| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਦੋਣਬ੍ਰਾਹ੍ਮਣਸੁਤ੍ਤવਣ੍ਣਨਾ
2. Doṇabrāhmaṇasuttavaṇṇanā
੧੯੨. ਦੁਤਿਯੇ ਤ੍વਮ੍ਪਿ ਨੋਤਿ ਤ੍વਮ੍ਪਿ ਨੁ। ਪવਤ੍ਤਾਰੋਤਿ ਪવਤ੍ਤਯਿਤਾਰੋ। ਯੇਸਨ੍ਤਿ ਯੇਸਂ ਸਨ੍ਤਕਂ। ਮਨ੍ਤਪਦਨ੍ਤਿ વੇਦਸਙ੍ਖਾਤਂ ਮਨ੍ਤਮੇવ। ਗੀਤਨ੍ਤਿ ਅਟ੍ਠਕਾਦੀਹਿ ਦਸਹਿ ਪੋਰਾਣਕਬ੍ਰਾਹ੍ਮਣੇਹਿ ਸਰਸਮ੍ਪਤ੍ਤਿવਸੇਨ ਸਜ੍ਝਾਯਿਤਂ। ਪવੁਤ੍ਤਨ੍ਤਿ ਅਞ੍ਞੇਸਂ વੁਤ੍ਤਂ, વਾਚਿਤਨ੍ਤਿ ਅਤ੍ਥੋ। ਸਮੀਹਿਤਨ੍ਤਿ ਸਮੁਪਬ੍ਯੂਲ਼੍ਹਂ ਰਾਸਿਕਤਂ, ਪਿਣ੍ਡਂ ਕਤ੍વਾ ਠਪਿਤਨ੍ਤਿ ਅਤ੍ਥੋ। ਤਦਨੁਗਾਯਨ੍ਤੀਤਿ ਏਤਰਹਿ ਬ੍ਰਾਹ੍ਮਣਾ ਤਂ ਤੇਹਿ ਪੁਬ੍ਬੇਹਿ ਗੀਤਂ ਅਨੁਗਾਯਨ੍ਤਿ ਅਨੁਸਜ੍ਝਾਯਨ੍ਤਿ। ਤਦਨੁਭਾਸਨ੍ਤੀਤਿ ਤਂ ਅਨੁਭਾਸਨ੍ਤਿ। ਇਦਂ ਪੁਰਿਮਸ੍ਸੇવ વੇવਚਨਂ। ਭਾਸਿਤਮਨੁਭਾਸਨ੍ਤੀਤਿ ਤੇਹਿ ਭਾਸਿਤਂ ਅਨੁਭਾਸਨ੍ਤਿ। ਸਜ੍ਝਾਯਿਤਮਨੁਸਜ੍ਝਾਯਨ੍ਤੀਤਿ ਤੇਹਿ ਸਜ੍ਝਾਯਿਤਂ ਅਨੁਸਜ੍ਝਾਯਨ੍ਤਿ। વਾਚਿਤਮਨੁવਾਚੇਨ੍ਤੀਤਿ ਤੇਹਿ ਅਞ੍ਞੇਸਂ વਾਚਿਤਂ ਅਨੁવਾਚੇਨ੍ਤਿ। ਸੇਯ੍ਯਥਿਦਨ੍ਤਿ ਤੇ ਕਤਮੇਤਿ ਅਤ੍ਥੋ। ਅਟ੍ਠਕੋਤਿਆਦੀਨਿ ਤੇਸਂ ਨਾਮਾਨਿ। ਤੇ ਕਿਰ ਦਿਬ੍ਬੇਨ ਚਕ੍ਖੁਨਾ ਓਲੋਕੇਤ੍વਾ ਪਰੂਪਘਾਤਂ ਅਕਤ੍વਾ ਕਸ੍ਸਪਸਮ੍ਮਾਸਮ੍ਬੁਦ੍ਧਸ੍ਸ ਭਗવਤੋ ਪਾવਚਨੇਨ ਸਹ ਸਂਸਨ੍ਦੇਤ੍વਾ ਮਨ੍ਤੇ ਗਨ੍ਥੇਸੁਂ। ਅਪਰਾਪਰੇ ਪਨ ਬ੍ਰਾਹ੍ਮਣਾ ਪਾਣਾਤਿਪਾਤਾਦੀਨਿ ਪਕ੍ਖਿਪਿਤ੍વਾ ਤਯੋ વੇਦੇ ਭਿਨ੍ਦਿਤ੍વਾ ਬੁਦ੍ਧવਚਨੇਨ ਸਦ੍ਧਿਂ વਿਰੁਦ੍ਧੇ ਅਕਂਸੁ। ਤ੍ਯਾਸ੍ਸੁ’ਮੇਤਿ ਏਤ੍ਥ ਅਸ੍ਸੂਤਿ ਨਿਪਾਤਮਤ੍ਤਂ, ਤੇ ਬ੍ਰਾਹ੍ਮਣਾ ਇਮੇ ਪਞ੍ਚ ਬ੍ਰਾਹ੍ਮਣੇ ਪਞ੍ਞਾਪੇਨ੍ਤੀਤਿ ਅਤ੍ਥੋ।
192. Dutiye tvampi noti tvampi nu. Pavattāroti pavattayitāro. Yesanti yesaṃ santakaṃ. Mantapadanti vedasaṅkhātaṃ mantameva. Gītanti aṭṭhakādīhi dasahi porāṇakabrāhmaṇehi sarasampattivasena sajjhāyitaṃ. Pavuttanti aññesaṃ vuttaṃ, vācitanti attho. Samīhitanti samupabyūḷhaṃ rāsikataṃ, piṇḍaṃ katvā ṭhapitanti attho. Tadanugāyantīti etarahi brāhmaṇā taṃ tehi pubbehi gītaṃ anugāyanti