| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. д̣̇он̣аб̣раахман̣асуд̇д̇аван̣н̣анаа
2. Doṇabrāhmaṇasuttavaṇṇanā
192. д̣̇уд̇ияз бавад̇д̇аарод̇и (д̣̇ий. ни. дий. 1.285) бааважанабхаавзна вад̇д̇ааро. яасмаа д̇з д̇зсам̣ манд̇аанам̣ бавад̇д̇анагаа, д̇асмаа ааха ‘‘бавад̇д̇аяид̇ааро’’д̇и. суд̣̇д̣̇з б̣ахи гад̇ваа рахобхаасид̇аб̣б̣адтзна манд̇аа зва д̇ам̣д̇ам̣ад̇т̇аббадибад̇д̇ихзд̇уд̇ааяа манд̇абад̣̇ам̣. анубанийд̇аасаад̇хааран̣ад̇ааяа рахассабхаавзна вад̇д̇аб̣б̣агирияааяа ад̇хиг̇амуубааяам̣. саж̇жхааяид̇анд̇и г̇ааяанавасзна саж̇жхааяид̇ам̣. д̇ам̣ бана уд̣̇ад̇д̇аануд̣̇ад̇д̇аад̣̇ийнам̣ сараанам̣ самбад̣̇аавасзнзва ижчид̇анд̇и ааха ‘‘сарасамбад̇д̇ивасзнаа’’д̇и. ан̃н̃зсам̣ вуд̇д̇анд̇и бааважанабхаавзна ан̃н̃зсам̣ вуд̇д̇ам̣. самубаб̣яуул̣ханд̇и сан̇г̇ахзд̇ваа убаруубари сан̃н̃уул̣хам̣. раасигад̇анд̇и ирувзд̣̇аяаж̇увзд̣̇асаамавзд̣̇аад̣̇ивасзна, д̇ад̇т̇ааби бажжзгам̣ манд̇аб̣рахмаад̣̇ивасзна, аж̇жхааяаануваагаад̣̇ивасзна жа раасигад̇ам̣. д̇зсанд̇и манд̇аанам̣ гад̇д̇уунам̣. д̣̇иб̣б̣зна жагкунаа ологзд̇ваад̇и д̣̇иб̣б̣ажагкубарибхан̣д̣зна яат̇аагаммуубаг̇ан̃аан̣зна сад̇д̇аанам̣ гаммассагад̇аад̣̇им̣, бажжагкад̇о д̣̇ассанадтзна д̣̇иб̣б̣ажагкусад̣̇исзна буб̣б̣зниваасан̃аан̣зна ад̇ийд̇агаббз б̣раахман̣аанам̣ манд̇аж̇жхзнавид̇хин̃жа ологзд̇ваа. бааважанзна саха сам̣санд̣̇зд̇ваад̇и гассабасаммаасамб̣уд̣̇д̇хасса яам̣ важанам̣ ваддасанниссид̇ам̣, д̇зна саха авируд̣̇д̇хам̣ гад̇ваа. на хи д̇зсам̣ виваддасанниссид̇о ад̇т̇о бажжагко ход̇и. абараабарзд̇и адтагаад̣̇ийхи абараабарз бажчимаа оггаагарааж̇агаалаад̣̇ийсу уббаннаа. багкибид̇ваад̇и адтагаад̣̇ийхи г̇ант̇ид̇аманд̇абад̣̇зсу гилзсасанниссид̇абад̣̇аанам̣ д̇ад̇т̇а д̇ад̇т̇а бад̣̇з багкибанам̣ гад̇ваа. вируд̣̇д̇хз агам̣сууд̇и б̣раахман̣ад̇хаммигасуд̇д̇аад̣̇ийсу (су. ни. б̣раахман̣ад̇хаммигасуд̇д̇ам̣ 286 аад̣̇аяо) ааг̇ад̇анаязна сам̣гилзсад̇т̇ад̣̇ийбанад̇о бажжанийгабхууд̇з агам̣су.
