| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ
8. Dubbaṇṇakaraṇasikkhāpadavaṇṇanā
੩੬੮-੯. ਅਟ੍ਠਮੇ – ਨવਂ ਪਨ ਭਿਕ੍ਖੁਨਾ ਚੀવਰਲਾਭੇਨਾਤਿ ਏਤ੍ਥ ਅਲਭੀਤਿ ਲਭੋ; ਲਭੋਯੇવ ਲਾਭੋ। ਕਿਂ ਅਲਭਿ? ਚੀવਰਂ। ਕੀਦਿਸਂ? ਨવਂ। ਇਤਿ ‘‘ਨવਚੀવਰਲਾਭੇਨਾ’’ਤਿ વਤ੍ਤਬ੍ਬੇ ਅਨੁਨਾਸਿਕਲੋਪਂ ਅਕਤ੍વਾ ‘‘ਨવਚੀવਰਲਾਭੇਨਾ’’ਤਿ વੁਤ੍ਤਂ; ਪਟਿਲਦ੍ਧਨવਚੀવਰੇਨਾਤਿ ਅਤ੍ਥੋ। ਮਜ੍ਝੇ ਠਿਤਪਦਦ੍વਯੇ ਪਨਾਤਿ ਨਿਪਾਤੋ। ਭਿਕ੍ਖੁਨਾਤਿ ਯੇਨ ਲਦ੍ਧਂ ਤਸ੍ਸ ਨਿਦਸ੍ਸਨਂ। ਪਦਭਾਜਨੇ ਪਨ ਬ੍ਯਞ੍ਜਨਂ ਅਨਾਦਿਯਿਤ੍વਾ ਯਂ ਲਦ੍ਧਂ ਤਂ ਦਸ੍ਸੇਤੁਂ ‘‘ਚੀવਰਂ ਨਾਮ ਛਨ੍ਨਂ ਚੀવਰਾਨ’’ਨ੍ਤਿਆਦਿ વੁਤ੍ਤਂ। ਚੀવਰਨ੍ਤਿ ਏਤ੍ਥ ਯਂ ਨਿવਾਸੇਤੁਂ વਾ ਪਾਰੁਪਿਤੁਂ વਾ ਸਕ੍ਕਾ ਹੋਤਿ, ਤਦੇવ વੇਦਿਤਬ੍ਬਂ। ਤੇਨੇવ ‘‘વਿਕਪ੍ਪਨੁਪਗਪਚ੍ਛਿਮ’’ਨ੍ਤਿ ਨ વੁਤ੍ਤਂ। ਕਂਸਨੀਲਨ੍ਤਿ ਚਮ੍ਮਕਾਰਨੀਲਂ। ਮਹਾਪਚ੍ਚਰਿਯਂ ਪਨ ‘‘ਅਯੋਮਲਂ ਲੋਹਮਲਂ ਏਤਂ ਕਂਸਨੀਲਂ ਨਾਮਾ’’ਤਿ વੁਤ੍ਤਂ। ਪਲਾਸਨੀਲਨ੍ਤਿ ਯੋ ਕੋਚਿ ਨੀਲવਣ੍ਣੋ ਪਣ੍ਣਰਸੋ। ਦੁਬ੍ਬਣ੍ਣਕਰਣਂ ਆਦਾਤਬ੍ਬਨ੍ਤਿ ਏਤਂ ਕਪ੍ਪਬਿਨ੍ਦੁਂ ਸਨ੍ਧਾਯ વੁਤ੍ਤਂ; ਨ ਨੀਲਾਦੀਹਿ ਸਕਲਚੀવਰਸ੍ਸ ਦੁਬ੍ਬਣ੍ਣਕਰਣਂ। ਤਞ੍ਚ ਪਨ ਕਪ੍ਪਂ ਆਦਿਯਨ੍ਤੇਨ ਚੀવਰਂ ਰਜਿਤ੍વਾ ਚਤੂਸੁ વਾ ਕੋਣੇਸੁ ਤੀਸੁ વਾ ਦ੍વੀਸੁ વਾ ਏਕਸ੍ਮਿਂ વਾ ਕੋਣੇ ਮੋਰਸ੍ਸ ਅਕ੍ਖਿਮਣ੍ਡਲਮਤ੍ਤਂ વਾ ਮਙ੍ਕੁਲਪਿਟ੍ਠਿਮਤ੍ਤਂ વਾ ਆਦਾਤਬ੍ਬਂ। ਮਹਾਪਚ੍ਚਰਿਯਂ ‘‘ਪਤ੍ਤੇ વਾ ਗਣ੍ਠਿਯਂ વਾ ਨ વਟ੍ਟਤੀ’’ਤਿ વੁਤ੍ਤਂ। ਮਹਾਅਟ੍ਠਕਥਾਯਂ ਪਨ ‘‘વਟ੍ਟਤਿਯੇવਾ’’ਤਿ વੁਤ੍ਤਂ। ਪਾਲ਼ਿਕਪ੍ਪਕਣ੍ਣਿਕਕਪ੍ਪਾਦਯੋ ਪਨ ਸਬ੍ਬਤ੍ਥ ਪਟਿਸਿਦ੍ਧਾ, ਤਸ੍ਮਾ ਠਪੇਤ੍વਾ ਏਕਂ વਟ੍ਟਬਿਨ੍ਦੁਂ ਅਞ੍ਞੇਨ ਕੇਨਚਿਪਿ વਿਕਾਰੇਨ ਕਪ੍ਪੋ ਨ ਕਾਤਬ੍ਬੋ।
368-9. Aṭṭhame – navaṃ pana bhikkhunā cīvaralābhenāti ettha alabhīti labho; labhoyeva lābho. Kiṃ alabhi? Cīvaraṃ. Kīdisaṃ? Navaṃ. Iti ‘‘navacīvaralābhenā’’ti vattabbe anunāsikalopaṃ akatvā ‘‘navacīvaralābhenā’’ti vuttaṃ; paṭiladdhanavacīvarenāti attho. Majjhe ṭhitapadadvaye panāti nipāto. Bhikkhunāti yena laddhaṃ tassa nidassanaṃ. Padabhājane pana byañjanaṃ anādiyitvā yaṃ laddhaṃ taṃ dassetuṃ ‘‘cīvaraṃ nāma channaṃ cīvarāna’’ntiādi vuttaṃ. Cīvaranti ettha yaṃ nivāsetuṃ vā pārupituṃ vā