| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
১২. দিট্ঠিগতসুত্তং
12. Diṭṭhigatasuttaṃ
৪৯. ৰুত্তঞ্হেতং ভগৰতা, ৰুত্তমরহতাতি মে সুতং –
49. Vuttañhetaṃ bhagavatā, vuttamarahatāti me sutaṃ –
‘‘দ্ৰীহি, ভিক্খৰে, দিট্ঠিগতেহি পরিযুট্ঠিতা দেৰমনুস্সা ওলীযন্তি একে, অতিধাৰন্তি একে; চক্খুমন্তো চ পস্সন্তি।
‘‘Dvīhi, bhikkhave, diṭṭhigatehi pariyuṭṭhitā devamanussā olīyanti eke, atidhāvanti eke; cakkhumanto ca passanti.
‘‘কথঞ্চ, ভিক্খৰে, ওলীযন্তি একে? ভৰারামা, ভিক্খৰে, দেৰমনুস্সা ভৰরতা ভৰসম্মুদিতা তেসং ভৰনিরোধায ধম্মে দেসিযমানে চিত্তং ন পক্খন্দতি ন পসীদতি ন সন্তিট্ঠতি নাধিমুচ্চতি। এৰং খো, ভিক্খৰে, ওলীযন্তি একে।
‘‘Kathañca, bhikkhave, olīyanti eke? Bhavārāmā, bhikkhave, devamanussā bhavaratā bhavasammuditā tesaṃ bhavanirodhāya dhamme desiyamāne cittaṃ na pakkhandati na pasīdati na santiṭṭhati nādhimuccati. Evaṃ kho, bhikkhave, olīyanti eke.
‘‘কথঞ্চ , ভিক্খৰে, অতিধাৰন্তি একে? ভৰেনেৰ খো পনেকে অট্টীযমানা হরাযমানা জিগুচ্ছমানা ৰিভৰং অভিনন্দন্তি – যতো কির, ভো, অযং অত্তা 1 কাযস্স ভেদা পরং মরণা উচ্ছিজ্জতি ৰিনস্সতি ন হোতি পরং মরণা; এতং সন্তং এতং পণীতং এতং যাথাৰন্তি। এৰং খো, ভিক্খৰে, অতিধাৰন্তি একে।
‘‘Kathañca , bhikkhave, atidhāvanti eke? Bhaveneva kho paneke aṭṭīyamānā harāyamānā jigucchamānā vibhavaṃ abhinandanti – yato kira, bho, ayaṃ attā 2 kāyassa bhedā paraṃ maraṇā ucchijjati vinassati na hoti paraṃ maraṇā; etaṃ santaṃ etaṃ paṇītaṃ etaṃ yāthāvanti. Evaṃ kho, bhikkhave, atidhāvanti eke.
‘‘কথঞ্চ, ভিক্খৰে, চক্খুমন্তো পস্সন্তি? ইধ ভিক্খু ভূতং ভূততো পস্সতি; ভূতং ভূততো দিস্ৰা ভূতস্স নিব্বিদায ৰিরাগায নিরোধায পটিপন্নো হোতি। এৰং খো, ভিক্খৰে, চক্খুমন্তো পস্সন্তী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Kathañca, bhikkhave, cakkhumanto passanti? Idha bhikkhu bhūtaṃ bhūtato passati; bhūtaṃ bhūtato disvā bhūtassa nibbidāya virāgāya nirodhāya paṭipanno hoti. Evaṃ kho, bhikkhave, cakkhumanto passantī’’ti. Etamatthaṃ bhagavā avoca. Tatthetaṃ iti vuccati –
যথাভূতে ৰিমুচ্চন্তি, ভৰতণ্হা পরিক্খযা॥
Yathābhūte vimuccanti, bhavataṇhā parikkhayā.
ভূতস্স ৰিভৰা ভিক্খু, নাগচ্ছতি পুনব্ভৰ’’ন্তি॥
Bhūtassa vibhavā bhikkhu, nāgacchati punabbhava’’nti.
অযম্পি অত্থো ৰুত্তো ভগৰতা, ইতি মে সুতন্তি। দ্ৰাদসমং।
Ayampi attho vutto bhagavatā, iti me sutanti. Dvādasamaṃ.
দুতিযো ৰগ্গো নিট্ঠিতো।
Dutiyo vaggo niṭṭhito.
তস্সুদ্দানং –
Tassuddānaṃ –
দ্ৰে ইন্দ্রিযা দ্ৰে তপনীযা, সীলেন অপরে দুৰে।
Dve indriyā dve tapanīyā, sīlena apare duve;
অনোত্তাপী কুহনা দ্ৰে চ, সংৰেজনীযেন তে দস॥
Anottāpī kuhanā dve ca, saṃvejanīyena te dasa.
ৰিতক্কা দেসনা ৰিজ্জা, পঞ্ঞা ধম্মেন পঞ্চমং।
Vitakkā desanā vijjā, paññā dhammena pañcamaṃ;
অজাতং ধাতুসল্লানং, সিক্খা জাগরিযেন চ।
Ajātaṃ dhātusallānaṃ, sikkhā jāgariyena ca;
দুকনিপাতো নিট্ঠিতো।
Dukanipāto niṭṭhito.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ১২. দিট্ঠিগতসুত্তৰণ্ণনা • 12. Diṭṭhigatasuttavaṇṇanā
