| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
५. दुच्चरितसुत्तं
5. Duccaritasuttaṃ
६४. वुत्तञ्हेतं भगवता, वुत्तमरहताति मे सुतं –
64. Vuttañhetaṃ bhagavatā, vuttamarahatāti me sutaṃ –
‘‘तीणिमानि, भिक्खवे, दुच्चरितानि। कतमानि तीणि? कायदुच्चरितं, वचीदुच्चरितं, मनोदुच्चरितं – इमानि खो, भिक्खवे, तीणि दुच्चरितानी’’ति। एतमत्थं भगवा अवोच। तत्थेतं इति वुच्चति –
‘‘Tīṇimāni, bhikkhave, duccaritāni. Katamāni tīṇi? Kāyaduccaritaṃ, vacīduccaritaṃ, manoduccaritaṃ – imāni kho, bhikkhave, tīṇi duccaritānī’’ti. Etamatthaṃ bhagavā avoca. Tatthetaṃ iti vuccati –
‘‘कायदुच्चरितं कत्वा, वचीदुच्चरितानि च।
‘‘Kāyaduccaritaṃ katvā, vacīduccaritāni ca;
मनोदुच्चरितं कत्वा, यञ्चञ्ञं दोससंहितं॥
Manoduccaritaṃ katvā, yañcaññaṃ dosasaṃhitaṃ.
‘‘अकत्वा कुसलं कम्मं, कत्वानाकुसलं बहुं।
‘‘Akatvā kusalaṃ kammaṃ, katvānākusalaṃ bahuṃ;
कायस्स भेदा दुप्पञ्ञो, निरयं सोपपज्जती’’ति॥
Kāyassa bhedā duppañño, nirayaṃ sopapajjatī’’ti.
अयम्पि अत्थो वुत्तो भगवता, इति मे सुतन्ति। पञ्चमं।
Ayampi attho vutto bhagavatā, iti me sutanti. Pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ५. दुच्चरितसुत्तवण्णना • 5. Duccaritasuttavaṇṇanā
