| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. д̣̇он̣асуд̇д̇аван̣н̣анаа
6. Doṇasuttavaṇṇanā
36. чадтз анд̇араа жа уггадтам̣ анд̇араа жа сзд̇аб̣яанд̇и зд̇т̇а уггадтаад̇и уггаахи д̇хаарийяамаанаахи маабид̇ад̇д̇аа звам̣лад̣̇д̇хавохаарам̣ наг̇арам̣. сзд̇аб̣яанд̇и ад̇ийд̇з гассабасаммаасамб̣уд̣̇д̇хасса ж̇аад̇анаг̇арам̣. анд̇араасад̣̇д̣̇о бана гааран̣акан̣ажид̇д̇авзмаж̇жхавивараад̣̇ийсу вад̇д̇ад̇и. ‘‘д̇ад̣̇анд̇арам̣ го ж̇аанзяяа ан̃н̃ад̇ра д̇ат̇ааг̇ад̇аа’’д̇и (а. ни. 6.44; 10.75) жа, ‘‘ж̇анаа сан̇г̇амма манд̇знд̇и, ман̃жа д̇ан̃жа гиманд̇ара’’нд̇и жа аад̣̇ийсу (сам̣. ни. 1.228) гааран̣з. ‘‘ад̣̇д̣̇асаа мам̣, бханд̇з, ан̃н̃ад̇араа ид̇т̇ий виж̇ж̇анд̇аригааяа бхааж̇анам̣ д̇хованд̇ий’’д̇иаад̣̇ийсу (ма. ни. 2.149) кан̣з. ‘‘яассанд̇арад̇о на санд̇и гобаа’’д̇иаад̣̇ийсу (уд̣̇аа. 20) жид̇д̇з. ‘‘анд̇араавосаанамаабаад̣̇ий’’д̇иаад̣̇ийсу взмаж̇жхз. ‘‘абижааяам̣ д̇абод̣̇аа д̣̇виннам̣ махаанираяаанам̣ анд̇аригааяа ааг̇ажчад̇ий’’д̇иаад̣̇ийсу (баараа. 231) виварз. свааяамид̇ха виварз вад̇д̇ад̇и. д̇асмаа уггадтааяа жа сзд̇аб̣яасса жа виварзд̇и звамзд̇т̇а ад̇т̇о д̣̇адтаб̣б̣о. анд̇араасад̣̇д̣̇зна бана яуд̇д̇ад̇д̇аа убаяог̇аважанам̣ гад̇ам̣. ийд̣̇исзсу жа таанзсу агкаражинд̇агаа ‘‘анд̇араа г̇ааман̃жа над̣̇ин̃жа яаад̇ий’’д̇и звам̣ згамзва анд̇араасад̣̇д̣̇ам̣ баяун̃ж̇анд̇и, со д̣̇уд̇ияабад̣̇знаби яож̇зд̇аб̣б̣о ход̇и, аяож̇ияамаанз убаяог̇аважанам̣ на баабун̣аад̇и. ид̇ха бана яож̇зд̇ваа зва вуд̇д̇о.
