| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. д̣̇он̣аб̣раахман̣асуд̇д̇аван̣н̣анаа
2. Doṇabrāhmaṇasuttavaṇṇanā
192. д̣̇уд̇ияз д̇вамби нод̇и д̇вамби ну. бавад̇д̇аарод̇и бавад̇д̇аяид̇ааро. язсанд̇и язсам̣ санд̇агам̣. манд̇абад̣̇анд̇и взд̣̇асан̇каад̇ам̣ манд̇амзва. г̇ийд̇анд̇и адтагаад̣̇ийхи д̣̇асахи бораан̣агаб̣раахман̣зхи сарасамбад̇д̇ивасзна саж̇жхааяид̇ам̣. бавуд̇д̇анд̇и ан̃н̃зсам̣ вуд̇д̇ам̣, ваажид̇анд̇и ад̇т̇о. самийхид̇анд̇и самубаб̣яуул̣хам̣ раасигад̇ам̣, бин̣д̣ам̣ гад̇ваа табид̇анд̇и ад̇т̇о. д̇ад̣̇ануг̇ааяанд̇ийд̇и зд̇арахи б̣раахман̣аа д̇ам̣ д̇зхи буб̣б̣зхи г̇ийд̇ам̣ ануг̇ааяанд̇и анусаж̇жхааяанд̇и. д̇ад̣̇анубхаасанд̇ийд̇и д̇ам̣ анубхаасанд̇и. ид̣̇ам̣ буримассзва взважанам̣. бхаасид̇аманубхаасанд̇ийд̇и д̇зхи бхаасид̇ам̣ анубхаасанд̇и. саж̇жхааяид̇аманусаж̇жхааяанд̇ийд̇и д̇зхи саж̇жхааяид̇ам̣ анусаж̇жхааяанд̇и. ваажид̇амануваажзнд̇ийд̇и д̇зхи ан̃н̃зсам̣ ваажид̇ам̣ ануваажзнд̇и. сзяяат̇ид̣̇анд̇и д̇з гад̇амзд̇и ад̇т̇о. адтагод̇иаад̣̇ийни д̇зсам̣ наамаани. д̇з гира д̣̇иб̣б̣зна жагкунаа ологзд̇ваа баруубагхаад̇ам̣ агад̇ваа гассабасаммаасамб̣уд̣̇д̇хасса бхаг̇авад̇о бааважанзна саха сам̣санд̣̇зд̇ваа манд̇з г̇ант̇зсум̣. абараабарз бана б̣раахман̣аа баан̣аад̇ибаад̇аад̣̇ийни багкибид̇ваа д̇аяо взд̣̇з бхинд̣̇ид̇ваа б̣уд̣̇д̇хаважанзна сад̣̇д̇хим̣ вируд̣̇д̇хз агам̣су. д̇яаассу’мзд̇и зд̇т̇а ассууд̇и нибаад̇амад̇д̇ам̣, д̇з б̣раахман̣аа имз бан̃жа б̣раахман̣з бан̃н̃аабзнд̇ийд̇и ад̇т̇о.
192. Dutiye tvampi noti tvampi nu. Pavattāroti pavattayitāro. Yesanti yesaṃ santakaṃ. Mantapadanti vedasaṅkhātaṃ mantameva. Gītanti aṭṭhakādīhi dasahi porāṇakabrāhmaṇehi sarasampattivasena sajjhāyitaṃ. Pavuttanti aññesaṃ vuttaṃ, vācitanti attho. Samīhitanti samupabyūḷhaṃ rāsikataṃ, piṇḍaṃ katvā ṭhapitanti attho. Tadanugāyantīti etarahi brāhmaṇā taṃ tehi pubbehi gītaṃ anugāyanti anusajjhāyanti. Tadanubhāsantīti taṃ anubhāsanti. Idaṃ purimasseva vevacanaṃ. Bhāsitamanubhāsantīti tehi bhāsitaṃ anubhāsanti. Sajjhāyitamanusajjhāyantīti tehi sajjhāyitaṃ anusajjhāyanti. Vācitamanuvācentīti tehi aññesaṃ vācitaṃ anuvācenti. Seyyathidanti te katameti attho. Aṭṭhakotiādīni tesaṃ nāmāni. Te kira dibbena cakkhunā oloketvā parūpaghātaṃ akatvā kassapasammāsambuddhassa bhagavato pāvacanena saha saṃsandetvā mante ganthesuṃ. Aparāpare pana brāhmaṇā pāṇātipātādīni pakkhipitvā tayo vede bhinditvā buddhavacanena saddhiṃ viruddhe akaṃsu. Tyāssu’meti ettha assūti nipātamattaṃ, te brāhmaṇā ime pañca brāhmaṇe paññāpentīti attho.
