| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
11. து³ப்³ப³லஸிக்கா²பத³வண்ணனா
11. Dubbalasikkhāpadavaṇṇanā
அகப்பியேன வாதி ஸுவண்ணரஜதமயமஞ்சாதி³னா. கப்பியமஞ்சோ ஸம்படிச்சி²தப்³போ³தி ‘‘ஸங்க⁴ஸ்ஸ தே³மா’’தி தி³ன்னங் ஸந்தா⁴ய வுத்தங், தேஹி பன ‘‘விஹாரஸ்ஸ தே³மா’’தி வுத்தே ஸுவண்ணரஜதமயாதி³அகப்பியமஞ்சாபி ஸம்படிச்சி²தப்³பா³தி ச, ‘‘அரஞ்ஜரோ ப³ஹுஉத³கக³ண்ஹனகோ’’தி ச, ‘‘ஸங்கி⁴கபஅபோ⁴கே³ன வாதி ஸசே ஆராமிகாத³யோ படிஸாமெத்வா படிதெ³ந்தி, பரிபு⁴ஞ்ஜிதுங் வட்டதீ’’தி ச, ‘‘கங்ஸலோஹாதி³பா⁴ஜனங் ஸங்க⁴ஸ்ஸ தி³ன்னம்பி பாரிஹாரியங் ந வட்டதீ’’தி (சூளவ॰ அட்ட²॰ 321) ஸமந்தபாஸாதி³காயங் வுத்தத்தா அத்தனோ ஹத்தே²ன க³ஹெத்வா படிஸாமிதுங் ந லப⁴தீதி ச, ‘‘வேத⁴கோ காயப³ந்த⁴னஸ்ஸாதி வத³ந்தீ’’தி ச, ‘‘ஹிங்கு³ ஹிங்கு³லிஹரிதாலமனோஸிலா அஞ்ஜனானீ’’தி பாடோ²தி ச, ‘‘தா³ருமயோ வா…பே॰… அபாத³கோபி ஸமுக்³கோ³’’தி பாடோ²தி ச, ‘‘தா³ருமயோ தும்போ³தி தா³ருமயோ உத³கதும்போ³’’தி ச, ‘‘த²ம்ப⁴துலாஸோபானப²லகாதீ³ஸூ’’தி ச லிகி²தங்.
Akappiyena vāti suvaṇṇarajatamayamañcādinā. Kappiyamañco sampaṭicchitabboti ‘‘saṅghassa demā’’ti dinnaṃ sandhāya vuttaṃ, tehi pana ‘‘vihārassa demā’’ti vutte suvaṇṇarajatamayādiakappiyamañcāpi sampaṭicchitabbāti ca, ‘‘arañjaro bahuudakagaṇhanako’’ti ca, ‘‘saṅghikapaabhogena vāti sace ārāmikādayo paṭisāmetvā paṭidenti, paribhuñjituṃ vaṭṭatī’’ti ca, ‘‘kaṃsalohādibhājanaṃ saṅghassa dinnampi pārihāriyaṃ na vaṭṭatī’’ti (cūḷava. aṭṭha. 321) samantapāsādikāyaṃ vuttattā attano hatthena gahetvā paṭisāmituṃ na labhatīti ca, ‘‘vedhako kāyabandhanassāti vadantī’’ti ca, ‘‘hiṅgu hiṅguliharitālamanosilā añjanānī’’ti pāṭhoti ca, ‘‘dārumayo vā…pe… apādakopi samuggo’’ti pāṭhoti ca, ‘‘dārumayo tumboti dārumayo udakatumbo’’ti ca, ‘‘thambhatulāsopānaphalakādīsū’’ti ca likhitaṃ.
து³ப்³ப³லஸிக்கா²பத³வண்ணனா நிட்டி²தா.
Dubbalasikkhāpadavaṇṇanā niṭṭhitā.
