| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
11. д̣̇уб̣б̣аласигкаабад̣̇аван̣н̣анаа
11. Dubbalasikkhāpadavaṇṇanā
яат̇аасант̇уд̇анд̇и яат̇аамид̇д̇ам̣. д̇знааха ‘‘яо яо’’д̇и аад̣̇и. д̇ад̇т̇а мид̇д̇асанд̣̇идтасамбхад̇д̇авасзнаад̇и мид̇д̇асанд̣̇идтасамбхад̇д̇аанам̣ васзна. д̇ад̇т̇а мид̇д̇аа мид̇д̇аава. санд̣̇идтаа д̇ад̇т̇а д̇ад̇т̇а сан̇г̇амма д̣̇идтамад̇д̇аа наад̇ид̣̇ал̣хамид̇д̇аа. самбхад̇д̇аа судту бхад̇д̇аа синзхаванд̇о д̣̇ал̣хамид̇д̇аад̇и д̣̇адтаб̣б̣аа.
Yathāsanthutanti yathāmittaṃ. Tenāha ‘‘yo yo’’ti ādi. Tattha mittasandiṭṭhasambhattavasenāti mittasandiṭṭhasambhattānaṃ vasena. Tattha mittā mittāva. Sandiṭṭhā tattha tattha saṅgamma diṭṭhamattā nātidaḷhamittā. Sambhattā suṭṭhu bhattā sinehavanto daḷhamittāti daṭṭhabbā.
бан̃жа г̇арубхан̣д̣аанийд̇и раасивасзна бан̃жа г̇арубхан̣д̣аани, саруубавасзна банзд̇аани б̣ахууни хонд̇и. д̇знааха ‘‘раасивасзна бан̃жа г̇арубхан̣д̣аани вуд̇д̇ааний’’д̇и. аараамо (жуул̣ава. адта. 321; ви. сан̇г̇а. адта. 227) наама бубпаараамо ваа палаараамо ваа. аараамавад̇т̇у наама д̇зсам̣язва аараамаанам̣ ад̇т̇ааяа барижчинд̣̇ид̇ваа табид̇огаасо, д̇зсу ваа аараамзсу винадтзсу д̇зсам̣ бораан̣агабхуумибхааг̇о . вихааро наама яам̣ гин̃жи баасаад̣̇аад̣̇исзнаасанам̣. вихааравад̇т̇у наама д̇асса бад̇идтааногаасо. ман̃жо наама масаараго б̣унд̣̇игааб̣ад̣̇д̇хо, гул̣ийрабаад̣̇аго, аахажжабаад̣̇агод̇и имзсам̣ буб̣б̣з вуд̇д̇аанам̣ жад̇уннам̣ ман̃жаанам̣ ан̃н̃ад̇аро. бийтам̣ наама масаарагаад̣̇ийнам̣язва жад̇уннам̣ бийтаанам̣ ан̃н̃ад̇арам̣. бхиси наама ун̣н̣абхисиаад̣̇ийнам̣ бан̃жаннам̣ бхисийнам̣ ан̃н̃ад̇араа. б̣иб̣б̣оханам̣ наама ругкад̇уулалад̇аад̇уулабодагид̇уулаанам̣ ан̃н̃ад̇арзна бун̣н̣ам̣. лохагумбхий наама гаал̣алохзна ваа д̇амб̣алохзна ваа язна гзнажи лохзна гад̇аа гумбхий. лохабхаан̣агаад̣̇ийсуби зсзва наяо. зд̇т̇а бана бхаан̣аганд̇и аран̃ж̇аро вужжад̇и. ваарагод̇и гхадо. гадаахам̣ гадаахамзва. ваасиаад̣̇ийсу, валлиаад̣̇ийсу жа д̣̇увин̃н̃зяяам̣ наама над̇т̇и. звам̣ –
Pañca garubhaṇḍānīti rāsivasena pañca garubhaṇḍāni, sarūpavasena panetāni bahūni honti. Tenāha ‘‘rāsivasena pañca garubhaṇḍāni vuttānī’’ti. Ārāmo (cūḷava. aṭṭha. 321; vi. saṅga. aṭṭha. 227) nāma pupphārāmo vā phalārāmo vā. Ārāmavatthu nāma tesaṃyeva ārāmānaṃ atthāya paricchinditvā ṭhapitokāso, tesu vā ārāmesu vinaṭṭhesu tesaṃ porāṇakabhūmibhāgo . Vihāro nāma yaṃ kiñci pāsādādisenāsanaṃ. Vihāravatthu nāma tassa patiṭṭhānokāso. Mañco nāma masārako bundikābaddho, kuḷīrapādako, āhaccapādakoti imesaṃ pubbe vuttānaṃ catunnaṃ mañcānaṃ aññataro. Pīṭhaṃ nāma masārakādīnaṃyeva catunnaṃ pīṭhānaṃ aññataraṃ. Bhisi nāma uṇṇabhisiādīnaṃ pañcannaṃ bhisīnaṃ aññatarā. Bibbohanaṃ nāma rukkhatūlalatātūlapoṭakitūlānaṃ aññatarena puṇṇaṃ. Lohakumbhī nāma kāḷalohena vā tambalohena vā yena kenaci lohena katā kumbhī. Lohabhāṇakādīsupi eseva nayo. Ettha pana bhāṇakanti arañjaro vuccati. Vārakoti ghaṭo. Kaṭāhaṃ kaṭāhameva. Vāsiādīsu, valliādīsu ca duviññeyyaṃ nāma natthi. Evaṃ –
д̣̇висан̇г̇ахаани д̣̇вз хонд̇и, д̇ад̇ияам̣ жад̇усан̇г̇ахам̣;
Dvisaṅgahāni dve honti, tatiyaṃ catusaṅgahaṃ;
жад̇уд̇т̇ам̣ навагодтаасам̣, бан̃жамам̣ адтабхзд̣̇анам̣.
Catutthaṃ navakoṭṭhāsaṃ, pañcamaṃ aṭṭhabhedanaṃ.
