| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
2. දිට්‌ඨිසුත්‌තං
2. Diṭṭhisuttaṃ
222. ‘‘චතූහි, භික්‌ඛවෙ, ධම්‌මෙහි සමන්‌නාගතො බාලො අබ්‍යත්‌තො අසප්‌පුරිසො ඛතං උපහතං අත්‌තානං පරිහරති, සාවජ්‌ජො ච හොති සානුවජ්‌ජො ච විඤ්‌ඤූනං; බහුඤ්‌ච අපුඤ්‌ඤං පසවති. කතමෙහි චතූහි? කායදුච්‌චරිතෙන, වචීදුච්‌චරිතෙන, මනොදුච්‌චරිතෙන, මිච්‌ඡාදිට්‌ඨියා – ඉමෙහි ඛො, භික්‌ඛවෙ, චතූහි ධම්‌මෙහි සමන්‌නාගතො බාලො අබ්‍යත්‌තො අසප්‌පුරිසො ඛතං උපහතං අත්‌තානං පරිහරති, සාවජ්‌ජො ච හොති සානුවජ්‌ජො ච විඤ්‌ඤූනං, බහුඤ්‌ච අපුඤ්‌ඤං පසවති.
222. ‘‘Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ; bahuñca apuññaṃ pasavati. Katamehi catūhi? Kāyaduccaritena, vacīduccaritena, manoduccaritena, micchādiṭṭhiyā – imehi kho, bhikkhave, catūhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati.
‘‘චතූහි, භික්‌ඛවෙ, ධම්‌මෙහි සමන්‌නාගතො පණ්‌ඩිතො වියත්‌තො සප්‌පුරිසො අක්‌ඛතං අනුපහතං අත්‌තානං පරිහරති, අනවජ්‌ජො ච හොති අනනුවජ්‌ජො විඤ්‌ඤූනං, බහුඤ්‌ච පුඤ්‌ඤං පසවති. කතමෙහි චතූහි? කායසුචරිතෙන, වචීසුචරිතෙන, මනොසුචරිතෙන, සම්‌මාදිට්‌ඨියා – ඉමෙහි ඛො, භික්‌ඛවෙ, චතූහි ධම්‌මෙහි සමන්‌නාගතො පණ්‌ඩිතො වියත්‌තො සප්‌පුරිසො අක්‌ඛතං අනුපහතං අත්‌තානං පරිහරති, අනවජ්‌ජො ච හොති අනනුවජ්‌ජො විඤ්‌ඤූනං; බහුඤ්‌ච පුඤ්‌ඤං පසවතී’’ති. දුතියං.
‘‘Catūhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavati. Katamehi catūhi? Kāyasucaritena, vacīsucaritena, manosucaritena, sammādiṭṭhiyā – imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ; bahuñca puññaṃ pasavatī’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / (23) 3. දුච්‌චරිතවග්‌ගවණ්‌ණනා • (23) 3. Duccaritavaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / (23) 3. දුච්‌චරිතවග්‌ගවණ්‌ණනා • (23) 3. Duccaritavaggavaṇṇanā
