| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
12. д̣̇уб̣б̣ажасигкаабад̣̇аван̣н̣анаа
12. Dubbacasikkhāpadavaṇṇanā
424. д̣̇ваад̣̇асамз вамбханаважананд̇и г̇арахаважанам̣. абасаад̣̇зд̇угаамод̇и кибид̇угаамо, д̇аж̇ж̇зд̇угаамо ваа, гхаддзд̇угаамод̇и вуд̇д̇ам̣ ход̇и. садасад̣̇д̣̇о бад̇ид̇асад̣̇д̣̇зна самаанад̇т̇о. висзсанасса жа баранибаад̇ам̣ гад̇ваа д̇ин̣агадтабан̣н̣асаданд̇и вуд̇д̇анд̇и ааха ‘‘д̇ад̇т̇а д̇ад̇т̇а бад̇ид̇ам̣ д̇ин̣агадтабан̣н̣а’’нд̇и. гзнаабийд̇и ваад̇асад̣̇исзна над̣̇ийсад̣̇исзна жа гзнааби.
424. Dvādasame vambhanavacananti garahavacanaṃ. Apasādetukāmoti khipitukāmo, tajjetukāmo vā, ghaṭṭetukāmoti vuttaṃ hoti. Saṭasaddo patitasaddena samānattho. Visesanassa ca paranipātaṃ katvā tiṇakaṭṭhapaṇṇasaṭanti vuttanti āha ‘‘tattha tattha patitaṃ tiṇakaṭṭhapaṇṇa’’nti. Kenāpīti vātasadisena nadīsadisena ca kenāpi.
425-426. вад̇д̇ум̣ асаггун̣зяяод̇и гисмин̃жи вужжамаанз асаханад̇о овад̣̇ид̇ум̣ асаггун̣зяяо. д̣̇угкам̣ важо зд̇асмим̣ виббадигуулаг̇г̇аахз вибажжанийгаваад̣̇з анаад̣̇арз буг̇г̇алзд̇и д̣̇уб̣б̣ажо. д̇знааха ‘‘д̣̇угкзна гижчзна вад̣̇ид̇аб̣б̣о’’д̇иаад̣̇и. д̣̇уб̣б̣ажабхаавагаран̣ийязхийд̇и д̣̇уб̣б̣ажабхаавагаарагзхи. гад̇д̇уад̇т̇з анийяасад̣̇д̣̇о д̣̇адтаб̣б̣о. д̇знзвааха ‘‘яз д̇хаммаа д̣̇уб̣б̣ажам̣ буг̇г̇алам̣ гаронд̇ий’’д̇иаад̣̇и. баабигаа ижчаа зд̇ассаад̇и баабижчо, д̇асса бхааво баабижчад̇аа, асанд̇аг̇ун̣асамбхааванад̇аа бадиг̇г̇ахан̣з жа амад̇д̇ан̃н̃уд̇аа баабижчад̇аад̇и взд̣̇ид̇аб̣б̣аа. ад̇д̇уггам̣сагаа жа д̇з баравамбхагаа жаад̇и ад̇д̇уггам̣сагабаравамбхагаа. яз ад̇д̇аанам̣ уггам̣санд̇и угкибанд̇и ужжз таанз табзнд̇и, баран̃жа вамбхзнд̇и г̇араханд̇и нийжз таанз табзнд̇и, д̇зсамзд̇ам̣ ад̇хиважанам̣. д̇зсам̣ бхааво ад̇д̇уггам̣сагабаравамбхагад̇аа. гуж̇жханасийло год̇хано, д̇асса бхааво год̇ханад̇аа. гуж̇жханалагкан̣асса год̇хассзд̇ам̣ ад̇хиважанам̣.
425-426.Vattuṃ asakkuṇeyyoti kismiñci vuccamāne asahanato ovadituṃ asakkuṇeyyo. Dukkhaṃ vaco etasmiṃ vippaṭikūlaggāhe vipaccanīkavāde anādare puggaleti dubbaco. Tenāha ‘‘dukkhena kicchena vaditabbo’’tiādi. Dubbacabhāvakaraṇīyehīti dubbacabhāvakārakehi. Kattuatthe anīyasaddo daṭṭhabbo. Tenevāha ‘‘ye dhammā dubbacaṃ puggalaṃ karontī’’tiādi. Pāpikā icchā etassāti pāpiccho, tassa bhāvo pāpicchatā, asantaguṇasambhāvanatā paṭiggahaṇe ca amattaññutā pāpicchatāti veditabbā. Attukkaṃsakā ca te paravambhakā cāti attukkaṃsakaparavambhakā. Ye attānaṃ ukkaṃsanti ukkhipanti ucce ṭhāne ṭhapenti, parañca vambhenti garahanti nīce ṭhāne ṭhapenti, tesametaṃ adhivacanaṃ. Tesaṃ bhāvo attukkaṃsakaparavambhakatā. Kujjhanasīlo kodhano, tassa bhāvo kodhanatā. Kujjhanalakkhaṇassa kodhassetaṃ adhivacanaṃ.