манд̇з ад̇хийяамаанод̇и взд̣̇з саж̇жхааяанд̇о г̇ан̣ханд̇о. аажарияад̇хананд̇и аажарияад̣̇агкин̣ам̣ аажарияабхааг̇ам̣. на иссад̇т̇знаад̇и на яод̇хааж̇ийвагаммзна уббаад̣̇зд̇и. на рааж̇аборисзнаад̇и на рааж̇убадтаагабхаавзна. гзвалам̣ бхигкаажарияааяаад̇и суд̣̇д̇хааяа бхигкаажарияааяа зва. габаалам̣ анад̇иман̃н̃амаанод̇и д̇ам̣ бхигкаабхааж̇анам̣ анад̇иман̃н̃амаано. со хи бун̣н̣абад̇д̇ам̣ аад̣̇ааяа сийсам̣ нхаад̇о гулад̣̇ваарзсу тад̇ваа ‘‘ахам̣ адтажад̇д̇аалийса вассаани гомаараб̣рахмажарияам̣ жарим̣, манд̇ааби мз г̇ахид̇аа, аажарияасса аажарияад̇ханам̣ д̣̇ассаами, д̇ханам̣ мз д̣̇зт̇аа’’д̇и яаажад̇и. д̇ам̣ суд̇ваа мануссаа яат̇аасад̇д̇и яат̇ааб̣алам̣ адтаби сол̣асаби сад̇амби сахассамби д̣̇знд̇и. звам̣ сагалаг̇аамам̣ жарид̇ваа лад̣̇д̇хад̇ханам̣ аажарияасса нияяаад̣̇зд̇и. д̇ам̣ санд̇хааязд̇ам̣ вуд̇д̇ам̣. звам̣ ко д̣̇он̣а б̣раахман̣о б̣рахмасамо ход̇ийд̇и звам̣ б̣рахмавихаарзхи саманнааг̇ад̇ад̇д̇аа б̣раахман̣о б̣рахмасамо наама ход̇и.
Mante adhīyamānoti vede sajjhāyanto gaṇhanto. Ācariyadhananti ācariyadakkhiṇaṃ ācariyabhāgaṃ. Na issatthenāti na yodhājīvakammena uppādeti. Na rājaporisenāti na rājupaṭṭhākabhāvena. Kevalaṃ bhikkhācariyāyāti suddhāya bhikkhācariyāya eva. Kapālaṃanatimaññamānoti taṃ bhikkhābhājanaṃ anatimaññamāno. So hi puṇṇapattaṃ ādāya sīsaṃ nhāto kuladvāresu ṭhatvā ‘‘ahaṃ aṭṭhacattālīsa vassāni komārabrahmacariyaṃ cariṃ, mantāpi me gahitā, ācariyassa ācariyadhanaṃ dassāmi, dhanaṃ me dethā’’ti yācati. Taṃ sutvā manussā yathāsatti yathābalaṃ aṭṭhapi soḷasapi satampi sahassampi denti. Evaṃ sakalagāmaṃ caritvā laddhadhanaṃ ācariyassa niyyādeti. Taṃ sandhāyetaṃ vuttaṃ. Evaṃ kho doṇa brāhmaṇo brahmasamo hotīti evaṃ brahmavihārehi samannāgatattā brāhmaṇo brahmasamo nāma hoti.
