa bhikkhuno okāsakammaṃ kārāpentassa nālaṃ okāsakammaṃ kātuṃ.
‘‘бан̃жахубаали, ан̇г̇зхи саманнааг̇ад̇асса бхигкуно огаасагаммам̣ гаараабзнд̇асса алам̣ огаасагаммам̣ гаад̇ум̣. гад̇амзхи бан̃жахи? лаж̇ж̇ий жа ход̇и, бан̣д̣ид̇о жа, багад̇ад̇д̇о жа, вудтаанаад̇хиббааяо вад̇д̇аа ход̇и, но жааванаад̇хиббааяо – имзхи ко, убаали, бан̃жахан̇г̇зхи саманнааг̇ад̇асса бхигкуно огаасагаммам̣ гаараабзнд̇асса алам̣ огаасагаммам̣ гаад̇у’’нд̇и.
‘‘Pañcahupāli, aṅgehi samannāgatassa bhikkhuno okāsakammaṃ kārāpentassa alaṃ okāsakammaṃ kātuṃ. Katamehi pañcahi? Lajjī ca hoti, paṇḍito ca, pakatatto ca, vuṭṭhānādhippāyo vattā hoti, no cāvanādhippāyo – imehi kho, upāli, pañcahaṅgehi samannāgatassa bhikkhuno okāsakammaṃ kārāpentassa alaṃ okāsakammaṃ kātu’’nti.
431. ‘‘гад̇ихи ну ко, бханд̇з, ан̇г̇зхи саманнааг̇ад̇зна бхигкунаа сад̣̇д̇хим̣ винаяо на саагажчид̇аб̣б̣о’’д̇и? ‘‘бан̃жахубаали, ан̇г̇зхи саманнааг̇ад̇зна бхигкунаа сад̣̇д̇хим̣ винаяо на саагажчид̇аб̣б̣о. гад̇амзхи бан̃жахи? вад̇т̇ум̣ на ж̇аанаад̇и, нид̣̇аанам̣ на ж̇аанаад̇и, бан̃н̃ад̇д̇им̣ на ж̇аанаад̇и, бад̣̇абажжаабхадтам̣ на ж̇аанаад̇и, анусанд̇хиважанабат̇ам̣ на ж̇аанаад̇и – имзхи ко, убаали, бан̃жахан̇г̇зхи саманнааг̇ад̇зна бхигкунаа сад̣̇д̇хим̣ винаяо на саагажчид̇аб̣б̣о.
431. ‘‘Katihi nu kho, bhante, aṅgehi samannāgatena bhikkhunā saddhiṃ vinayo na sākacchitabbo’’ti? ‘‘Pañcahupāli, aṅgehi samannāgatena bhikkhunā saddhiṃ vinayo na sākacchitabbo. Katamehi pañcahi? Vatthuṃ na jānāti, nidānaṃ na jānāti, paññattiṃ na jānāti, padapaccābhaṭṭhaṃ na jānāti, anusandhivacanapathaṃ na jānāti – imehi kho, upāli, pañcahaṅgehi samannāgatena bhikkhunā saddhiṃ vinayo na sākacchitabbo.
‘‘бан̃жахубаали, ан̇г̇зхи саманнааг̇ад̇зна бхигкунаа сад̣̇д̇хим̣ винаяо саагажчид̇аб̣б̣о. гад̇амзхи бан̃жахи? вад̇т̇ум̣ ж̇аанаад̇и, нид̣̇аанам̣ ж̇аанаад̇и, бан̃н̃ад̇д̇им̣ ж̇аанаад̇и, бад̣̇абажжаабхадтам̣ ж̇аанаад̇и, анусанд̇хиважанабат̇ам̣ ж̇аанаад̇и – имзхи ко, убаали, бан̃жахан̇г̇зхи саманнааг̇ад̇зна бхигкунаа сад̣̇д̇хим̣ винаяо саагажчид̇аб̣б̣о’’д̇и.
‘‘Pañcahupāli, aṅgehi samannāgatena bhikkhunā saddhiṃ vinayo sākacchitabbo. Katamehi pañcahi? Vatthuṃ jānāti, nidānaṃ jānāti, paññattiṃ jānāti, padapaccābhaṭṭhaṃ jānāti, anusandhivacanapathaṃ jānāti – imehi kho, upāli, pañcahaṅgehi samannāgatena bhikkhunā saddhiṃ vinayo sākacchitabbo’’ti.
432. ‘‘гад̇и ну ко, бханд̇з, бан̃хаабужчаа’’д̇и? ‘‘бан̃жимаа, убаали, бан̃хаабужчаа. гад̇амаа бан̃жа? манд̣̇ад̇д̇аа момуухад̇д̇аа бан̃хам̣ бужчад̇и, баабижчо ижчаабагад̇о бан̃хам̣ бужчад̇и, барибхаваа бан̃хам̣ бужчад̇и , ан̃н̃аад̇угаамо бан̃хам̣ бужчад̇и, сажз мз бан̃хам̣ будто саммад̣̇зва б̣яаагариссад̇и ижжзд̇ам̣ гусалам̣ но жз бан̃хам̣ будто саммад̣̇зва б̣яаагариссад̇и ахамасса саммад̣̇зва б̣яаагариссаамийд̇и бан̃хам̣ бужчад̇и – имаа ко, убаали, бан̃жа бан̃хаабужчаа’’д̇и.