буб̣б̣агаалз год̇хо, абарагаалз убанааход̇и ааха ‘‘год̇хахзд̇у убанаахид̇аа’’д̇и. д̇ад̇т̇а убанаханасийло, убанаахо ваа зд̇асса ад̇т̇ийд̇и убанаахий, д̇асса бхааво убанаахид̇аа. бунаббунам̣ жид̇д̇абарияонад̣̇д̇халагкан̣асса год̇хассзвзд̇ам̣ ад̇хиважанам̣. сагин̃хи уббанно год̇хо год̇хоязва, д̇ад̇уд̇д̇ари убанаахо. абхисан̇г̇од̇и д̣̇умможанийяо б̣алаваубанаахо. со асса ад̇т̇ийд̇и абхисан̇г̇ий, д̇асса бхааво абхисан̇г̇ид̇аа. д̣̇умможанийяасса б̣алаваубанаахассзд̇ам̣ ад̇хиважанам̣. жод̣̇агам̣ бадибпаран̣ад̇аад̇и жод̣̇агасса бадивируд̣̇д̇хзна бажжанийгзна худ̇ваа авадтаанам̣. жод̣̇агам̣ абасаад̣̇анад̇аад̇и ‘‘гим̣ ну ко д̇уяхам̣ б̣ааласса аб̣яад̇д̇асса бхан̣ид̇зна, д̇вамби наама бхан̣ид̇аб̣б̣ам̣ ман̃н̃иссасий’’д̇и звам̣ жод̣̇агасса гхадданаа. жод̣̇агасса бажжааробанад̇аад̇и ‘‘д̇вамби коси ид̇т̇аннаамам̣ аабад̇д̇им̣ аабанно, д̇ам̣ д̇аава бадигарохий’’д̇и звам̣ жод̣̇агасса убари бадиааробанад̇аа.
Pubbakāle kodho, aparakāle upanāhoti āha ‘‘kodhahetu upanāhitā’’ti. Tattha upanahanasīlo, upanāho vā etassa atthīti upanāhī, tassa bhāvo upanāhitā. Punappunaṃ cittapariyonaddhalakkhaṇassa kodhassevetaṃ adhivacanaṃ. Sakiñhi uppanno kodho kodhoyeva, tatuttari upanāho. Abhisaṅgoti dummocanīyo balavaupanāho. So assa atthīti abhisaṅgī, tassa bhāvo abhisaṅgitā. Dummocanīyassa balavaupanāhassetaṃ adhivacanaṃ. Codakaṃ paṭippharaṇatāti codakassa paṭiviruddhena paccanīkena hutvā avaṭṭhānaṃ. Codakaṃ apasādanatāti ‘‘kiṃ nu kho tuyhaṃ bālassa abyattassa bhaṇitena, tvampi nāma bhaṇitabbaṃ maññissasī’’ti evaṃ codakassa ghaṭṭanā. Codakassa paccāropanatāti ‘‘tvampi khosi itthannāmaṃ āpattiṃ āpanno, taṃ tāva paṭikarohī’’ti evaṃ codakassa upari paṭiāropanatā.