sakkā hoti, tadeva veditabbaṃ. Teneva ‘‘vikappanupagapacchima’’nti na vuttaṃ. Kaṃsanīlanti cammakāranīlaṃ. Mahāpaccariyaṃ pana ‘‘ayomalaṃ lohamalaṃ etaṃ kaṃsanīlaṃ nāmā’’ti vuttaṃ. Palāsanīlanti yo koci nīlavaṇṇo paṇṇaraso. Dubbaṇṇakaraṇaṃ ādātabbanti etaṃ kappabinduṃ sandhāya vuttaṃ; na nīlādīhi sakalacīvarassa dubbaṇṇakaraṇaṃ. Tañca pana kappaṃ ādiyantena cīvaraṃ rajitvā catūsu vā koṇesu tīsu vā dvīsu vā ekasmiṃ vā koṇe morassa akkhimaṇḍalamattaṃ vā maṅkulapiṭṭhimattaṃ vā ādātabbaṃ. Mahāpaccariyaṃ ‘‘patte vā gaṇṭhiyaṃ vā na vaṭṭatī’’ti vuttaṃ. Mahāaṭṭhakathāyaṃ pana ‘‘vaṭṭatiyevā’’ti vuttaṃ. Pāḷikappakaṇṇikakappādayo pana sabbattha paṭisiddhā, tasmā ṭhapetvā ekaṃ vaṭṭabinduṃ aññena kenacipi vikārena kappo na kātabbo.
੩੭੧. ਅਗ੍ਗਲ਼ੇਤਿਆਦੀਸੁ ਏਤਾਨਿ ਅਗ੍ਗਲ਼ਾਦੀਨਿ ਕਪ੍ਪਕਤਚੀવਰੇ ਪਚ੍ਛਾ ਆਰੋਪੇਤ੍વਾ ਕਪ੍ਪਕਰਣਕਿਚ੍ਚਂ ਨਤ੍ਥਿ। ਸੇਸਂ ਉਤ੍ਤਾਨਮੇવ। ਏਲ਼ਕਲੋਮਸਮੁਟ੍ਠਾਨਂ – ਕਿਰਿਯਾਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ; ਕਾਯਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
371.Aggaḷetiādīsu etāni aggaḷādīni kappakatacīvare pacchā āropetvā kappakaraṇakiccaṃ natthi. Sesaṃ uttānameva. Eḷakalomasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ; kāyakammaṃ, ticittaṃ, tivedananti.
ਦੁਬ੍ਬਣ੍ਣਕਰਣਸਿਕ੍ਖਾਪਦਂ ਅਟ੍ਠਮਂ।
Dubbaṇṇakaraṇasikkhāpadaṃ aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਰਾਪਾਨવਗ੍ਗੋ • 6. Surāpānavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ • 8. Dubbaṇṇakaraṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ • 8. Dubbaṇṇakaraṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ • 8. Dubbaṇṇakaraṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਦੁਬ੍ਬਣ੍ਣਕਰਣਸਿਕ੍ਖਾਪਦਂ • 8. Dubbaṇṇakaraṇasikkhāpadaṃ