36. Chaṭṭhe antarā ca ukkaṭṭhaṃ antarā ca setabyanti ettha ukkaṭṭhāti ukkāhi dhārīyamānāhi māpitattā evaṃladdhavohāraṃ nagaraṃ. Setabyanti atīte kassapasammāsambuddhassa jātanagaraṃ. Antarāsaddo pana kāraṇakhaṇacittavemajjhavivarādīsu vattati. ‘‘Tadantaraṃ ko jāneyya aññatra tathāgatā’’ti (a. ni. 6.44; 10.75) ca, ‘‘janā saṅgamma mantenti, mañca tañca kimantara’’nti ca ādīsu (saṃ. ni. 1.228) kāraṇe. ‘‘Addasā maṃ, bhante, aññatarā itthī vijjantarikāya bhājanaṃ dhovantī’’tiādīsu (ma. ni. 2.149) khaṇe. ‘‘Yassantarato na santi kopā’’tiādīsu (udā. 20) citte. ‘‘Antarāvosānamāpādī’’tiādīsu vemajjhe. ‘‘Apicāyaṃ tapodā dvinnaṃ mahānirayānaṃ antarikāya āgacchatī’’tiādīsu (pārā. 231) vivare. Svāyamidha vivare vattati. Tasmā ukkaṭṭhāya ca setabyassa ca vivareti evamettha attho daṭṭhabbo. Antarāsaddena pana yuttattā upayogavacanaṃ kataṃ. Īdisesu ca ṭhānesu akkharacintakā ‘‘antarā gāmañca nadiñca yātī’’ti evaṃ ekameva antarāsaddaṃ payuñjanti, so dutiyapadenapi yojetabbo hoti, ayojiyamāne upayogavacanaṃ na pāpuṇāti. Idha pana yojetvā eva vutto.
ад̣̇д̇хаанамаг̇г̇аббадибанно ход̇ийд̇и ад̣̇д̇хаанасан̇каад̇ам̣ маг̇г̇ам̣ бадибанно ход̇и, д̣̇ийгхамаг̇г̇анд̇и ад̇т̇о. гасмаа бадибаннод̇и? д̇ам̣ д̣̇ивасам̣ гира бхаг̇аваа ид̣̇ам̣ ад̣̇д̣̇аса ‘‘маяи д̇ам̣ маг̇г̇ам̣ бадибаннз д̣̇он̣о б̣раахман̣о мама бад̣̇ажзд̇ияаани бассид̇ваа бад̣̇аанубад̣̇иго худ̇ваа мама нисиннадтаанам̣ ааг̇анд̇ваа бан̃хам̣ бужчиссад̇и. ат̇ассаахам̣ згам̣ сажжад̇хаммам̣ д̣̇зсзссаами . б̣раахман̣о д̇ийн̣и сааман̃н̃апалаани бадивиж̇жхид̇ваа д̣̇ваад̣̇асабад̣̇асахассабаримаан̣ам̣ д̣̇он̣аг̇аж̇ж̇ид̇ам̣ наама ван̣н̣ам̣ вад̇ваа маяи бариниб̣б̣уд̇з сагалаж̇амб̣уд̣̇ийбз уббаннам̣ махаагалахам̣ вуубасамзд̇ваа д̇хаад̇уяо бхааж̇зссад̇ий’’д̇и. иминаа гааран̣зна бадибанно. д̣̇он̣оби суд̣̇ам̣ б̣раахман̣од̇и д̣̇он̣о б̣раахман̣оби д̇аяо взд̣̇з баг̇ун̣з гад̇ваа бан̃жасад̇з маан̣авагз сиббам̣ ваажзнд̇о д̇ам̣д̣̇ивасам̣ баад̇ова удтааяа сарийрабадиж̇аг̇г̇анам̣ гад̇ваа сад̇аг̇гханагам̣ ниваасзд̇ваа бан̃жасад̇аг̇гханагам̣ згам̣савараг̇ад̇ам̣ гад̇ваа аамуд̇д̇аяан̃н̃асуд̇д̇о рад̇д̇аваддигаа убааханаа аарохид̇ваа бан̃жасад̇амаан̣авагабаривааро д̇амзва маг̇г̇ам̣ бадибаж̇ж̇и. д̇ам̣ санд̇хааязд̇ам̣ вуд̇д̇ам̣.