ид̇и бан̃жахи раасийхи, бан̃жаниммалаложано;
Iti pañcahi rāsīhi, pañcanimmalalocano;
бан̃жавийсавид̇хам̣ наат̇о, г̇арубхан̣д̣ам̣ багаасаяи. (жуул̣ава. адта. 321; ви. сан̇г̇а. адта. 227);
Pañcavīsavidhaṃ nātho, garubhaṇḍaṃ pakāsayi. (cūḷava. aṭṭha. 321; vi. saṅga. aṭṭha. 227);
виссаж̇ж̇зд̇ум̣ ваа вибхаж̇ид̇ум̣ ваа на ваддад̇ийд̇и муулажчзж̇ж̇авасзна виссаж̇ж̇зд̇ум̣ ваа вибхаж̇ид̇ум̣ ваа на вадданд̇и. баривад̇д̇анавасзна бана виссаж̇ж̇анд̇асса, вибхаж̇анд̇асса жа анаабад̇д̇и. д̇знааха ‘‘т̇ааварзнаа’’д̇иаад̣̇и. д̇ад̇т̇а т̇ааварзна т̇ааваранд̇и аараамааараамавад̇т̇увихааравихааравад̇т̇унаа аараамам̣ аараамавад̇т̇ум̣ вихаарам̣ вихааравад̇т̇ум̣. ид̇арзнаад̇и ат̇ааварзна, бажчимараасид̇д̇аязнаад̇и вуд̇д̇ам̣ ход̇и. агаббиязнаад̇и суван̣н̣амаяаман̃жаад̣̇инаа жзва агаббияабхисиб̣иб̣б̣оханзхи жа. махаг̇гхагаббиязнаад̇и д̣̇анд̇амаяаман̃жаад̣̇инаа жзва бааваараад̣̇инаа жа. ид̇аранд̇и ат̇ааварам̣. габбияабаривад̇д̇анзна баривад̇д̇зд̇унд̇и яат̇аа агаббияам̣ на ход̇и, звам̣ баривад̇д̇зд̇ум̣.
Vissajjetuṃ vā vibhajituṃ vā na vaṭṭatīti mūlacchejjavasena vissajjetuṃ vā vibhajituṃ vā na vaṭṭanti. Parivattanavasena pana vissajjantassa, vibhajantassa ca anāpatti. Tenāha ‘‘thāvarenā’’tiādi. Tattha thāvarena thāvaranti ārāmaārāmavatthuvihāravihāravatthunā ārāmaṃ ārāmavatthuṃ vihāraṃ vihāravatthuṃ. Itarenāti athāvarena, pacchimarāsittayenāti vuttaṃ hoti. Akappiyenāti suvaṇṇamayamañcādinā ceva akappiyabhisibibbohanehi ca. Mahagghakappiyenāti dantamayamañcādinā ceva pāvārādinā ca. Itaranti athāvaraṃ. Kappiyaparivattanena parivattetunti yathā akappiyaṃ na hoti, evaṃ parivattetuṃ.
д̇ад̇рааяам̣ баривад̇д̇ананаяо (жуул̣ава. адта. 321; ви. сан̇г̇а. адта. 228) – сан̇гхасса наал̣игзраараамо д̣̇уурз ход̇и, габбияагаарагаава б̣ахуд̇арам̣ каад̣̇анд̇и, яамби на каад̣̇анд̇и, д̇ад̇о сагадавзд̇анам̣ д̣̇ад̇ваа аббамзва аахаранд̇и. ан̃н̃зсам̣ бана д̇ассаараамасса авид̣̇уурз г̇аамаваасийнам̣ мануссаанам̣ вихаарасса самийбз аараамо ход̇и, д̇з сан̇гхам̣ убасан̇гамид̇ваа сагзна аараамзна д̇ам̣ аараамам̣ яаажанд̇и, сан̇гхзна ‘‘ружжад̇и сан̇гхассаа’’д̇и абалогзд̇ваа самбадижчид̇аб̣б̣о. сажзби бхигкуунам̣ ругкасахассам̣ ход̇и, мануссаанам̣ бан̃жасад̇аани, ‘‘д̇умхаагам̣ аараамо куд̣̇д̣̇аго’’д̇и на вад̇д̇аб̣б̣ам̣. гин̃жааби аяам̣ куд̣̇д̣̇аго, ат̇а ко ид̇арад̇о б̣ахуд̇арам̣ ааяам̣ д̣̇зд̇и. сажзби самагамзва д̣̇зд̇и , звамби ижчид̇ижчид̇агкан̣з барибхун̃ж̇ид̇ум̣ саггаад̇и г̇ахзд̇аб̣б̣амзва. сажз бана мануссаанам̣ б̣ахуд̇араа ругкаа хонд̇и, ‘‘нану д̇умхаагам̣ б̣ахуд̇араа ругкаа’’д̇и вад̇д̇аб̣б̣ам̣. сажз ‘‘ад̇ирзгам̣ амхаагам̣ бун̃н̃ам̣ ход̇у, сан̇гхасса д̣̇змаа’’д̇и вад̣̇анд̇и, ж̇аанаабзд̇ваа самбадижчид̇ум̣ ваддад̇и. бхигкуунам̣ ругкаа палад̇хаарино, мануссаанам̣ ругкаа на д̇аава палам̣ г̇ан̣ханд̇и. гин̃жааби на г̇ан̣ханд̇и, на жирзна г̇ан̣хиссанд̇ийд̇и самбадижчид̇аб̣б̣амзва. мануссаанам̣ ругкаа палад̇хаарино, бхигкуунам̣ ругкаа на д̇аава палам̣ г̇ан̣ханд̇и, ‘‘нану д̇умхаагам̣ ругкаа палад̇хаарино’’д̇и вад̇д̇аб̣б̣ам̣. сажз ‘‘г̇ан̣хат̇а, бханд̇з, амхаагам̣ бун̃н̃ам̣ бхависсад̇ий’’д̇и д̣̇знд̇и, ж̇аанаабзд̇ваа самбадижчид̇ум̣ ваддад̇и. звам̣ аараамзна аараамо баривад̇д̇зд̇аб̣б̣о, зд̇знзва наязна аараамавад̇т̇уби вихаароби вихааравад̇т̇уби аараамзна баривад̇д̇зд̇аб̣б̣ам̣. аараамавад̇т̇унаа жа маханд̇зна ваа куд̣̇д̣̇агзна ваа аараамам̣ аараамавад̇т̇ум̣ вихаарам̣ вихааравад̇т̇унд̇и.
