| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. ทุจฺจริตสุตฺตวณฺณนา
7. Duccaritasuttavaṇṇanā
๔๑๓. เอตฺถาปิ มโนสุจริตํ สีลํ นามาติ ทเสฺสตีติ กตฺวา วุตฺตํ ‘‘ปจฺฉิมาปิ ตโย’’ติฯ อนภิชฺฌาอพฺยาปาทสมฺมาทิฎฺฐิธมฺมา สีลํ โหตีติ เวทิตพฺพา กายวจีสุจริเตหิ สทฺธิํ มโนสุจริตมฺปิ วตฺวา ‘‘ตโต ตฺวํ ภิกฺขุ สีลํ นิสฺสาย สีเล ปติฎฺฐายา’’ติ วุตฺตตฺตาฯ เสสํ วุตฺตนยเมวฯ ฉฎฺฐสตฺตเมสูติ ฉฎฺฐสตฺตมวเคฺคสุ อปุพฺพํ นตฺถิฯ เตน วุตฺตํ ‘‘เหฎฺฐา วุตฺตนเยเนว อโตฺถ เวทิตโพฺพ’’ติฯ วคฺคเปยฺยาลโต ปน อิมสฺมิํ สติปฎฺฐานสํยุเตฺต กติปยวคฺคา สงฺคหํ อารูฬฺหา, ตถาปิ เตสํ อตฺถวิเสสาภาวโต เอกเจฺจสุ โปตฺถเกสุ มุขมตฺตํ ทเสฺสตฺวา สํขิตฺตา, เอกเจฺจสุ อติสํขิตฺตาว, เต สเงฺขปวเสน เทฺว กตฺวา ‘‘ฉฎฺฐสตฺตเมสู’’ติ วุตฺตํฯ
413. Etthāpi manosucaritaṃ sīlaṃ nāmāti dassetīti katvā vuttaṃ ‘‘pacchimāpi tayo’’ti. Anabhijjhāabyāpādasammādiṭṭhidhammā sīlaṃ hotīti veditabbā kāyavacīsucaritehi saddhiṃ manosucaritampi vatvā ‘‘tato tvaṃ bhikkhu sīlaṃ nissāya sīle patiṭṭhāyā’’ti vuttattā. Sesaṃ vuttanayameva. Chaṭṭhasattamesūti chaṭṭhasattamavaggesu apubbaṃ natthi. Tena vuttaṃ ‘‘heṭṭhā vuttanayeneva attho veditabbo’’ti. Vaggapeyyālato pana imasmiṃ satipaṭṭhānasaṃyutte katipayavaggā saṅgahaṃ ārūḷhā, tathāpi tesaṃ atthavisesābhāvato ekaccesu potthakesu mukhamattaṃ dassetvā saṃkhittā, ekaccesu atisaṃkhittāva, te saṅkhepavasena dve katvā ‘‘chaṭṭhasattamesū’’ti vuttaṃ.
อมตวคฺควณฺณนา นิฎฺฐิตาฯ
Amatavaggavaṇṇanā niṭṭhitā.
สติปฎฺฐานสํยุตฺตวณฺณนา นิฎฺฐิตาฯ
Satipaṭṭhānasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. ทุจฺจริตสุตฺตํ • 7. Duccaritasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. ทุจฺจริตสุตฺตวณฺณนา • 7. Duccaritasuttavaṇṇanā
