| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
1. д̣̇иваасзяяавинижчаяагат̇аа
1. Divāseyyavinicchayakathā
1. д̇ад̇т̇а д̣̇иваасзяяаад̇и д̣̇иваанибаж̇ж̇анам̣. д̇ад̇рааяам̣ винижчаяо – ‘‘ануж̇аанаами, бхигкавз, д̣̇иваа бадисаллийяанд̇зна д̣̇ваарам̣ сам̣варид̇ваа бадисаллийяид̇у’’нд̇и (баараа. 77) важанад̇о д̣̇иваа нибаж̇ж̇анд̇зна д̣̇ваарам̣ сам̣варид̇ваа нибаж̇ж̇ид̇аб̣б̣ам̣. зд̇т̇а жа гин̃жааби баал̣ияам̣ ‘‘аяам̣ наама аабад̇д̇ий’’д̇и на вуд̇д̇аа, виварид̇ваа нибаннад̣̇осзна бана уббаннз вад̇т̇усмим̣ д̣̇ваарам̣ сам̣варид̇ваа нибаж̇ж̇ид̇ум̣ анун̃н̃аад̇ад̇д̇аа асам̣варид̇ваа нибаж̇ж̇анд̇асса адтагат̇ааяам̣ д̣̇уггадам̣ (баараа. адта. 1.77) вуд̇д̇ам̣. бхаг̇авад̇о хи ад̇хиббааяам̣ н̃ад̇ваа убаалид̇т̇зраад̣̇ийхи адтагат̇аа табид̇аа. ‘‘ад̇т̇аабад̇д̇и д̣̇иваа аабаж̇ж̇ад̇и, но рад̇д̇и’’нд̇и (бари. 323) иминааби жзд̇ам̣ сид̣̇д̇хам̣.
1. Tattha divāseyyāti divānipajjanaṃ. Tatrāyaṃ vinicchayo – ‘‘anujānāmi, bhikkhave, divā paṭisallīyantena dvāraṃ saṃvaritvā paṭisallīyitu’’nti (pārā. 77) vacanato divā nipajjantena dvāraṃ saṃvaritvā nipajjitabbaṃ. Ettha ca kiñcāpi pāḷiyaṃ ‘‘ayaṃ nāma āpattī’’ti na vuttā, vivaritvā nipannadosena pana uppanne vatthusmiṃ dvāraṃ saṃvaritvā nipajjituṃ anuññātattā asaṃvaritvā nipajjantassa aṭṭhakathāyaṃ dukkaṭaṃ (pārā. aṭṭha. 1.77) vuttaṃ. Bhagavato hi adhippāyaṃ ñatvā upālittherādīhi aṭṭhakathā ṭhapitā. ‘‘Atthāpatti divā āpajjati, no ratti’’nti (pari. 323) imināpi cetaṃ siddhaṃ.
2. гийд̣̇исам̣ бана д̣̇ваарам̣ сам̣варид̇аб̣б̣ам̣, гийд̣̇исам̣ на сам̣варид̇аб̣б̣ам̣? ругкабад̣̇аравзл̣убад̣̇арагилан̃ж̇абан̣н̣аад̣̇ийнам̣ язна гзнажи гаваадам̣ гад̇ваа хздтаа уд̣̇угкалз убари уд̇д̇арабаасагз жа бавзсзд̇ваа гад̇ам̣ баривад̇д̇агад̣̇ваарамзва сам̣варид̇аб̣б̣ам̣. ан̃н̃ам̣ г̇оруубаанам̣ важ̇зсу вияа ругкасуужиган̣дагад̣̇ваарам̣, г̇аамат̇аганагам̣ жаггалагаяуд̇д̇ад̣̇ваарам̣, палагзсу ваа гидигаасу ваа д̣̇вз д̇ийн̣и жаггалагаани яож̇зд̇ваа гад̇ам̣ сам̣саран̣агидигад̣̇ваарам̣, аабан̣зсу вияа гад̇ам̣ уг̇гхааданагидигад̣̇ваарам̣, д̣̇вийсу д̇ийсу таанзсу взл̣усалаагаа г̇обпзд̇ваа бан̣н̣агудийсу гад̇ам̣ салаагахад̇т̇агад̣̇ваарам̣, д̣̇уссасаан̣ид̣̇вааранд̇и зваруубам̣ д̣̇ваарам̣ на сам̣варид̇аб̣б̣ам̣. бад̇д̇ахад̇т̇асса гаваадаббан̣ааманз бана згам̣ д̣̇уссасаан̣ид̣̇ваарамзва анаабад̇д̇игарам̣, авасзсаани бан̣аамзнд̇асса аабад̇д̇и. д̣̇иваа бадисаллийяанд̇асса бана баривад̇д̇агад̣̇ваарамзва аабад̇д̇игарам̣, сзсаани сам̣варид̇ваа ваа асам̣варид̇ваа ваа нибаж̇ж̇анд̇асса аабад̇д̇и над̇т̇и, сам̣варид̇ваа бана нибаж̇ж̇ид̇аб̣б̣ам̣, зд̇ам̣ вад̇д̇ам̣.
