| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. д̣̇он̣асуд̇д̇аван̣н̣анаа
6. Doṇasuttavaṇṇanā
36. чадтз уггаахи д̇хаарияамаанаахийд̇и д̣̇ийбигаахи д̇хаарияамаанаахи, д̣̇ан̣д̣ад̣̇ийбигаасу ж̇аалзд̇ваа д̇хаарияамаанаасу маабид̇ад̇д̇аад̇и вуд̇д̇ам̣ ход̇и. д̇ан̃хи наг̇арам̣ ‘‘ман̇г̇алад̣̇ивасз сукан̣з сунагкад̇д̇ам̣ маа ад̇иггамий’’д̇и рад̇д̇имби уггаасу д̇хаарияамаанаасу маабид̇ам̣. уггаасу таад̇и уггадтаа, уггаасу виж̇ж̇од̇аяанд̇ийсу тид̇аа бад̇идтид̇аад̇и муулавибхууж̇аад̣̇ибагкзбзна (баан̣ини 3.2.5) сад̣̇д̣̇асид̣̇д̇хи взд̣̇ид̇аб̣б̣аа. нируд̇д̇инаязна ваа уггаасу тид̇аасу тид̇аа аасийд̇и уггадтаа. абарз бана бхан̣анд̇и ‘‘бхуумибхааг̇асамбад̇д̇ияаа мануссасамбад̇д̇ияаа убагаран̣асамбад̇д̇ияаа жа саа наг̇арий уггадтаг̇ун̣аяог̇ад̇о уггадтаад̇и наамам̣ лабхад̇ий’’д̇и. сзд̇аб̣яанд̇и д̇асса наг̇арасса наамам̣. д̇ам̣ бана гассабад̣̇асаб̣аласса ж̇аад̇анаг̇аранд̇и ааха ‘‘ад̇ийд̇з гассабасаммаасамб̣уд̣̇д̇хасса ж̇аад̇анаг̇ара’’нд̇и.
36. Chaṭṭhe ukkāhi dhāriyamānāhīti dīpikāhi dhāriyamānāhi, daṇḍadīpikāsu jāletvā dhāriyamānāsu māpitattāti vuttaṃ hoti. Tañhi nagaraṃ ‘‘maṅgaladivase sukhaṇe sunakkhattaṃ mā atikkamī’’ti rattimpi ukkāsu dhāriyamānāsu māpitaṃ. Ukkāsu ṭhāti ukkaṭṭhā, ukkāsu vijjotayantīsu ṭhitā patiṭṭhitāti mūlavibhūjādipakkhepena (pāṇini 3.2.5) saddasiddhi veditabbā. Niruttinayena vā ukkāsu ṭhitāsu ṭhitā āsīti ukkaṭṭhā. Apare pana bhaṇanti ‘‘bhūmibhāgasampattiyā manussasampattiyā upakaraṇasampattiyā ca sā nagarī ukkaṭṭhaguṇayogato ukkaṭṭhāti nāmaṃ labhatī’’ti. Setabyanti tassa nagarassa nāmaṃ. Taṃ pana kassapadasabalassa jātanagaranti āha ‘‘atīte kassapasammāsambuddhassa jātanagara’’nti.
виж̇ж̇анд̇аригааяаад̇и виж̇ж̇унижчаран̣агкан̣з. анд̇арад̇од̇и хад̣̇аяз. анд̇араад̇и аарамбханиб̣б̣ад̇д̇ийнам̣ взмаж̇жхз. анд̇аригааяаад̇и анд̇араал̣з. зд̇т̇а жа ‘‘д̇ад̣̇анд̇арам̣ го ж̇аанзяяа (а. ни. 6.44; 10.75), зд̇зсам̣ анд̇араа габбаа г̇ан̣анад̇о асан̇кязяяаа (б̣у. вам̣. 28.3), анд̇аранд̇араа гат̇ам̣ обабаад̇зд̇ий’’д̇и (ма. ни. 2.426) жа аад̣̇ийсу вияа гааран̣авзмаж̇жхзсу вад̇д̇амаанаа анд̇араасад̣̇д̣̇аа зва уд̣̇аахарид̇аб̣б̣аа сияум̣, на бана жид̇д̇агкан̣авиварзсу вад̇д̇амаанаа анд̇араанд̇аригасад̣̇д̣̇аа. анд̇араасад̣̇д̣̇асса хи аяамад̇т̇уд̣̇д̇хаарод̇и.
Vijjantarikāyāti vijjuniccharaṇakkhaṇe. Antaratoti hadaye. Antarāti ārambhanibbattīnaṃ vemajjhe. Antarikāyāti antarāḷe. Ettha ca ‘‘tadantaraṃ ko jāneyya (a. ni. 6.44; 10.75), etesaṃ antarā kappā gaṇanato asaṅkhyeyyā (bu. vaṃ. 28.3), antarantarā kathaṃ opapātetī’’ti (ma. ni. 2.426) ca ādīsu viya kāraṇavemajjhesu vattamānā antarāsaddā eva udāharitabbā siyuṃ, na pana cittakkhaṇavivaresu vattamānā antaraantarikasaddā. Antarāsaddassa hi ayamatthuddhāroti.
