| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
9. දොවචස්‌සතාසුත්‌තං
9. Dovacassatāsuttaṃ
115. ‘‘තයොමෙ, භික්‌ඛවෙ, ධම්‌මා. කතමෙ තයො? දොවචස්‌සතා, පාපමිත්‌තතා, චෙතසො වික්‌ඛෙපො. ඉමෙ ඛො, භික්‌ඛවෙ, තයො ධම්‌මා. ඉමෙසං ඛො, භික්‌ඛවෙ, තිණ්‌ණං ධම්‌මානං පහානාය තයො ධම්‌මා භාවෙතබ්‌බා. කතමෙ තයො? දොවචස්‌සතාය පහානාය සොවචස්‌සතා භාවෙතබ්‌බා, පාපමිත්‌තතාය පහානාය කල්‍යාණමිත්‌තතා භාවෙතබ්‌බා, චෙතසො වික්‌ඛෙපස්‌ස පහානාය ආනාපානස්‌සති භාවෙතබ්‌බා. ඉමෙසං ඛො, භික්‌ඛවෙ, තිණ්‌ණං ධම්‌මානං පහානාය ඉමෙ තයො ධම්‌මා භාවෙතබ්‌බා’’ති. නවමං.
115. ‘‘Tayome, bhikkhave, dhammā. Katame tayo? Dovacassatā, pāpamittatā, cetaso vikkhepo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Dovacassatāya pahānāya sovacassatā bhāvetabbā, pāpamittatāya pahānāya kalyāṇamittatā bhāvetabbā, cetaso vikkhepassa pahānāya ānāpānassati bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Navamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-11. පාතුභාවසුත්‌තාදිවණ්‌ණනා • 1-11. Pātubhāvasuttādivaṇṇanā
