| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൩. ദുബ്ബണ്ണിയസുത്തവണ്ണനാ
3. Dubbaṇṇiyasuttavaṇṇanā
൨൬൮. ദുബ്ബണ്ണോ ദുദ്ദസികോ വിരൂപവണ്ണോ. ഓകോടിമകോതി രസ്സഭാവേന അവരകോടിമകോ. സക്കേന ഗഹിതനാമമേവേതം, ന പന സോ തഥാരൂപോ കോചി യക്ഖോ. തേനാഹ ‘‘ഏകോ രൂപാവചരബ്രഹ്മാ’’തി. യദി ഏവം കസ്മാ സോ തഥാരൂപോ ഹുത്വാ ആഗതോതി ആഹ ‘‘സക്കോ കിരാ’’തി. കഥം പനേത്ഥ ഞായതി ‘‘സോ ഏകോ രൂപാവചരബ്രഹ്മാ, ന പനേസോ അവരുദ്ധകയക്ഖോ’’തി യുത്തിം ദസ്സേന്തോ ‘‘അവരുദ്ധകയക്ഖാ പനാ’’തിആദിമാഹ. ദേവാനം വചനം സുത്വാ. ഫരുസേനാതി ഫരുസസമാചാരേന. ‘‘കോ നാമ മയ്ഹം ആസനേ സന്നിസിന്നോ’’തി അക്ഖന്തിം അനുപ്പാദേന്തോ ഖന്തിയം ഠത്വാ. ബലവചിത്തീകാരന്തി ഗരുതരം സക്കാരബഹുമാനം. നീചവുത്തിയാതി പരമനിപച്ചകാരേ സുവൂപസമനേ ച ദസ്സിയമാനേ. സക്കസ്സ തായ ഏവ ആചാരസമ്പത്തിയാ സക്കാസനേ ഠാതും, അത്തനോ ച ആവികാതും അസക്കോന്തോ അന്തരധായി. ഉപഹതചിത്തോമ്ഹീതി ഖന്തിമേത്താനുദ്ദയാസബ്ഭാവതോ പരസ്മിം ഉപഹതചിത്തോമ്ഹീതി സക്കോ അത്തനോ സഭാവം വദതി. കോധവസേ വത്തേതുന്തി കോധേന അത്തനോ വസേ നിബ്ബത്തേതും ന സുകരോമ്ഹി, അഥ ഖോ കോധം മയ്ഹം വസേ ന വത്തേമീതി അധിപ്പായോ. ചിരം ന കുജ്ഝാമീതി യദി മേ കദാചി കോധോ ഉപ്പജ്ജേയ്യ, തം കോധം അനുവത്തേന്തോ ചിരകാലം ന കുജ്ഝാമി . ന ഉപനയ്ഹാമീതി അന്തോ സചേ മേ കോധോ ഉപ്പജ്ജേയ്യ, ഖിപ്പമേവ ച നം പടിവിനേയ്യന്തി തം മേ പുബ്ബേവ വതം പരിപൂരിതം.
268.Dubbaṇṇo duddasiko virūpavaṇṇo. Okoṭimakoti rassabhāvena avarakoṭimako. Sakkena gahitanāmamevetaṃ, na pana so tathārūpo koci yakkho. Tenāha ‘‘eko rūpāvacarabrahmā’’ti. Yadi evaṃ kasmā so tathārūpo hutvā āgatoti āha ‘‘sakko kirā’’ti. Kathaṃ panettha ñāyati ‘‘so eko rūpāvacarabrahmā, na paneso avaruddhakayakkho’’ti yuttiṃ dassento ‘‘avaruddhakayakkhā panā’’tiādimāha. Devānaṃ vacanaṃ sutvā. Pharusenāti pharusasamācārena. ‘‘Ko nāma mayhaṃ āsane sannisinno’’ti akkhantiṃ anuppādento khantiyaṃ ṭhatvā. Balavacittīkāranti garutaraṃ sakkārabahumānaṃ. Nīcavuttiyāti paramanipaccakāre suvūpasamane ca dassiyamāne. Sakkassa tāya eva ācārasampattiyā sakkāsane ṭhātuṃ, attano ca āvikātuṃ asakkonto antaradhāyi. Upahatacittomhīti khantimettānuddayāsabbhāvato parasmiṃ upahatacittomhīti sakko attano sabhāvaṃ vadati. Kodhavase vattetunti kodhena attano vase nibbattetuṃ na sukaromhi, atha kho kodhaṃ mayhaṃ vase na vattemīti adhippāyo. Ciraṃ na kujjhāmīti yadi me kadāci kodho uppajjeyya, taṃ kodhaṃ anuvattento cirakālaṃ na kujjhāmi . Na upanayhāmīti anto sace me kodho uppajjeyya, khippameva ca naṃ paṭivineyyanti taṃ me pubbeva vataṃ paripūritaṃ.
ദുബ്ബണ്ണിയസുത്തവണ്ണനാ നിട്ഠിതാ.
Dubbaṇṇiyasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. ദുബ്ബണ്ണിയസുത്തം • 2. Dubbaṇṇiyasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨. ദുബ്ബണ്ണിയസുത്തവണ്ണനാ • 2. Dubbaṇṇiyasuttavaṇṇanā