Tatrāyaṃ parivattananayo (cūḷava. aṭṭha. 321; vi. saṅga. aṭṭha. 228) – saṅghassa nāḷikerārāmo dūre hoti, kappiyakārakāva bahutaraṃ khādanti, yampi na khādanti, tato sakaṭavetanaṃ datvā appameva āharanti. Aññesaṃ pana tassārāmassa avidūre gāmavāsīnaṃ manussānaṃ vihārassa samīpe ārāmo hoti, te saṅghaṃ upasaṅkamitvā sakena ārāmena taṃ ārāmaṃ yācanti, saṅghena ‘‘ruccati saṅghassā’’ti apaloketvā sampaṭicchitabbo. Sacepi bhikkhūnaṃ rukkhasahassaṃ hoti, manussānaṃ pañcasatāni, ‘‘tumhākaṃ ārāmo khuddako’’ti na vattabbaṃ. Kiñcāpi ayaṃ khuddako, atha kho itarato bahutaraṃ āyaṃ deti. Sacepi samakameva deti , evampi icchiticchitakkhaṇe paribhuñjituṃ sakkāti gahetabbameva. Sace pana manussānaṃ bahutarā rukkhā honti, ‘‘nanu tumhākaṃ bahutarā rukkhā’’ti vattabbaṃ. Sace ‘‘atirekaṃ amhākaṃ puññaṃ hotu, saṅghassa demā’’ti vadanti, jānāpetvā sampaṭicchituṃ vaṭṭati. Bhikkhūnaṃ rukkhā phaladhārino, manussānaṃ rukkhā na tāva phalaṃ gaṇhanti. Kiñcāpi na gaṇhanti, na cirena gaṇhissantīti sampaṭicchitabbameva. Manussānaṃ rukkhā phaladhārino, bhikkhūnaṃ rukkhā na tāva phalaṃ gaṇhanti, ‘‘nanu tumhākaṃ rukkhā phaladhārino’’ti vattabbaṃ. Sace ‘‘gaṇhatha, bhante, amhākaṃ puññaṃ bhavissatī’’ti denti, jānāpetvā sampaṭicchituṃ vaṭṭati. Evaṃ ārāmena ārāmo parivattetabbo, eteneva nayena ārāmavatthupi vihāropi vihāravatthupi ārāmena parivattetabbaṃ. Ārāmavatthunā ca mahantena vā khuddakena vā ārāmaṃ ārāmavatthuṃ vihāraṃ vihāravatthunti.
гат̇ам̣ вихаарзна (жуул̣ава. адта. 321; ви. сан̇г̇а. адта. 228) вихааро баривад̇д̇зд̇аб̣б̣о? сан̇гхасса анд̇ог̇аамз г̇зхам̣ ход̇и, мануссаанам̣ вихаарамаж̇жхз баасаад̣̇о, убхоби аг̇гхзна самагаа. сажз мануссаа д̇зна баасаад̣̇зна д̇ам̣ г̇зхам̣ яаажанд̇и, самбадижчид̇ум̣ ваддад̇и. бхигкуунам̣ жз махаг̇гхад̇арам̣ г̇зхам̣ ход̇и, ‘‘махаг̇гхад̇арам̣ амхаагам̣ г̇зха’’нд̇и вуд̇д̇з ‘‘гин̃жааби махаг̇гхад̇арам̣ баб̣б̣аж̇ид̇аанам̣ асааруббам̣, на саггаа д̇ад̇т̇а баб̣б̣аж̇ид̇зхи васид̇ум̣, ид̣̇ам̣ бана сааруббам̣, г̇ан̣хат̇аа’’д̇и вад̣̇анд̇и, звамби самбадижчид̇ум̣ ваддад̇и. сажз бана мануссаанам̣ махаг̇гхам̣ ход̇и ‘‘нану д̇умхаагам̣ г̇зхам̣ махаг̇гха’’нд̇и вад̇д̇аб̣б̣ам̣. ‘‘ход̇у, бханд̇з, амхаагам̣ бун̃н̃ам̣ бхависсад̇и, г̇ан̣хат̇аа’’д̇и вуд̇д̇з бана самбадижчид̇ум̣ ваддад̇и. звам̣ вихаарзна вихааро баривад̇д̇зд̇аб̣б̣о. зд̇знзва наязна вихааравад̇т̇уби аараамоби аараамавад̇т̇уби вихаарзна баривад̇д̇зд̇аб̣б̣ам̣. вихааравад̇т̇унаа жа махаг̇гхзна ваа аббаг̇гхзна ваа вихаарам̣ вихааравад̇т̇ум̣ аараамам̣ аараамавад̇т̇ум̣. звам̣ д̇аава т̇ааварзна т̇ааварабаривад̇д̇анам̣ взд̣̇ид̇аб̣б̣ам̣.
Kathaṃ vihārena (cūḷava. aṭṭha. 321; vi. saṅga. aṭṭha. 228) vihāro parivattetabbo? Saṅghassa antogāme gehaṃ hoti, manussānaṃ vihāramajjhe pāsādo, ubhopi agghena samakā. Sace manussā tena pāsādena taṃ gehaṃ yācanti, sampaṭicchituṃ vaṭṭati. Bhikkhūnaṃ ce mahagghataraṃ gehaṃ hoti, ‘‘mahagghataraṃ amhākaṃ geha’’nti vutte ‘‘kiñcāpi mahagghataraṃ pabbajitānaṃ asāruppaṃ, na sakkā tattha pabbajitehi vasituṃ, idaṃ pana sāruppaṃ, gaṇhathā’’ti vadanti, evampi sampaṭicchituṃ vaṭṭati. Sace pana manussānaṃ mahagghaṃ hoti ‘‘nanu tumhākaṃ gehaṃ mahaggha’’nti vattabbaṃ. ‘‘Hotu, bhante, amhākaṃ puññaṃ bhavissati, gaṇhathā’’ti vutte pana sampaṭicchituṃ vaṭṭati. Evaṃ vihārena vihāro parivattetabbo. Eteneva nayena vihāravatthupi ārāmopi ārāmavatthupi vihārena parivattetabbaṃ. Vihāravatthunā ca mahagghena vā appagghena vā vihāraṃ vihāravatthuṃ ārāmaṃ ārāmavatthuṃ. Evaṃ tāva thāvarena thāvaraparivattanaṃ veditabbaṃ.
