| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
12. д̣̇идтиг̇ад̇асуд̇д̇аван̣н̣анаа
12. Diṭṭhigatasuttavaṇṇanā
49. д̣̇ваад̣̇асамз д̣̇вийхи д̣̇идтиг̇ад̇зхийд̇и зд̇т̇а д̣̇идтияова д̣̇идтиг̇ад̇аани ‘‘г̇уут̇аг̇ад̇ам̣ муд̇д̇аг̇ад̇а’’нд̇иаад̣̇ийсу (а. ни. 9.11) вияа. г̇ахид̇аагаарасун̃н̃ад̇ааяа ваа д̣̇идтийнам̣ г̇ад̇амад̇д̇аанийд̇и д̣̇идтиг̇ад̇аани, д̇зхи д̣̇идтиг̇ад̇зхи. барияудтид̇аад̇и абхибхууд̇аа балиб̣уд̣̇д̇хаа ваа. балиб̣од̇хад̇т̇о вааби хи барияудтаанасад̣̇д̣̇о ‘‘жораа маг̇г̇з барияудтим̣суу’’д̇иаад̣̇ийсу (жуул̣ава. 430) вияа. д̣̇зваад̇и убабад̇д̇ид̣̇зваа. д̇з хи д̣̇иб̣б̣анд̇и ул̣аарад̇амзхи гаамаг̇ун̣зхи жхаанаад̣̇ийхи жа гийл̣анд̇и, ид̣̇д̇хаанубхаавзна ваа яат̇ижчид̇амад̇т̇ам̣ г̇ажчанд̇и ад̇хиг̇ажчанд̇ийд̇и жа д̣̇зваад̇и вужжанд̇и. манасса уссаннад̇д̇аа мануссаа, уггадтанид̣̇д̣̇зсавасзна жзд̇ам̣ вуд̇д̇ам̣ яат̇аа ‘‘сад̇т̇аа д̣̇звамануссаана’’нд̇и. олийяанд̇и згзд̇и ‘‘сассад̇о ад̇д̇аа жа лого жаа’’д̇и бхавзсу олийяанаабхинивзсабхууд̇зна сассад̇абхаавзна згажжз д̣̇зваа мануссаа жа авалийяанд̇и аллийяанд̇и сан̇гожам̣ аабаж̇ж̇анд̇и, на д̇ад̇о ниссаранд̇и. ад̇ид̇хааванд̇ийд̇и барамад̇т̇ад̇о бхиннасабхааваанамби сабхаавад̇хаммаанам̣ явааяам̣ хзд̇упалабхаавзна самб̣анд̇хо, д̇ам̣ аг̇г̇ахзд̇ваа наанад̇д̇анаяассаби г̇ахан̣зна д̇ад̇т̇а д̇ад̇т̇зва д̇хааванд̇и, д̇асмаа ‘‘ужчиж̇ж̇ад̇и ад̇д̇аа жа лого жа, на ход̇и барам̣ маран̣аа’’д̇и ужчзд̣̇з ваа бхаванирод̇хабадибад̇д̇ияаа бадигкзбад̇хаммад̇ам̣ ад̇ид̇хааванд̇и ад̇иггаманд̇и. жагкуманд̇о жа бассанд̇ийд̇и жасад̣̇д̣̇о б̣яад̇ирзгз. буб̣б̣аяог̇асамбад̇д̇ияаа н̃аан̣абарибаагзна бан̃н̃аажагкуманд̇о бана д̣̇звамануссаа д̇знзва бан̃н̃аажагкунаа сассад̇ам̣ ужчзд̣̇ан̃жа анд̇ад̣̇ваяам̣ анубаг̇амма маж̇жхимабадибад̇д̇ид̣̇ассанзна бажжагкам̣ гаронд̇и. д̇з хи ‘‘наамаруубамад̇д̇амид̣̇ам̣ бадижжасамуббаннам̣, д̇асмаа на сассад̇ам̣, нааби ужчиж̇ж̇ад̇ий’’д̇и авибарийд̇ад̇о бассанд̇и.
