| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੧੨. ਦੁਬ੍ਬਚਸਿਕ੍ਖਾਪਦવਣ੍ਣਨਾ
12. Dubbacasikkhāpadavaṇṇanā
੪੨੪. ਦ੍વਾਦਸਮੇ વਮ੍ਭਨવਚਨਨ੍ਤਿ ਗਰਹવਚਨਂ। ਸਟ-ਸਦ੍ਦੋ ਪਤਿਤਸਦ੍ਦੇਨ ਸਮਾਨਤ੍ਥੋ, ਤਸ੍ਸ ਚ વਿਸੇਸਨਸ੍ਸ ਪਰਨਿਪਾਤੋਤਿ ਆਹ ‘‘ਤਤ੍ਥ ਤਤ੍ਥ ਪਤਿਤਂ ਤਿਣਕਟ੍ਠਪਣ੍ਣ’’ਨ੍ਤਿ। ਕੇਨਾਪੀਤਿ વਾਤਾਦਿਸਦਿਸੇਨ ਉਪਜ੍ਝਾਯਾਦਿਨਾ।
424. Dvādasame vambhanavacananti garahavacanaṃ. Saṭa-saddo patitasaddena samānattho, tassa ca visesanassa paranipātoti āha ‘‘tattha tattha patitaṃ tiṇakaṭṭhapaṇṇa’’nti. Kenāpīti vātādisadisena upajjhāyādinā.
੪੨੬. ਚਿਤ੍ਤਪਰਿਯੋਨਾਹੋ ਦਲ਼੍ਹਕੋਧੋવ ਉਪਨਾਹੋ। ਤਤੋਪਿ ਬਲવਤਰੋ ਦੁਮ੍ਮੋਚਨੀਯੋ ਕੋਧਾਭਿਸਙ੍ਗੋ। ਚੋਦਕਂ ਪਟਿਪ੍ਫਰਣਤਾਤਿ ਚੋਦਕਸ੍ਸ ਪਟਿવਿਰੁਦ੍ਧੋ ਹੁਤ੍વਾ ਅવਟ੍ਠਾਨਂ। ਚੋਦਕਂ ਅਪਸਾਦਨਾਤਿ વਾਚਾਯ ਘਟ੍ਟਨਾ। ਪਚ੍ਚਾਰੋਪਨਾਤਿ ‘‘ਤ੍વਮ੍ਪਿ ਸਾਪਤ੍ਤਿਕੋ’’ਤਿ ਚੋਦਕਸ੍ਸ ਆਪਤ੍ਤਿਆਰੋਪਨਾ। ਪਟਿਚਰਣਤਾਤਿ ਪਟਿਚ੍ਛਾਦਨਤਾ। ਅਪਦਾਨੇਨਾਤਿ ਅਤ੍ਤਨੋ ਚਰਿਯਾਯ। ਨ ਸਮ੍ਪਾਯਨਤਾਤਿ ‘‘ਯਂ ਤ੍વਂ ਚੋਦਕੋ વਦੇਸਿ ‘ਮਯਾ ਏਸ ਆਪਤ੍ਤਿਂ ਆਪਨ੍ਨੋ ਦਿਟ੍ਠੋ’ਤਿ, ਤ੍વਂ ਤਸ੍ਮਿਂ ਸਮਯੇ ਕਿਂ ਕਰੋਸਿ, ਅਯਂ ਕਿਂ ਕਰੋਤਿ, ਕਤ੍ਥ ਚ ਤ੍વਂ ਅਹੋਸਿ, ਕਤ੍ਥ ਅਯ’’ਨ੍ਤਿਆਦਿਨਾ ਨਯੇਨ ਚਰਿਯਂ ਪੁਟ੍ਠੇਨ ਸਮ੍ਪਾਦੇਤ੍વਾ ਅਕਥਨਂ।
426. Cittapariyonāho daḷhakodhova upanāho. Tatopi balavataro dummocanīyo kodhābhisaṅgo. Codakaṃ paṭippharaṇatāti codakassa paṭiviruddho hutvā avaṭṭhānaṃ. Codakaṃ apasādanāti vācāya ghaṭṭanā. Paccāropanāti ‘‘tvampi sāpattiko’’ti codakassa āpattiāropanā. Paṭicaraṇatāti paṭicchādanatā. Apadānenāti attano cariyāya. Na sampāyanatāti ‘‘yaṃ tvaṃ codako vadesi ‘mayā esa āpattiṃ āpanno diṭṭho’ti, tvaṃ tasmiṃ samaye kiṃ karosi, ayaṃ kiṃ karoti, kattha ca tvaṃ ahosi, kattha aya’’ntiādinā nayena cariyaṃ puṭṭhena sampādetvā akathanaṃ.
‘‘ਯਸ੍ਸ ਸਿਯਾ ਆਪਤ੍ਤੀ’’ਤਿ (ਮਹਾવ॰ ੧੩੪) ਇਮਿਨਾ ਨਿਦਾਨવਚਨੇਨ ਸਬ੍ਬਾਪਿ ਆਪਤ੍ਤਿਯੋ ਸਙ੍ਗਹਿਤਾਤਿ ਆਹ ‘‘ਯਸ੍ਸ ਸਿਯਾ’’ਤਿਆਦਿ। ਅਙ੍ਗਾਨਿ ਚੇਤ੍ਥ ਪਠਮਸਙ੍ਘਭੇਦਸਦਿਸਾਨਿ, ਅਯਂ ਪਨ વਿਸੇਸੋ ਯਥਾ ਤਤ੍ਥ ਭੇਦਾਯ ਪਰਕ੍ਕਮਨਂ, ਇਧ ਅવਚਨੀਯਕਰਣਤਾ ਦਟ੍ਠਬ੍ਬਾ।
‘‘Yassa siyā āpattī’’ti (mahāva. 134) iminā nidānavacanena sabbāpi āpattiyo saṅgahitāti āha ‘‘yassa siyā’’tiādi. Aṅgāni cettha paṭhamasaṅghabhedasadisāni, ayaṃ pana viseso yathā tattha bhedāya parakkamanaṃ, idha avacanīyakaraṇatā daṭṭhabbā.
ਦੁਬ੍ਬਚਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dubbacasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧੨. ਦੁਬ੍ਬਚਸਿਕ੍ਖਾਪਦਂ • 12. Dubbacasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧੨. ਦੁਬ੍ਬਚਸਿਕ੍ਖਾਪਦવਣ੍ਣਨਾ • 12. Dubbacasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧੨. ਦੁਬ੍ਬਚਸਿਕ੍ਖਾਪਦવਣ੍ਣਨਾ • 12. Dubbacasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧੨. ਦੁਬ੍ਬਚਸਿਕ੍ਖਾਪਦવਣ੍ਣਨਾ • 12. Dubbacasikkhāpadavaṇṇanā