2. Kīdisaṃ pana dvāraṃ saṃvaritabbaṃ, kīdisaṃ na saṃvaritabbaṃ? Rukkhapadaraveḷupadarakilañjapaṇṇādīnaṃ yena kenaci kavāṭaṃ katvā heṭṭhā udukkhale upari uttarapāsake ca pavesetvā kataṃ parivattakadvārameva saṃvaritabbaṃ. Aññaṃ gorūpānaṃ vajesu viya rukkhasūcikaṇṭakadvāraṃ, gāmathakanakaṃ cakkalakayuttadvāraṃ, phalakesu vā kiṭikāsu vā dve tīṇi cakkalakāni yojetvā kataṃ saṃsaraṇakiṭikadvāraṃ, āpaṇesu viya kataṃ ugghāṭanakiṭikadvāraṃ, dvīsu tīsu ṭhānesu veḷusalākā gopphetvā paṇṇakuṭīsu kataṃ salākahatthakadvāraṃ, dussasāṇidvāranti evarūpaṃ dvāraṃ na saṃvaritabbaṃ. Pattahatthassa kavāṭappaṇāmane pana ekaṃ dussasāṇidvārameva anāpattikaraṃ, avasesāni paṇāmentassa āpatti. Divā paṭisallīyantassa pana parivattakadvārameva āpattikaraṃ, sesāni saṃvaritvā vā asaṃvaritvā vā nipajjantassa āpatti natthi, saṃvaritvā pana nipajjitabbaṃ, etaṃ vattaṃ.
3. баривад̇д̇агад̣̇ваарам̣ гид̇д̇агзна сам̣вуд̇ам̣ ход̇и? суужигхадигаасу д̣̇иннаасу сам̣вуд̇амзва ход̇и. абижа ко суужимад̇д̇зби д̣̇иннз ваддад̇и, гхадигаамад̇д̇зби д̣̇иннз ваддад̇и, д̣̇ваараб̣аахам̣ пусид̇ваа табид̇амад̇д̇зби ваддад̇и, ийсагам̣ апусид̇зби ваддад̇и, саб̣б̣анд̇имзна вид̇хинаа яаавад̇аа сийсам̣ наббависад̇и, д̇аавад̇аа апусид̇зби ваддад̇и. сажз б̣ахуунам̣ вал̣ан̃ж̇анадтаанам̣ ход̇и, бхигкум̣ ваа сааман̣зрам̣ ваа ‘‘д̣̇ваарам̣, аавусо, ж̇аг̇г̇аахий’’д̇и вад̇вааби нибаж̇ж̇ид̇ум̣ ваддад̇и. ат̇а бхигкуу жийварагаммам̣ ваа ан̃н̃ам̣ ваа гин̃жи гаронд̇аа нисиннаа хонд̇и, ‘‘зд̇з д̣̇ваарам̣ ж̇аг̇г̇иссанд̇ий’’д̇и аабхог̇ам̣ гад̇вааби нибаж̇ж̇ид̇ум̣ ваддад̇и. гурунд̣̇адтагат̇ааяам̣ бана ‘‘убаасагамби аабужчид̇ваа ваа ‘зса ж̇аг̇г̇иссад̇ий’д̇и аабхог̇ам̣ гад̇ваа ваа нибаж̇ж̇ид̇ум̣ ваддад̇и, гзвалам̣ бхигкуним̣ ваа маад̇уг̇аамам̣ ваа аабужчид̇ум̣ на ваддад̇ий’’д̇и вуд̇д̇ам̣, д̇ам̣ яуд̇д̇ам̣. звам̣ саб̣б̣ад̇т̇аби яо яо т̇зраваад̣̇о ваа адтагат̇ааваад̣̇о ваа бажчаа вужжад̇и, со сова бамаан̣анд̇и г̇ахзд̇аб̣б̣ам̣.
