| Library / Tipiṭaka / ཏིཔིཊཀ • Tipiṭaka / ཨིཏིཝུཏྟཀ-ཨཊྛཀཐཱ • Itivuttaka-aṭṭhakathā |
༥. དུཙྩརིཏསུཏྟཝཎྞནཱ
5. Duccaritasuttavaṇṇanā
༦༤. པཉྩམེ དུཊྛུ ཙརིཏཱནི, དུཊྛཱནི ཝཱ ཙརིཏཱནི དུཙྩརིཏཱནི། ཀཱཡེན དུཙྩརིཏཾ, ཀཱཡཏོ ཝཱ པཝཏྟཾ དུཙྩརིཏཾ ཀཱཡདུཙྩརིཏཾ། སེསེསུཔི ཨེསེཝ ནཡོ ། ཨིམཱནི ཙ དུཙྩརིཏཱནི པཉྙཏྟིཡཱ ཝཱ ཀཐེཏབྦཱནི ཀམྨཔཐེཧི ཝཱ། ཏཏྠ པཉྙཏྟིཡཱ ཏཱཝ ཀཱཡདྭཱརེ པཉྙཏྟསིཀྑཱཔདསྶ ཝཱིཏིཀྐམོ ཀཱཡདུཙྩརིཏཾ, ཝཙཱིདྭཱརེ པཉྙཏྟསིཀྑཱཔདསྶ ཝཱིཏིཀྐམོ ཝཙཱིདུཙྩརིཏཾ, ཨུབྷཡཏྠ པཉྙཏྟསྶ ཝཱིཏིཀྐམོ མནོདུཙྩརིཏནྟི ཨཡཾ པཉྙཏྟིཀཐཱ། པཱཎཱཏིཔཱཏཱདཡོ པན ཏིསྶོ ཙེཏནཱ ཀཱཡདྭཱརེཔི, ཝཙཱིདྭཱརེཔི, ཨུཔྤནྣཱ ཀཱཡདུཙྩརིཏཾ, ཏཐཱ ཙཏསྶོ མུསཱཝཱདཱདིཙེཏནཱ ཝཙཱིདུཙྩརིཏཾ, ཨབྷིཛ྄ཛྷཱ, བྱཱཔཱདོ, མིཙྪཱདིཊྛཱིཏི ཏཡོ ཙེཏནཱསམྤཡུཏྟདྷམྨཱ མནོདུཙྩརིཏནྟི ཨཡཾ ཀམྨཔཐཀཐཱ།
64. Pañcame duṭṭhu caritāni, duṭṭhāni vā caritāni duccaritāni. Kāyena duccaritaṃ, kāyato vā pavattaṃ duccaritaṃ kāyaduccaritaṃ. Sesesupi eseva nayo . Imāni ca duccaritāni paññattiyā vā kathetabbāni kammapathehi vā. Tattha paññattiyā tāva kāyadvāre paññattasikkhāpadassa vītikkamo kāyaduccaritaṃ, vacīdvāre paññattasikkhāpadassa vītikkamo vacīduccaritaṃ, ubhayattha paññattassa vītikkamo manoduccaritanti ayaṃ paññattikathā. Pāṇātipātādayo pana tisso cetanā kāyadvārepi, vacīdvārepi, uppannā kāyaduccaritaṃ, tathā catasso musāvādādicetanā vacīduccaritaṃ, abhijjhā, byāpādo, micchādiṭṭhīti tayo cetanāsampayuttadhammā manoduccaritanti ayaṃ kammapathakathā.
གཱཐཱཡཾ ཀམྨཔཐཔྤཏྟོཡེཝ པཱཔདྷམྨོ ཀཱཡདུཙྩརིཏཱདིབྷཱཝེན ཝུཏྟོཏི ཏདཉྙཾ པཱཔདྷམྨཾ སངྒཎྷིཏུཾ ‘‘ཡཉྩཉྙཾ དོསསཉྷིཏ’’ནྟི ཝུཏྟཾ། ཏཏྠ དོསསཉྷིཏནྟི རཱགཱདིཀིལེསསཾཧིཏཾ། སེསཾ སུཝིཉྙེཡྻམེཝ།
Gāthāyaṃ kammapathappattoyeva pāpadhammo kāyaduccaritādibhāvena vuttoti tadaññaṃ pāpadhammaṃ saṅgaṇhituṃ ‘‘yañcaññaṃ dosasañhita’’nti vuttaṃ. Tattha dosasañhitanti rāgādikilesasaṃhitaṃ. Sesaṃ suviññeyyameva.
པཉྩམསུཏྟཝཎྞནཱ ནིཊྛིཏཱ།
Pañcamasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨིཏིཝུཏྟཀཔཱལི༹ • Itivuttakapāḷi / ༥. དུཙྩརིཏསུཏྟཾ • 5. Duccaritasuttaṃ