anusajjhāyanti. Tadanubhāsantīti taṃ anubhāsanti. Idaṃ purimasseva vevacanaṃ. Bhāsitamanubhāsantīti tehi bhāsitaṃ anubhāsanti. Sajjhāyitamanusajjhāyantīti tehi sajjhāyitaṃ anusajjhāyanti. Vācitamanuvācentīti tehi aññesaṃ vācitaṃ anuvācenti. Seyyathidanti te katameti attho. Aṭṭhakotiādīni tesaṃ nāmāni. Te kira dibbena cakkhunā oloketvā parūpaghātaṃ akatvā kassapasammāsambuddhassa bhagavato pāvacanena saha saṃsandetvā mante ganthesuṃ. Aparāpare pana brāhmaṇā pāṇātipātādīni pakkhipitvā tayo vede bhinditvā buddhavacanena saddhiṃ viruddhe akaṃsu. Tyāssu’meti ettha assūti nipātamattaṃ, te brāhmaṇā ime pañca brāhmaṇe paññāpentīti attho.
ਮਨ੍ਤੇ ਅਧੀਯਮਾਨੋਤਿ વੇਦੇ ਸਜ੍ਝਾਯਨ੍ਤੋ ਗਣ੍ਹਨ੍ਤੋ। ਆਚਰਿਯਧਨਨ੍ਤਿ ਆਚਰਿਯਦਕ੍ਖਿਣਂ ਆਚਰਿਯਭਾਗਂ। ਨ ਇਸ੍ਸਤ੍ਥੇਨਾਤਿ ਨ ਯੋਧਾਜੀવਕਮ੍ਮੇਨ ਉਪ੍ਪਾਦੇਤਿ। ਨ ਰਾਜਪੋਰਿਸੇਨਾਤਿ ਨ ਰਾਜੁਪਟ੍ਠਾਕਭਾવੇਨ। ਕੇવਲਂ ਭਿਕ੍ਖਾਚਰਿਯਾਯਾਤਿ ਸੁਦ੍ਧਾਯ ਭਿਕ੍ਖਾਚਰਿਯਾਯ ਏવ। ਕਪਾਲਂ ਅਨਤਿਮਞ੍ਞਮਾਨੋਤਿ ਤਂ ਭਿਕ੍ਖਾਭਾਜਨਂ ਅਨਤਿਮਞ੍ਞਮਾਨੋ। ਸੋ ਹਿ ਪੁਣ੍ਣਪਤ੍ਤਂ ਆਦਾਯ ਸੀਸਂ ਨ੍ਹਾਤੋ ਕੁਲਦ੍વਾਰੇਸੁ ਠਤ੍વਾ ‘‘ਅਹਂ ਅਟ੍ਠਚਤ੍ਤਾਲੀਸ વਸ੍ਸਾਨਿ ਕੋਮਾਰਬ੍ਰਹ੍ਮਚਰਿਯਂ ਚਰਿਂ, ਮਨ੍ਤਾਪਿ ਮੇ ਗਹਿਤਾ, ਆਚਰਿਯਸ੍ਸ ਆਚਰਿਯਧਨਂ ਦਸ੍ਸਾਮਿ, ਧਨਂ ਮੇ ਦੇਥਾ’’ਤਿ ਯਾਚਤਿ। ਤਂ ਸੁਤ੍વਾ ਮਨੁਸ੍ਸਾ ਯਥਾਸਤ੍ਤਿ ਯਥਾਬਲਂ ਅਟ੍ਠਪਿ ਸੋਲ਼ਸਪਿ ਸਤਮ੍ਪਿ ਸਹਸ੍ਸਮ੍ਪਿ ਦੇਨ੍ਤਿ। ਏવਂ ਸਕਲਗਾਮਂ ਚਰਿਤ੍વਾ ਲਦ੍ਧਧਨਂ ਆਚਰਿਯਸ੍ਸ ਨਿਯ੍ਯਾਦੇਤਿ। ਤਂ ਸਨ੍ਧਾਯੇਤਂ વੁਤ੍ਤਂ। ਏવਂ ਖੋ ਦੋਣ ਬ੍ਰਾਹ੍ਮਣੋ ਬ੍ਰਹ੍ਮਸਮੋ ਹੋਤੀਤਿ ਏવਂ ਬ੍ਰਹ੍ਮવਿਹਾਰੇਹਿ ਸਮਨ੍ਨਾਗਤਤ੍ਤਾ ਬ੍ਰਾਹ੍ਮਣੋ ਬ੍ਰਹ੍ਮਸਮੋ ਨਾਮ ਹੋਤਿ।
