| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. து³ப்³ப³ண்ணியஸுத்தவண்ணனா
2. Dubbaṇṇiyasuttavaṇṇanā
268. து³தியே து³ப்³ப³ண்ணோதி ஜா²மகா²ணுவண்ணோ. ஓகோடிமகோதி லகுண்ட³கோ மஹோத³ரோ. ஆஸனேதி பண்டு³கம்ப³லஸிலாயங். கோத⁴ப⁴க்கோ²தி ஸக்கேன க³ஹிதனாமமேவேதங். ஸோ பன ஏகோ ரூபாவசரப்³ரஹ்மா, ‘‘ஸக்கோ கிர க²ந்திப³லேன ஸமன்னாக³தோ’’தி ஸுத்வா வீமங்ஸனத்த²ங் ஆக³தோ . அவருத்³த⁴கயக்கா² பன ஏவரூபங் ஸங்விஹிதாரக்க²ங் டா²னங் பவிஸிதுங் ந ஸக்கொந்தி. உபஸங்கமீதி தே³வானங் ஸுத்வா ‘‘ந ஸக்கா ஏஸ ப²ருஸேன சாலேதுங், நீசவுத்தினா பன க²ந்தியங் டி²தேன ஸக்கா பலாபேது’’ந்தி ததா² பலாபேதுகாமோ உபஸங்கமி. அந்தரதா⁴யீதி க²ந்தியங் ட²த்வா ப³லவசித்தீகாரங் பச்சுபட்ட²பெத்வா நீசவுத்தியா த³ஸ்ஸியமானாய ஸக்காஸனே டா²துங் அஸக்கொந்தோ அந்தரதா⁴யி. ந ஸூபஹதசித்தொம்ஹீதி எத்த² ஸூதி நிபாதமத்தங், உபஹதசித்தொம்ஹீதி ஆஹ. நாவத்தேன ஸுவானயோதி ந கோதா⁴வத்தேன ஸுஆனயோ, கோத⁴வஸே வத்தேதுங் ந ஸுகரொம்ஹீதி வத³தி. ந வோ சிராஹந்தி வோதி நிபாதமத்தங், அஹங் சிரங் ந குஜ்ஜா²மீதி வத³தி. து³தியங்.
268. Dutiye dubbaṇṇoti jhāmakhāṇuvaṇṇo. Okoṭimakoti lakuṇḍako mahodaro. Āsaneti paṇḍukambalasilāyaṃ. Kodhabhakkhoti sakkena gahitanāmamevetaṃ. So pana eko rūpāvacarabrahmā, ‘‘sakko kira khantibalena samannāgato’’ti sutvā vīmaṃsanatthaṃ āgato . Avaruddhakayakkhā pana evarūpaṃ saṃvihitārakkhaṃ ṭhānaṃ pavisituṃ na sakkonti. Upasaṅkamīti devānaṃ sutvā ‘‘na sakkā esa pharusena cāletuṃ, nīcavuttinā pana khantiyaṃ ṭhitena sakkā palāpetu’’nti tathā palāpetukāmo upasaṅkami. Antaradhāyīti khantiyaṃ ṭhatvā balavacittīkāraṃ paccupaṭṭhapetvā nīcavuttiyā dassiyamānāya sakkāsane ṭhātuṃ asakkonto antaradhāyi. Na sūpahatacittomhīti ettha sūti nipātamattaṃ, upahatacittomhīti āha. Nāvattena suvānayoti na kodhāvattena suānayo, kodhavase vattetuṃ na sukaromhīti vadati. Na vo cirāhanti voti nipātamattaṃ, ahaṃ ciraṃ na kujjhāmīti vadati. Dutiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. து³ப்³ப³ண்ணியஸுத்தங் • 2. Dubbaṇṇiyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. து³ப்³ப³ண்ணியஸுத்தவண்ணனா • 3. Dubbaṇṇiyasuttavaṇṇanā
