| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༨. དུབྦཎྞཀརཎསིཀྑཱཔདཝཎྞནཱ
8. Dubbaṇṇakaraṇasikkhāpadavaṇṇanā
༣༦༨. ཨཊྛམེ པཊིལདྡྷནཝཙཱིཝརེནཱཏི ཨེཏྠ པུབྦེ ཨཀཏཀཔྤཾ ཀཏིཔཱཧཾ ནིཝཱསནཏྠཱཡ ཏཱཝཀཱལིཀཝསེན ལདྡྷམྤི སངྒཡ྄ཧཏཱིཏི ཝདནྟི།
368. Aṭṭhame paṭiladdhanavacīvarenāti ettha pubbe akatakappaṃ katipāhaṃ nivāsanatthāya tāvakālikavasena laddhampi saṅgayhatīti vadanti.
༣༦༩. ‘‘ནཝཾ ནཱམ ཨཀཏཀཔྤ’’ནྟི སཱམཉྙཏོ ཝུཏྟཏྟཱ ཨཉྙེན བྷིཀྑུནཱ ཀཔྤབིནྡུཾ དཏྭཱ པརིབྷུཏྟཾ ཙཱིཝརཾ, ཏེན ཝཱ, ཏཏོ ལབྷིཏྭཱ ཨཉྙེན ཝཱ ཀེནཙི དིནྣམྤི ཀཏཀཔྤམེཝ ནཝཾ ནཱམ ན ཧོཏཱིཏི དཊྛབྦཾ། ‘‘ནིཝཱསེཏུཾ ཝཱ པཱརུཔིཏུཾ ཝཱ’’ཏི ཝུཏྟཏྟཱ ཨཾསབདྡྷཀཱསཱཝམྤི པཱརུཔིཏབྦཏོ ཀཔྤཾ ཀཱཏབྦནྟི ཝདནྟི། ཙམྨཀཱརནཱིལཾ ནཱམ ཙམྨཾ ནཱིལཝཎྞཾ ཀཱཏུཾ ཡོཛིཡམཱནཾ ནཱིལཾ། པཀཏིནཱིལམེཝཱཏི ཀེཙི། ཡཐཱཝུཏྟཙཱིཝརསྶ ཨཀཏཀཔྤཏཱ, ཨནཊྛཙཱིཝརཱདིཏཱ, ནིཝཱསནཱདིཏཱཏི ཏཱིཎི ཨངྒཱནི།
369. ‘‘Navaṃ nāma akatakappa’’nti sāmaññato vuttattā aññena bhikkhunā kappabinduṃ datvā paribhuttaṃ cīvaraṃ, tena vā, tato labhitvā aññena vā kenaci dinnampi katakappameva navaṃ nāma na hotīti daṭṭhabbaṃ. ‘‘Nivāsetuṃ vā pārupituṃ vā’’ti vuttattā aṃsabaddhakāsāvampi pārupitabbato kappaṃ kātabbanti vadanti. Cammakāranīlaṃ nāma cammaṃ nīlavaṇṇaṃ kātuṃ yojiyamānaṃ nīlaṃ. Pakatinīlamevāti keci. Yathāvuttacīvarassa akatakappatā, anaṭṭhacīvarāditā, nivāsanāditāti tīṇi aṅgāni.
དུབྦཎྞཀརཎསིཀྑཱཔདཝཎྞནཱ ནིཊྛིཏཱ།
Dubbaṇṇakaraṇasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༦. སུརཱཔཱནཝགྒོ • 6. Surāpānavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༨. དུབྦཎྞཀརཎསིཀྑཱཔདཝཎྞནཱ • 8. Dubbaṇṇakaraṇasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༨. དུབྦཎྞཀརཎསིཀྑཱཔདཝཎྞནཱ • 8. Dubbaṇṇakaraṇasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༨. དུབྦཎྞཀརཎསིཀྑཱཔདཝཎྞནཱ • 8. Dubbaṇṇakaraṇasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨. དུབྦཎྞཀརཎསིཀྑཱཔདཾ • 8. Dubbaṇṇakaraṇasikkhāpadaṃ
