| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਦੁਬ੍ਬਣ੍ਣਿਯਸੁਤ੍ਤવਣ੍ਣਨਾ
2. Dubbaṇṇiyasuttavaṇṇanā
੨੬੮. ਦੁਤਿਯੇ ਦੁਬ੍ਬਣ੍ਣੋਤਿ ਝਾਮਖਾਣੁવਣ੍ਣੋ। ਓਕੋਟਿਮਕੋਤਿ ਲਕੁਣ੍ਡਕੋ ਮਹੋਦਰੋ। ਆਸਨੇਤਿ ਪਣ੍ਡੁਕਮ੍ਬਲਸਿਲਾਯਂ। ਕੋਧਭਕ੍ਖੋਤਿ ਸਕ੍ਕੇਨ ਗਹਿਤਨਾਮਮੇવੇਤਂ। ਸੋ ਪਨ ਏਕੋ ਰੂਪਾવਚਰਬ੍ਰਹ੍ਮਾ, ‘‘ਸਕ੍ਕੋ ਕਿਰ ਖਨ੍ਤਿਬਲੇਨ ਸਮਨ੍ਨਾਗਤੋ’’ਤਿ ਸੁਤ੍વਾ વੀਮਂਸਨਤ੍ਥਂ ਆਗਤੋ । ਅવਰੁਦ੍ਧਕਯਕ੍ਖਾ ਪਨ ਏવਰੂਪਂ ਸਂવਿਹਿਤਾਰਕ੍ਖਂ ਠਾਨਂ ਪવਿਸਿਤੁਂ ਨ ਸਕ੍ਕੋਨ੍ਤਿ। ਉਪਸਙ੍ਕਮੀਤਿ ਦੇવਾਨਂ ਸੁਤ੍વਾ ‘‘ਨ ਸਕ੍ਕਾ ਏਸ ਫਰੁਸੇਨ ਚਾਲੇਤੁਂ, ਨੀਚવੁਤ੍ਤਿਨਾ ਪਨ ਖਨ੍ਤਿਯਂ ਠਿਤੇਨ ਸਕ੍ਕਾ ਪਲਾਪੇਤੁ’’ਨ੍ਤਿ ਤਥਾ ਪਲਾਪੇਤੁਕਾਮੋ ਉਪਸਙ੍ਕਮਿ। ਅਨ੍ਤਰਧਾਯੀਤਿ ਖਨ੍ਤਿਯਂ ਠਤ੍વਾ ਬਲવਚਿਤ੍ਤੀਕਾਰਂ ਪਚ੍ਚੁਪਟ੍ਠਪੇਤ੍વਾ ਨੀਚવੁਤ੍ਤਿਯਾ ਦਸ੍ਸਿਯਮਾਨਾਯ ਸਕ੍ਕਾਸਨੇ ਠਾਤੁਂ ਅਸਕ੍ਕੋਨ੍ਤੋ ਅਨ੍ਤਰਧਾਯਿ। ਨ ਸੂਪਹਤਚਿਤ੍ਤੋਮ੍ਹੀਤਿ ਏਤ੍ਥ ਸੂਤਿ ਨਿਪਾਤਮਤ੍ਤਂ, ਉਪਹਤਚਿਤ੍ਤੋਮ੍ਹੀਤਿ ਆਹ। ਨਾવਤ੍ਤੇਨ ਸੁવਾਨਯੋਤਿ ਨ ਕੋਧਾવਤ੍ਤੇਨ ਸੁਆਨਯੋ, ਕੋਧવਸੇ વਤ੍ਤੇਤੁਂ ਨ ਸੁਕਰੋਮ੍ਹੀਤਿ વਦਤਿ। ਨ વੋ ਚਿਰਾਹਨ੍ਤਿ વੋਤਿ ਨਿਪਾਤਮਤ੍ਤਂ, ਅਹਂ ਚਿਰਂ ਨ ਕੁਜ੍ਝਾਮੀਤਿ વਦਤਿ। ਦੁਤਿਯਂ।
268. Dutiye dubbaṇṇoti jhāmakhāṇuvaṇṇo. Okoṭimakoti lakuṇḍako mahodaro. Āsaneti paṇḍukambalasilāyaṃ. Kodhabhakkhoti sakkena gahitanāmamevetaṃ. So pana eko rūpāvacarabrahmā, ‘‘sakko kira khantibalena samannāgato’’ti sutvā vīmaṃsanatthaṃ āgato . Avaruddhakayakkhā pana evarūpaṃ saṃvihitārakkhaṃ ṭhānaṃ pavisituṃ na sakkonti. Upasaṅkamīti devānaṃ sutvā ‘‘na sakkā esa pharusena cāletuṃ, nīcavuttinā pana khantiyaṃ ṭhitena sakkā palāpetu’’nti tathā palāpetukāmo upasaṅkami. Antaradhāyīti khantiyaṃ ṭhatvā balavacittīkāraṃ paccupaṭṭhapetvā nīcavuttiyā dassiyamānāya sakkāsane ṭhātuṃ asakkonto antaradhāyi. Na sūpahatacittomhīti ettha sūti nipātamattaṃ, upahatacittomhīti āha. Nāvattena suvānayoti na kodhāvattena suānayo, kodhavase vattetuṃ na sukaromhīti vadati. Na vo cirāhanti voti nipātamattaṃ, ahaṃ ciraṃ na kujjhāmīti vadati. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਦੁਬ੍ਬਣ੍ਣਿਯਸੁਤ੍ਤਂ • 2. Dubbaṇṇiyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਦੁਬ੍ਬਣ੍ਣਿਯਸੁਤ੍ਤવਣ੍ਣਨਾ • 3. Dubbaṇṇiyasuttavaṇṇanā