3. Parivattakadvāraṃ kittakena saṃvutaṃ hoti? Sūcighaṭikāsu dinnāsu saṃvutameva hoti. Apica kho sūcimattepi dinne vaṭṭati, ghaṭikāmattepi dinne vaṭṭati, dvārabāhaṃ phusitvā ṭhapitamattepi vaṭṭati, īsakaṃ aphusitepi vaṭṭati, sabbantimena vidhinā yāvatā sīsaṃ nappavisati, tāvatā aphusitepi vaṭṭati. Sace bahūnaṃ vaḷañjanaṭṭhānaṃ hoti, bhikkhuṃ vā sāmaṇeraṃ vā ‘‘dvāraṃ, āvuso, jaggāhī’’ti vatvāpi nipajjituṃ vaṭṭati. Atha bhikkhū cīvarakammaṃ vā aññaṃ vā kiñci karontā nisinnā honti, ‘‘ete dvāraṃ jaggissantī’’ti ābhogaṃ katvāpi nipajjituṃ vaṭṭati. Kurundaṭṭhakathāyaṃ pana ‘‘upāsakampi āpucchitvā vā ‘esa jaggissatī’ti ābhogaṃ katvā vā nipajjituṃ vaṭṭati, kevalaṃ bhikkhuniṃ vā mātugāmaṃ vā āpucchituṃ na vaṭṭatī’’ti vuttaṃ, taṃ yuttaṃ. Evaṃ sabbatthapi yo yo theravādo vā aṭṭhakathāvādo vā pacchā vuccati, so sova pamāṇanti gahetabbaṃ.
4. ат̇а д̣̇ваарасса уд̣̇угкалам̣ ваа уд̇д̇арабаасаго ваа бхинно ход̇и адтабид̇о ваа, сам̣варид̇ум̣ на саггод̇и, навагаммад̇т̇ам̣ ваа бана идтагабун̃ж̇о ваа мад̇д̇игаад̣̇ийнам̣ ваа рааси анд̇од̣̇ваарз гад̇о ход̇и, аддам̣ ваа б̣анд̇ханд̇и, яат̇аа сам̣варид̇ум̣ на саггод̇и. зваруубз анд̇арааяз сад̇и асам̣варид̇вааби нибаж̇ж̇ид̇ум̣ ваддад̇и. яад̣̇и бана гаваадам̣ над̇т̇и, лад̣̇д̇хагаббамзва. убари саяанд̇зна ниссзн̣им̣ ааробзд̇ваа нибаж̇ж̇ид̇аб̣б̣ам̣. сажз ниссзн̣имад̇т̇агз т̇аганагам̣ ход̇и, т̇агзд̇вааби нибаж̇ж̇ид̇аб̣б̣ам̣. г̇аб̣бхз нибаж̇ж̇анд̇зна г̇аб̣бхад̣̇ваарам̣ ваа бамукад̣̇ваарам̣ ваа яам̣ гин̃жи сам̣варид̇ваа нибаж̇ж̇ид̇ум̣ ваддад̇и. сажз згагуддагз г̇зхз д̣̇вийсу бассзсу д̣̇ваараани гад̇ваа вал̣ан̃ж̇анд̇и, д̣̇взби д̣̇ваараани ж̇аг̇г̇ид̇аб̣б̣аани, д̇ибхуумагзби баасаад̣̇з д̣̇ваарам̣ ж̇аг̇г̇ид̇аб̣б̣амзва. сажз бхигкаажаараа бадиггамма лохабаасаад̣̇асад̣̇исам̣ баасаад̣̇ам̣ б̣ахуу бхигкуу д̣̇иваавихаарад̇т̇ам̣ бависанд̇и, сан̇гхад̇т̇зрзна д̣̇ваарабааласса ‘‘д̣̇ваарам̣ ж̇аг̇г̇аахий’’д̇и вад̇ваа ваа ‘‘д̣̇ваараж̇аг̇г̇анам̣ наама зд̇асса бхааро’’д̇и