| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. д̣̇он̣абаагасуд̇д̇аван̣н̣анаа
3. Doṇapākasuttavaṇṇanā
124. д̇ад̇ияз д̣̇он̣абаагагуранд̇и д̣̇он̣абаагам̣ гурам̣, д̣̇он̣асса д̇ан̣д̣улаанам̣ баггабхад̇д̇ам̣ д̇ад̣̇уубияан̃жа суубаб̣яан̃ж̇анам̣ бхун̃ж̇ад̇ийд̇и ад̇т̇о. бхуд̇д̇аавийд̇и буб̣б̣з бхад̇д̇асаммад̣̇ам̣ винод̣̇зд̇ваа мухуд̇д̇ам̣ виссамид̇ваа б̣уд̣̇д̇хубадтаанам̣ г̇ажчад̇и, д̇ам̣д̣̇ивасам̣ бана бхун̃ж̇анд̇ова д̣̇асаб̣алам̣ сарид̇ваа хад̇т̇з д̇ховид̇ваа аг̇амааси. махассаасийд̇и д̇асса г̇ажчад̇о б̣алаваа бхад̇д̇абарийл̣аахо уд̣̇абаад̣̇и, д̇асмаа маханд̇зхи ассаасзхи ассасад̇и, г̇ад̇д̇ад̇обисса сзд̣̇аб̣инд̣̇ууни мужжанд̇и, д̇амзнам̣ убхосу бассзсу тад̇ваа яамагад̇аалаван̣дзхи б̣ийж̇анд̇и, б̣уд̣̇д̇хаг̇ааравзна бана нибаж̇ж̇ид̇ум̣ на уссахад̇ийд̇и ид̣̇ам̣ санд̇хааяа ‘‘махассаасий’’д̇и вуд̇д̇ам̣. имам̣ г̇аат̇ам̣ абхаасийд̇и, рааж̇аа бхож̇анз амад̇д̇ан̃н̃уд̇ааяа гиламад̇и, паасу вихаарам̣ д̣̇аанисса гариссаамийд̇и жинд̇зд̇ваа абхааси. мануж̇ассаад̇и сад̇д̇асса. гахаабан̣асад̇анд̇и баад̇араасз бан̣н̣аасам̣ сааяамаасз бан̣н̣аасанд̇и звам̣ гахаабан̣асад̇ам̣. барияаабун̣ид̇ваад̇и ран̃н̃аа сад̣̇д̇хим̣ т̇огам̣ г̇анд̇ваа ‘‘имам̣ ман̇г̇алаасим̣ гасса д̣̇амми, махаарааж̇аа’’д̇и? асугасса наама д̣̇зхийд̇и со д̇ам̣ асим̣ д̣̇ад̇ваа д̣̇асаб̣аласса санд̇игам̣ ааг̇амма ванд̣̇ид̇ваа тид̇агова ‘‘г̇аат̇ам̣ вад̣̇ат̇а, бхо г̇од̇амаа’’д̇и вад̇ваа бхаг̇авад̇аа вуд̇д̇ам̣ барияаабун̣ид̇ваад̇и ад̇т̇о.
124. Tatiye doṇapākakuranti doṇapākaṃ kuraṃ, doṇassa taṇḍulānaṃ pakkabhattaṃ tadūpiyañca sūpabyañjanaṃ bhuñjatīti attho. Bhuttāvīti pubbe bhattasammadaṃ vinodetvā muhuttaṃ vissamitvā buddhupaṭṭhānaṃ gacchati, taṃdivasaṃ pana bhuñjantova dasabalaṃ saritvā hatthe dhovitvā agamāsi. Mahassāsīti tassa gacchato balavā bhattaparīḷāho udapādi, tasmā mahantehi assāsehi assasati, gattatopissa sedabindūni muccanti, tamenaṃ ubhosu passesu ṭhatvā yamakatālavaṇṭehi bījanti, buddhagāravena pana nipajjituṃ na ussahatīti idaṃ sandhāya ‘‘mahassāsī’’ti vuttaṃ. Imaṃ gāthaṃ abhāsīti, rājā bhojane amattaññutāya kilamati, phāsu vihāraṃ dānissa karissāmīti cintetvā abhāsi. Manujassāti sattassa. Kahāpaṇasatanti pātarāse paṇṇāsaṃ sāyamāse paṇṇāsanti evaṃ kahāpaṇasataṃ. Pariyāpuṇitvāti raññā saddhiṃ thokaṃ gantvā ‘‘imaṃ maṅgalaasiṃ kassa dammi, mahārājā’’ti? Asukassa nāma dehīti so taṃ asiṃ datvā dasabalassa santikaṃ āgamma vanditvā ṭhitakova ‘‘gāthaṃ vadatha, bho gotamā’’ti vatvā bhagavatā vuttaṃ pariyāpuṇitvāti attho.