Addhānamaggappaṭipanno hotīti addhānasaṅkhātaṃ maggaṃ paṭipanno hoti, dīghamagganti attho. Kasmā paṭipannoti? Taṃ divasaṃ kira bhagavā idaṃ addasa ‘‘mayi taṃ maggaṃ paṭipanne doṇo brāhmaṇo mama padacetiyāni passitvā padānupadiko hutvā mama nisinnaṭṭhānaṃ āgantvā pañhaṃ pucchissati. Athassāhaṃ ekaṃ saccadhammaṃ desessāmi . Brāhmaṇo tīṇi sāmaññaphalāni paṭivijjhitvā dvādasapadasahassaparimāṇaṃ doṇagajjitaṃ nāma vaṇṇaṃ vatvā mayi parinibbute sakalajambudīpe uppannaṃ mahākalahaṃ vūpasametvā dhātuyo bhājessatī’’ti. Iminā kāraṇena paṭipanno. Doṇopi sudaṃ brāhmaṇoti doṇo brāhmaṇopi tayo vede paguṇe katvā pañcasate māṇavake sippaṃ vācento taṃdivasaṃ pātova uṭṭhāya sarīrapaṭijagganaṃ katvā satagghanakaṃ nivāsetvā pañcasatagghanakaṃ ekaṃsavaragataṃ katvā āmuttayaññasutto rattavaṭṭikā upāhanā ārohitvā pañcasatamāṇavakaparivāro tameva maggaṃ paṭipajji. Taṃ sandhāyetaṃ vuttaṃ.
баад̣̇зсууд̇и баад̣̇зхи агганд̇адтаанзсу. жаггаанийд̇и лагкан̣ажаггаани. гим̣ бана бхаг̇авад̇о г̇ажчанд̇асса агганд̇адтаанз бад̣̇ам̣ бан̃н̃ааяад̇ийд̇и? на бан̃н̃ааяад̇и . гасмаа? сукумад̇д̇аа махааб̣алад̇д̇аа махааж̇анаануг̇г̇ахзна жа. б̣уд̣̇д̇хаанан̃хи сукумажчавид̇ааяа агганд̇адтаанам̣ д̇уулабижуно бад̇идтид̇адтаанам̣ вияа ход̇и, бад̣̇авал̣ан̃ж̇о на бан̃н̃ааяад̇и. яат̇аа жа б̣алавад̇о ваад̇аж̇авасинд̇хавасса бад̣̇уминибад̇д̇зби агганд̇амад̇д̇амзва ход̇и, звам̣ махааб̣алад̇ааяа д̇ат̇ааг̇ад̇зна агганд̇адтаанам̣ агганд̇амад̇д̇амзва ход̇и, на д̇ад̇т̇а бад̣̇авал̣ан̃ж̇о бан̃н̃ааяад̇и. б̣уд̣̇д̇хаанан̃жа анубад̣̇ам̣ махааж̇анагааяо г̇ажчад̇и, д̇асса сад̇т̇у бад̣̇авал̣ан̃ж̇ам̣ д̣̇исваа мад̣̇д̣̇ид̇ум̣ ависаханд̇асса г̇аманавижчзд̣̇о бхавзяяа. д̇асмаа агганд̇аагганд̇адтаанз яоби бад̣̇авал̣ан̃ж̇о бхавзяяа, со анд̇арад̇хааяад̇зва. д̣̇он̣о бана б̣раахман̣о д̇ат̇ааг̇ад̇асса ад̇хидтаанавасзна басси. бхаг̇аваа хи яасса бад̣̇ажзд̇ияам̣ д̣̇ассзд̇угаамо ход̇и, д̇ам̣ аараб̣бха ‘‘асуго наама бассад̇уу’’д̇и ад̇хидтаад̇и. д̇асмаа мааг̇ан̣д̣ияаб̣раахман̣о вияа аяамби б̣раахман̣о д̇ат̇ааг̇ад̇асса ад̇хидтаанавасзна ад̣̇д̣̇аса.