ан̃н̃зна ан̃н̃ам̣ бадижаран̣ад̇аад̇и ан̃н̃зна гааран̣зна, важанзна ваа ан̃н̃асса гааран̣асса, важанасса ваа бадижчаад̣̇анавасзна жаран̣ад̇аа. бадижчаад̣̇анад̇т̇о зва ваа жарасад̣̇д̣̇о анзгад̇т̇ад̇д̇аа д̇хаад̇уунанд̇и бадижчаад̣̇анад̇аад̇и ад̇т̇о. д̇ааяа саманнааг̇ад̇о хи буг̇г̇ало яам̣ жод̣̇агзна д̣̇осавибхааванагааран̣ам̣, важанам̣ ваа вуд̇д̇ам̣, д̇ам̣ д̇ад̇о ан̃н̃знзва жод̣̇анааяа амуулигабхаавад̣̇ийбанзна гааран̣зна, д̇ад̣̇ад̇т̇аб̣од̇хагзна важанзна ваа бадижчаад̣̇зд̇и. ‘‘аабад̇д̇им̣ аабанносий’’д̇и вуд̇д̇з ‘‘го аабанно, гим̣ аабанно, гисмим̣ аабанно, гам̣ бхан̣ат̇а, гим̣ бхан̣ат̇аа’’д̇и ваа вад̇ваа ‘‘зваруубам̣ гин̃жи д̇аяаа д̣̇идта’’нд̇и вуд̇д̇з ‘‘на сун̣аамий’’д̇и сод̇ам̣ ваа убанаамзд̇ваа вигкзбам̣ гаронд̇оби ан̃н̃знан̃н̃ам̣ бадижчаад̣̇зд̇и. ‘‘ид̇т̇аннаамам̣ аабад̇д̇им̣ аабанносий’’д̇и будтз ‘‘баадалибуд̇д̇ам̣ г̇ад̇омхий’’д̇и вад̇ваа буна ‘‘на д̇ава баадалибуд̇д̇аг̇аманам̣ бужчаама, аабад̇д̇им̣ бужчаамаа’’д̇и вуд̇д̇з д̇ад̇о ‘‘рааж̇аг̇ахам̣ г̇ад̇омхий’’д̇и вад̇ваа ‘‘рааж̇аг̇ахам̣ ваа яаахи б̣раахман̣аг̇ахам̣ ваа, аабад̇д̇им̣ аабанносий’’д̇и вуд̇д̇з ‘‘д̇ад̇т̇а мз суугарамам̣сам̣ лад̣̇д̇ха’’нд̇иаад̣̇ийни вад̇ваа б̣ахид̣̇д̇хаа гат̇аавигкибанамби ад̇т̇ад̇о ан̃н̃знан̃н̃ам̣ бадижаран̣амзваад̇и висум̣ на г̇ахид̇ам̣.
Aññena aññaṃ paṭicaraṇatāti aññena kāraṇena, vacanena vā aññassa kāraṇassa, vacanassa vā paṭicchādanavasena caraṇatā. Paṭicchādanattho eva vā carasaddo anekatthattā dhātūnanti paṭicchādanatāti attho. Tāya samannāgato hi puggalo yaṃ codakena dosavibhāvanakāraṇaṃ, vacanaṃ vā vuttaṃ, taṃ tato aññeneva codanāya amūlikabhāvadīpanena kāraṇena, tadatthabodhakena vacanena vā paṭicchādeti. ‘‘Āpattiṃ āpannosī’’ti vutte ‘‘ko āpanno, kiṃ āpanno, kismiṃ āpanno, kaṃ bhaṇatha, kiṃ bhaṇathā’’ti vā vatvā ‘‘evarūpaṃ kiñci tayā diṭṭha’’nti vutte ‘‘na suṇāmī’’ti sotaṃ vā upanāmetvā vikkhepaṃ karontopi aññenaññaṃ paṭicchādeti. ‘‘Itthannāmaṃ āpattiṃ āpannosī’’ti puṭṭhe ‘‘pāṭaliputtaṃ gatomhī’’ti vatvā puna ‘‘na tava pāṭaliputtagamanaṃ pucchāma, āpattiṃ pucchāmā’’ti vutte tato ‘‘rājagahaṃ gatomhī’’ti vatvā ‘‘rājagahaṃ vā yāhi brāhmaṇagahaṃ vā, āpattiṃ āpannosī’’ti vutte ‘‘tattha me sūkaramaṃsaṃ laddha’’ntiādīni vatvā bahiddhā kathāvikkhipanampi atthato aññenaññaṃ paṭicaraṇamevāti visuṃ na gahitaṃ.