аабхог̇ам̣ гад̇ваа ваа бависид̇ваа нибаж̇ж̇ид̇аб̣б̣ам̣. яаава сан̇гханавагзна звамзва гаад̇аб̣б̣ам̣. бурз бависанд̇аанам̣ ‘‘д̣̇ваараж̇аг̇г̇анам̣ наама бажчимаанам̣ бхааро’’д̇и звам̣ аабхог̇ам̣ гаад̇умби ваддад̇и. анаабужчаа ваа аабхог̇ам̣ агад̇ваа ваа анд̇ог̇аб̣бхз ваа асам̣вуд̇ад̣̇ваарз б̣ахи ваа нибаж̇ж̇анд̇аанам̣ аабад̇д̇и. г̇аб̣бхз ваа б̣ахи ваа нибаж̇ж̇анагаалзби ‘‘д̣̇ваараж̇аг̇г̇анам̣ наама махаад̣̇ваарз д̣̇ваарабааласса бхааро’’д̇и аабхог̇ам̣ гад̇ваа нибаж̇ж̇ид̇ум̣ ваддад̇иязва. звам̣ лохабаасаад̣̇аад̣̇ийсу аагаасад̇алз нибаж̇ж̇анд̇знаби д̣̇ваарам̣ сам̣варид̇аб̣б̣амзва.
4. Atha dvārassa udukkhalaṃ vā uttarapāsako vā bhinno hoti aṭṭhapito vā, saṃvarituṃ na sakkoti, navakammatthaṃ vā pana iṭṭhakapuñjo vā mattikādīnaṃ vā rāsi antodvāre kato hoti, aṭṭaṃ vā bandhanti, yathā saṃvarituṃ na sakkoti. Evarūpe antarāye sati asaṃvaritvāpi nipajjituṃ vaṭṭati. Yadi pana kavāṭaṃ natthi, laddhakappameva. Upari sayantena nisseṇiṃ āropetvā nipajjitabbaṃ. Sace nisseṇimatthake thakanakaṃ hoti, thaketvāpi nipajjitabbaṃ. Gabbhe nipajjantena gabbhadvāraṃ vā pamukhadvāraṃ vā yaṃ kiñci saṃvaritvā nipajjituṃ vaṭṭati. Sace ekakuṭṭake gehe dvīsu passesu dvārāni katvā vaḷañjanti, dvepi dvārāni jaggitabbāni, tibhūmakepi pāsāde dvāraṃ jaggitabbameva. Sace bhikkhācārā paṭikkamma lohapāsādasadisaṃ pāsādaṃ bahū bhikkhū divāvihāratthaṃ pavisanti, saṅghattherena dvārapālassa ‘‘dvāraṃ jaggāhī’’ti vatvā vā ‘‘dvārajagganaṃ nāma etassa bhāro’’ti ābhogaṃ katvā vā pavisitvā nipajjitabbaṃ. Yāva saṅghanavakena evameva kātabbaṃ. Pure pavisantānaṃ ‘‘dvārajagganaṃ nāma pacchimānaṃ bhāro’’ti evaṃ ābhogaṃ kātumpi vaṭṭati. Anāpucchā vā ābhogaṃ akatvā vā antogabbhe vā asaṃvutadvāre bahi vā nipajjantānaṃ āpatti. Gabbhe vā bahi vā nipajjanakālepi ‘‘dvārajagganaṃ nāma mahādvāre dvārapālassa bhāro’’ti ābhogaṃ katvā nipajjituṃ vaṭṭatiyeva. Evaṃ lohapāsādādīsu ākāsatale nipajjantenapi dvāraṃ saṃvaritabbameva.