Mante adhīyamānoti vede sajjhāyanto gaṇhanto. Ācariyadhananti ācariyadakkhiṇaṃ ācariyabhāgaṃ. Na issatthenāti na yodhājīvakammena uppādeti. Na rājaporisenāti na rājupaṭṭhākabhāvena. Kevalaṃ bhikkhācariyāyāti suddhāya bhikkhācariyāya eva. Kapālaṃanatimaññamānoti taṃ bhikkhābhājanaṃ anatimaññamāno. So hi puṇṇapattaṃ ādāya sīsaṃ nhāto kuladvāresu ṭhatvā ‘‘ahaṃ aṭṭhacattālīsa vassāni komārabrahmacariyaṃ cariṃ, mantāpi me gahitā, ācariyassa ācariyadhanaṃ dassāmi, dhanaṃ me dethā’’ti yācati. Taṃ sutvā manussā yathāsatti yathābalaṃ aṭṭhapi soḷasapi satampi sahassampi denti. Evaṃ sakalagāmaṃ caritvā laddhadhanaṃ ācariyassa niyyādeti. Taṃ sandhāyetaṃ vuttaṃ. Evaṃ kho doṇa brāhmaṇo brahmasamo hotīti evaṃ brahmavihārehi samannāgatattā brāhmaṇo brahmasamo nāma hoti.
ਨੇવ ਕਯੇਨ ਨ વਿਕ੍ਕਯੇਨਾਤਿ ਨੇવ ਅਤ੍ਤਨਾ ਕਯਂ ਕਤ੍વਾ ਗਣ੍ਹਾਤਿ, ਨ ਪਰੇਨ વਿਕ੍ਕਯਂ ਕਤ੍વਾ ਦਿਨ੍ਨਂ। ਉਦਕੂਪਸ੍ਸਟ੍ਠਨ੍ਤਿ ਉਦਕੇਨ ਉਪਸ੍ਸਟ੍ਠਂ ਪਰਿਚ੍ਚਤ੍ਤਂ। ਸੋ ਹਿ ਯਸ੍ਮਿਂ ਕੁਲੇ વਯਪ੍ਪਤ੍ਤਾ ਦਾਰਿਕਾ ਅਤ੍ਥਿ, ਗਨ੍ਤ੍વਾ ਤਸ੍ਸ ਦ੍વਾਰੇ ਤਿਟ੍ਠਤਿ। ‘‘ਕਸ੍ਮਾ ਠਿਤੋਸੀ’’ਤਿ વੁਤ੍ਤੇ ‘‘ਅਹਂ ਅਟ੍ਠਚਤ੍ਤਾਲੀਸ વਸ੍ਸਾਨਿ ਕੋਮਾਰਬ੍ਰਹ੍ਮਚਰਿਯਂ ਚਰਿਂ, ਤਂ ਸਬ੍ਬਂ ਤੁਮ੍ਹਾਕਂ ਦੇਮਿ, ਤੁਮ੍ਹੇ ਮਯ੍ਹਂ ਦਾਰਿਕਂ ਦੇਥਾ’’ਤਿ વਦਤਿ। ਤੇ ਦਾਰਿਕਂ ਆਨੇਤ੍વਾ ਤਸ੍ਸ ਹਤ੍ਥੇ ਉਦਕਂ ਪਾਤੇਤ੍વਾ ਦੇਨ੍ਤਿ। ਸੋ ਤਂ ਉਦਕੂਪਸ੍ਸਟ੍ਠਂ ਭਰਿਯਂ ਗਣ੍ਹਿਤ੍વਾ ਗਚ੍ਛਤਿ। ਅਤਿਮੀਲ਼੍ਹਜੋਤਿ ਅਤਿਮੀਲ਼੍ਹੇ ਮਹਾਗੂਥਰਾਸਿਮ੍ਹਿ ਜਾਤੋ। ਤਸ੍ਸ ਸਾਤਿ ਤਸ੍ਸ ਏਸਾ। ਨ ਦવਤ੍ਥਾਤਿ ਨ ਕੀਲ਼ਨਤ੍ਥਾ। ਨ ਰਤਤ੍ਥਾਤਿ ਨ ਕਾਮਰਤਿਅਤ੍ਥਾ। ਮੇਥੁਨਂ ਉਪ੍ਪਾਦੇਤ੍વਾਤਿ ਧੀਤਰਂ વਾ ਪੁਤ੍ਤਂ વਾ ਉਪ੍ਪਾਦੇਤ੍વਾ ‘‘ਇਦਾਨਿ ਪવੇਣਿ ਘਟੀਯਿਸ੍ਸਤੀ’’ਤਿ ਨਿਕ੍ਖਮਿਤ੍વਾ ਪਬ੍ਬਜਤਿ। ਸੁਗਤਿਂ ਸਗ੍ਗਂ ਲੋਕਨ੍ਤਿ ਬ੍ਰਹ੍ਮਲੋਕਮੇવ ਸਨ੍ਧਾਯੇਤਂ વੁਤ੍ਤਂ। ਦੇવਸਮੋ ਹੋਤੀਤਿ ਦਿਬ੍ਬવਿਹਾਰੇਹਿ ਸਮਨ੍ਨਾਗਤਤ੍ਤਾ ਦੇવਸਮੋ ਨਾਮ ਹੋਤਿ।