абад̣̇аанзнаад̇и ад̇д̇ано жарияааяа. абад̣̇ийяанд̇и хи д̣̇осаа зд̇зна д̣̇агкийяанд̇и, луяанд̇и чиж̇ж̇анд̇ийд̇и ваа абад̣̇аанам̣, сад̇д̇аанам̣ саммаа мижчаа ваа вад̇д̇аббаяог̇о. на самбааяанад̇аад̇и ‘‘аавусо, д̇вам̣ гухим̣ васаси, гам̣ ниссааяа васасий’’д̇и ваа ‘‘яам̣ д̇вам̣ вад̣̇зси ‘маяаа зса аабад̇д̇им̣ аабаж̇ж̇анд̇о д̣̇идто’д̇и, д̇вам̣ д̇асмим̣ самаяз гим̣ гароси, аяам̣ гим̣ гарод̇и, гад̇т̇а жа д̇вам̣ ахоси, гад̇т̇а аяа’’нд̇и ваа аад̣̇инаа наязна жарияам̣ будтзна самбаад̣̇зд̇ваа агат̇анам̣.
Apadānenāti attano cariyāya. Apadīyanti hi dosā etena dakkhīyanti, luyanti chijjantīti vā apadānaṃ, sattānaṃ sammā micchā vā vattappayogo. Na sampāyanatāti ‘‘āvuso, tvaṃ kuhiṃ vasasi, kaṃ nissāya vasasī’’ti vā ‘‘yaṃ tvaṃ vadesi ‘mayā esa āpattiṃ āpajjanto diṭṭho’ti, tvaṃ tasmiṃ samaye kiṃ karosi, ayaṃ kiṃ karoti, kattha ca tvaṃ ahosi, kattha aya’’nti vā ādinā nayena cariyaṃ puṭṭhena sampādetvā akathanaṃ.
магкибал̣аасид̇аад̇и зд̇т̇а бараг̇ун̣амагканалагкан̣о магко, со зд̇асса ад̇т̇ийд̇и магкий. д̇аад̣̇исо буг̇г̇ало аг̇аарияо анаг̇аарияо ваа самаано барзсам̣ сугад̇агаран̣ам̣ винаасзд̇и. аг̇аарияоби хи гзнажи анугамбагзна д̣̇алид̣̇д̣̇о самаано ужжадтаанз табид̇о, абарзна самаязна ‘‘гим̣ д̇аяаа маяхам̣ гад̇а’’нд̇и д̇асса сугад̇агаран̣ам̣ винаасзд̇и. анаг̇аарияоби сааман̣зрагаалад̇о бабхуд̇и аажариязна ваа убаж̇жхааязна ваа жад̇уухи бажжаязхи уд̣̇д̣̇зсабарибужчаад̣̇ийхи жа ануг̇г̇ахзд̇ваа д̇хаммагат̇аанаяабагаран̣агосаллаад̣̇ийни сигкаабид̇о, абарзна самаязна рааж̇арааж̇амахаамад̇д̇аад̣̇ийхи саггад̇о г̇аругад̇о аажарияубаж̇жхааязсу ажид̇д̇ийгад̇о жарамаано ‘‘аяам̣ амхзхи д̣̇ахарагаалз зва ануг̇г̇ахид̇о сам̣вад̣̇д̇хид̇о жа, ат̇а жа банид̣̇аани ниссинзхо ж̇аад̇о’’д̇и вужжамаано ‘‘гим̣ маяхам̣ д̇умхзхи гад̇а’’нд̇и д̇зсам̣ сугад̇агаран̣ам̣ винаасзд̇и.
Makkhipaḷāsitāti ettha paraguṇamakkhanalakkhaṇo makkho, so etassa atthīti makkhī. Tādiso puggalo agāriyo anagāriyo vā samāno paresaṃ sukatakaraṇaṃ vināseti. Agāriyopi hi kenaci anukampakena daliddo samāno uccaṭṭhāne ṭhapito, aparena samayena ‘‘kiṃ tayā mayhaṃ kata’’nti tassa sukatakaraṇaṃ vināseti. Anagāriyopi sāmaṇerakālato pabhuti ācariyena vā upajjhāyena vā catūhi paccayehi uddesaparipucchādīhi ca anuggahetvā dhammakathānayapakaraṇakosallādīni sikkhāpito, aparena samayena rājarājamahāmattādīhi sakkato garukato ācariyupajjhāyesu acittīkato caramāno ‘‘ayaṃ amhehi daharakāle eva anuggahito saṃvaddhito ca, atha ca panidāni nissineho jāto’’ti vuccamāno ‘‘kiṃ mayhaṃ tumhehi kata’’nti tesaṃ sukatakaraṇaṃ vināseti.
