| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
12. д̣̇идтиг̇ад̇асуд̇д̇ам̣
12. Diṭṭhigatasuttaṃ
49. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
49. Vuttañhetaṃ bhagavatā, vuttamarahatāti me sutaṃ –
‘‘д̣̇вийхи, бхигкавз, д̣̇идтиг̇ад̇зхи барияудтид̇аа д̣̇звамануссаа олийяанд̇и згз, ад̇ид̇хааванд̇и згз; жагкуманд̇о жа бассанд̇и.
‘‘Dvīhi, bhikkhave, diṭṭhigatehi pariyuṭṭhitā devamanussā olīyanti eke, atidhāvanti eke; cakkhumanto ca passanti.
‘‘гат̇ан̃жа, бхигкавз, олийяанд̇и згз? бхаваараамаа, бхигкавз, д̣̇звамануссаа бхаварад̇аа бхавасаммуд̣̇ид̇аа д̇зсам̣ бхаванирод̇хааяа д̇хаммз д̣̇зсияамаанз жид̇д̇ам̣ на багканд̣̇ад̇и на басийд̣̇ад̇и на санд̇идтад̇и наад̇химужжад̇и. звам̣ ко, бхигкавз, олийяанд̇и згз.
‘‘Kathañca, bhikkhave, olīyanti eke? Bhavārāmā, bhikkhave, devamanussā bhavaratā bhavasammuditā tesaṃ bhavanirodhāya dhamme desiyamāne cittaṃ na pakkhandati na pasīdati na santiṭṭhati nādhimuccati. Evaṃ kho, bhikkhave, olīyanti eke.
‘‘гат̇ан̃жа , бхигкавз, ад̇ид̇хааванд̇и згз? бхавзнзва ко банзгз аддийяамаанаа харааяамаанаа ж̇иг̇ужчамаанаа вибхавам̣ абхинанд̣̇анд̇и – яад̇о гира, бхо, аяам̣ ад̇д̇аа 1 гааяасса бхзд̣̇аа барам̣ маран̣аа ужчиж̇ж̇ад̇и винассад̇и на ход̇и барам̣ маран̣аа; зд̇ам̣ санд̇ам̣ зд̇ам̣ бан̣ийд̇ам̣ зд̇ам̣ яаат̇ааванд̇и. звам̣ ко, бхигкавз, ад̇ид̇хааванд̇и згз.
‘‘Kathañca , bhikkhave, atidhāvanti eke? Bhaveneva kho paneke aṭṭīyamānā harāyamānā jigucchamānā vibhavaṃ abhinandanti – yato kira, bho, ayaṃ attā 2 kāyassa bhedā paraṃ maraṇā ucchijjati vinassati na hoti paraṃ maraṇā; etaṃ santaṃ etaṃ paṇītaṃ etaṃ yāthāvanti. Evaṃ kho, bhikkhave, atidhāvanti eke.
‘‘гат̇ан̃жа, бхигкавз, жагкуманд̇о бассанд̇и? ид̇ха бхигку бхууд̇ам̣ бхууд̇ад̇о бассад̇и; бхууд̇ам̣ бхууд̇ад̇о д̣̇исваа бхууд̇асса ниб̣б̣ид̣̇ааяа вирааг̇ааяа нирод̇хааяа бадибанно ход̇и. звам̣ ко, бхигкавз, жагкуманд̇о бассанд̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Kathañca, bhikkhave, cakkhumanto passanti? Idha bhikkhu bhūtaṃ bhūtato passati; bhūtaṃ bhūtato disvā bhūtassa nibbidāya virāgāya nirodhāya paṭipanno hoti. Evaṃ kho, bhikkhave, cakkhumanto passantī’’ti. Etamatthaṃ bhagavā avoca. Tatthetaṃ iti vuccati –
‘‘яз 3 бхууд̇ам̣ бхууд̇ад̇о д̣̇исваа, бхууд̇асса жа ад̇иггамам̣;
‘‘Ye 4 bhūtaṃ bhūtato disvā, bhūtassa ca atikkamaṃ;
яат̇аабхууд̇з вимужжанд̇и, бхавад̇ан̣хаа баригкаяаа.
Yathābhūte vimuccanti, bhavataṇhā parikkhayā.
‘‘са вз 5 бхууд̇абарин̃н̃о, со вийд̇ад̇ан̣хо бхаваабхавз;
‘‘Sa ve 6 bhūtapariñño, so vītataṇho bhavābhave;
бхууд̇асса вибхаваа бхигку, нааг̇ажчад̇и бунаб̣бхава’’нд̇и.
Bhūtassa vibhavā bhikkhu, nāgacchati punabbhava’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̣̇ваад̣̇асамам̣.
Ayampi attho vutto bhagavatā, iti me sutanti. Dvādasamaṃ.
д̣̇уд̇ияо ваг̇г̇о нидтид̇о.
Dutiyo vaggo niṭṭhito.
д̇ассуд̣̇д̣̇аанам̣ –
Tassuddānaṃ –
д̣̇вз инд̣̇рияаа д̣̇вз д̇абанийяаа, сийлзна абарз д̣̇увз;
Dve indriyā dve tapanīyā, sīlena apare duve;
анод̇д̇аабий гуханаа д̣̇вз жа, сам̣взж̇анийязна д̇з д̣̇аса.
Anottāpī kuhanā dve ca, saṃvejanīyena te dasa.
вид̇аггаа д̣̇зсанаа виж̇ж̇аа, бан̃н̃аа д̇хаммзна бан̃жамам̣;
Vitakkā desanā vijjā, paññā dhammena pañcamaṃ;
аж̇аад̇ам̣ д̇хаад̇усаллаанам̣, сигкаа ж̇ааг̇ариязна жа;
Ajātaṃ dhātusallānaṃ, sikkhā jāgariyena ca;
д̣̇уганибаад̇о нидтид̇о.
Dukanipāto niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 12. д̣̇идтиг̇ад̇асуд̇д̇аван̣н̣анаа • 12. Diṭṭhigatasuttavaṇṇanā
