| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̣̇он̣абаагасуд̇д̇аван̣н̣анаа
3. Doṇapākasuttavaṇṇanā
124. ‘‘д̣̇он̣абаагагура’’нд̇и зд̇т̇а вибхад̇д̇илобам̣ гад̇ваа нид̣̇д̣̇зсод̇и ааха ‘‘д̣̇он̣абаагам̣ гура’’нд̇и. д̣̇он̣ассаад̇и жад̇уннам̣ аал̣хагаанам̣, сол̣асанаал̣ийнанд̇и ад̇т̇о. д̇ад̣̇убияанд̇и д̇ад̣̇ануруубам̣, д̇асса вуд̇д̇абаримаан̣асса анужчавиганд̇и ад̇т̇о. буб̣б̣зд̇и д̇ам̣д̣̇ивасад̇о буримад̇арад̣̇ивасзсу. б̣алаваад̇и махаа. бхад̇д̇абарил̣ааход̇и бхад̇д̇асаммад̣̇ахзд̇уго. асса ран̃н̃о убхосу бассзсу г̇ахид̇ад̇аалаван̣даа б̣ийж̇анд̇и яамагад̇аалаван̣дзхи. паасувихааранд̇и бхож̇анз мад̇д̇ан̃н̃уд̇ааяа лад̣̇д̇хаб̣б̣асукавихаарам̣. бхож̇анамад̇д̇ан̃н̃уу хи сукавихааро ход̇и. д̇знааха ‘‘д̇анугасса бхаванд̇и взд̣̇анаа, сан̣игам̣ ж̇ийрад̇и ааяу баалаяа’’нд̇и.
124. ‘‘Doṇapākakura’’nti ettha vibhattilopaṃ katvā niddesoti āha ‘‘doṇapākaṃ kura’’nti. Doṇassāti catunnaṃ āḷhakānaṃ, soḷasanāḷīnanti attho. Tadupiyanti tadanurūpaṃ, tassa vuttaparimāṇassa anucchavikanti attho. Pubbeti taṃdivasato purimataradivasesu. Balavāti mahā. Bhattapariḷāhoti bhattasammadahetuko. Assa rañño ubhosu passesu gahitatālavaṇṭā bījanti yamakatālavaṇṭehi. Phāsuvihāranti bhojane mattaññutāya laddhabbasukhavihāraṃ. Bhojanamattaññū hi sukhavihāro hoti. Tenāha ‘‘tanukassa bhavanti vedanā, saṇikaṃ jīrati āyu pālaya’’nti.
д̇анугассаад̇и д̇анугаа асса буг̇г̇аласса, бхуд̇д̇абажжаяаа висабхааг̇авзд̣̇анаа на хонд̇ийд̇и ад̇т̇о. сан̣иганд̇и манд̣̇ам̣ муд̣̇угам̣, абариссаяамзваад̇и ад̇т̇о. ж̇ийрад̇ийд̇и барибхуд̇д̇аахааро бажжад̇и. ааяубаалаяанд̇и нирод̇хо авзд̣̇ано ж̇ийвид̇ам̣ рагканд̇о. ат̇а ваа сан̣игам̣ ж̇ийрад̇ийд̇и со бхож̇анз мад̇д̇ан̃н̃уу буг̇г̇ало баримид̇аахаарад̇ааяа сан̣игам̣ жирзна ж̇ийрад̇и ж̇арам̣ баабун̣аад̇и ж̇ийвид̇ам̣ баалзнд̇о.
Tanukassāti tanukā assa puggalassa, bhuttapaccayā visabhāgavedanā na hontīti attho. Saṇikanti mandaṃ mudukaṃ, aparissayamevāti attho. Jīratīti paribhuttāhāro paccati. Āyupālayanti nirodho avedano jīvitaṃ rakkhanto. Atha vā saṇikaṃ jīratīti so bhojane mattaññū puggalo parimitāhāratāya saṇikaṃ cirena jīrati jaraṃ pāpuṇāti jīvitaṃ pālento.
барияаабун̣ид̇ваад̇и зд̇т̇а яат̇аа саб̣б̣ам̣ со барияаабун̣и, д̇ад̇о баран̃жа яат̇аа бадибаж̇ж̇и, д̇ам̣ д̣̇ассзд̇ум̣ ‘‘ран̃н̃аа сад̣̇д̇хи’’нд̇иаад̣̇и вуд̇д̇ам̣. д̇аавад̇агз д̇ан̣д̣улз хаарзяяааси д̇ад̣̇убияан̃жа б̣яан̃ж̇ананд̇и аанзд̇ваа самб̣анд̇хо.
Pariyāpuṇitvāti ettha yathā sabbaṃ so pariyāpuṇi, tato parañca yathā paṭipajji, taṃ dassetuṃ ‘‘raññā saddhi’’ntiādi vuttaṃ. Tāvatake taṇḍule hāreyyāsi tadupiyañca byañjananti ānetvā sambandho.
бурисабхааг̇о зсаад̇и маж̇жхимзна бурисзна бхун̃ж̇ид̇аб̣б̣абхааг̇о зсо, яад̣̇ид̣̇ам̣ наал̣игод̣̇анамад̇д̇ам̣. салликид̇асарийрад̇аад̇и бхамам̣ ааробзд̇ваа улликид̇асса вияа саб̣б̣абарил̣аахавуубасамасса бут̇улад̇аабаг̇ад̇асарийрасса. сийлам̣ самбарааяигад̇т̇од̇и вуд̇д̇ам̣, гуд̇о банзд̇т̇а сийланд̇и ааха ‘‘бхож̇анз’’д̇иаад̣̇и. сийлан̇г̇ам̣ наама ход̇ийд̇и жад̇убаарисуд̣̇д̇хисийласса аваяаво зго бхааг̇о ход̇и.
Purisabhāgo esāti majjhimena purisena bhuñjitabbabhāgo eso, yadidaṃ nāḷikodanamattaṃ. Sallikhitasarīratāti bhamaṃ āropetvā ullikhitassa viya sabbapariḷāhavūpasamassa puthulatāpagatasarīrassa. Sīlaṃ samparāyikatthoti vuttaṃ, kuto panettha sīlanti āha ‘‘bhojane’’tiādi. Sīlaṅgaṃ nāma hotīti catupārisuddhisīlassa avayavo eko bhāgo hoti.
д̣̇он̣абаагасуд̇д̇аван̣н̣анаа нидтид̇аа.
Doṇapākasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̣̇он̣абаагасуд̇д̇ам̣ • 3. Doṇapākasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̣̇он̣абаагасуд̇д̇аван̣н̣анаа • 3. Doṇapākasuttavaṇṇanā