‘‘б̣ахуссуд̇зби буг̇г̇алз аж̇жход̇т̇арид̇ваа ийд̣̇исасса жзва б̣ахуссуд̇асса анияад̇аа г̇ад̇и, д̇ава ваа мама ваа го висзсо’’д̇иаад̣̇инаа наязна уббаж̇ж̇амаано яуг̇аг̇г̇аахалагкан̣о бал̣аасо. со бараг̇ун̣зхи ад̇д̇ано г̇ун̣аанам̣ самагаран̣арасо. д̇ат̇аа хзса барзсам̣ г̇ун̣з д̣ам̣сид̇ваа вияа ад̇д̇ано г̇ун̣зхи самз гарод̇ийд̇и бал̣аасод̇и вужжад̇и, со зд̇асса ад̇т̇ийд̇и бал̣аасий. магкий жа бал̣аасий жа магкибал̣аасино, д̇зсам̣ бхааво магкибал̣аасид̇аа. ад̇т̇ад̇о бана магко жзва бал̣аасо жа.
‘‘Bahussutepi puggale ajjhottharitvā īdisassa ceva bahussutassa aniyatā gati, tava vā mama vā ko viseso’’tiādinā nayena uppajjamāno yugaggāhalakkhaṇo paḷāso. So paraguṇehi attano guṇānaṃ samakaraṇaraso. Tathā hesa paresaṃ guṇe ḍaṃsitvā viya attano guṇehi same karotīti paḷāsoti vuccati, so etassa atthīti paḷāsī. Makkhī ca paḷāsī ca makkhipaḷāsino, tesaṃ bhāvo makkhipaḷāsitā. Atthato pana makkho ceva paḷāso ca.
иссад̇и барасамбад̇д̇им̣ на сахад̇ийд̇и иссугий. мажчарааяад̇и ад̇д̇ано самбад̇д̇им̣ ниг̇уухад̇и, барзсам̣ саад̇хааран̣абхаавам̣ на сахад̇и, мажчзрам̣ ваа зд̇асса ад̇т̇ийд̇и мажчарий. сатаяад̇и на саммаа бхаасад̇ийд̇и сато, ад̇д̇ано авиж̇ж̇амаанаг̇ун̣аббагаасаналагкан̣зна саатзяязна саманнааг̇ад̇о гзраадигабуг̇г̇ало. гзраадиго жа аананд̣̇амажчо вияа ход̇и. аананд̣̇амажчо наама гира мажчаанам̣ нан̇г̇удтам̣ д̣̇ассзд̇и, саббаанам̣ сийсам̣ ‘‘д̇умхзхи сад̣̇исо аха’’нд̇и ж̇аанаабзд̇ум̣, звамзва гзраадиго буг̇г̇ало яам̣ яам̣ суд̇д̇анд̇игам̣ ваа аабхид̇хаммигам̣ ваа убасан̇гамад̇и, д̇ам̣ д̇ам̣ звам̣ вад̣̇ад̇и ‘‘ахам̣ д̇умхаагам̣ анд̇зваасий, д̇умхз маяхам̣ анугамбагаа, наахам̣ д̇умхз мун̃жаамий’’д̇и ‘‘звамзд̇з ‘саг̇аараво аяам̣ амхзсу саббад̇иссо’д̇и ман̃н̃иссанд̇ий’’д̇и. саатзяязна хи саманнааг̇ад̇асса буг̇г̇аласса асанд̇аг̇ун̣асамбхааванзна жид̇д̇аануруубагирияаавихарад̇о ‘‘звам̣жид̇д̇о звам̣гирияо’’д̇и д̣̇увин̃н̃зяяад̇д̇аа гужчим̣ ваа бидтим̣ ваа ж̇аанид̇ум̣ на саггаа. яад̇о со –
