| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. д̣̇ужжарид̇асуд̇д̇аван̣н̣анаа
5. Duccaritasuttavaṇṇanā
64. бан̃жамз д̣̇удту жарид̇аани, д̣̇удтаани ваа жарид̇аани д̣̇ужжарид̇аани. гааязна д̣̇ужжарид̇ам̣, гааяад̇о ваа бавад̇д̇ам̣ д̣̇ужжарид̇ам̣ гааяад̣̇ужжарид̇ам̣. сзсзсуби зсзва наяо . имаани жа д̣̇ужжарид̇аани бан̃н̃ад̇д̇ияаа ваа гат̇зд̇аб̣б̣аани гаммабат̇зхи ваа. д̇ад̇т̇а бан̃н̃ад̇д̇ияаа д̇аава гааяад̣̇ваарз бан̃н̃ад̇д̇асигкаабад̣̇асса вийд̇иггамо гааяад̣̇ужжарид̇ам̣, важийд̣̇ваарз бан̃н̃ад̇д̇асигкаабад̣̇асса вийд̇иггамо важийд̣̇ужжарид̇ам̣, убхаяад̇т̇а бан̃н̃ад̇д̇асса вийд̇иггамо манод̣̇ужжарид̇анд̇и аяам̣ бан̃н̃ад̇д̇игат̇аа. баан̣аад̇ибаад̇аад̣̇аяо бана д̇иссо жзд̇анаа гааяад̣̇ваарзби, важийд̣̇ваарзби, уббаннаа гааяад̣̇ужжарид̇ам̣, д̇ат̇аа жад̇ассо мусааваад̣̇аад̣̇ижзд̇анаа важийд̣̇ужжарид̇ам̣, абхиж̇жхаа, б̣яаабаад̣̇о, мижчаад̣̇идтийд̇и д̇аяо жзд̇анаасамбаяуд̇д̇ад̇хаммаа манод̣̇ужжарид̇анд̇и аяам̣ гаммабат̇агат̇аа.
64. Pañcame duṭṭhu caritāni, duṭṭhāni vā caritāni duccaritāni. Kāyena duccaritaṃ, kāyato vā pavattaṃ duccaritaṃ kāyaduccaritaṃ. Sesesupi eseva nayo . Imāni ca duccaritāni paññattiyā vā kathetabbāni kammapathehi vā. Tattha paññattiyā tāva kāyadvāre paññattasikkhāpadassa vītikkamo kāyaduccaritaṃ, vacīdvāre paññattasikkhāpadassa vītikkamo vacīduccaritaṃ, ubhayattha paññattassa vītikkamo manoduccaritanti ayaṃ paññattikathā. Pāṇātipātādayo pana tisso cetanā kāyadvārepi, vacīdvārepi, uppannā kāyaduccaritaṃ, tathā catasso musāvādādicetanā vacīduccaritaṃ, abhijjhā, byāpādo, micchādiṭṭhīti tayo cetanāsampayuttadhammā manoduccaritanti ayaṃ kammapathakathā.
г̇аат̇ааяам̣ гаммабат̇аббад̇д̇оязва баабад̇хаммо гааяад̣̇ужжарид̇аад̣̇ибхаавзна вуд̇д̇од̇и д̇ад̣̇ан̃н̃ам̣ баабад̇хаммам̣ сан̇г̇ан̣хид̇ум̣ ‘‘яан̃жан̃н̃ам̣ д̣̇осасан̃хид̇а’’нд̇и вуд̇д̇ам̣. д̇ад̇т̇а д̣̇осасан̃хид̇анд̇и рааг̇аад̣̇игилзсасам̣хид̇ам̣. сзсам̣ сувин̃н̃зяяамзва.
Gāthāyaṃ kammapathappattoyeva pāpadhammo kāyaduccaritādibhāvena vuttoti tadaññaṃ pāpadhammaṃ saṅgaṇhituṃ ‘‘yañcaññaṃ dosasañhita’’nti vuttaṃ. Tattha dosasañhitanti rāgādikilesasaṃhitaṃ. Sesaṃ suviññeyyameva.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. д̣̇ужжарид̇асуд̇д̇ам̣ • 5. Duccaritasuttaṃ