49. Dvādasame dvīhi diṭṭhigatehīti ettha diṭṭhiyova diṭṭhigatāni ‘‘gūthagataṃ muttagata’’ntiādīsu (a. ni. 9.11) viya. Gahitākārasuññatāya vā diṭṭhīnaṃ gatamattānīti diṭṭhigatāni, tehi diṭṭhigatehi. Pariyuṭṭhitāti abhibhūtā palibuddhā vā. Palibodhattho vāpi hi pariyuṭṭhānasaddo ‘‘corā magge pariyuṭṭhiṃsū’’tiādīsu (cūḷava. 430) viya. Devāti upapattidevā. Te hi dibbanti uḷāratamehi kāmaguṇehi jhānādīhi ca kīḷanti, iddhānubhāvena vā yathicchitamatthaṃ gacchanti adhigacchantīti ca devāti vuccanti. Manassa ussannattā manussā, ukkaṭṭhaniddesavasena cetaṃ vuttaṃ yathā ‘‘satthā devamanussāna’’nti. Olīyanti eketi ‘‘sassato attā ca loko cā’’ti bhavesu olīyanābhinivesabhūtena sassatabhāvena ekacce devā manussā ca avalīyanti allīyanti saṅkocaṃ āpajjanti, na tato nissaranti. Atidhāvantīti paramatthato bhinnasabhāvānampi sabhāvadhammānaṃ yvāyaṃ hetuphalabhāvena sambandho, taṃ aggahetvā nānattanayassapi gahaṇena tattha tattheva dhāvanti, tasmā ‘‘ucchijjati attā ca loko ca, na hoti paraṃ maraṇā’’ti ucchede vā bhavanirodhapaṭipattiyā paṭikkhepadhammataṃ atidhāvanti atikkamanti. Cakkhumanto ca passantīti casaddo byatireke. Pubbayogasampattiyā ñāṇaparipākena paññācakkhumanto pana devamanussā teneva paññācakkhunā sassataṃ ucchedañca antadvayaṃ anupagamma majjhimapaṭipattidassanena paccakkhaṃ karonti. Te hi ‘‘nāmarūpamattamidaṃ paṭiccasamuppannaṃ, tasmā na sassataṃ, nāpi ucchijjatī’’ti aviparītato passanti.
звам̣ олийяанаад̣̇игз буг̇г̇алаад̇хидтаанзна уд̣̇д̣̇исид̇ум̣ ‘‘гат̇ан̃жа, бхигкавз’’д̇иаад̣̇и вуд̇д̇ам̣. д̇ад̇т̇а бхаваад̇и гаамабхаво, руубабхаво, аруубабхаво. абарзби д̇аяо бхаваа сан̃н̃ийбхаво, асан̃н̃ийбхаво, нзвасан̃н̃ийнаасан̃н̃ийбхаво. абарзби д̇аяо бхаваа згавогаарабхаво, жад̇увогаарабхаво, бан̃жавогаарабхавод̇и. зд̇зхи бхавзхи аараманд̇и абхинанд̣̇анд̇ийд̇и бхаваараамаа. бхавзсу рад̇аа абхирад̇аад̇и бхаварад̇аа. бхавзсу судту муд̣̇ид̇аад̇и бхавасаммуд̣̇ид̇аа. бхаванирод̇хааяаад̇и д̇зсам̣ бхаваанам̣ ажжанд̇анирод̇хааяа ануббаад̣̇анад̇т̇ааяа. д̇хаммз д̣̇зсияамаанзд̇и д̇ат̇ааг̇ад̇аббавзд̣̇ид̇з нияяаанигад̇хаммз вужжамаанз. на багканд̣̇ад̇ийд̇и сассад̇аабхинивидтад̇д̇аа сам̣кид̇д̇ад̇хаммад̇д̇аа на бависад̇и на ог̇аахад̇и. на басийд̣̇ад̇ийд̇и басаад̣̇ам̣ наабаж̇ж̇ад̇и на д̇ам̣ сад̣̇д̣̇ахад̇и. на санд̇идтад̇ийд̇и д̇ассам̣ д̣̇зсанааяам̣ на д̇идтад̇и наад̇химужжад̇и. звам̣ сассад̇ад̇о абхинивисанзна бхавзсу олийяанд̇и.