Issati parasampattiṃ na sahatīti issukī. Maccharāyati attano sampattiṃ nigūhati, paresaṃ sādhāraṇabhāvaṃ na sahati, maccheraṃ vā etassa atthīti maccharī. Saṭhayati na sammā bhāsatīti saṭho, attano avijjamānaguṇappakāsanalakkhaṇena sāṭheyyena samannāgato kerāṭikapuggalo. Kerāṭiko ca ānandamaccho viya hoti. Ānandamaccho nāma kira macchānaṃ naṅguṭṭhaṃ dasseti, sappānaṃ sīsaṃ ‘‘tumhehi sadiso aha’’nti jānāpetuṃ, evameva kerāṭiko puggalo yaṃ yaṃ suttantikaṃ vā ābhidhammikaṃ vā upasaṅkamati, taṃ taṃ evaṃ vadati ‘‘ahaṃ tumhākaṃ antevāsī, tumhe mayhaṃ anukampakā, nāhaṃ tumhe muñcāmī’’ti ‘‘evamete ‘sagāravo ayaṃ amhesu sappatisso’ti maññissantī’’ti. Sāṭheyyena hi samannāgatassa puggalassa asantaguṇasambhāvanena cittānurūpakiriyāviharato ‘‘evaṃcitto evaṃkiriyo’’ti duviññeyyattā kucchiṃ vā piṭṭhiṃ vā jānituṃ na sakkā. Yato so –
‘‘ваамзна суугаро ход̇и, д̣̇агкин̣зна аж̇аамиг̇о;
‘‘Vāmena sūkaro hoti, dakkhiṇena ajāmigo;
сарзна нзлаго ход̇и, висаан̣зна ж̇араг̇г̇аво’’д̇и. (д̣̇ий. ни. адта. 2.296; вибха. адта. 894; махаани. адта. 166) –
Sarena nelako hoti, visāṇena jaraggavo’’ti. (dī. ni. aṭṭha. 2.296; vibha. aṭṭha. 894; mahāni. aṭṭha. 166) –
звам̣ вуд̇д̇аяагкасуугарасад̣̇исо ход̇и. гад̇абаабабадижчаад̣̇аналагкан̣аа мааяаа, саа асса ад̇т̇ийд̇и мааяаавий.
Evaṃ vuttayakkhasūkarasadiso hoti. Katapāpapaṭicchādanalakkhaṇā māyā, sā assa atthīti māyāvī.
т̇амбхасаман̇г̇ид̇ааяа т̇ад̣̇д̇хо. ваад̇абхарид̇абхасд̇аасад̣̇исат̇ад̣̇д̇хабхаавабаг̇г̇ахид̇асирааниваад̇авуд̇д̇игаарагарод̇и т̇амбхо. язна саманнааг̇ад̇о буг̇г̇ало г̇илид̇анан̇г̇аласад̣̇исо вияа аж̇аг̇аро, ваад̇абхарид̇абхасд̇аа вияа жа т̇ад̣̇д̇хо худ̇ваа г̇арудтаанияз д̣̇исваа онамид̇умби на ижчад̇и, барияанд̇знзва жарад̇и. аб̣бхуннад̇илагкан̣о ад̇имаано, со зд̇асса ад̇т̇ийд̇и ад̇имааний.
Thambhasamaṅgitāya thaddho. Vātabharitabhastāsadisathaddhabhāvapaggahitasiraanivātavuttikārakaroti thambho. Yena samannāgato puggalo gilitanaṅgalasadiso viya ajagaro, vātabharitabhastā viya ca thaddho hutvā garuṭṭhāniye disvā onamitumpi na icchati, pariyanteneva carati. Abbhunnatilakkhaṇo atimāno, so etassa atthīti atimānī.
сам̣ ад̇д̇ано д̣̇идтим̣ бараамасад̇и сабхаавам̣ ад̇иггамид̇ваа барад̇о аамасад̇ийд̇и санд̣̇идтибараамаасий. аад̇хаанам̣ г̇ан̣хаад̇ийд̇и аад̇хаанаг̇г̇аахий. ‘‘аад̇хаана’’нд̇и д̣̇ал̣хам̣ вужжад̇и, д̣̇ал̣хаг̇г̇аахийд̇и ад̇т̇о. яуд̇д̇ам̣ гааран̣ам̣ д̣̇исваава лад̣̇д̇хим̣ бадиниссаж̇ж̇ад̇ийд̇и бадиниссаг̇г̇ий, д̣̇угкзна гижчзна гасирзна б̣ахумби гааран̣ам̣ д̣̇ассзд̇ваа на саггаа бадиниссаг̇г̇им̣ гаад̇унд̇и д̣̇уббадиниссаг̇г̇ий, яо ад̇д̇ано д̣̇идтим̣ ‘‘ид̣̇амзва сажжа’’нд̇и д̣̇ал̣хам̣ г̇ан̣хид̇ваа