Pādesūti pādehi akkantaṭṭhānesu. Cakkānīti lakkhaṇacakkāni. Kiṃ pana bhagavato gacchantassa akkantaṭṭhāne padaṃ paññāyatīti? Na paññāyati . Kasmā? Sukhumattā mahābalattā mahājanānuggahena ca. Buddhānañhi sukhumacchavitāya akkantaṭṭhānaṃ tūlapicuno patiṭṭhitaṭṭhānaṃ viya hoti, padavaḷañjo na paññāyati. Yathā ca balavato vātajavasindhavassa paduminipattepi akkantamattameva hoti, evaṃ mahābalatāya tathāgatena akkantaṭṭhānaṃ akkantamattameva hoti, na tattha padavaḷañjo paññāyati. Buddhānañca anupadaṃ mahājanakāyo gacchati, tassa satthu padavaḷañjaṃ disvā maddituṃ avisahantassa gamanavicchedo bhaveyya. Tasmā akkantaakkantaṭṭhāne yopi padavaḷañjo bhaveyya, so antaradhāyateva. Doṇo pana brāhmaṇo tathāgatassa adhiṭṭhānavasena passi. Bhagavā hi yassa padacetiyaṃ dassetukāmo hoti, taṃ ārabbha ‘‘asuko nāma passatū’’ti adhiṭṭhāti. Tasmā māgaṇḍiyabrāhmaṇo viya ayampi brāhmaṇo tathāgatassa adhiṭṭhānavasena addasa.
баасаад̣̇иганд̇и басаад̣̇аж̇анагам̣. ид̇арам̣ д̇ассзва взважанам̣. уд̇д̇амад̣̇амат̇асамат̇амануббад̇д̇анд̇и зд̇т̇а уд̇д̇амад̣̇амат̇о наама арахад̇д̇амаг̇г̇о, уд̇д̇амасамат̇о наама арахад̇д̇амаг̇г̇асамаад̇хи, д̇ад̣̇убхаяам̣ бад̇д̇анд̇и ад̇т̇о . д̣̇анд̇анд̇и ниб̣б̣исзванам̣. г̇уд̇д̇анд̇и г̇обид̇ам̣. сам̣яад̇инд̣̇рияанд̇и рагкид̇инд̣̇рияам̣. нааг̇анд̇и чанд̣̇аад̣̇ийхи аг̇ажчанад̇о, бахийнагилзсз буна анааг̇ажчанад̇о, ааг̇ум̣ агаран̣ад̇о, б̣алаванд̇адтзнаад̇и жад̇уухи гааран̣зхи нааг̇ам̣.
Pāsādikanti pasādajanakaṃ. Itaraṃ tasseva vevacanaṃ. Uttamadamathasamathamanuppattanti ettha uttamadamatho nāma arahattamaggo, uttamasamatho nāma arahattamaggasamādhi, tadubhayaṃ pattanti attho . Dantanti nibbisevanaṃ. Guttanti gopitaṃ. Saṃyatindriyanti rakkhitindriyaṃ. Nāganti chandādīhi agacchanato, pahīnakilese puna anāgacchanato, āguṃ akaraṇato, balavantaṭṭhenāti catūhi kāraṇehi nāgaṃ.
д̣̇зво но бхавам̣ бхависсад̇ийд̇и зд̇т̇а ‘‘д̣̇зво но бхава’’нд̇и зд̇д̇аавад̇ааби бужчаа нидтид̇аа бхавзяяа, аяам̣ бана б̣раахман̣о ‘‘анааг̇ад̇з махзсагко зго д̣̇зварааж̇аа бхависсад̇ий’’д̇и анааг̇ад̇авасзна бужчаасабхааг̇знзва гат̇знд̇о звамааха. бхаг̇аваабисса бужчаасабхааг̇знзва гат̇знд̇о на ко ахам̣, б̣раахман̣а, д̣̇зво бхависсаамийд̇и ааха. зса наяо саб̣б̣ад̇т̇а. аасаваананд̇и гаамаасаваад̣̇ийнам̣ жад̇уннам̣. бахийнаад̇и б̣од̇хибаллан̇гз саб̣б̣ан̃н̃уд̇ан̃н̃аан̣аад̇хиг̇амзнзва бахийнаа. анубалид̇д̇о логзнаад̇и д̇ан̣хаад̣̇идтилзбаанам̣ бахийнад̇д̇аа сан̇кааралогзна анубалид̇д̇о. б̣уд̣̇д̇ход̇и жад̇уннам̣ сажжаанам̣ б̣уд̣̇д̇хад̇д̇аа б̣уд̣̇д̇хо ид̇и мам̣ д̇хаарзхи.