аяан̃хзд̇т̇а сан̇кзбо – ид̣̇ам̣ д̣̇иваабадисаллийяанам̣ язна гзнажи баригкид̇д̇з сад̣̇ваараб̣анд̇хз таанз гат̇ид̇ам̣, д̇асмаа аб̣бхогаасз ваа ругкамуулз ваа ман̣д̣абз ваа яад̇т̇а гад̇т̇ажи сад̣̇ваараб̣анд̇хз нибаж̇ж̇анд̇зна д̣̇ваарам̣ сам̣варид̇ваава нибаж̇ж̇ид̇аб̣б̣ам̣. сажз махаабаривзн̣ам̣ ход̇и махааб̣од̇хияан̇г̇ан̣алохабаасаад̣̇ан̇г̇ан̣асад̣̇исам̣ б̣ахуунам̣ осаран̣адтаанам̣, яад̇т̇а д̣̇ваарам̣ сам̣вуд̇амби сам̣вуд̇адтаанз на д̇идтад̇и, д̣̇ваарам̣ алабханд̇аа баагаарам̣ аарухид̇вааби вижаранд̇и, д̇ад̇т̇а сам̣варан̣агижжам̣ над̇т̇и. рад̇д̇им̣ д̣̇ваарам̣ виварид̇ваа нибанно арун̣з уг̇г̇ад̇з вудтаад̇и, анаабад̇д̇и. сажз бана баб̣уж̇жхид̇ваа буна субад̇и, аабад̇д̇и. яо бана ‘‘арун̣з уг̇г̇ад̇з вудтахиссаамий’’д̇и барижчинд̣̇ид̇ваава д̣̇ваарам̣ асам̣варид̇ваа рад̇д̇им̣ нибаж̇ж̇ад̇и, яат̇аабарижчзд̣̇амзва вудтаад̇и, д̇асса аабад̇д̇иязва. махаабажжарияам̣ бана ‘‘звам̣ нибаж̇ж̇анд̇о анаад̣̇арияад̣̇уггадааби на мужжад̇ий’’д̇и вуд̇д̇ам̣.
Ayañhettha saṅkhepo – idaṃ divāpaṭisallīyanaṃ yena kenaci parikkhitte sadvārabandhe ṭhāne kathitaṃ, tasmā abbhokāse vā rukkhamūle vā maṇḍape vā yattha katthaci sadvārabandhe nipajjantena dvāraṃ saṃvaritvāva nipajjitabbaṃ. Sace mahāpariveṇaṃ hoti mahābodhiyaṅgaṇalohapāsādaṅgaṇasadisaṃ bahūnaṃ osaraṇaṭṭhānaṃ, yattha dvāraṃ saṃvutampi saṃvutaṭṭhāne na tiṭṭhati, dvāraṃ alabhantā pākāraṃ āruhitvāpi vicaranti, tattha saṃvaraṇakiccaṃ natthi. Rattiṃ dvāraṃ vivaritvā nipanno aruṇe uggate vuṭṭhāti, anāpatti. Sace pana pabujjhitvā puna supati, āpatti. Yo pana ‘‘aruṇe uggate vuṭṭhahissāmī’’ti paricchinditvāva dvāraṃ asaṃvaritvā rattiṃ nipajjati, yathāparicchedameva vuṭṭhāti, tassa āpattiyeva. Mahāpaccariyaṃ pana ‘‘evaṃ nipajjanto anādariyadukkaṭāpi na muccatī’’ti vuttaṃ.