аби б̣уд̣̇д̇хаад̣̇ийхи гааран̣ам̣ д̣̇ассзд̇ваа вужжамаано на бадиниссаж̇ж̇ад̇и, д̇ассзд̇ам̣ ад̇хиважанам̣. д̇аад̣̇исо хи буг̇г̇ало яам̣ яад̣̇зва д̇хаммам̣ ваа ад̇хаммам̣ ваа сун̣аад̇и, д̇ам̣ саб̣б̣ам̣ ‘‘звам̣ амхаагам̣ аажариязхи гат̇ид̇ам̣, звам̣ амхзхи суд̇а’’нд̇и гуммова ан̇г̇аани сагз габаалз анд̇оязва самод̣̇ахад̇и. яат̇аа хи гажчабо ад̇д̇ано баад̣̇аад̣̇игз ан̇г̇з гзнажи гхаддид̇з саб̣б̣аани ан̇г̇аани ад̇д̇ано габаалзязва самод̣̇ахад̇и, на б̣ахи нийхарад̇и, звамаяамби ‘‘на сунд̣̇аро д̇ава г̇аахо, чад̣д̣зхи на’’нд̇и вуд̇д̇о д̇ам̣ на виссаж̇ж̇зд̇и, анд̇оязва ад̇д̇ано хад̣̇аяз зва табзд̇ваа вижарад̇и. яат̇аа гумбхийлаа г̇ахид̇ам̣ на бадиниссаж̇ж̇анд̇и, звам̣ гумбхийлаг̇г̇аахам̣ г̇ан̣хаад̇и, на виссаж̇ж̇зд̇и. магкибал̣аасид̇аад̣̇ияуг̇ал̣ад̇д̇аязна д̣̇ассид̇з магкабал̣аасаад̣̇аяо ча д̇хаммз висум̣ висум̣ г̇ахзд̇ваа ‘‘згуунавийсад̇и д̇хаммаа’’д̇и вуд̇д̇ам̣. анумаанасуд̇д̇адтагат̇ааяам̣ (ма. ни. адта. 1.181) бана магкабал̣аасаад̣̇аяоби яуг̇ал̣авасзна згам̣ гад̇ваа ‘‘сол̣аса д̇хаммаа’’д̇и вуд̇д̇ам̣.
Saṃ attano diṭṭhiṃ parāmasati sabhāvaṃ atikkamitvā parato āmasatīti sandiṭṭhiparāmāsī. Ādhānaṃ gaṇhātīti ādhānaggāhī. ‘‘Ādhāna’’nti daḷhaṃ vuccati, daḷhaggāhīti attho. Yuttaṃ kāraṇaṃ disvāva laddhiṃ paṭinissajjatīti paṭinissaggī, dukkhena kicchena kasirena bahumpi kāraṇaṃ dassetvā na sakkā paṭinissaggiṃ kātunti duppaṭinissaggī, yo attano diṭṭhiṃ ‘‘idameva sacca’’nti daḷhaṃ gaṇhitvā api buddhādīhi kāraṇaṃ dassetvā vuccamāno na paṭinissajjati, tassetaṃ adhivacanaṃ. Tādiso hi puggalo yaṃ yadeva dhammaṃ vā adhammaṃ vā suṇāti, taṃ sabbaṃ ‘‘evaṃ amhākaṃ ācariyehi kathitaṃ, evaṃ amhehi suta’’nti kummova aṅgāni sake kapāle antoyeva samodahati. Yathā hi kacchapo attano pādādike aṅge kenaci ghaṭṭite sabbāni aṅgāni attano kapāleyeva samodahati, na bahi nīharati, evamayampi ‘‘na sundaro tava gāho, chaḍḍehi na’’nti vutto taṃ na vissajjeti, antoyeva attano hadaye eva ṭhapetvā vicarati. Yathā kumbhīlā gahitaṃ na paṭinissajjanti, evaṃ kumbhīlaggāhaṃ gaṇhāti, na vissajjeti. Makkhipaḷāsitādiyugaḷattayena dassite makkhapaḷāsādayo cha dhamme visuṃ visuṃ gahetvā ‘‘ekūnavīsati dhammā’’ti vuttaṃ. Anumānasuttaṭṭhakathāyaṃ (ma. ni. aṭṭha. 1.181) pana makkhapaḷāsādayopi yugaḷavasena ekaṃ katvā ‘‘soḷasa dhammā’’ti vuttaṃ.