Evaṃ olīyanādike puggalādhiṭṭhānena uddisituṃ ‘‘kathañca, bhikkhave’’tiādi vuttaṃ. Tattha bhavāti kāmabhavo, rūpabhavo, arūpabhavo. Aparepi tayo bhavā saññībhavo, asaññībhavo, nevasaññīnāsaññībhavo. Aparepi tayo bhavā ekavokārabhavo, catuvokārabhavo, pañcavokārabhavoti. Etehi bhavehi āramanti abhinandantīti bhavārāmā. Bhavesu ratā abhiratāti bhavaratā. Bhavesu suṭṭhu muditāti bhavasammuditā. Bhavanirodhāyāti tesaṃ bhavānaṃ accantanirodhāya anuppādanatthāya. Dhamme desiyamāneti tathāgatappavedite niyyānikadhamme vuccamāne. Na pakkhandatīti sassatābhiniviṭṭhattā saṃkhittadhammattā na pavisati na ogāhati. Na pasīdatīti pasādaṃ nāpajjati na taṃ saddahati. Na santiṭṭhatīti tassaṃ desanāyaṃ na tiṭṭhati nādhimuccati. Evaṃ sassatato abhinivisanena bhavesu olīyanti.
аддийяамаанаад̇и бхавз ж̇араарог̇амаран̣аад̣̇ийни вад̇хаб̣анд̇ханажчзд̣̇анаад̣̇ийни жа д̣̇исваа сам̣виж̇ж̇анзна д̇зхи саман̇г̇ибхаавзна бхавзна бийл̣ияамаанаа д̣̇угкаабияамаанаа. харааяамаанаад̇и лаж̇ж̇амаанаа ж̇иг̇ужчамаанаад̇и бадигуулад̇о д̣̇аханд̇аа. вибхаванд̇и ужчзд̣̇ам̣. абхинанд̣̇анд̇ийд̇и д̇ан̣хаад̣̇идтаабхинанд̣̇анаахи аж̇жхосааяа нанд̣̇анд̇и. яад̇о гира бход̇иаад̣̇и д̇зсам̣ абхинанд̣̇анаагаарад̣̇ассанам̣. д̇ад̇т̇а яад̇од̇и яад̣̇аа. бход̇и аалабанам̣. аяам̣ ад̇д̇аад̇и гаарагаад̣̇ибхаавзна ад̇д̇анаа баригаббид̇ам̣ санд̇хааяа вад̣̇ад̇и. ужчиж̇ж̇ад̇ийд̇и убажчиж̇ж̇ад̇и. винассад̇ийд̇и на д̣̇иссад̇и, винаасам̣ абхаавам̣ г̇ажчад̇и. на ход̇и барам̣ маран̣аад̇и маран̣зна уд̣̇д̇хам̣ на бхавад̇и. зд̇ам̣ санд̇анд̇и яад̣̇зд̇ам̣ ад̇д̇ано ужчзд̣̇аад̣̇и, зд̇ам̣ саб̣б̣абхававуубасамад̇о саб̣б̣асанд̇аабавуубасамад̇о жа санд̇ам̣, санд̇ад̇д̇аа зва бан̣ийд̇ам̣, д̇ажчаавибарийд̇абхаавад̇о яаат̇аавам̣. д̇ад̇т̇а ‘‘санд̇ам̣ бан̣ийд̇а’’нд̇и ид̣̇ам̣ д̣̇ваяам̣ д̇ан̣хаабхинанд̣̇анааяа вад̣̇анд̇и, ‘‘яаат̇аава’’нд̇и д̣̇идтаабхинанд̣̇анааяа. званд̇и звам̣ яат̇аавуд̇д̇аужчзд̣̇аабхинивзсанзна.
