| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[180] 10. д̣̇уд̣̇д̣̇ад̣̇аж̇аад̇агаван̣н̣анаа
[180] 10. Duddadajātakavaṇṇanā
д̣̇уд̣̇д̣̇ад̣̇ам̣ д̣̇ад̣̇амаанаананд̇и ид̣̇ам̣ сад̇т̇аа ж̇зд̇аванз вихаранд̇о г̇ан̣ад̣̇аанам̣ аараб̣бха гат̇зси. саавад̇т̇ияам̣ гира д̣̇вз сахааяагаа гудумб̣ияабуд̇д̇аа чанд̣̇агам̣ сам̣харид̇ваа саб̣б̣абаригкаарад̣̇аанам̣ саж̇ж̇зд̇ваа б̣уд̣̇д̇хаббамукам̣ бхигкусан̇гхам̣ ниманд̇зд̇ваа сад̇д̇аахам̣ махаад̣̇аанам̣ бавад̇д̇зд̇ваа сад̇д̇амз д̣̇ивасз саб̣б̣абаригкаарз ад̣̇ам̣су. д̇зсу г̇ан̣аж̇здтаго сад̇т̇аарам̣ ванд̣̇ид̇ваа згаманд̇ам̣ нисийд̣̇ид̇ваа ‘‘бханд̇з, имасмим̣ д̣̇аанз б̣ахуд̣̇ааяагааби ад̇т̇и аббад̣̇ааяагааби, д̇зсам̣ саб̣б̣зсамби ‘ид̣̇ам̣ д̣̇аанам̣ махабпалам̣ ход̇уу’’’д̇и д̣̇аанам̣ нияяаад̣̇зси. сад̇т̇аа ‘‘д̇умхзхи ко убаасагаа б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа звам̣ нияяаад̣̇знд̇зхи махаагаммам̣ гад̇ам̣, бораан̣агабан̣д̣ид̇ааби д̣̇аанам̣ д̣̇ад̇ваа звамзва нияяаад̣̇им̣суу’’д̇и вад̇ваа д̇зна яаажид̇о ад̇ийд̇ам̣ аахари.
Duddadaṃdadamānānanti idaṃ satthā jetavane viharanto gaṇadānaṃ ārabbha kathesi. Sāvatthiyaṃ kira dve sahāyakā kuṭumbiyaputtā chandakaṃ saṃharitvā sabbaparikkhāradānaṃ sajjetvā buddhappamukhaṃ bhikkhusaṅghaṃ nimantetvā sattāhaṃ mahādānaṃ pavattetvā sattame divase sabbaparikkhāre adaṃsu. Tesu gaṇajeṭṭhako satthāraṃ vanditvā ekamantaṃ nisīditvā ‘‘bhante, imasmiṃ dāne bahudāyakāpi atthi appadāyakāpi, tesaṃ sabbesampi ‘idaṃ dānaṃ mahapphalaṃ hotū’’’ti dānaṃ niyyādesi. Satthā ‘‘tumhehi kho upāsakā buddhappamukhassa bhikkhusaṅghassa dānaṃ datvā evaṃ niyyādentehi mahākammaṃ kataṃ, porāṇakapaṇḍitāpi dānaṃ datvā evameva niyyādiṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа гхарааваасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа г̇ан̣асад̇т̇аа худ̇ваа химаванд̇абад̣̇зсз жирам̣ васид̇ваа лон̣амб̣иласзванад̇т̇ааяа ж̇анабад̣̇ажааригам̣ жарамаано б̣аараан̣асим̣ бад̇ваа рааж̇уяяаанз васид̇ваа бунад̣̇ивасз д̣̇ваараг̇аамз сабаривааро бхигкааяа жари. мануссаа бхигкам̣ ад̣̇ам̣су. бунад̣̇ивасз б̣аараан̣асияам̣ жари, мануссаа самбияааяамаанаа бхигкам̣ д̣̇ад̇ваа г̇ан̣аб̣анд̇ханзна чанд̣̇агам̣ сам̣харид̇ваа д̣̇аанам̣ саж̇ж̇зд̇ваа исиг̇ан̣асса махаад̣̇аанам̣ бавад̇д̇аяим̣су. д̣̇аанабарияосаанз г̇ан̣аж̇здтаго звамзва вад̇ваа иминаава нияаамзна д̣̇аанам̣ нияяаад̣̇зси. б̣од̇хисад̇д̇о ‘‘аавусо, жид̇д̇аббасаад̣̇з сад̇и аббагам̣ наама д̣̇аанам̣ над̇т̇ий’’д̇и вад̇ваа анумод̣̇анам̣ гаронд̇о имаа г̇аат̇аа авожа –