432. ‘‘Kati nu kho, bhante, pañhāpucchā’’ti? ‘‘Pañcimā, upāli, pañhāpucchā. Katamā pañca? Mandattā momūhattā pañhaṃ pucchati, pāpiccho icchāpakato pañhaṃ pucchati, paribhavā pañhaṃ pucchati , aññātukāmo pañhaṃ pucchati, sace me pañhaṃ puṭṭho sammadeva byākarissati iccetaṃ kusalaṃ no ce pañhaṃ puṭṭho sammadeva byākarissati ahamassa sammadeva byākarissāmīti pañhaṃ pucchati – imā kho, upāli, pañca pañhāpucchā’’ti.
433. ‘‘гад̇и ну ко, бханд̇з, ан̃н̃аб̣яаагаран̣аа’’д̇и? ‘‘бан̃жимз, убаали, ан̃н̃аб̣яаагаран̣аа. гад̇амз бан̃жа? манд̣̇ад̇д̇аа момуухад̇д̇аа ан̃н̃ам̣ б̣яаагарод̇и, баабижчо ижчаабагад̇о ан̃н̃ам̣ б̣яаагарод̇и, уммаад̣̇аа жид̇д̇агкзбаа ан̃н̃ам̣ б̣яаагарод̇и , ад̇химаанзна ан̃н̃ам̣ б̣яаагарод̇и, бхууд̇ам̣ ан̃н̃ам̣ б̣яаагарод̇и – имз ко, убаали, бан̃жа ан̃н̃аб̣яаагаран̣аа’’д̇и.
433. ‘‘Kati nu kho, bhante, aññabyākaraṇā’’ti? ‘‘Pañcime, upāli, aññabyākaraṇā. Katame pañca? Mandattā momūhattā aññaṃ byākaroti, pāpiccho icchāpakato aññaṃ byākaroti, ummādā cittakkhepā aññaṃ byākaroti , adhimānena aññaṃ byākaroti, bhūtaṃ aññaṃ byākaroti – ime kho, upāli, pañca aññabyākaraṇā’’ti.
434. ‘‘гад̇и ну ко, бханд̇з, висуд̣̇д̇хияо’’д̇и? ‘‘бан̃жимаа, убаали, висуд̣̇д̇хияо. гад̇амаа бан̃жа? нид̣̇аанам̣ уд̣̇д̣̇исид̇ваа авасзсам̣ суд̇зна саавзд̇аб̣б̣ам̣ аяам̣ батамаа висуд̣̇д̇хи, нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа авасзсам̣ суд̇зна саавзд̇аб̣б̣ам̣ аяам̣ д̣̇уд̇ияаа висуд̣̇д̇хи, нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа д̇зраса сан̇гхаад̣̇исзсз уд̣̇д̣̇исид̇ваа авасзсам̣ суд̇зна саавзд̇аб̣б̣ам̣ аяам̣ д̇ад̇ияаа висуд̣̇д̇хи, нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа д̇зраса сан̇гхаад̣̇исзсз уд̣̇д̣̇исид̇ваа д̣̇вз анияад̇з уд̣̇д̣̇исид̇ваа авасзсам̣ суд̇зна саавзд̇аб̣б̣ам̣ аяам̣ жад̇уд̇т̇аа висуд̣̇д̇хи, вид̇т̇аарзнзва бан̃жамий – имаа ко, убаали, бан̃жа висуд̣̇д̇хияо’’д̇и.
434. ‘‘Kati nu kho, bhante, visuddhiyo’’ti? ‘‘Pañcimā, upāli, visuddhiyo. Katamā pañca? Nidānaṃ uddisitvā avasesaṃ sutena sāvetabbaṃ ayaṃ paṭhamā visuddhi, nidānaṃ uddisitvā cattāri pārājikāni uddisitvā avasesaṃ sutena sāvetabbaṃ ayaṃ dutiyā visuddhi, nidānaṃ uddisitvā cattāri pārājikāni uddisitvā terasa saṅghādisese uddisitvā avasesaṃ sutena sāvetabbaṃ ayaṃ tatiyā visuddhi, nidānaṃ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaṃ sutena sāvetabbaṃ ayaṃ catutthā visuddhi, vitthāreneva pañcamī – imā kho, upāli, pañca visuddhiyo’’ti.
435. ‘‘гад̇и ну ко, бханд̇з, бхож̇анаа’’д̇и? ‘‘бан̃жимз, убаали, бхож̇анаа . гад̇амз бан̃жа? од̣̇ано, гуммаасо, сад̇д̇у, мажчо, мам̣сам̣ – имз ко, убаали, бан̃жа бхож̇анаа’’д̇и.
435. ‘‘Kati nu kho, bhante, bhojanā’’ti? ‘‘Pañcime, upāli, bhojanā . Katame pañca? Odano, kummāso, sattu, maccho, maṃsaṃ – ime kho, upāli, pañca bhojanā’’ti.
д̣̇идтаавигаммаваг̇г̇о нидтид̇о жад̇уд̇т̇о.
Diṭṭhāvikammavaggo niṭṭhito catuttho.
д̇ассуд̣̇д̣̇аанам̣ –
Tassuddānaṃ –
д̣̇идтаавигаммаа абарз, бадиг̇г̇ахаанад̇ирид̇д̇аа;
Diṭṭhāvikammā apare, paṭiggahānatirittā;
бавааран̣аа бадин̃н̃аад̇ам̣, огаасам̣ саагажчзна жа;
Pavāraṇā paṭiññātaṃ, okāsaṃ sākacchena ca;
бан̃хам̣ ан̃н̃аб̣яаагаран̣аа, висуд̣̇д̇хи жааби бхож̇анаад̇и.
Pañhaṃ aññabyākaraṇā, visuddhi cāpi bhojanāti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