бхад̇д̇аабхихаарз суд̣̇ам̣ бхаасад̇ийд̇и гат̇ам̣ бхаасад̇и? бхаг̇авад̇аа анусидтинияаамзна. бхаг̇аваа хи нам̣ звам̣ анусааси – ‘‘маан̣ава, имам̣ г̇аат̇ам̣ надо вияа бад̇д̇абад̇д̇адтаанз маа аважа, ран̃н̃о бхун̃ж̇анадтаанз тад̇ваа батамабин̣д̣аад̣̇ийсуби авад̇ваа восаанабин̣д̣з г̇ахид̇з вад̣̇зяяааси, рааж̇аа суд̇ваава бхад̇д̇абин̣д̣ам̣ чад̣д̣зссад̇и. ат̇а ран̃н̃о хад̇т̇зсу д̇ход̇зсу баад̇им̣ абанзд̇ваа сид̇т̇аани г̇ан̣зд̇ваа д̇ад̣̇убияам̣ б̣яан̃ж̇анам̣ н̃ад̇ваа бунад̣̇ивасз д̇аавад̇агз д̇ан̣д̣улз хаарзяяааси, баад̇араасз жа вад̇ваа сааяамаасз маа вад̣̇зяяаасий’’д̇и. со саад̇хууд̇и бадиссун̣ид̇ваа д̇ам̣д̣̇ивасам̣ ран̃н̃о баад̇араасам̣ бхуд̇ваа г̇ад̇ад̇д̇аа сааяамаасз бхаг̇авад̇о анусидтинияаамзна г̇аат̇ам̣ абхааси . рааж̇аа д̣̇асаб̣аласса важанам̣ сарид̇ваа бхад̇д̇абин̣д̣ам̣ баад̇ияам̣язва чад̣д̣зси. ран̃н̃о хад̇т̇зсу д̇ход̇зсу баад̇им̣ абанзд̇ваа сид̇т̇аани г̇ан̣зд̇ваа д̇ад̣̇убияам̣ б̣яан̃ж̇анам̣ н̃ад̇ваа бунад̣̇ивасз д̇ад̇д̇агз д̇ан̣д̣улз харим̣су.
Bhattābhihāresudaṃ bhāsatīti kathaṃ bhāsati? Bhagavatā anusiṭṭhiniyāmena. Bhagavā hi naṃ evaṃ anusāsi – ‘‘māṇava, imaṃ gāthaṃ naṭo viya pattapattaṭṭhāne mā avaca, rañño bhuñjanaṭṭhāne ṭhatvā paṭhamapiṇḍādīsupi avatvā vosānapiṇḍe gahite vadeyyāsi, rājā sutvāva bhattapiṇḍaṃ chaḍḍessati. Atha rañño hatthesu dhotesu pātiṃ apanetvā sitthāni gaṇetvā tadupiyaṃ byañjanaṃ ñatvā punadivase tāvatake taṇḍule hāreyyāsi, pātarāse ca vatvā sāyamāse mā vadeyyāsī’’ti. So sādhūti paṭissuṇitvā taṃdivasaṃ rañño pātarāsaṃ bhutvā gatattā sāyamāse bhagavato anusiṭṭhiniyāmena gāthaṃ abhāsi . Rājā dasabalassa vacanaṃ saritvā bhattapiṇḍaṃ pātiyaṃyeva chaḍḍesi. Rañño hatthesu dhotesu pātiṃ apanetvā sitthāni gaṇetvā tadupiyaṃ byañjanaṃ ñatvā punadivase tattake taṇḍule hariṃsu.
наал̣игод̣̇анабарамад̇ааяа сан̣таасийд̇и со гира маан̣аво д̣̇ивасз д̣̇ивасз д̇ат̇ааг̇ад̇асса санд̇игам̣ г̇ажчад̇и, д̣̇асаб̣аласса виссаасиго ахоси. ат̇а нам̣ згад̣̇ивасам̣ бужчи ‘‘рааж̇аа гид̇д̇агам̣ бхун̃ж̇ад̇ий’’д̇и? со ‘‘наал̣игод̣̇ана’’нд̇и ааха. ваддиссад̇и зд̇д̇аавад̇аа бурисабхааг̇о зса, ид̇о бадтааяа г̇аат̇ам̣ маа вад̣̇ийд̇и. ид̇и рааж̇аа д̇ад̇т̇зва сан̣тааси. д̣̇идтад̇хаммигзна жзва ад̇т̇зна самбарааяигзна жаад̇и зд̇т̇а салликид̇асарийрад̇аа д̣̇идтад̇хаммигад̇т̇о наама, сийлам̣ самбарааяигад̇т̇о. бхож̇анз мад̇д̇ан̃н̃уд̇аа хи сийлан̇г̇ам̣ наама ход̇ийд̇и. д̇ад̇ияам̣.
Nāḷikodanaparamatāya saṇṭhāsīti so kira māṇavo divase divase tathāgatassa santikaṃ gacchati, dasabalassa vissāsiko ahosi. Atha naṃ ekadivasaṃ pucchi ‘‘rājā kittakaṃ bhuñjatī’’ti? So ‘‘nāḷikodana’’nti āha. Vaṭṭissati ettāvatā purisabhāgo esa, ito paṭṭhāya gāthaṃ mā vadīti. Iti rājā tattheva saṇṭhāsi. Diṭṭhadhammikena ceva atthena samparāyikena cāti ettha sallikhitasarīratā diṭṭhadhammikattho nāma, sīlaṃ samparāyikattho. Bhojane mattaññutā hi sīlaṅgaṃ nāma hotīti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̣̇он̣абаагасуд̇д̇ам̣ • 3. Doṇapākasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̣̇он̣абаагасуд̇д̇аван̣н̣анаа • 3. Doṇapākasuttavaṇṇanā