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe brāhmaṇakule nibbattitvā vayappatto takkasilāyaṃ sabbasippāni uggaṇhitvā gharāvāsaṃ pahāya isipabbajjaṃ pabbajitvā gaṇasatthā hutvā himavantapadese ciraṃ vasitvā loṇambilasevanatthāya janapadacārikaṃ caramāno bārāṇasiṃ patvā rājuyyāne vasitvā punadivase dvāragāme saparivāro bhikkhāya cari. Manussā bhikkhaṃ adaṃsu. Punadivase bārāṇasiyaṃ cari, manussā sampiyāyamānā bhikkhaṃ datvā gaṇabandhanena chandakaṃ saṃharitvā dānaṃ sajjetvā isigaṇassa mahādānaṃ pavattayiṃsu. Dānapariyosāne gaṇajeṭṭhako evameva vatvā imināva niyāmena dānaṃ niyyādesi. Bodhisatto ‘‘āvuso, cittappasāde sati appakaṃ nāma dānaṃ natthī’’ti vatvā anumodanaṃ karonto imā gāthā avoca –
59.
59.
‘‘д̣̇уд̣̇д̣̇ад̣̇ам̣ д̣̇ад̣̇амаанаанам̣, д̣̇уггарам̣ гамма губ̣б̣ад̇ам̣;
‘‘Duddadaṃ dadamānānaṃ, dukkaraṃ kamma kubbataṃ;
асанд̇о наанугуб̣б̣анд̇и, сад̇ам̣ д̇хаммо д̣̇ураннаяо.
Asanto nānukubbanti, sataṃ dhammo durannayo.
60.
60.
‘‘д̇асмаа сад̇ан̃жа асад̇ам̣, наанаа ход̇и ид̇о г̇ад̇и;
‘‘Tasmā satañca asataṃ, nānā hoti ito gati;
асанд̇о нираяам̣ яанд̇и, санд̇о саг̇г̇абарааяан̣аа’’д̇и.
Asanto nirayaṃ yanti, santo saggaparāyaṇā’’ti.
д̇ад̇т̇а д̣̇уд̣̇д̣̇ад̣̇анд̇и д̣̇аанам̣ наама лобхад̣̇осавасигзхи абан̣д̣ид̇зхи д̣̇аад̇ум̣ на саггаа, д̇асмаа ‘‘д̣̇уд̣̇д̣̇ад̣̇а’’нд̇и вужжад̇и. д̇ам̣ д̣̇ад̣̇амаанаанам̣. д̣̇уггарам̣ гамма губ̣б̣ад̇анд̇и д̇ад̣̇зва д̣̇аанагаммам̣ саб̣б̣зхи гаад̇ум̣ на саггаад̇и д̣̇уггарам̣. д̇ам̣ гурумаанаанам̣. асанд̇од̇и абан̣д̣ид̇аа б̣аалаа. наанугуб̣б̣анд̇ийд̇и д̇ам̣ гаммам̣ наанугаронд̇и. сад̇ам̣ д̇хаммод̇и бан̣д̣ид̇аанам̣ сабхааво. д̣̇аанам̣ санд̇хааязд̇ам̣ вуд̇д̇ам̣. д̣̇ураннаяод̇и паласамб̣анд̇хавасзна д̣̇уж̇ж̇аано, зваруубасса д̣̇аанасса зваруубо палавибааго ход̇ийд̇и д̣̇урануб̣од̇хо. абижа д̣̇ураннаяод̇и д̣̇урад̇хиг̇амо, абан̣д̣ид̇зхи д̣̇аанам̣ д̣̇ад̇ваа д̣̇аанапалам̣ наама лад̣̇д̇хум̣ на саггаад̇иби ад̇т̇о. наанаа ход̇и ид̇о г̇ад̇ийд̇и ид̇о жавид̇ваа баралогам̣ г̇ажчанд̇аанам̣ бадисанд̇хиг̇г̇ахан̣ам̣ наанаа ход̇и. асанд̇о нираяам̣ яанд̇ийд̇и абан̣д̣ид̇аа д̣̇уссийлаа д̣̇аанам̣ ад̣̇ад̇ваа сийлам̣ арагкид̇ваа нираяам̣ г̇ажчанд̇и. санд̇о саг̇г̇абарааяан̣аад̇и бан̣д̣ид̇аа бана д̣̇аанам̣ д̣̇ад̇ваа сийлам̣ рагкид̇ваа убосат̇агаммам̣ гарид̇ваа д̇ийн̣и сужарид̇аани буурзд̇ваа саг̇г̇абарааяан̣аа хонд̇и, маханд̇ам̣ саг̇г̇асукасамбад̇д̇им̣ анубхаванд̇ийд̇и.