Nevakayena na vikkayenāti neva attanā kayaṃ katvā gaṇhāti, na parena vikkayaṃ katvā dinnaṃ. Udakūpassaṭṭhanti udakena upassaṭṭhaṃ pariccattaṃ. So hi yasmiṃ kule vayappattā dārikā atthi, gantvā tassa dvāre tiṭṭhati. ‘‘Kasmā ṭhitosī’’ti vutte ‘‘ahaṃ aṭṭhacattālīsa vassāni komārabrahmacariyaṃ cariṃ, taṃ sabbaṃ tumhākaṃ demi, tumhe mayhaṃ dārikaṃ dethā’’ti vadati. Te dārikaṃ ānetvā tassa hatthe udakaṃ pātetvā denti. So taṃ udakūpassaṭṭhaṃ bhariyaṃ gaṇhitvā gacchati. Atimīḷhajoti atimīḷhe mahāgūtharāsimhi jāto. Tassa sāti tassa esā. Na davatthāti na kīḷanatthā. Na ratatthāti na kāmaratiatthā. Methunaṃuppādetvāti dhītaraṃ vā puttaṃ vā uppādetvā ‘‘idāni paveṇi ghaṭīyissatī’’ti nikkhamitvā pabbajati. Sugatiṃ saggaṃ lokanti brahmalokameva sandhāyetaṃ vuttaṃ. Devasamo hotīti dibbavihārehi samannāgatattā devasamo nāma hoti.
ਤਮੇવ ਪੁਤ੍ਤਸ੍ਸਾਦਂ ਨਿਕਾਮਯਮਾਨੋਤਿ ਯ੍વਾਸ੍ਸ ਧੀਤਰਂ વਾ ਪੁਤ੍ਤਂ વਾ ਜਾਤਂ ਦਿਸ੍વਾ ਪੁਤ੍ਤਪੇਮਂ ਪੁਤ੍ਤਸ੍ਸਾਦੋ ਉਪ੍ਪਜ੍ਜਤਿ, ਤਂ ਪਤ੍ਥਯਮਾਨੋ ਇਚ੍ਛਮਾਨੋ। ਕੁਟੁਮ੍ਬਂ ਅਜ੍ਝਾવਸਤੀਤਿ ਕੁਟੁਮ੍ਬਂ ਸਣ੍ਠਪੇਤ੍વਾ ਕੁਟੁਮ੍ਬਮਜ੍ਝੇ વਸਤਿ। ਸੇਸਮੇਤ੍ਥ ਉਤ੍ਤਾਨਮੇવਾਤਿ।
Tameva puttassādaṃ nikāmayamānoti yvāssa dhītaraṃ vā puttaṃ vā jātaṃ disvā puttapemaṃ puttassādo uppajjati, taṃ patthayamāno icchamāno. Kuṭumbaṃ ajjhāvasatīti kuṭumbaṃ saṇṭhapetvā kuṭumbamajjhe vasati. Sesamettha uttānamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਦੋਣਬ੍ਰਾਹ੍ਮਣਸੁਤ੍ਤਂ • 2. Doṇabrāhmaṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਦੋਣਬ੍ਰਾਹ੍ਮਣਸੁਤ੍ਤવਣ੍ਣਨਾ • 2. Doṇabrāhmaṇasuttavaṇṇanā