нзва гаязна на виггаязнаад̇и нзва ад̇д̇анаа гаяам̣ гад̇ваа г̇ан̣хаад̇и, на барзна виггаяам̣ гад̇ваа д̣̇иннам̣. уд̣̇агуубассадтанд̇и уд̣̇агзна убассадтам̣ барижжад̇д̇ам̣. со хи яасмим̣ гулз ваяаббад̇д̇аа д̣̇ааригаа ад̇т̇и, г̇анд̇ваа д̇асса д̣̇ваарз д̇идтад̇и. ‘‘гасмаа тид̇осий’’д̇и вуд̇д̇з ‘‘ахам̣ адтажад̇д̇аалийса вассаани гомаараб̣рахмажарияам̣ жарим̣, д̇ам̣ саб̣б̣ам̣ д̇умхаагам̣ д̣̇зми, д̇умхз маяхам̣ д̣̇ааригам̣ д̣̇зт̇аа’’д̇и вад̣̇ад̇и. д̇з д̣̇ааригам̣ аанзд̇ваа д̇асса хад̇т̇з уд̣̇агам̣ баад̇зд̇ваа д̣̇знд̇и. со д̇ам̣ уд̣̇агуубассадтам̣ бхарияам̣ г̇ан̣хид̇ваа г̇ажчад̇и. ад̇имийл̣хаж̇од̇и ад̇имийл̣хз махааг̇уут̇араасимхи ж̇аад̇о. д̇асса саад̇и д̇асса зсаа. на д̣̇авад̇т̇аад̇и на гийл̣анад̇т̇аа. на рад̇ад̇т̇аад̇и на гаамарад̇иад̇т̇аа. мзт̇унам̣ уббаад̣̇зд̇ваад̇и д̇хийд̇арам̣ ваа буд̇д̇ам̣ ваа уббаад̣̇зд̇ваа ‘‘ид̣̇аани бавзн̣и гхадийяиссад̇ий’’д̇и нигкамид̇ваа баб̣б̣аж̇ад̇и. суг̇ад̇им̣ саг̇г̇ам̣ логанд̇и б̣рахмалогамзва санд̇хааязд̇ам̣ вуд̇д̇ам̣. д̣̇звасамо ход̇ийд̇и д̣̇иб̣б̣авихаарзхи саманнааг̇ад̇ад̇д̇аа д̣̇звасамо наама ход̇и.
Nevakayena na vikkayenāti neva attanā kayaṃ katvā gaṇhāti, na parena vikkayaṃ katvā dinnaṃ. Udakūpassaṭṭhanti udakena upassaṭṭhaṃ pariccattaṃ. So hi yasmiṃ kule vayappattā dārikā atthi, gantvā tassa dvāre tiṭṭhati. ‘‘Kasmā ṭhitosī’’ti vutte ‘‘ahaṃ aṭṭhacattālīsa vassāni komārabrahmacariyaṃ cariṃ, taṃ sabbaṃ tumhākaṃ demi, tumhe mayhaṃ dārikaṃ dethā’’ti vadati. Te dārikaṃ ānetvā tassa hatthe udakaṃ pātetvā denti. So taṃ udakūpassaṭṭhaṃ bhariyaṃ gaṇhitvā gacchati. Atimīḷhajoti atimīḷhe mahāgūtharāsimhi jāto. Tassa sāti tassa esā. Na davatthāti na kīḷanatthā. Na ratatthāti na kāmaratiatthā. Methunaṃuppādetvāti dhītaraṃ vā puttaṃ vā uppādetvā ‘‘idāni paveṇi ghaṭīyissatī’’ti nikkhamitvā pabbajati. Sugatiṃ saggaṃ lokanti brahmalokameva sandhāyetaṃ vuttaṃ. Devasamo hotīti dibbavihārehi samannāgatattā devasamo nāma hoti.
д̇амзва буд̇д̇ассаад̣̇ам̣ нигаамаяамаанод̇и яваасса д̇хийд̇арам̣ ваа буд̇д̇ам̣ ваа ж̇аад̇ам̣ д̣̇исваа буд̇д̇абзмам̣ буд̇д̇ассаад̣̇о уббаж̇ж̇ад̇и, д̇ам̣ бад̇т̇аяамаано ижчамаано. гудумб̣ам̣ аж̇жхаавасад̇ийд̇и гудумб̣ам̣ сан̣табзд̇ваа гудумб̣амаж̇жхз васад̇и. сзсамзд̇т̇а уд̇д̇аанамзваад̇и.
Tameva puttassādaṃ nikāmayamānoti yvāssa dhītaraṃ vā puttaṃ vā jātaṃ disvā puttapemaṃ puttassādo uppajjati, taṃ patthayamāno icchamāno. Kuṭumbaṃ ajjhāvasatīti kuṭumbaṃ saṇṭhapetvā kuṭumbamajjhe vasati. Sesamettha uttānamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. д̣̇он̣аб̣раахман̣асуд̇д̇ам̣ • 2. Doṇabrāhmaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. д̣̇он̣аб̣раахман̣асуд̇д̇аван̣н̣анаа • 2. Doṇabrāhmaṇasuttavaṇṇanā