Tattha duddadanti dānaṃ nāma lobhadosavasikehi apaṇḍitehi dātuṃ na sakkā, tasmā ‘‘duddada’’nti vuccati. Taṃ dadamānānaṃ. Dukkaraṃ kamma kubbatanti tadeva dānakammaṃ sabbehi kātuṃ na sakkāti dukkaraṃ. Taṃ kurumānānaṃ. Asantoti apaṇḍitā bālā. Nānukubbantīti taṃ kammaṃ nānukaronti. Sataṃ dhammoti paṇḍitānaṃ sabhāvo. Dānaṃ sandhāyetaṃ vuttaṃ. Durannayoti phalasambandhavasena dujjāno, evarūpassa dānassa evarūpo phalavipāko hotīti duranubodho. Apica durannayoti duradhigamo, apaṇḍitehi dānaṃ datvā dānaphalaṃ nāma laddhuṃ na sakkātipi attho. Nānā hoti ito gatīti ito cavitvā paralokaṃ gacchantānaṃ paṭisandhiggahaṇaṃ nānā hoti. Asanto nirayaṃ yantīti apaṇḍitā dussīlā dānaṃ adatvā sīlaṃ arakkhitvā nirayaṃ gacchanti. Santo saggaparāyaṇāti paṇḍitā pana dānaṃ datvā sīlaṃ rakkhitvā uposathakammaṃ karitvā tīṇi sucaritāni pūretvā saggaparāyaṇā honti, mahantaṃ saggasukhasampattiṃ anubhavantīti.
звам̣ б̣од̇хисад̇д̇о анумод̣̇анам̣ гад̇ваа жад̇д̇ааро вассигз маасз д̇ад̇т̇зва васид̇ваа вассаад̇иггамз химаванд̇ам̣ г̇анд̇ваа жхаанам̣ ниб̣б̣ад̇д̇зд̇ваа абарихийнаж̇жхаано б̣рахмалогуубаг̇о ахоси.
Evaṃ bodhisatto anumodanaṃ katvā cattāro vassike māse tattheva vasitvā vassātikkame himavantaṃ gantvā jhānaṃ nibbattetvā aparihīnajjhāno brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа исиг̇ан̣о б̣уд̣̇д̇хабарисаа ахоси, г̇ан̣асад̇т̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā isigaṇo buddhaparisā ahosi, gaṇasatthā pana ahameva ahosi’’nti.
д̣̇уд̣̇д̣̇ад̣̇аж̇аад̇агаван̣н̣анаа д̣̇асамаа.
Duddadajātakavaṇṇanā dasamā.
галяаан̣аваг̇г̇о д̇ад̇ияо.
Kalyāṇavaggo tatiyo.
д̇ассуд̣̇д̣̇аанам̣ –
Tassuddānaṃ –
галяаан̣ад̇хаммам̣ д̣̇ад̣̇д̣̇арам̣, маггади д̣̇уб̣бхимаггадам̣;
Kalyāṇadhammaṃ daddaraṃ, makkaṭi dubbhimakkaṭaṃ;
аад̣̇ижжубадтаанан̃жзва, гал̣ааяамудти д̇инд̣̇угам̣;
Ādiccupaṭṭhānañceva, kaḷāyamuṭṭhi tindukaṃ;
гажчабам̣ сад̇ад̇хамман̃жа, д̣̇уд̣̇д̣̇ад̣̇анд̇и жа д̇з д̣̇аса.
Kacchapaṃ satadhammañca, duddadanti ca te dasa.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 180. д̣̇уд̣̇д̣̇ад̣̇аж̇аад̇агам̣ • 180. Duddadajātakaṃ