аяам̣ банзд̇т̇а ад̇хиббааяо сияаа – язсу анд̇араасад̣̇д̣̇о вад̇д̇ад̇и, д̇зсу анд̇арасад̣̇д̣̇оби вад̇д̇ад̇ийд̇и самаанад̇т̇ад̇д̇аа анд̇араасад̣̇д̣̇ад̇т̇з вад̇д̇амаано анд̇арасад̣̇д̣̇о уд̣̇аахадо. анд̇араасад̣̇д̣̇о зва ваа ‘‘яассанд̇арад̇о’’д̇и зд̇т̇а г̇аат̇аасукад̇т̇ам̣ рассам̣ гад̇ваа вуд̇д̇од̇и д̣̇адтаб̣б̣ам̣. анд̇араасад̣̇д̣̇о зва бана игасад̣̇д̣̇зна бад̣̇ам̣ вад̣дхзд̇ваа ‘‘анд̇аригаа’’д̇и вуд̇д̇од̇и звамзд̇т̇а уд̣̇аахаран̣од̣̇аахарид̇аб̣б̣аанам̣ вирод̇хаабхааво д̣̇адтаб̣б̣о. аяож̇ияамаанз убаяог̇аважанам̣ на баабун̣аад̇и саамиважанасса басан̇г̇з анд̇араасад̣̇д̣̇аяог̇зна убаяог̇аважанасса ижчид̇ад̇д̇аа. д̇знзвааха ‘‘анд̇араасад̣̇д̣̇зна бана яуд̇д̇ад̇д̇аа убаяог̇аважанам̣ гад̇а’’нд̇и.
Ayaṃ panettha adhippāyo siyā – yesu antarāsaddo vattati, tesu antarasaddopi vattatīti samānatthattā antarāsaddatthe vattamāno antarasaddo udāhaṭo. Antarāsaddo eva vā ‘‘yassantarato’’ti ettha gāthāsukhatthaṃ rassaṃ katvā vuttoti daṭṭhabbaṃ. Antarāsaddo eva pana ikasaddena padaṃ vaḍḍhetvā ‘‘antarikā’’ti vuttoti evamettha udāharaṇodāharitabbānaṃ virodhābhāvo daṭṭhabbo. Ayojiyamāne upayogavacanaṃ na pāpuṇāti sāmivacanassa pasaṅge antarāsaddayogena upayogavacanassa icchitattā. Tenevāha ‘‘antarāsaddena pana yuttattā upayogavacanaṃ kata’’nti.
сагалаж̇амб̣уд̣̇ийбз уббаннам̣ махаагалахам̣ вуубасамзд̇ваад̇и бариниб̣б̣уд̇з бхаг̇авад̇и д̇хаад̇уунам̣ ад̇т̇ааяа гусинааранаг̇арам̣ бариваарзд̇ваа тид̇зхи сзсарааж̇уухи ‘‘амхаагам̣ д̇хаад̇уяо ваа д̣̇знд̇у яуд̣̇д̇хам̣ ваа’’д̇иаад̣̇инаа госинаарагзхи маллзхи сад̣̇д̇хим̣ гад̇ам̣ виваад̣̇ам̣ вуубасамзд̇ваа. со гира б̣раахман̣о д̇зсам̣ виваад̣̇ам̣ суд̇ваа ‘‘зд̇з рааж̇аано бхаг̇авад̇о бариниб̣б̣уд̇адтаанз виваад̣̇ам̣ гаронд̇и, на ко банзд̇ам̣ бад̇ируубам̣, алам̣ иминаа галахзна, вуубасамзссаами на’’нд̇и г̇анд̇ваа уннад̇з бад̣̇зсз тад̇ваа д̣̇взбхаан̣аваарабаримаан̣ам̣ д̣̇он̣аг̇аж̇ж̇ид̇ам̣ наама авожа. д̇ад̇т̇а батамабхаан̣аваарз д̇аава згабад̣̇амби д̇з на ж̇ааним̣су. д̣̇уд̇ияабхаан̣аваарабарияосаанз жа ‘‘аажарияасса вияа бхо сад̣̇д̣̇о, аажарияасса вияа бхо сад̣̇д̣̇о’’д̇и саб̣б̣з нираваа ахзсум̣. ж̇амб̣уд̣̇ийбад̇алз гира гулагхарз ж̇аад̇о язбхуяязна д̇асса на-анд̇зваасиго наама над̇т̇и, ат̇а ко со ад̇д̇ано важанам̣ суд̇ваа ниравз д̇ун̣хийбхууд̇з вид̣̇ид̇ваа буна –
