| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౯. దోవచస్సతాసుత్తం
9. Dovacassatāsuttaṃ
౧౧౫. ‘‘తయోమే, భిక్ఖవే, ధమ్మా. కతమే తయో? దోవచస్సతా, పాపమిత్తతా, చేతసో విక్ఖేపో. ఇమే ఖో, భిక్ఖవే, తయో ధమ్మా. ఇమేసం ఖో, భిక్ఖవే, తిణ్ణం ధమ్మానం పహానాయ తయో ధమ్మా భావేతబ్బా. కతమే తయో? దోవచస్సతాయ పహానాయ సోవచస్సతా భావేతబ్బా, పాపమిత్తతాయ పహానాయ కల్యాణమిత్తతా భావేతబ్బా, చేతసో విక్ఖేపస్స పహానాయ ఆనాపానస్సతి భావేతబ్బా. ఇమేసం ఖో, భిక్ఖవే, తిణ్ణం ధమ్మానం పహానాయ ఇమే తయో ధమ్మా భావేతబ్బా’’తి. నవమం.
115. ‘‘Tayome, bhikkhave, dhammā. Katame tayo? Dovacassatā, pāpamittatā, cetaso vikkhepo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Dovacassatāya pahānāya sovacassatā bhāvetabbā, pāpamittatāya pahānāya kalyāṇamittatā bhāvetabbā, cetaso vikkhepassa pahānāya ānāpānassati bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Navamaṃ.
Related texts:
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౧. పాతుభావసుత్తాదివణ్ణనా • 1-11. Pātubhāvasuttādivaṇṇanā