ид̇арзна ид̇арабаривад̇д̇анз бана ман̃жабийтам̣ маханд̇ам̣ ваа ход̇у, куд̣̇д̣̇агам̣ ваа (жуул̣ава. адта. 321; ви. сан̇г̇а. адта. 228), анд̇амасо жад̇уран̇г̇улабаад̣̇агам̣ г̇аамад̣̇аарагзхи бам̣свааг̇аарагзсу гийл̣анд̇зхи гад̇амби сан̇гхасса д̣̇иннагаалад̇о бадтааяа г̇арубхан̣д̣ам̣ ход̇и. сажзби рааж̇аа ваа рааж̇амахаамад̇д̇аад̣̇аяо ваа згаббахаарзнзва ман̃жасад̇ам̣ ваа ман̃жасахассам̣ ваа д̣̇знд̇и, саб̣б̣з габбияаман̃жаа самбадижчид̇аб̣б̣аа, самбадижчид̇ваа вуд̣дхаббадибаадияаа ‘‘сан̇гхигабарибхог̇зна барибхун̃ж̇ат̇аа’’д̇и д̣̇аад̇аб̣б̣аа, на буг̇г̇алигабарибхог̇зна д̣̇аад̇аб̣б̣аа. ад̇ирзгаман̃жз бхан̣д̣ааг̇аараад̣̇ийсу бан̃н̃абзд̇ваа бад̇д̇ажийварам̣ нигкибид̇ваа барибхун̃ж̇ид̇умби ваддад̇и. б̣ахисиймааяа ‘‘сан̇гхасса д̣̇змаа’’д̇и д̣̇иннаман̃жо сан̇гхад̇т̇зрасса васанадтаанз д̣̇аад̇аб̣б̣о. д̇ад̇т̇а жз б̣ахуу ман̃жаа хонд̇и, ман̃жзна гаммам̣ над̇т̇и. яасса васанадтаанз гаммам̣ ад̇т̇и, д̇ад̇т̇а ‘‘сан̇гхигабарибхог̇зна барибхун̃ж̇ат̇аа’’д̇и д̣̇аад̇аб̣б̣о, на буг̇г̇алигабхог̇зна. махаг̇гхзна сад̇аг̇гханагзна ваа сахассаг̇гханагзна ваа ман̃жзна ан̃н̃ам̣ ман̃жасад̇ам̣ лабхад̇и, баривад̇д̇зд̇ваа г̇ахзд̇аб̣б̣ам̣. на гзвалам̣ ман̃жзна ман̃жоязва, аараамааараамавад̇т̇увихааравихааравад̇т̇убийтабхисиб̣иб̣б̣оханааниби баривад̇д̇зд̇ум̣ ваддад̇и. зсзва наяо бийтабхисиб̣иб̣б̣оханзсуби. варасзнаасанаад̣̇ийнам̣ сам̣рагкан̣ад̇т̇анд̇и сажз д̣̇уб̣бхигкам̣ ход̇и, бхигкуу бин̣д̣абаад̇зна на яаабзнд̇и, зд̇т̇а рааж̇арог̇ажорабхаяаани, ан̃н̃ад̇т̇а г̇ажчанд̇аанам̣ вихаараа балуж̇ж̇анд̇и, д̇ааланаал̣игзраад̣̇игз винаасзнд̇и, сзнаасанабажжаяам̣ санд̇хааяа яаабзд̇ум̣ саггаа ход̇и, зваруубз гаалз варасзнаасанаад̣̇ийнам̣ сам̣рагкан̣ад̇т̇ам̣. лаамагаани виссаж̇ж̇зд̇унд̇и лаамагам̣ лаамагам̣ виссаж̇ж̇зд̇ум̣, лаамагагодияаа виссаж̇ж̇зд̇унд̇и ад̇хиббааяо. виссаж̇ж̇зд̇ваа барибхун̃ж̇ид̇ум̣ ваддад̇ийд̇и виссаж̇ж̇зд̇ваа д̇ад̇о лад̣̇д̇хаяааг̇убхад̇д̇ажийвараад̣̇ийни барибхун̃ж̇ид̇ум̣ ваддад̇и. гаал̣алохад̇амб̣алохагам̣салохаваддалохаананд̇и зд̇т̇а гам̣салохам̣, ваддалохан̃жа гид̇д̇ималохам̣. д̇ийн̣и хи гид̇д̇ималохаани гам̣салохам̣, ваддалохам̣, аарагууданд̇и. д̇ад̇т̇а д̇ибуд̇амб̣з миссзд̇ваа гад̇ам̣ гам̣салохам̣, сийд̇ад̇амб̣з миссзд̇ваа гад̇ам̣ ваддалохам̣, расагад̇амб̣з миссзд̇ваа гад̇ам̣ аарагуудам̣. д̇зна вуд̇д̇ам̣ ‘‘гам̣салохам̣, ваддалохан̃жа гид̇д̇ималоха’’нд̇и. д̇ад̇о ад̇ирзганд̇и д̇ад̇о ад̇ирзгаг̇г̇ан̣ханаго.
Itarena itaraparivattane pana mañcapīṭhaṃ mahantaṃ vā hotu, khuddakaṃ vā (cūḷava. aṭṭha. 321; vi. saṅga. aṭṭha. 228), antamaso caturaṅgulapādakaṃ gāmadārakehi paṃsvāgārakesu kīḷantehi katampi saṅghassa dinnakālato paṭṭhāya garubhaṇḍaṃ hoti. Sacepi rājā vā rājamahāmattādayo vā ekappahāreneva mañcasataṃ vā mañcasahassaṃ vā denti, sabbe kappiyamañcā sampaṭicchitabbā, sampaṭicchitvā vuḍḍhappaṭipāṭiyā ‘‘saṅghikaparibhogena paribhuñjathā’’ti dātabbā, na puggalikaparibhogena dātabbā. Atirekamañce bhaṇḍāgārādīsu paññapetvā pattacīvaraṃ nikkhipitvā paribhuñjitumpi vaṭṭati. Bahisīmāya ‘‘saṅghassa demā’’ti dinnamañco saṅghattherassa vasanaṭṭhāne dātabbo. Tattha ce bahū mañcā honti, mañcena kammaṃ natthi. Yassa vasanaṭṭhāne kammaṃ atthi, tattha ‘‘saṅghikaparibhogena paribhuñjathā’’ti dātabbo, na puggalikabhogena. Mahagghena satagghanakena vā sahassagghanakena vā mañcena aññaṃ mañcasataṃ labhati, parivattetvā gahetabbaṃ. Na kevalaṃ mañcena mañcoyeva, ārāmaārāmavatthuvihāravihāravatthupīṭhabhisibibbohanānipi parivattetuṃ vaṭṭati. Eseva nayo pīṭhabhisibibbohanesupi. Varasenāsanādīnaṃ saṃrakkhaṇatthanti sace dubbhikkhaṃ hoti, bhikkhū piṇḍapātena na yāpenti, ettha rājarogacorabhayāni, aññattha gacchantānaṃ vihārā palujjanti, tālanāḷikerādike vināsenti, senāsanapaccayaṃ sandhāya yāpetuṃ sakkā hoti, evarūpe kāle varasenāsanādīnaṃ saṃrakkhaṇatthaṃ. Lāmakāni vissajjetunti lāmakaṃ lāmakaṃ vissajjetuṃ, lāmakakoṭiyā vissajjetunti adhippāyo. Vissajjetvā paribhuñjituṃ vaṭṭatīti vissajjetvā tato laddhayāgubhattacīvarādīni paribhuñjituṃ vaṭṭati. Kāḷalohatambalohakaṃsalohavaṭṭalohānanti ettha kaṃsalohaṃ, vaṭṭalohañca kittimalohaṃ. Tīṇi hi kittimalohāni kaṃsalohaṃ, vaṭṭalohaṃ, ārakūṭanti. Tattha tiputambe missetvā kataṃ kaṃsalohaṃ, sītatambe missetvā kataṃ vaṭṭalohaṃ, rasakatambe missetvā kataṃ ārakūṭaṃ. Tena vuttaṃ ‘‘kaṃsalohaṃ, vaṭṭalohañca kittimaloha’’nti. Tato atirekanti tato atirekaggaṇhanako.
