| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. д̣̇уб̣б̣ан̣н̣агаран̣асигкаабад̣̇аван̣н̣анаа
8. Dubbaṇṇakaraṇasikkhāpadavaṇṇanā
лаабхасад̣̇д̣̇ояам̣ гаммасаад̇хано ‘‘го бхавад̇аа лаабхо лад̣̇д̇хо’’д̇иаад̣̇ийсу вияа, со жзд̇т̇а ад̇ийд̇агаалигод̇и ааха ‘‘алаб̣бхийд̇и лабхо’’д̇и , лад̣̇д̇ханд̇и ад̇т̇о. ‘‘лабхо зва лаабхо’’д̇и иминаа сагад̇т̇з н̣абажжаяод̇и д̣̇ассзд̇и. гим̣ алаб̣бхийд̇и гим̣ лад̣̇д̇хам̣. наванд̇и абхинавам̣. зд̇д̇аавад̇аа жа наван̃жа д̇ам̣ жийваран̃жаад̇и наважийварам̣, наважийварам̣ лаабхо зд̇знаад̇и наважийваралаабход̇и звамзд̇т̇а самаасо д̣̇адтаб̣б̣од̇и. яад̣̇и звам̣ гат̇ам̣ ‘‘навам̣ жийваралаабхзнаа’’д̇и вуд̇д̇анд̇и ааха ‘‘ид̇и наважийваралаабхзнаа’’д̇иаад̣̇и. зд̇т̇а жа ‘‘вигаббанубаг̇ам̣ бажчима’’нд̇и на вуд̇д̇ад̇д̇аа жийваранд̇и яам̣ ниваасзд̇ум̣ ваа баарубид̇ум̣ ваа саггаа ход̇и, д̇ад̣̇зва взд̣̇ид̇аб̣б̣анд̇и ааха ‘‘ниваасанабаарубанубаг̇ам̣ жийвара’’нд̇и. ‘‘д̣̇уб̣б̣ан̣н̣агаран̣ам̣ аад̣̇аад̇аб̣б̣а’’нд̇и зд̇ам̣ габбаб̣инд̣̇ум̣ санд̇хааяа вуд̇д̇ам̣, на нийлаад̣̇ийхи сагалажийварам̣ д̣̇уб̣б̣ан̣н̣агаран̣ам̣, д̇ан̃жа бана габбам̣ аад̣̇ияанд̇зна жийварам̣ раж̇ид̇ваа жад̇уусу ваа гон̣зсу, д̇ийсу ваа д̣̇вийсу ваа згасмим̣ ваа гон̣з морасса агкиман̣д̣аламад̇д̇ам̣ ваа ман̇г̇улабидтимад̇д̇ам̣ ваа аад̣̇аад̇аб̣б̣анд̇и ааха ‘‘д̇ассаа’’д̇иаад̣̇и. гам̣санийлзнаад̇и жаммагааранийлзна. махаабажжарияам̣ бана ‘‘аяомалам̣ лохамалам̣, зд̇ам̣ гам̣санийлам̣ наамаа’’д̇и (баажи. адта. 368) вуд̇д̇ам̣ . бад̇д̇анийлзнаад̇и язна гзнажи нийлаван̣н̣зна бан̣н̣арасзна. габбаб̣инд̣̇ум̣ аад̣̇ияид̇ваад̇и ваддам̣ згам̣ габбаб̣инд̣̇ум̣ аад̣̇ияид̇ваа.
Lābhasaddoyaṃ kammasādhano ‘‘ko bhavatā lābho laddho’’tiādīsu viya, so cettha atītakālikoti āha ‘‘alabbhīti labho’’ti , laddhanti attho. ‘‘Labho eva lābho’’ti iminā sakatthe ṇapaccayoti dasseti. Kiṃ alabbhīti kiṃ laddhaṃ. Navanti abhinavaṃ. Ettāvatā ca navañca taṃ cīvarañcāti navacīvaraṃ, navacīvaraṃ lābho etenāti navacīvaralābhoti evamettha samāso daṭṭhabboti. Yadi evaṃ kathaṃ ‘‘navaṃ cīvaralābhenā’’ti vuttanti āha ‘‘iti navacīvaralābhenā’’tiādi. Ettha ca ‘‘vikappanupagaṃ pacchima’’nti na vuttattā cīvaranti yaṃ nivāsetuṃ vā pārupituṃ vā sakkā hoti, tadeva veditabbanti āha ‘‘nivāsanapārupanupagaṃ cīvara’’nti. ‘‘Dubbaṇṇakaraṇaṃ ādātabba’’nti etaṃ kappabinduṃ sandhāya vuttaṃ, na nīlādīhi sakalacīvaraṃ dubbaṇṇakaraṇaṃ, tañca pana kappaṃ ādiyantena cīvaraṃ rajitvā catūsu vā koṇesu, tīsu vā dvīsu vā ekasmiṃ vā koṇe morassa akkhimaṇḍalamattaṃ vā maṅgulapiṭṭhimattaṃ vā ādātabbanti āha ‘‘tassā’’tiādi. Kaṃsanīlenāti cammakāranīlena. Mahāpaccariyaṃ pana ‘‘ayomalaṃ lohamalaṃ, etaṃ kaṃsanīlaṃ nāmā’’ti (pāci. aṭṭha. 368) vuttaṃ . Pattanīlenāti yena kenaci nīlavaṇṇena paṇṇarasena. Kappabinduṃ ādiyitvāti vaṭṭaṃ ekaṃ kappabinduṃ ādiyitvā.
баал̣игаббаган̣н̣игагаббаад̣̇аяо бана саб̣б̣адтагат̇аасу бадисид̣̇д̇хаа. аг̇г̇ал̣аад̣̇ийни габбагад̇ажийварз бана бажчаа ааробзд̇ваа габбагаран̣агижжам̣ над̇т̇ийд̇и ааха ‘‘бажчаа ааробид̇зсуу’’д̇иаад̣̇и. аг̇г̇ал̣аануваад̇абарибхан̣д̣зсууд̇и уд̣̇д̇харид̇ваа аллияаабанагакан̣д̣абидтиануваад̇агужчиануваад̇зсу. гирияаагирияанд̇и ниваасанабаарубанад̇о, габбасса анаад̣̇аанад̇о гирияаагирияам̣.
Pāḷikappakaṇṇikakappādayo pana sabbaṭṭhakathāsu paṭisiddhā. Aggaḷādīni kappakatacīvare pana pacchā āropetvā kappakaraṇakiccaṃ natthīti āha ‘‘pacchā āropitesū’’tiādi. Aggaḷaanuvātaparibhaṇḍesūti uddharitvā alliyāpanakakhaṇḍapiṭṭhianuvātakucchianuvātesu. Kiriyākiriyanti nivāsanapārupanato, kappassa anādānato kiriyākiriyaṃ.
д̣̇уб̣б̣ан̣н̣агаран̣асигкаабад̣̇аван̣н̣анаа нидтид̇аа.
Dubbaṇṇakaraṇasikkhāpadavaṇṇanā niṭṭhitā.