192. Dutiye pavattāroti (dī. ni. ṭī. 1.285) pāvacanabhāvena vattāro. Yasmā te tesaṃ mantānaṃ pavattanakā, tasmā āha ‘‘pavattayitāro’’ti. Sudde bahi katvā rahobhāsitabbaṭṭhena mantā eva taṃtaṃatthappaṭipattihetutāya mantapadaṃ. Anupanītāsādhāraṇatāya rahassabhāvena vattabbakiriyāya adhigamūpāyaṃ. Sajjhāyitanti gāyanavasena sajjhāyitaṃ. Taṃ pana udattānudattādīnaṃ sarānaṃ sampadāvaseneva icchitanti āha ‘‘sarasampattivasenā’’ti. Aññesaṃ vuttanti pāvacanabhāvena aññesaṃ vuttaṃ. Samupabyūḷhanti saṅgahetvā uparūpari saññūḷhaṃ. Rāsikatanti iruvedayajuvedasāmavedādivasena, tatthāpi paccekaṃ mantabrahmādivasena, ajjhāyānuvākādivasena ca rāsikataṃ. Tesanti mantānaṃ kattūnaṃ. Dibbena cakkhunā oloketvāti dibbacakkhuparibhaṇḍena yathākammūpagañāṇena sattānaṃ kammassakatādiṃ, paccakkhato dassanaṭṭhena dibbacakkhusadisena pubbenivāsañāṇena atītakappe brāhmaṇānaṃ mantajjhenavidhiñca oloketvā. Pāvacanena saha saṃsandetvāti kassapasammāsambuddhassa yaṃ vacanaṃ vaṭṭasannissitaṃ, tena saha aviruddhaṃ katvā. Na hi tesaṃ vivaṭṭasannissito attho paccakkho hoti. Aparāpareti aṭṭhakādīhi aparāpare pacchimā okkākarājakālādīsu uppannā. Pakkhipitvāti aṭṭhakādīhi ganthitamantapadesu kilesasannissitapadānaṃ tattha tattha pade pakkhipanaṃ katvā. Viruddhe akaṃsūti brāhmaṇadhammikasuttādīsu (su. ni. brāhmaṇadhammikasuttaṃ 286 ādayo) āgatanayena saṃkilesatthadīpanato paccanīkabhūte akaṃsu.
усуунам̣ асанагаммам̣ иссад̇т̇ам̣, д̇ханусиббзна ж̇ийвигаа. ид̇ха бана иссад̇т̇ам̣ вияаад̇и иссад̇т̇ам̣, саб̣б̣ааавуд̇хаж̇ийвигаад̇и ааха ‘‘яод̇хааж̇ийвагаммзнаа’’д̇и, аавуд̇хам̣ г̇ахзд̇ваа убадтаанагаммзнаад̇и ад̇т̇о. рааж̇аборисам̣ наама винаа аавуд̇хзна борохзжжаамажжагаммаад̣̇ирааж̇агаммам̣ гад̇ваа рааж̇убадтаанам̣. сиббан̃н̃ад̇арзнаад̇и г̇ахид̇аавасзсзна хад̇т̇иассасиббаад̣̇инаа. гумаарабхаавад̇о бабхуд̇и жаран̣зна гомаараб̣рахмажарияам̣.
Usūnaṃ asanakammaṃ issatthaṃ, dhanusippena jīvikā. Idha pana issatthaṃ viyāti issatthaṃ, sabbaāvudhajīvikāti āha ‘‘yodhājīvakammenā’’ti, āvudhaṃ gahetvā upaṭṭhānakammenāti attho. Rājaporisaṃ nāma vinā āvudhena poroheccāmaccakammādirājakammaṃ katvā rājupaṭṭhānaṃ. Sippaññatarenāti gahitāvasesena hatthiassasippādinā. Kumārabhāvato pabhuti caraṇena komārabrahmacariyaṃ.