сарагод̇и маж̇жхз магул̣ам̣ д̣̇ассзд̇ваа мукаваддивид̇т̇ад̇ам̣ гад̇ваа бидтид̇о наамзд̇ваа гаад̇аб̣б̣ам̣ згам̣ бхааж̇анам̣. ‘‘сараава’’нд̇иби вад̣̇анд̇и. аад̣̇исад̣̇д̣̇зна ган̃жанагаад̣̇ийнам̣ г̇ихиубагаран̣аанам̣ г̇ахан̣ам̣. д̇аани хи куд̣̇д̣̇агааниби г̇арубхан̣д̣аанзва г̇ихиубагаран̣ад̇д̇аад̇и. би-сад̣̇д̣̇зна баг̇зва маханд̇аанийд̇и д̣̇ассзд̇и. имаани бана бхааж̇анийяаани бхигкуубагаран̣ад̇д̇аад̇и ад̇хиббааяо. яат̇аа жа зд̇аани, звам̣ гун̣д̣игааби бхааж̇анийяаа. вагкад̇и хи ‘‘яат̇аа жа мад̇д̇игаабхан̣д̣з, звам̣ лохабхан̣д̣зби гун̣д̣игаа бхааж̇анийяагодтаасамзва бхаж̇ад̇ий’’д̇и (ган̇каа. адта. д̣̇уб̣б̣аласигкаабад̣̇аван̣н̣анаа). сан̇гхигабарибхог̇знаад̇и ааг̇анд̇угаанам̣ вуд̣дхад̇араанам̣ д̣̇ад̇ваа барибхог̇зна. г̇ихивигадаад̇и г̇ихийхи вигад̇аа бан̃н̃ад̇д̇аа, ад̇д̇ано ваа санд̇агагаран̣зна вируубам̣ гад̇аа. буг̇г̇алигабарибхог̇зна на ваддад̇ийд̇и ааг̇анд̇угаанам̣ ад̣̇ад̇ваа ад̇д̇ано санд̇агам̣ вияа г̇ахзд̇ваа барихарид̇ваа барибхун̃ж̇ид̇ум̣ на ваддад̇и. бибпалигод̇и гад̇д̇ари. аараган̣дагам̣ сууживзд̇хагам̣. д̇аал̣ам̣ яанд̇ам̣. гад̇д̇араяадтивзд̇хаго гад̇д̇араяадтивалаяам̣. яат̇аа д̇ат̇аа гханагад̇ам̣ лоханд̇и лохавадди лохаг̇ул̣о лохабин̣д̣и лохажаггалиганд̇и звам̣ гханагад̇ам̣ лохам̣. кийрабаасаан̣амаяаанийд̇и муд̣̇угакийраван̣н̣абаасаан̣амаяаани.
Sarakoti majjhe makuḷaṃ dassetvā mukhavaṭṭivitthataṃ katvā piṭṭhito nāmetvā kātabbaṃ ekaṃ bhājanaṃ. ‘‘Sarāva’’ntipi vadanti. Ādisaddena kañcanakādīnaṃ gihiupakaraṇānaṃ gahaṇaṃ. Tāni hi khuddakānipi garubhaṇḍāneva gihiupakaraṇattāti. Pi-saddena pageva mahantānīti dasseti. Imāni pana bhājanīyāni bhikkhūpakaraṇattāti adhippāyo. Yathā ca etāni, evaṃ kuṇḍikāpi bhājanīyā. Vakkhati hi ‘‘yathā ca mattikābhaṇḍe, evaṃ lohabhaṇḍepi kuṇḍikā bhājanīyakoṭṭhāsameva bhajatī’’ti (kaṅkhā. aṭṭha. dubbalasikkhāpadavaṇṇanā). Saṅghikaparibhogenāti āgantukānaṃ vuḍḍhatarānaṃ datvā paribhogena. Gihivikaṭāti gihīhi vikatā paññattā, attano vā santakakaraṇena virūpaṃ katā. Puggalikaparibhogena na vaṭṭatīti āgantukānaṃ adatvā attano santakaṃ viya gahetvā pariharitvā paribhuñjituṃ na vaṭṭati. Pipphalikoti kattari. Ārakaṇṭakaṃ sūcivedhakaṃ. Tāḷaṃ yantaṃ. Kattarayaṭṭhivedhako kattarayaṭṭhivalayaṃ. Yathā tathā ghanakataṃ lohanti lohavaṭṭi lohaguḷo lohapiṇḍi lohacakkalikanti evaṃ ghanakataṃ lohaṃ. Khīrapāsāṇamayānīti mudukakhīravaṇṇapāsāṇamayāni.
г̇ихивигадааниби на вадданд̇и анаамаасад̇д̇аа. би-сад̣̇д̣̇зна баг̇зва сан̇гхигабарибхог̇зна ваа буг̇г̇алигабарибхог̇зна ваад̇и д̣̇ассзд̇и. сзнаасанабарибхог̇о бана саб̣б̣агаббияо. д̇асмаа ж̇аад̇аруубаад̣̇имаяаа саб̣б̣зби сзнаасанабаригкаараа аамаасаа. д̇знааха ‘‘сзнаасанабарибхог̇з банаа’’д̇иаад̣̇и.
