| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಪುರಾಣ-ಟೀಕಾ • Kaṅkhāvitaraṇī-purāṇa-ṭīkā |
೧೧. ದುಬ್ಬಲಸಿಕ್ಖಾಪದವಣ್ಣನಾ
11. Dubbalasikkhāpadavaṇṇanā
ಅಕಪ್ಪಿಯೇನ ವಾತಿ ಸುವಣ್ಣರಜತಮಯಮಞ್ಚಾದಿನಾ। ಕಪ್ಪಿಯಮಞ್ಚೋ ಸಮ್ಪಟಿಚ್ಛಿತಬ್ಬೋತಿ ‘‘ಸಙ್ಘಸ್ಸ ದೇಮಾ’’ತಿ ದಿನ್ನಂ ಸನ್ಧಾಯ ವುತ್ತಂ, ತೇಹಿ ಪನ ‘‘ವಿಹಾರಸ್ಸ ದೇಮಾ’’ತಿ ವುತ್ತೇ ಸುವಣ್ಣರಜತಮಯಾದಿಅಕಪ್ಪಿಯಮಞ್ಚಾಪಿ ಸಮ್ಪಟಿಚ್ಛಿತಬ್ಬಾತಿ ಚ, ‘‘ಅರಞ್ಜರೋ ಬಹುಉದಕಗಣ್ಹನಕೋ’’ತಿ ಚ, ‘‘ಸಙ್ಘಿಕಪಅಭೋಗೇನ ವಾತಿ ಸಚೇ ಆರಾಮಿಕಾದಯೋ ಪಟಿಸಾಮೇತ್ವಾ ಪಟಿದೇನ್ತಿ, ಪರಿಭುಞ್ಜಿತುಂ ವಟ್ಟತೀ’’ತಿ ಚ, ‘‘ಕಂಸಲೋಹಾದಿಭಾಜನಂ ಸಙ್ಘಸ್ಸ ದಿನ್ನಮ್ಪಿ ಪಾರಿಹಾರಿಯಂ ನ ವಟ್ಟತೀ’’ತಿ (ಚೂಳವ॰ ಅಟ್ಠ॰ ೩೨೧) ಸಮನ್ತಪಾಸಾದಿಕಾಯಂ ವುತ್ತತ್ತಾ ಅತ್ತನೋ ಹತ್ಥೇನ ಗಹೇತ್ವಾ ಪಟಿಸಾಮಿತುಂ ನ ಲಭತೀತಿ ಚ, ‘‘ವೇಧಕೋ ಕಾಯಬನ್ಧನಸ್ಸಾತಿ ವದನ್ತೀ’’ತಿ ಚ, ‘‘ಹಿಙ್ಗು ಹಿಙ್ಗುಲಿಹರಿತಾಲಮನೋಸಿಲಾ ಅಞ್ಜನಾನೀ’’ತಿ ಪಾಠೋತಿ ಚ, ‘‘ದಾರುಮಯೋ ವಾ…ಪೇ॰… ಅಪಾದಕೋಪಿ ಸಮುಗ್ಗೋ’’ತಿ ಪಾಠೋತಿ ಚ, ‘‘ದಾರುಮಯೋ ತುಮ್ಬೋತಿ ದಾರುಮಯೋ ಉದಕತುಮ್ಬೋ’’ತಿ ಚ, ‘‘ಥಮ್ಭತುಲಾಸೋಪಾನಫಲಕಾದೀಸೂ’’ತಿ ಚ ಲಿಖಿತಂ।
Akappiyena vāti suvaṇṇarajatamayamañcādinā. Kappiyamañco sampaṭicchitabboti ‘‘saṅghassa demā’’ti dinnaṃ sandhāya vuttaṃ, tehi pana ‘‘vihārassa demā’’ti vutte suvaṇṇarajatamayādiakappiyamañcāpi sampaṭicchitabbāti ca, ‘‘arañjaro bahuudakagaṇhanako’’ti ca, ‘‘saṅghikapaabhogena vāti sace ārāmikādayo paṭisāmetvā paṭidenti, paribhuñjituṃ vaṭṭatī’’ti ca, ‘‘kaṃsalohādibhājanaṃ saṅghassa dinnampi pārihāriyaṃ na vaṭṭatī’’ti (cūḷava. aṭṭha. 321) samantapāsādikāyaṃ vuttattā attano hatthena gahetvā paṭisāmituṃ na labhatīti ca, ‘‘vedhako kāyabandhanassāti vadantī’’ti ca, ‘‘hiṅgu hiṅguliharitālamanosilā añjanānī’’ti pāṭhoti ca, ‘‘dārumayo vā…pe… apādakopi samuggo’’ti pāṭhoti ca, ‘‘dārumayo tumboti dārumayo udakatumbo’’ti ca, ‘‘thambhatulāsopānaphalakādīsū’’ti ca likhitaṃ.
ದುಬ್ಬಲಸಿಕ್ಖಾಪದವಣ್ಣನಾ ನಿಟ್ಠಿತಾ।
Dubbalasikkhāpadavaṇṇanā niṭṭhitā.
