| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๑๐. โทสปริญฺญาสุตฺตํ
10. Dosapariññāsuttaṃ
๑๐. วุตฺตเญฺหตํ ภควตา, วุตฺตมรหตาติ เม สุตํ –
10. Vuttañhetaṃ bhagavatā, vuttamarahatāti me sutaṃ –
‘‘โทสํ, ภิกฺขเว, อนภิชานํ อปริชานํ ตตฺถ จิตฺตํ อวิราชยํ อปฺปชหํ อภโพฺพ ทุกฺขกฺขยายฯ โทสญฺจ โข, ภิกฺขเว, อภิชานํ ปริชานํ ตตฺถ จิตฺตํ วิราชยํ ปชหํ ภโพฺพ ทุกฺขกฺขยายา’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Dosaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Dosañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –
‘‘เยน โทเสน ทุฎฺฐาเส, สตฺตา คจฺฉนฺติ ทุคฺคติํ;
‘‘Yena dosena duṭṭhāse, sattā gacchanti duggatiṃ;
ตํ โทสํ สมฺมทญฺญาย, ปชหนฺติ วิปสฺสิโน;
Taṃ dosaṃ sammadaññāya, pajahanti vipassino;
ปหาย น ปุนายนฺติ, อิมํ โลกํ กุทาจน’’นฺติฯ
Pahāya na punāyanti, imaṃ lokaṃ kudācana’’nti.
อยมฺปิ อโตฺถ วุโตฺต ภควตา, อิติ เม สุตนฺติฯ ทสมํฯ
Ayampi attho vutto bhagavatā, iti me sutanti. Dasamaṃ.
ปฐโม วโคฺค นิฎฺฐิโตฯ
Paṭhamo vaggo niṭṭhito.
ตสฺสุทฺทานํ –
Tassuddānaṃ –
ราคโทสา อถ โมโห, โกธมกฺขา มานํ สพฺพํ;
Rāgadosā atha moho, kodhamakkhā mānaṃ sabbaṃ;
มานโต ราคโทสา ปุน เทฺว, ปกาสิตา วคฺคมาหุ ปฐมนฺติฯ
Mānato rāgadosā puna dve, pakāsitā vaggamāhu paṭhamanti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๙-๑๐. โลภโทสปริญฺญาสุตฺตทฺวยวณฺณนา • 9-10. Lobhadosapariññāsuttadvayavaṇṇanā