Aṭṭīyamānāti bhave jarārogamaraṇādīni vadhabandhanacchedanādīni ca disvā saṃvijjanena tehi samaṅgibhāvena bhavena pīḷiyamānā dukkhāpiyamānā. Harāyamānāti lajjamānā jigucchamānāti paṭikūlato dahantā. Vibhavanti ucchedaṃ. Abhinandantīti taṇhādiṭṭhābhinandanāhi ajjhosāya nandanti. Yatokirabhotiādi tesaṃ abhinandanākāradassanaṃ. Tattha yatoti yadā. Bhoti ālapanaṃ. Ayaṃ attāti kārakādibhāvena attanā parikappitaṃ sandhāya vadati. Ucchijjatīti upacchijjati. Vinassatīti na dissati, vināsaṃ abhāvaṃ gacchati. Na hoti paraṃ maraṇāti maraṇena uddhaṃ na bhavati. Etaṃ santanti yadetaṃ attano ucchedādi, etaṃ sabbabhavavūpasamato sabbasantāpavūpasamato ca santaṃ, santattā eva paṇītaṃ, tacchāviparītabhāvato yāthāvaṃ. Tattha ‘‘santaṃ paṇīta’’nti idaṃ dvayaṃ taṇhābhinandanāya vadanti, ‘‘yāthāva’’nti diṭṭhābhinandanāya. Evanti evaṃ yathāvuttaucchedābhinivesanena.
бхууд̇анд̇и канд̇хабан̃жагам̣. д̇ан̃хи бажжаяасамбхууд̇ад̇д̇аа барамад̇т̇ад̇о виж̇ж̇амаанад̇д̇аа жа бхууд̇анд̇и вужжад̇и. д̇знааха ‘‘бхууд̇амид̣̇ам̣, бхигкавз, саманубассат̇аа’’д̇и (ма. ни. 1.401). бхууд̇ад̇о авибарийд̇асабхаавад̇о салагкан̣ад̇о сааман̃н̃алагкан̣ад̇о жа бассад̇и. ид̣̇ан̃хи канд̇хабан̃жагам̣ наамаруубамад̇д̇ам̣. д̇ад̇т̇а ‘‘имз бат̇авийаад̣̇аяо д̇хаммаа руубам̣, имз пассаад̣̇аяо д̇хаммаа наамам̣, имаани нзсам̣ лагкан̣аад̣̇ийни, имз нзсам̣ авиж̇ж̇аад̣̇аяо бажжаяаа’’д̇и звам̣ сабажжаяанаамаруубад̣̇ассанавасзна жзва, ‘‘саб̣б̣збимз д̇хаммаа ахуд̇ваа самбхонд̇и, худ̇ваа бадивзнд̇и, д̇асмаа анижжаа, анижжад̇д̇аа д̣̇угкаа, д̣̇угкад̇д̇аа анад̇д̇аа’’д̇и звам̣ анижжаанубассанаад̣̇ивасзна жа бассад̇ийд̇и ад̇т̇о. зд̇д̇аавад̇аа д̇арун̣авибассанаабарияосаанаа вибассанаабхууми д̣̇ассид̇аа. ниб̣б̣ид̣̇ааяаад̇и бхууд̇асан̇каад̇асса д̇збхуумагад̇хаммаж̇аад̇асса ниб̣б̣инд̣̇анад̇т̇ааяа, зд̇зна б̣алававибассанам̣ д̣̇ассзд̇и. вирааг̇ааяаад̇и вирааг̇ад̇т̇ам̣ вираж̇ж̇анад̇т̇ам̣, иминаа маг̇г̇ам̣ д̣̇ассзд̇и. нирод̇хааяаад̇и нируж̇жханад̇т̇ам̣, иминааби маг̇г̇амзва д̣̇ассзд̇и. нирод̇хааяаад̇и ваа бадиббассад̣̇д̇хинирод̇хзна сад̣̇д̇хим̣ анубаад̣̇исзсаниб̣б̣аанам̣ д̣̇ассзд̇и. звам̣ ко, бхигкавз, жагкуманд̇о бассанд̇ийд̇и звам̣ бан̃н̃аажагкуманд̇о сабуб̣б̣абхааг̇зна маг̇г̇абан̃н̃аажагкунаа жад̇усажжад̇хаммам̣ бассанд̇и.
