| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̣̇уб̣б̣ан̣н̣ияасуд̇д̇аван̣н̣анаа
3. Dubbaṇṇiyasuttavaṇṇanā
268. д̣̇уб̣б̣ан̣н̣о д̣̇уд̣̇д̣̇асиго вируубаван̣н̣о. огодимагод̇и рассабхаавзна аварагодимаго. саггзна г̇ахид̇анаамамзвзд̇ам̣, на бана со д̇ат̇ааруубо гожи яагко. д̇знааха ‘‘зго руубааважараб̣рахмаа’’д̇и. яад̣̇и звам̣ гасмаа со д̇ат̇ааруубо худ̇ваа ааг̇ад̇од̇и ааха ‘‘сагго гираа’’д̇и. гат̇ам̣ банзд̇т̇а н̃ааяад̇и ‘‘со зго руубааважараб̣рахмаа, на банзсо аваруд̣̇д̇хагаяагко’’д̇и яуд̇д̇им̣ д̣̇ассзнд̇о ‘‘аваруд̣̇д̇хагаяагкаа банаа’’д̇иаад̣̇имааха. д̣̇зваанам̣ важанам̣ суд̇ваа. парусзнаад̇и парусасамаажаарзна. ‘‘го наама маяхам̣ аасанз саннисинно’’д̇и агканд̇им̣ ануббаад̣̇знд̇о канд̇ияам̣ тад̇ваа. б̣алаважид̇д̇ийгааранд̇и г̇аруд̇арам̣ саггаараб̣ахумаанам̣. нийжавуд̇д̇ияаад̇и бараманибажжагаарз сувуубасаманз жа д̣̇ассияамаанз. саггасса д̇ааяа зва аажаарасамбад̇д̇ияаа саггаасанз таад̇ум̣, ад̇д̇ано жа аавигаад̇ум̣ асаггонд̇о анд̇арад̇хааяи. убахад̇ажид̇д̇омхийд̇и канд̇имзд̇д̇аануд̣̇д̣̇аяаасаб̣бхаавад̇о барасмим̣ убахад̇ажид̇д̇омхийд̇и сагго ад̇д̇ано сабхаавам̣ вад̣̇ад̇и. год̇хавасз вад̇д̇зд̇унд̇и год̇хзна ад̇д̇ано васз ниб̣б̣ад̇д̇зд̇ум̣ на сугаромхи, ат̇а ко год̇хам̣ маяхам̣ васз на вад̇д̇змийд̇и ад̇хиббааяо. жирам̣ на гуж̇жхаамийд̇и яад̣̇и мз гад̣̇аажи год̇хо уббаж̇ж̇зяяа, д̇ам̣ год̇хам̣ анувад̇д̇знд̇о жирагаалам̣ на гуж̇жхаами . на убанаяхаамийд̇и анд̇о сажз мз год̇хо уббаж̇ж̇зяяа, киббамзва жа нам̣ бадивинзяяанд̇и д̇ам̣ мз буб̣б̣зва вад̇ам̣ барибуурид̇ам̣.
268.Dubbaṇṇo duddasiko virūpavaṇṇo. Okoṭimakoti rassabhāvena avarakoṭimako. Sakkena gahitanāmamevetaṃ, na pana so tathārūpo koci yakkho. Tenāha ‘‘eko rūpāvacarabrahmā’’ti. Yadi evaṃ kasmā so tathārūpo hutvā āgatoti āha ‘‘sakko kirā’’ti. Kathaṃ panettha ñāyati ‘‘so eko rūpāvacarabrahmā, na paneso avaruddhakayakkho’’ti yuttiṃ dassento ‘‘avaruddhakayakkhā panā’’tiādimāha. Devānaṃ vacanaṃ sutvā. Pharusenāti pharusasamācārena. ‘‘Ko nāma mayhaṃ āsane sannisinno’’ti akkhantiṃ anuppādento khantiyaṃ ṭhatvā. Balavacittīkāranti garutaraṃ sakkārabahumānaṃ. Nīcavuttiyāti paramanipaccakāre suvūpasamane ca dassiyamāne. Sakkassa tāya eva ācārasampattiyā sakkāsane ṭhātuṃ, attano ca āvikātuṃ asakkonto antaradhāyi. Upahatacittomhīti khantimettānuddayāsabbhāvato parasmiṃ upahatacittomhīti sakko attano sabhāvaṃ vadati. Kodhavase vattetunti kodhena attano vase nibbattetuṃ na sukaromhi, atha kho kodhaṃ mayhaṃ vase na vattemīti adhippāyo. Ciraṃ na kujjhāmīti yadi me kadāci kodho uppajjeyya, taṃ kodhaṃ anuvattento cirakālaṃ na kujjhāmi . Na upanayhāmīti anto sace me kodho uppajjeyya, khippameva ca naṃ paṭivineyyanti taṃ me pubbeva vataṃ paripūritaṃ.
д̣̇уб̣б̣ан̣н̣ияасуд̇д̇аван̣н̣анаа нидтид̇аа.
Dubbaṇṇiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̣̇уб̣б̣ан̣н̣ияасуд̇д̇ам̣ • 2. Dubbaṇṇiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̣̇уб̣б̣ан̣н̣ияасуд̇д̇аван̣н̣анаа • 2. Dubbaṇṇiyasuttavaṇṇanā