Sakalajambudīpe uppannaṃ mahākalahaṃ vūpasametvāti parinibbute bhagavati dhātūnaṃ atthāya kusināranagaraṃ parivāretvā ṭhitehi sesarājūhi ‘‘amhākaṃ dhātuyo vā dentu yuddhaṃ vā’’tiādinā kosinārakehi mallehi saddhiṃ kataṃ vivādaṃ vūpasametvā. So kira brāhmaṇo tesaṃ vivādaṃ sutvā ‘‘ete rājāno bhagavato parinibbutaṭṭhāne vivādaṃ karonti, na kho panetaṃ patirūpaṃ, alaṃ iminā kalahena, vūpasamessāmi na’’nti gantvā unnate padese ṭhatvā dvebhāṇavāraparimāṇaṃ doṇagajjitaṃ nāma avoca. Tattha paṭhamabhāṇavāre tāva ekapadampi te na jāniṃsu. Dutiyabhāṇavārapariyosāne ca ‘‘ācariyassa viya bho saddo, ācariyassa viya bho saddo’’ti sabbe niravā ahesuṃ. Jambudīpatale kira kulaghare jāto yebhuyyena tassa na-antevāsiko nāma natthi, atha kho so attano vacanaṃ sutvā nirave tuṇhībhūte viditvā puna –
‘‘сун̣анд̇у бхонд̇о мама згаваажам̣,
‘‘Suṇantu bhonto mama ekavācaṃ,
амхаага б̣уд̣̇д̇хо аху канд̇иваад̣̇о;
Amhāka buddho ahu khantivādo;
на хи саад̇хуяам̣ уд̇д̇амабуг̇г̇аласса,
Na hi sādhuyaṃ uttamapuggalassa,
сарийрабхааг̇з сияаа самбахааро.
Sarīrabhāge siyā sampahāro.
‘‘саб̣б̣зва бхонд̇о сахид̇аа самаг̇г̇аа,
‘‘Sabbeva bhonto sahitā samaggā,
саммод̣̇амаанаа гаромадтабхааг̇з;
Sammodamānā karomaṭṭhabhāge;
вид̇т̇ааригаа хонд̇у д̣̇исаасу т̇уубаа,
Vitthārikā hontu disāsu thūpā,
б̣ахуу ж̇анаа жагкумад̇о басаннаа’’д̇и. (д̣̇ий. ни. 2.237) –
Bahū janā cakkhumato pasannā’’ti. (dī. ni. 2.237) –
имам̣ г̇аат̇аад̣̇ваяам̣ вад̇ваа д̇ам̣ галахам̣ вуубасамзд̇ваа д̇хаад̇уяо адтад̇хаа бхааж̇зд̇ваа ад̣̇ааси, д̇ам̣ санд̇хааязд̇ам̣ вуд̇д̇ам̣ ‘‘сагалаж̇амб̣уд̣̇ийбз уббаннам̣ махаагалахам̣ вуубасамзд̇ваа д̇хаад̇уяо бхааж̇зссад̇ий’’д̇и. лагкан̣ажаггаанийд̇и д̣̇вийсу баад̣̇ад̇алзсу д̣̇вз лагкан̣ажаггаани.
Imaṃ gāthādvayaṃ vatvā taṃ kalahaṃ vūpasametvā dhātuyo aṭṭhadhā bhājetvā adāsi, taṃ sandhāyetaṃ vuttaṃ ‘‘sakalajambudīpe uppannaṃ mahākalahaṃ vūpasametvā dhātuyo bhājessatī’’ti. Lakkhaṇacakkānīti dvīsu pādatalesu dve lakkhaṇacakkāni.
аасавзнаад̇и гаммагилзсагааран̣зна аасавзна. зд̇т̇а хи д̇збхуумаган̃жа гаммам̣, авасзсаа жа агусалаа д̇хаммаа ‘‘аасаваа’’д̇и вуд̇д̇аа. д̣̇звуубабад̇д̇ийд̇и д̣̇звзсу уббад̇д̇и ниб̣б̣ад̇д̇и. зд̇т̇а жа яагкаг̇анд̇хаб̣б̣ад̇ааяа винимуд̇д̇аа саб̣б̣з д̣̇зваа д̣̇зваг̇г̇ахан̣зна г̇ахид̇аа. г̇анд̇хаб̣б̣о ваа вихан̇г̇амо аагаасажаарий. аханд̇и вибхад̇д̇ивибарин̣аамзна яож̇зд̇аб̣б̣ам̣.
Āsavenāti kammakilesakāraṇena āsavena. Ettha hi tebhūmakañca kammaṃ, avasesā ca akusalā dhammā ‘‘āsavā’’ti vuttā. Devūpapattīti devesu uppatti nibbatti. Ettha ca yakkhagandhabbatāya vinimuttā sabbe devā devaggahaṇena gahitā. Gandhabbo vā vihaṅgamo ākāsacārī. Ahanti vibhattivipariṇāmena yojetabbaṃ.
д̣̇он̣асуд̇д̇аван̣н̣анаа нидтид̇аа.
Doṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. д̣̇он̣асуд̇д̇ам̣ • 6. Doṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. д̣̇он̣асуд̇д̇аван̣н̣анаа • 6. Doṇasuttavaṇṇanā