Bhūtanti khandhapañcakaṃ. Tañhi paccayasambhūtattā paramatthato vijjamānattā ca bhūtanti vuccati. Tenāha ‘‘bhūtamidaṃ, bhikkhave, samanupassathā’’ti (ma. ni. 1.401). Bhūtato aviparītasabhāvato salakkhaṇato sāmaññalakkhaṇato ca passati. Idañhi khandhapañcakaṃ nāmarūpamattaṃ. Tattha ‘‘ime pathavīādayo dhammā rūpaṃ, ime phassādayo dhammā nāmaṃ, imāni nesaṃ lakkhaṇādīni, ime nesaṃ avijjādayo paccayā’’ti evaṃ sapaccayanāmarūpadassanavasena ceva, ‘‘sabbepime dhammā ahutvā sambhonti, hutvā paṭiventi, tasmā aniccā, aniccattā dukkhā, dukkhattā anattā’’ti evaṃ aniccānupassanādivasena ca passatīti attho. Ettāvatā taruṇavipassanāpariyosānā vipassanābhūmi dassitā. Nibbidāyāti bhūtasaṅkhātassa tebhūmakadhammajātassa nibbindanatthāya, etena balavavipassanaṃ dasseti. Virāgāyāti virāgatthaṃ virajjanatthaṃ, iminā maggaṃ dasseti. Nirodhāyāti nirujjhanatthaṃ, imināpi maggameva dasseti. Nirodhāyāti vā paṭippassaddhinirodhena saddhiṃ anupādisesanibbānaṃ dasseti. Evaṃ kho, bhikkhave, cakkhumanto passantīti evaṃ paññācakkhumanto sapubbabhāgena maggapaññācakkhunā catusaccadhammaṃ passanti.
г̇аат̇аасу яз бхууд̇ам̣ бхууд̇ад̇о д̣̇исваад̇и яз арияасаавагаа бхууд̇ам̣ канд̇хабан̃жагам̣ бхууд̇ад̇о авибарийд̇асабхаавад̇о вибассанаабан̃н̃аасахид̇ааяа маг̇г̇абан̃н̃ааяа д̣̇исваа. зд̇зна барин̃н̃аабхисамаяам̣ д̣̇ассзд̇и. бхууд̇асса жа ад̇иггаманд̇и бхааванаабхисамаяам̣. арияамаг̇г̇о хи бхууд̇ам̣ ад̇иггамад̇и зд̇знаад̇и ‘‘бхууд̇асса ад̇иггамо’’д̇и вуд̇д̇о. яат̇аабхууд̇зд̇и авибарийд̇асажжасабхаавз ниб̣б̣аанз. вимужжанд̇и ад̇химужжанд̇и, зд̇зна сажчигирияаабхисамаяам̣ д̣̇ассзд̇и. бхавад̇ан̣хаабаригкаяаад̇и бхавад̇ан̣хааяа саб̣б̣асо кзбанаа самужчинд̣̇анад̇о, зд̇зна самуд̣̇аяаббахаанам̣ д̣̇ассзд̇и.