багаарзхи ааваханам̣ бад̣̇агкин̣ам̣, д̇ад̇о бад̣̇агкин̣ад̇о г̇ахан̣асийло бад̣̇агкин̣аг̇г̇аахий, на бад̣̇агкин̣аг̇г̇аахий аббад̣̇агкин̣аг̇г̇аахий. яо вужжамаано ‘‘д̇умхз мам̣ гасмаа вад̣̇ат̇а, ахам̣ ад̇д̇ано габбияаагаббияам̣ сааваж̇ж̇аанаваж̇ж̇ам̣ ад̇т̇аанад̇т̇ам̣ ж̇аанаамий’’д̇и вад̣̇ад̇и, аяам̣ анусаасаним̣ бад̣̇агкин̣ад̇о на г̇ан̣хаад̇и, ваамад̇ова г̇ан̣хаад̇и, д̇асмаа ‘‘аббад̣̇агкин̣аг̇г̇аахий’’д̇и вужжад̇и, д̇знааха ‘‘яат̇аанусидта’’нд̇иаад̣̇и.
Pakārehi āvahanaṃ padakkhiṇaṃ, tato padakkhiṇato gahaṇasīlo padakkhiṇaggāhī, na padakkhiṇaggāhī appadakkhiṇaggāhī. Yo vuccamāno ‘‘tumhe maṃ kasmā vadatha, ahaṃ attano kappiyākappiyaṃ sāvajjānavajjaṃ atthānatthaṃ jānāmī’’ti vadati, ayaṃ anusāsaniṃ padakkhiṇato na gaṇhāti, vāmatova gaṇhāti, tasmā ‘‘appadakkhiṇaggāhī’’ti vuccati, tenāha ‘‘yathānusiṭṭha’’ntiādi.
уд̣̇д̣̇зсзд̇и баад̇имогкуд̣̇д̣̇зсз. ат̇а саб̣б̣аанзва сигкаабад̣̇аани гат̇ам̣ баад̇имогкуд̣̇д̣̇зсабарияаабаннаанийд̇и ааха ‘‘яасса сияаа аабад̇д̇и, со аавигарзяяаад̇и звам̣ сан̇г̇ахид̇ад̇д̇аа’’д̇и. ‘‘яасса сияаа аабад̇д̇ий’’д̇и хи иминаа саб̣б̣ааби аабад̇д̇ияо нид̣̇аануд̣̇д̣̇зсз сан̇г̇ахид̇ааязва хонд̇и. бан̃жахи сахад̇хаммигзхи сигкид̇аб̣б̣ад̇д̇аад̇и лаб̣бхамаанавасзна вуд̇д̇ам̣. сахад̇хаммигзна сахагааран̣знаад̇иби ад̇т̇о д̣̇адтаб̣б̣о. ‘‘важанааяаа’’д̇и ниссаггз самбад̣̇аанаважананд̇и ааха ‘‘д̇ад̇о мама важанад̇о’’д̇и. ан̇г̇аани жзд̇т̇а батамасан̇гхабхзд̣̇асад̣̇исаани. аяам̣ бана висзсо – яат̇аа д̇ад̇т̇а бхзд̣̇ааяа бараггаманам̣, звам̣ ид̇ха аважанийяагаран̣ад̇аа д̣̇адтаб̣б̣аа.
Uddeseti pātimokkhuddese. Atha sabbāneva sikkhāpadāni kathaṃ pātimokkhuddesapariyāpannānīti āha ‘‘yassa siyā āpatti, so āvikareyyāti evaṃ saṅgahitattā’’ti. ‘‘Yassa siyā āpattī’’ti hi iminā sabbāpi āpattiyo nidānuddese saṅgahitāyeva honti. Pañcahi sahadhammikehi sikkhitabbattāti labbhamānavasena vuttaṃ. Sahadhammikena sahakāraṇenātipi attho daṭṭhabbo. ‘‘Vacanāyā’’ti nissakke sampadānavacananti āha ‘‘tato mama vacanato’’ti. Aṅgāni cettha paṭhamasaṅghabhedasadisāni. Ayaṃ pana viseso – yathā tattha bhedāya parakkamanaṃ, evaṃ idha avacanīyakaraṇatā daṭṭhabbā.
д̣̇уб̣б̣ажасигкаабад̣̇аван̣н̣анаа нидтид̇аа.
Dubbacasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 12. д̣̇уб̣б̣ажасигкаабад̣̇ам̣ • 12. Dubbacasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 12. д̣̇уб̣б̣ажасигкаабад̣̇аван̣н̣анаа • 12. Dubbacasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 12. д̣̇уб̣б̣ажасигкаабад̣̇аван̣н̣анаа • 12. Dubbacasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 12. д̣̇уб̣б̣ажасигкаабад̣̇аван̣н̣анаа • 12. Dubbacasikkhāpadavaṇṇanā