5. яо бана б̣ахуд̣̇зва рад̇д̇им̣ ж̇аг̇г̇ид̇ваа ад̣̇д̇хаанам̣ ваа г̇анд̇ваа д̣̇иваа гиланд̇аруубо ман̃жз нисинно баад̣̇з бхуумид̇о аможзд̇ваава нид̣̇д̣̇аавасзна нибаж̇ж̇ад̇и, д̇асса анаабад̇д̇и. сажз огганд̇анид̣̇д̣̇о аж̇аананд̇оби баад̣̇з ман̃жагам̣ ааробзд̇и, аабад̇д̇иязва. нисийд̣̇ид̇ваа абассааяа субанд̇асса анаабад̇д̇и. яоби жа ‘‘нид̣̇д̣̇ам̣ винод̣̇зссаамий’’д̇и жан̇гаманд̇о бад̇ид̇ваа сахасаа вудтаад̇и, д̇ассаби анаабад̇д̇и. яо бана бад̇ид̇ваа д̇ад̇т̇зва саяад̇и, на вудтаад̇и, д̇асса аабад̇д̇и.
5. Yo pana bahudeva rattiṃ jaggitvā addhānaṃ vā gantvā divā kilantarūpo mañce nisinno pāde bhūmito amocetvāva niddāvasena nipajjati, tassa anāpatti. Sace okkantaniddo ajānantopi pāde mañcakaṃ āropeti, āpattiyeva. Nisīditvā apassāya supantassa anāpatti. Yopi ca ‘‘niddaṃ vinodessāmī’’ti caṅkamanto patitvā sahasā vuṭṭhāti, tassapi anāpatti. Yo pana patitvā tattheva sayati, na vuṭṭhāti, tassa āpatti.
го мужжад̇и, го на мужжад̇ийд̇и? махаабажжарияам̣ д̇аава ‘‘згабхан̇г̇зна нибаннаго зва мужжад̇и. баад̣̇з бана бхуумид̇о можзд̇ваа нибанноби яагкаг̇ахид̇агоби висан̃н̃ийбхууд̇оби на мужжад̇ий’’д̇и вуд̇д̇ам̣. гурунд̣̇адтагат̇ааяам̣ бана ‘‘б̣анд̇хид̇ваа нибаж̇ж̇аабид̇ова мужжад̇ий’’д̇и вуд̇д̇ам̣. махааадтагат̇ааяам̣ бана ‘‘яо жан̇гаманд̇о мужчид̇ваа бад̇ид̇о д̇ад̇т̇зва субад̇и, д̇ассаби ависаяад̇ааяа аабад̇д̇и на д̣̇иссад̇и. аажарияаа бана звам̣ на гат̇аяанд̇и, д̇асмаа аабад̇д̇иязваад̇и махаабад̣̇умад̇т̇зрзна вуд̇д̇ам̣. д̣̇вз бана ж̇анаа аабад̇д̇ид̇о мужжанд̇иязва, яо жа яагкаг̇ахид̇аго, яо жа б̣анд̇хид̇ваа нибаж̇ж̇аабид̇о’’д̇и.
Ko muccati, ko na muccatīti? Mahāpaccariyaṃ tāva ‘‘ekabhaṅgena nipannako eva muccati. Pāde pana bhūmito mocetvā nipannopi yakkhagahitakopi visaññībhūtopi na muccatī’’ti vuttaṃ. Kurundaṭṭhakathāyaṃ pana ‘‘bandhitvā nipajjāpitova muccatī’’ti vuttaṃ. Mahāaṭṭhakathāyaṃ pana ‘‘yo caṅkamanto mucchitvā patito tattheva supati, tassapi avisayatāya āpatti na dissati. Ācariyā pana evaṃ na kathayanti, tasmā āpattiyevāti mahāpadumattherena vuttaṃ. Dve pana janā āpattito muccantiyeva, yo ca yakkhagahitako, yo ca bandhitvā nipajjāpito’’ti.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
д̣̇иваасзяяавинижчаяагат̇аа самад̇д̇аа.
Divāseyyavinicchayakathā samattā.