Gihivikaṭānipi na vaṭṭanti anāmāsattā. Pi-saddena pageva saṅghikaparibhogena vā puggalikaparibhogena vāti dasseti. Senāsanaparibhogo pana sabbakappiyo. Tasmā jātarūpādimayā sabbepi senāsanaparikkhārā āmāsā. Tenāha ‘‘senāsanaparibhoge panā’’tiādi.
сзсаад̇и д̇ад̇о махад̇д̇арий вааси. яаа банаад̇и яаа гуд̣̇аарий бана. гуд̣̇аало анд̇амасо жад̇уран̇г̇уламад̇д̇оби г̇арубхан̣д̣амзва. никаад̣̇анам̣ жад̇урассамукам̣ ваа ход̇у, д̣̇он̣имукам̣ ваа ван̇гам̣ ваа уж̇угам̣ ваа, анд̇амасо саммун̃ж̇анид̣̇ан̣д̣агавзд̇ханамби д̣̇ан̣д̣аб̣анд̇хам̣ жз, г̇арубхан̣д̣амзва. д̇знааха ‘‘гуд̣̇аало д̣̇ан̣д̣аб̣анд̇ханикаад̣̇анам̣ ваа аг̇арубхан̣д̣ам̣ наама над̇т̇ий’’д̇и. сибаадигаа наама курагосо. сикарам̣ бана д̣̇ан̣д̣аб̣анд̇ханикаад̣̇анам̣ ануломзд̇ийд̇и ааха ‘‘сикарамби никаад̣̇анзнзва сан̇г̇ахид̇а’’нд̇и. сажз д̇амби бана ад̣̇ан̣д̣агам̣ паламад̇д̇ам̣, бхааж̇анийяам̣. убагкарзд̇и ваасиаад̣̇ибхан̣д̣аани.
Sesāti tato mahattarī vāsi. Yā panāti yā kudārī pana. Kudālo antamaso caturaṅgulamattopi garubhaṇḍameva. Nikhādanaṃ caturassamukhaṃ vā hotu, doṇimukhaṃ vā vaṅkaṃ vā ujukaṃ vā, antamaso sammuñjanidaṇḍakavedhanampi daṇḍabandhaṃ ce, garubhaṇḍameva. Tenāha ‘‘kudālo daṇḍabandhanikhādanaṃ vā agarubhaṇḍaṃ nāma natthī’’ti. Sipāṭikā nāma khurakoso. Sikharaṃ pana daṇḍabandhanikhādanaṃ anulometīti āha ‘‘sikharampi nikhādaneneva saṅgahita’’nti. Sace tampi pana adaṇḍakaṃ phalamattaṃ, bhājanīyaṃ. Upakkhareti vāsiādibhaṇḍāni.
бад̇д̇аб̣анд̇хаго наама бад̇д̇асса г̇ан̣тигаад̣̇игаараго. ‘‘бадимаасуван̣н̣аад̣̇ибад̇д̇агаараго’’д̇иби вад̣̇анд̇и. д̇ибужчзд̣̇анагасад̇т̇ам̣, суван̣н̣ажчзд̣̇анагасад̇т̇ам̣, гад̇абаригаммажаммажчинд̣̇анагакуд̣̇д̣̇агасад̇т̇анд̇и имаани жзд̇т̇а д̇ийн̣и бибпалигам̣ ануломзнд̇ийд̇и ааха ‘‘аяам̣ бана висзсо’’д̇иаад̣̇и. ид̇араанийд̇и махаагад̇д̇ариаад̣̇ийни.
Pattabandhako nāma pattassa gaṇṭhikādikārako. ‘‘Paṭimāsuvaṇṇādipattakārako’’tipi vadanti. Tipucchedanakasatthaṃ, suvaṇṇacchedanakasatthaṃ, kataparikammacammacchindanakakhuddakasatthanti imāni cettha tīṇi pipphalikaṃ anulomentīti āha ‘‘ayaṃ pana viseso’’tiādi. Itarānīti mahākattariādīni.
ад̣дхаб̣аахуббамаан̣аад̇и (саарад̇т̇а. дий. жуул̣аваг̇г̇а 3.321) габбарад̇о бадтааяа яаава ам̣сагуудаббамаан̣аа, вид̣̇ад̇т̇ижад̇уран̇г̇улаббамаан̣аад̇и вуд̇д̇ам̣ ход̇и. д̇ад̇т̇аж̇аад̇агаад̇и сан̇гхигабхуумияам̣ ж̇аад̇аа. аарагкасам̣вид̇хаанзна рагкид̇ад̇д̇аа рагкид̇аа жа саа ман̃ж̇уусаад̣̇ийсу багкид̇д̇ам̣ вияа яат̇аа д̇ам̣ на нассад̇и, звам̣ г̇обанад̇о г̇обид̇аа жаад̇и рагкид̇аг̇обид̇аа. д̇ад̇т̇аж̇аад̇агааби бана арагкид̇аа г̇арубхан̣д̣амзва на ход̇и. ‘‘сан̇гхагаммз жа жзд̇ияагаммз жа гад̇з’’д̇и иминаа сан̇гхасанд̇агзна жзд̇ияасанд̇агам̣ рагкид̇ум̣, баривад̇д̇ид̇ун̃жа ваддад̇ийд̇и д̣̇ийбзд̇и. суд̇д̇ам̣ банаад̇и ваддид̇ан̃жзва аваддид̇ан̃жа суд̇д̇ам̣.
Aḍḍhabāhuppamāṇāti (sārattha. ṭī. cūḷavagga 3.321) kapparato paṭṭhāya yāva aṃsakūṭappamāṇā, vidatthicaturaṅgulappamāṇāti vuttaṃ hoti. Tatthajātakāti saṅghikabhūmiyaṃ jātā. Ārakkhasaṃvidhānena rakkhitattā rakkhitā ca sā mañjūsādīsu pakkhittaṃ viya yathā taṃ na nassati, evaṃ gopanato gopitā cāti rakkhitagopitā. Tatthajātakāpi pana arakkhitā garubhaṇḍameva na hoti. ‘‘Saṅghakamme ca cetiyakamme ca kate’’ti iminā saṅghasantakena cetiyasantakaṃ rakkhituṃ, parivattituñca vaṭṭatīti dīpeti. Suttaṃ panāti vaṭṭitañceva avaṭṭitañca suttaṃ.