Gāthāsu ye bhūtaṃ bhūtato disvāti ye ariyasāvakā bhūtaṃ khandhapañcakaṃ bhūtato aviparītasabhāvato vipassanāpaññāsahitāya maggapaññāya disvā. Etena pariññābhisamayaṃ dasseti. Bhūtassa ca atikkamanti bhāvanābhisamayaṃ. Ariyamaggo hi bhūtaṃ atikkamati etenāti ‘‘bhūtassa atikkamo’’ti vutto. Yathābhūteti aviparītasaccasabhāve nibbāne. Vimuccanti adhimuccanti, etena sacchikiriyābhisamayaṃ dasseti. Bhavataṇhāparikkhayāti bhavataṇhāya sabbaso khepanā samucchindanato, etena samudayappahānaṃ dasseti.
савз бхууд̇абарин̃н̃о сод̇и зд̇т̇а бана савзд̇и нибаад̇амад̇д̇ам̣. со бхууд̇абарин̃н̃о бхууд̇асса ад̇иггамануубааязна маг̇г̇зна бхавад̇ан̣хаабаригкаяаа барин̃н̃аад̇агканд̇хо д̇ад̇о зва яат̇аабхууд̇з ниб̣б̣аанз ад̇химуд̇д̇о. бхаваабхавзд̇и куд̣̇д̣̇агз жзва маханд̇з жа, ужчзд̣̇аад̣̇ид̣̇ассанз ваа вийд̇ад̇ан̣хо бхиннагилзсо. бхигку бхууд̇асса убаад̣̇аанагканд̇хасан̇каад̇асса ад̇д̇абхаавасса вибхаваа, ааяад̇им̣ ануббаад̣̇аа бунаб̣бхавам̣ нааг̇ажчад̇и, абан̃н̃ад̇д̇игабхаавамзва г̇ажчад̇ийд̇и анубаад̣̇исзсааяа ниб̣б̣аанад̇хаад̇уяаа д̣̇зсанам̣ нидтаабзси.
Save bhūtapariñño soti ettha pana saveti nipātamattaṃ. So bhūtapariñño bhūtassa atikkamanūpāyena maggena bhavataṇhāparikkhayā pariññātakkhandho tato eva yathābhūte nibbāne adhimutto. Bhavābhaveti khuddake ceva mahante ca, ucchedādidassane vā vītataṇho bhinnakileso. Bhikkhu bhūtassa upādānakkhandhasaṅkhātassa attabhāvassa vibhavā, āyatiṃ anuppādā punabbhavaṃ nāgacchati, apaññattikabhāvameva gacchatīti anupādisesāya nibbānadhātuyā desanaṃ niṭṭhāpesi.
ид̇и имасмим̣ ваг̇г̇з згаад̣̇асамз ваддам̣ гат̇ид̇ам̣, д̇ад̇ияажад̇уд̇т̇абан̃жамзсу барияосаанасуд̇д̇з жа ваддавиваддам̣ гат̇ид̇ам̣, сзсзсу виваддамзваад̇и взд̣̇ид̇аб̣б̣ам̣.
Iti imasmiṃ vagge ekādasame vaṭṭaṃ kathitaṃ, tatiyacatutthapañcamesu pariyosānasutte ca vaṭṭavivaṭṭaṃ kathitaṃ, sesesu vivaṭṭamevāti veditabbaṃ.
д̣̇ваад̣̇асамасуд̇д̇аван̣н̣анаа нидтид̇аа.
Dvādasamasuttavaṇṇanā niṭṭhitā.
барамад̇т̇ад̣̇ийбанияаа куд̣̇д̣̇аганигааяа-адтагат̇ааяа
Paramatthadīpaniyā khuddakanikāya-aṭṭhakathāya
ид̇ивуд̇д̇агасса д̣̇уганибаад̇аван̣н̣анаа нидтид̇аа.
Itivuttakassa dukanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 12. д̣̇идтиг̇ад̇асуд̇д̇ам̣ • 12. Diṭṭhigatasuttaṃ