Devo no bhavaṃ bhavissatīti ettha ‘‘devo no bhava’’nti ettāvatāpi pucchā niṭṭhitā bhaveyya, ayaṃ pana brāhmaṇo ‘‘anāgate mahesakkho eko devarājā bhavissatī’’ti anāgatavasena pucchāsabhāgeneva kathento evamāha. Bhagavāpissa pucchāsabhāgeneva kathento na kho ahaṃ, brāhmaṇa, devo bhavissāmīti āha. Esa nayo sabbattha. Āsavānanti kāmāsavādīnaṃ catunnaṃ. Pahīnāti bodhipallaṅke sabbaññutaññāṇādhigameneva pahīnā. Anupalitto lokenāti taṇhādiṭṭhilepānaṃ pahīnattā saṅkhāralokena anupalitto. Buddhoti catunnaṃ saccānaṃ buddhattā buddho iti maṃ dhārehi.
язнаад̇и язна аасавзна. д̣̇звуубабад̇яассаад̇и д̣̇звуубабад̇д̇и асса маяхам̣ бхавзяяа. вихан̇г̇амод̇и аагаасажаро г̇анд̇хаб̣б̣агааяигад̣̇зво. вид̣̇д̇хасд̇аад̇и вид̇хамид̇аа. винал̣ийгад̇аад̇и виг̇ад̇анал̣аа виг̇ад̇аб̣анд̇ханаа гад̇аа. ваг̇г̇ууд̇и сунд̣̇арам̣. д̇оязна нубалиббад̇ийд̇и уд̣̇агад̇о рад̇анамад̇д̇ам̣ ажжуг̇г̇амма тид̇ам̣ сарам̣ собхаяамаанам̣ бхамараг̇ан̣ам̣ хаасаяамаанам̣ д̇оязна на либбад̇и. д̇асмаа б̣уд̣̇д̇хосми б̣раахман̣аад̇и д̣̇зсанаабарияосаанз д̇ийн̣и маг̇г̇апалаани баабун̣ид̇ваа д̣̇ваад̣̇асахи бад̣̇асахассзхи д̣̇он̣аг̇аж̇ж̇ид̇ам̣ наама ван̣н̣ам̣ гат̇зси, д̇ат̇ааг̇ад̇з жа бариниб̣б̣уд̇з ж̇амб̣уд̣̇ийбад̇алз уббаннам̣ махаагалахам̣ вуубасамзд̇ваа д̇хаад̇уяо бхааж̇зсийд̇и.
Yenāti yena āsavena. Devūpapatyassāti devūpapatti assa mayhaṃ bhaveyya. Vihaṅgamoti ākāsacaro gandhabbakāyikadevo. Viddhastāti vidhamitā. Vinaḷīkatāti vigatanaḷā vigatabandhanā katā. Vaggūti sundaraṃ. Toyena nupalippatīti udakato ratanamattaṃ accuggamma ṭhitaṃ saraṃ sobhayamānaṃ bhamaragaṇaṃ hāsayamānaṃ toyena na lippati. Tasmā buddhosmi brāhmaṇāti desanāpariyosāne tīṇi maggaphalāni pāpuṇitvā dvādasahi padasahassehi doṇagajjitaṃ nāma vaṇṇaṃ kathesi, tathāgate ca parinibbute jambudīpatale uppannaṃ mahākalahaṃ vūpasametvā dhātuyo bhājesīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. д̣̇он̣асуд̇д̇ам̣ • 6. Doṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. д̣̇он̣асуд̇д̇аван̣н̣анаа • 6. Doṇasuttavaṇṇanā