адтан̇г̇уласуужид̣̇ан̣д̣амад̇д̇од̇и анд̇амасо д̣̇ийгхасо адтан̇г̇уламад̇д̇о, барин̣аахад̇о сийхал̣абан̣н̣асуужид̣̇ан̣д̣амад̇д̇о. зд̇т̇аад̇и взл̣убхан̣д̣з. д̣̇ад̣дхам̣ г̇зхам̣ язсам̣ д̇зд̇и д̣̇ад̣дхаг̇зхаа. на ваарзд̇аб̣б̣аад̇и ‘‘маа г̇ан̣хид̇ваа г̇ажчат̇аа’’д̇и на нисзд̇хзд̇аб̣б̣аа. д̣̇зсанд̇араг̇ад̇зна самбад̇д̇авихаарз сан̇гхигааваасз табзд̇аб̣б̣аа.
Aṭṭhaṅgulasūcidaṇḍamattoti antamaso dīghaso aṭṭhaṅgulamatto, pariṇāhato sīhaḷapaṇṇasūcidaṇḍamatto. Etthāti veḷubhaṇḍe. Daḍḍhaṃ gehaṃ yesaṃ teti daḍḍhagehā. Na vāretabbāti ‘‘mā gaṇhitvā gacchathā’’ti na nisedhetabbā. Desantaragatena sampattavihāre saṅghikāvāse ṭhapetabbā.
авасзсан̃жа чад̣̇анад̇ин̣анд̇и мун̃ж̇абаб̣б̣аж̇зхи авасзсам̣ яам̣ гин̃жи чад̣̇анад̇ин̣ам̣. яад̇т̇а бана д̇ин̣ам̣ над̇т̇и, д̇ад̇т̇а бан̣н̣зхи чаад̣̇знд̇и (жуул̣ава. адта. 321). д̇асмаа бан̣н̣амби д̇ин̣знзва сан̇г̇ахид̇анд̇и ааха ‘‘чад̣̇анад̇ин̣асан̇кзбаг̇ад̇зсуу’’д̇иаад̣̇и. адтан̇г̇улаббамаан̣обийд̇и вид̇т̇аарад̇о адтан̇г̇улаббамаан̣о. ликид̇абод̇т̇аго бана г̇арубхан̣д̣ам̣ на ход̇и.
Avasesañca chadanatiṇanti muñjapabbajehi avasesaṃ yaṃ kiñci chadanatiṇaṃ. Yattha pana tiṇaṃ natthi, tattha paṇṇehi chādenti (cūḷava. aṭṭha. 321). Tasmā paṇṇampi tiṇeneva saṅgahitanti āha ‘‘chadanatiṇasaṅkhepagatesū’’tiādi. Aṭṭhaṅgulappamāṇopīti vitthārato aṭṭhaṅgulappamāṇo. Likhitapotthako pana garubhaṇḍaṃ na hoti.
взл̣умхи вуд̇д̇аббамаан̣од̇и ‘‘адтан̇г̇уласуужид̣̇ан̣д̣агамад̇д̇обий’’д̇и взл̣убхан̣д̣з вуд̇д̇аббамаан̣о. сан̇гхасса д̣̇инно ваад̇и д̣̇ааруд̣̇уллабхадтаанз сан̇гхасса д̣̇инно ваа. гурунд̣̇ияам̣ вуд̇д̇аггамзна д̣̇аарубхан̣д̣авинижчаяам̣ вад̇ваа ид̣̇аани махааадтагат̇ааяам̣ вуд̇д̇аггамзна вад̇д̇ум̣ ‘‘абижаа’’д̇иаад̣̇имааха. аасанд̣̇игаад̣̇ийнийд̇и зд̇т̇а аасанд̣̇игод̇и жад̇урассабийтам̣ вужжад̇и. ‘‘ужжагамби аасанд̣̇ига’’нд̇и важанад̇о згад̇обхааг̇зна д̣̇ийгхабийтамзва хи адтан̇г̇улабаад̣̇агам̣ ваддад̇и. жад̇урассаасанд̣̇иго бана бамаан̣аад̇игганд̇оби вадтад̇ийд̇и взд̣̇ид̇аб̣б̣о. аад̣̇исад̣̇д̣̇зна ‘‘сад̇д̇ан̇г̇о, бхад̣̇д̣̇абийтагам̣, зл̣агабаад̣̇агабийтам̣, аамалагаваддагабийтам̣, палагам̣, гожчам̣, балаалабийтага’’нд̇и (жуул̣ава. адта. 321) имз сан̇г̇ан̣ханд̇ийд̇и взд̣̇ид̇аб̣б̣ам̣. д̇знааха ‘‘анд̇амасо’’д̇иаад̣̇и. бан̣н̣зхи ваад̇и гад̣̇алибан̣н̣аад̣̇ийхи ваа. б̣яаг̇гхажаммонад̣̇д̇хамби ваал̣аруубабаригкид̇д̇ам̣ рад̇анабарисиб̣б̣ид̇ам̣ гожчагам̣ г̇арубхан̣д̣амзва.
Veḷumhi vuttappamāṇoti ‘‘aṭṭhaṅgulasūcidaṇḍakamattopī’’ti veḷubhaṇḍe vuttappamāṇo. Saṅghassa dinno vāti dārudullabhaṭṭhāne saṅghassa dinno vā. Kurundiyaṃ vuttakkamena dārubhaṇḍavinicchayaṃ vatvā idāni mahāaṭṭhakathāyaṃ vuttakkamena vattuṃ ‘‘apicā’’tiādimāha. Āsandikādīnīti ettha āsandikoti caturassapīṭhaṃ vuccati. ‘‘Uccakampi āsandika’’nti vacanato ekatobhāgena dīghapīṭhameva hi aṭṭhaṅgulapādakaṃ vaṭṭati. Caturassāsandiko pana pamāṇātikkantopi vaṭṭhatīti veditabbo. Ādisaddena ‘‘sattaṅgo, bhaddapīṭhakaṃ, eḷakapādakapīṭhaṃ, āmalakavaṭṭakapīṭhaṃ, phalakaṃ, kocchaṃ, palālapīṭhaka’’nti (cūḷava. aṭṭha. 321) ime saṅgaṇhantīti veditabbaṃ. Tenāha ‘‘antamaso’’tiādi. Paṇṇehi vāti kadalipaṇṇādīhi vā. Byagghacammonaddhampi vāḷarūpaparikkhittaṃ ratanaparisibbitaṃ kocchakaṃ garubhaṇḍameva.
