| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇уб̣б̣ан̣н̣ияасуд̇д̇аван̣н̣анаа
2. Dubbaṇṇiyasuttavaṇṇanā
268. д̣̇уд̇ияз д̣̇уб̣б̣ан̣н̣од̇и жхаамакаан̣уван̣н̣о. огодимагод̇и лагун̣д̣аго маход̣̇аро. аасанзд̇и бан̣д̣угамб̣аласилааяам̣. год̇хабхагкод̇и саггзна г̇ахид̇анаамамзвзд̇ам̣. со бана зго руубааважараб̣рахмаа, ‘‘сагго гира канд̇иб̣алзна саманнааг̇ад̇о’’д̇и суд̇ваа виймам̣санад̇т̇ам̣ ааг̇ад̇о . аваруд̣̇д̇хагаяагкаа бана зваруубам̣ сам̣вихид̇аарагкам̣ таанам̣ бависид̇ум̣ на саггонд̇и. убасан̇гамийд̇и д̣̇зваанам̣ суд̇ваа ‘‘на саггаа зса парусзна жаалзд̇ум̣, нийжавуд̇д̇инаа бана канд̇ияам̣ тид̇зна саггаа балаабзд̇у’’нд̇и д̇ат̇аа балаабзд̇угаамо убасан̇гами. анд̇арад̇хааяийд̇и канд̇ияам̣ тад̇ваа б̣алаважид̇д̇ийгаарам̣ бажжубадтабзд̇ваа нийжавуд̇д̇ияаа д̣̇ассияамаанааяа саггаасанз таад̇ум̣ асаггонд̇о анд̇арад̇хааяи. на суубахад̇ажид̇д̇омхийд̇и зд̇т̇а сууд̇и нибаад̇амад̇д̇ам̣, убахад̇ажид̇д̇омхийд̇и ааха. наавад̇д̇зна суваанаяод̇и на год̇хаавад̇д̇зна суаанаяо, год̇хавасз вад̇д̇зд̇ум̣ на сугаромхийд̇и вад̣̇ад̇и. на во жирааханд̇и вод̇и нибаад̇амад̇д̇ам̣, ахам̣ жирам̣ на гуж̇жхаамийд̇и вад̣̇ад̇и. д̣̇уд̇ияам̣.
268. Dutiye dubbaṇṇoti jhāmakhāṇuvaṇṇo. Okoṭimakoti lakuṇḍako mahodaro. Āsaneti paṇḍukambalasilāyaṃ. Kodhabhakkhoti sakkena gahitanāmamevetaṃ. So pana eko rūpāvacarabrahmā, ‘‘sakko kira khantibalena samannāgato’’ti sutvā vīmaṃsanatthaṃ āgato . Avaruddhakayakkhā pana evarūpaṃ saṃvihitārakkhaṃ ṭhānaṃ pavisituṃ na sakkonti. Upasaṅkamīti devānaṃ sutvā ‘‘na sakkā esa pharusena cāletuṃ, nīcavuttinā pana khantiyaṃ ṭhitena sakkā palāpetu’’nti tathā palāpetukāmo upasaṅkami. Antaradhāyīti khantiyaṃ ṭhatvā balavacittīkāraṃ paccupaṭṭhapetvā nīcavuttiyā dassiyamānāya sakkāsane ṭhātuṃ asakkonto antaradhāyi. Na sūpahatacittomhīti ettha sūti nipātamattaṃ, upahatacittomhīti āha. Nāvattena suvānayoti na kodhāvattena suānayo, kodhavase vattetuṃ na sukaromhīti vadati. Na vo cirāhanti voti nipātamattaṃ, ahaṃ ciraṃ na kujjhāmīti vadati. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̣̇уб̣б̣ан̣н̣ияасуд̇д̇ам̣ • 2. Dubbaṇṇiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̣̇уб̣б̣ан̣н̣ияасуд̇д̇аван̣н̣анаа • 3. Dubbaṇṇiyasuttavaṇṇanā
