| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೭. ದುಚ್ಚರಿತಸುತ್ತವಣ್ಣನಾ
7. Duccaritasuttavaṇṇanā
೪೧೩. ಏತ್ಥಾಪಿ ಮನೋಸುಚರಿತಂ ಸೀಲಂ ನಾಮಾತಿ ದಸ್ಸೇತೀತಿ ಕತ್ವಾ ವುತ್ತಂ ‘‘ಪಚ್ಛಿಮಾಪಿ ತಯೋ’’ತಿ। ಅನಭಿಜ್ಝಾಅಬ್ಯಾಪಾದಸಮ್ಮಾದಿಟ್ಠಿಧಮ್ಮಾ ಸೀಲಂ ಹೋತೀತಿ ವೇದಿತಬ್ಬಾ ಕಾಯವಚೀಸುಚರಿತೇಹಿ ಸದ್ಧಿಂ ಮನೋಸುಚರಿತಮ್ಪಿ ವತ್ವಾ ‘‘ತತೋ ತ್ವಂ ಭಿಕ್ಖು ಸೀಲಂ ನಿಸ್ಸಾಯ ಸೀಲೇ ಪತಿಟ್ಠಾಯಾ’’ತಿ ವುತ್ತತ್ತಾ। ಸೇಸಂ ವುತ್ತನಯಮೇವ। ಛಟ್ಠಸತ್ತಮೇಸೂತಿ ಛಟ್ಠಸತ್ತಮವಗ್ಗೇಸು ಅಪುಬ್ಬಂ ನತ್ಥಿ। ತೇನ ವುತ್ತಂ ‘‘ಹೇಟ್ಠಾ ವುತ್ತನಯೇನೇವ ಅತ್ಥೋ ವೇದಿತಬ್ಬೋ’’ತಿ। ವಗ್ಗಪೇಯ್ಯಾಲತೋ ಪನ ಇಮಸ್ಮಿಂ ಸತಿಪಟ್ಠಾನಸಂಯುತ್ತೇ ಕತಿಪಯವಗ್ಗಾ ಸಙ್ಗಹಂ ಆರೂಳ್ಹಾ, ತಥಾಪಿ ತೇಸಂ ಅತ್ಥವಿಸೇಸಾಭಾವತೋ ಏಕಚ್ಚೇಸು ಪೋತ್ಥಕೇಸು ಮುಖಮತ್ತಂ ದಸ್ಸೇತ್ವಾ ಸಂಖಿತ್ತಾ, ಏಕಚ್ಚೇಸು ಅತಿಸಂಖಿತ್ತಾವ, ತೇ ಸಙ್ಖೇಪವಸೇನ ದ್ವೇ ಕತ್ವಾ ‘‘ಛಟ್ಠಸತ್ತಮೇಸೂ’’ತಿ ವುತ್ತಂ।
413. Etthāpi manosucaritaṃ sīlaṃ nāmāti dassetīti katvā vuttaṃ ‘‘pacchimāpi tayo’’ti. Anabhijjhāabyāpādasammādiṭṭhidhammā sīlaṃ hotīti veditabbā kāyavacīsucaritehi saddhiṃ manosucaritampi vatvā ‘‘tato tvaṃ bhikkhu sīlaṃ nissāya sīle patiṭṭhāyā’’ti vuttattā. Sesaṃ vuttanayameva. Chaṭṭhasattamesūti chaṭṭhasattamavaggesu apubbaṃ natthi. Tena vuttaṃ ‘‘heṭṭhā vuttanayeneva attho veditabbo’’ti. Vaggapeyyālato pana imasmiṃ satipaṭṭhānasaṃyutte katipayavaggā saṅgahaṃ ārūḷhā, tathāpi tesaṃ atthavisesābhāvato ekaccesu potthakesu mukhamattaṃ dassetvā saṃkhittā, ekaccesu atisaṃkhittāva, te saṅkhepavasena dve katvā ‘‘chaṭṭhasattamesū’’ti vuttaṃ.
ಅಮತವಗ್ಗವಣ್ಣನಾ ನಿಟ್ಠಿತಾ।
Amatavaggavaṇṇanā niṭṭhitā.
ಸತಿಪಟ್ಠಾನಸಂಯುತ್ತವಣ್ಣನಾ ನಿಟ್ಠಿತಾ।
Satipaṭṭhānasaṃyuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ದುಚ್ಚರಿತಸುತ್ತಂ • 7. Duccaritasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೭. ದುಚ್ಚರಿತಸುತ್ತವಣ್ಣನಾ • 7. Duccaritasuttavaṇṇanā