гхадданапалагам̣ наама яад̇т̇а табзд̇ваа раж̇ид̇ажийварам̣ хад̇т̇зна гхаддзнд̇и. гхадданамуг̇г̇аро наама ануваад̇аад̣̇игхадданагод̇и вад̣̇анд̇и. д̣̇ан̣д̣амуг̇г̇аро наама язна раж̇ид̇ажийварам̣ бот̇знд̇и. амб̣ан̣анд̇и палагзхи богкаран̣ий вияа гад̇ам̣ баанийяабхааж̇анам̣. раж̇анад̣̇он̣ийд̇и баггараж̇анам̣ аагирид̇ваа табанабхааж̇анам̣.
Ghaṭṭanaphalakaṃ nāma yattha ṭhapetvā rajitacīvaraṃ hatthena ghaṭṭenti. Ghaṭṭanamuggaro nāma anuvātādighaṭṭanakoti vadanti. Daṇḍamuggaro nāma yena rajitacīvaraṃ pothenti. Ambaṇanti phalakehi pokkharaṇī viya kataṃ pānīyabhājanaṃ. Rajanadoṇīti pakkarajanaṃ ākiritvā ṭhapanabhājanaṃ.
агаббияажамманд̇и сийхаад̣̇ийнам̣ жаммам̣. ‘‘бхуумад̇т̇аран̣ам̣ гаад̇ум̣ ваддад̇ий’’д̇и ид̣̇ам̣ агаббияажаммам̣ санд̇хааяа вуд̇д̇ам̣. ‘‘бажжад̇т̇аран̣аг̇ад̇ига’’нд̇и иминаа ман̃жабийтзби ад̇т̇арид̇ум̣ ваддад̇ийд̇и д̣̇ийбзд̇и. бааваараад̣̇ибажжад̇т̇аран̣амби г̇арубхан̣д̣анд̇и згз. нод̇и абарз. виймам̣сид̇ваа г̇ахзд̇аб̣б̣ам̣. габбияажаммаанийд̇и миг̇аад̣̇ийнам̣ жаммаани.
Akappiyacammanti sīhādīnaṃ cammaṃ. ‘‘Bhūmattharaṇaṃ kātuṃ vaṭṭatī’’ti idaṃ akappiyacammaṃ sandhāya vuttaṃ. ‘‘Paccattharaṇagatika’’nti iminā mañcapīṭhepi attharituṃ vaṭṭatīti dīpeti. Pāvārādipaccattharaṇampi garubhaṇḍanti eke. Noti apare. Vīmaṃsitvā gahetabbaṃ. Kappiyacammānīti migādīnaṃ cammāni.
саб̣б̣ам̣ жаггаяуд̇д̇аяаананд̇и рат̇асагадаад̣̇игам̣ саб̣б̣ажаггаяуд̇д̇аяаанам̣. висан̇карид̇ажаггам̣ бана яаанам̣ бхааж̇анийяам̣. анун̃н̃аад̇авааси наама яаа сибаадигааяа багкибид̇ваа барихарид̇ум̣ саггаад̇и вуд̇д̇аа. мудтибан̣н̣анд̇и д̇аалабад̇д̇ам̣. д̇ан̃хи мудтинаа г̇ахзд̇ваа барихаранд̇ийд̇и ‘‘мудтибан̣н̣а’’нд̇и вужжад̇и. мудтибан̣н̣анд̇и чад̇д̇ажчад̣̇анабан̣н̣амзваад̇и гзжи. аран̣исахид̇анд̇и аран̣ияуг̇ал̣ам̣, уд̇д̇арааран̣ий, ад̇харааран̣ийд̇и аран̣ид̣̇ваяанд̇и ад̇т̇о.
Sabbaṃ cakkayuttayānanti rathasakaṭādikaṃ sabbacakkayuttayānaṃ. Visaṅkharitacakkaṃ pana yānaṃ bhājanīyaṃ. Anuññātavāsi nāma yā sipāṭikāya pakkhipitvā pariharituṃ sakkāti vuttā. Muṭṭhipaṇṇanti tālapattaṃ. Tañhi muṭṭhinā gahetvā pariharantīti ‘‘muṭṭhipaṇṇa’’nti vuccati. Muṭṭhipaṇṇanti chattacchadanapaṇṇamevāti keci. Araṇisahitanti araṇiyugaḷaṃ, uttarāraṇī, adharāraṇīti araṇidvayanti attho.
паад̇игаммам̣ гад̇ваад̇и анд̇амасо д̇ам̣аг̇гханагаваалигааяаби т̇ааварам̣ вад̣дхигаммам̣ гад̇ваа. паад̇игаммам̣ агад̇ваа г̇ан̣ханд̇зна д̇ад̇т̇зва валан̃ж̇зд̇аб̣б̣о. г̇аманагаалз сан̇гхигз ааваасз табзд̇ваа г̇анд̇аб̣б̣ам̣. асад̇ияаа г̇ахзд̇ваа г̇ад̇зна бахин̣ид̇ваа д̣̇аад̇аб̣б̣о. д̣̇зсанд̇араг̇ад̇зна самбад̇д̇авихаарз сан̇гхигааваасз табзд̇аб̣б̣о. зд̇т̇аад̇и мад̇д̇игаабхан̣д̣з. гун̣д̣игаад̇и аяогун̣д̣игаа жзва д̇амб̣алохагун̣д̣игаа жа. бхааж̇анийяагодтаасамзва бхаж̇ад̇ийд̇и бхааж̇анийяабагкамзва сзвад̇и, на д̇у г̇арубхан̣д̣анд̇и ад̇т̇о. ган̃жанаго бана г̇арубхан̣д̣амзваад̇и ад̇хиббааяо. ид̇аранд̇и г̇арубхан̣д̣ам̣.
Phātikammaṃkatvāti antamaso taṃagghanakavālikāyapi thāvaraṃ vaḍḍhikammaṃ katvā. Phātikammaṃ akatvā gaṇhantena tattheva valañjetabbo. Gamanakāle saṅghike āvāse ṭhapetvā gantabbaṃ. Asatiyā gahetvā gatena pahiṇitvā dātabbo. Desantaragatena sampattavihāre saṅghikāvāse ṭhapetabbo. Etthāti mattikābhaṇḍe. Kuṇḍikāti ayokuṇḍikā ceva tambalohakuṇḍikā ca. Bhājanīyakoṭṭhāsameva bhajatīti bhājanīyapakkhameva sevati, na tu garubhaṇḍanti attho. Kañcanako pana garubhaṇḍamevāti adhippāyo. Itaranti garubhaṇḍaṃ.
д̣̇уб̣б̣аласигкаабад̣̇аван̣н̣анаа нидтид̇аа.
Dubbalasikkhāpadavaṇṇanā niṭṭhitā.