уд̣̇агам̣ баад̇зд̇ваа д̣̇знд̇ийд̇и д̣̇ваарз тид̇ассзва б̣раахман̣асса хад̇т̇з уд̣̇агам̣ аасин̃жанд̇аа ‘‘ид̣̇ам̣ д̇з, б̣раахман̣а, бхарияам̣ босаабанад̇т̇ааяа д̣̇змаа’’д̇и вад̇ваа д̣̇знд̇и. гасмаа бана д̇з звам̣ б̣рахмажарияам̣ жарид̇вааби д̣̇аарам̣ бариязсанд̇и, на яааваж̇ийвам̣ б̣рахмажаарино хонд̇ийд̇и? мижчаад̣̇идтивасзна. д̇зсан̃хий звам̣ д̣̇идти ход̇и ‘‘яо буд̇д̇ам̣ на уббаад̣̇зд̇и, со гулавам̣сажчзд̣̇агаро ход̇и, д̇ад̇о нираяз бажжад̇ий’’д̇и. жад̇д̇ааро гира абхааяид̇аб̣б̣ам̣ бхааяанд̇и г̇ан̣д̣уббаад̣̇аго, гигий, гонд̇иний, б̣раахман̣од̇и. г̇ан̣д̣уббаад̣̇аа гира махаабат̇авияаа каяанабхаязна мад̇д̇абхож̇анаа хонд̇и, на б̣ахум̣ мад̇д̇игам̣ каад̣̇анд̇и. гигий сагун̣игаа аагаасабад̇анабхаязна ан̣д̣асса убари уд̇д̇аанаа сзд̇и. гонд̇иний сагун̣ий бат̇авийгамбанабхаязна баад̣̇зхи бхуумим̣ на судту аггамад̇и. б̣раахман̣аа гулавам̣суубажчзд̣̇абхаязна д̣̇аарам̣ бариязсанд̇и. ааху жзд̇т̇а –
Udakaṃ pātetvā dentīti dvāre ṭhitasseva brāhmaṇassa hatthe udakaṃ āsiñcantā ‘‘idaṃ te, brāhmaṇa, bhariyaṃ posāpanatthāya demā’’ti vatvā denti. Kasmā pana te evaṃ brahmacariyaṃ caritvāpi dāraṃ pariyesanti, na yāvajīvaṃ brahmacārino hontīti? Micchādiṭṭhivasena. Tesañhī evaṃ diṭṭhi hoti ‘‘yo puttaṃ na uppādeti, so kulavaṃsacchedakaro hoti, tato niraye paccatī’’ti. Cattāro kira abhāyitabbaṃ bhāyanti gaṇḍuppādako, kikī, kontinī, brāhmaṇoti. Gaṇḍuppādā kira mahāpathaviyā khayanabhayena mattabhojanā honti, na bahuṃ mattikaṃ khādanti. Kikī sakuṇikā ākāsapatanabhayena aṇḍassa upari uttānā seti. Kontinī sakuṇī pathavīkampanabhayena pādehi bhūmiṃ na suṭṭhu akkamati. Brāhmaṇā kulavaṃsūpacchedabhayena dāraṃ pariyesanti. Āhu cettha –
‘‘г̇ан̣д̣уббаад̣̇о гигий жзва, гонд̇ий б̣раахман̣ад̇хаммиго;
‘‘Gaṇḍuppādo kikī ceva, kontī brāhmaṇadhammiko;
зд̇з абхаяам̣ бхааяанд̇и, саммуул̣хаа жад̇уро ж̇анаа’’д̇и. (су. ни. адта. 2.293);
Ete abhayaṃ bhāyanti, sammūḷhā caturo janā’’ti. (su. ni. aṭṭha. 2.293);
сзсамзд̇т̇а уд̇д̇аанамзва.
Sesamettha uttānameva.
д̣̇он̣аб̣раахман̣асуд̇д̇аван̣н̣анаа нидтид̇аа.
Doṇabrāhmaṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. д̣̇он̣аб̣раахман̣асуд̇д̇ам̣ • 2. Doṇabrāhmaṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. д̣̇он̣аб̣раахман̣асуд̇д̇аван̣н̣анаа • 2. Doṇabrāhmaṇasuttavaṇṇanā
