| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[322] 2. д̣̇уд̣̇д̣̇убхаж̇аад̇агаван̣н̣анаа
[322] 2. Duddubhajātakavaṇṇanā
д̣̇уд̣̇д̣̇убхааяад̇и бхад̣̇д̣̇анд̇зд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇ид̇т̇ияз аараб̣бха гат̇зси. д̇ид̇т̇ияаа гира ж̇зд̇аванасса самийбз д̇асмим̣ д̇асмим̣ таанз ган̣дагаабассаяз сзяяам̣ габбзнд̇и, бан̃жаад̇абам̣ д̇абзнд̇и, наанаббагаарам̣ мижчаад̇абам̣ жаранд̇и. ат̇а самб̣ахулаа бхигкуу саавад̇т̇ияам̣ бин̣д̣ааяа жарид̇ваа ж̇зд̇аванам̣ ааг̇ажчанд̇аа анд̇араамаг̇г̇з д̇з д̣̇исваа г̇анд̇ваа сад̇т̇аарам̣ убасан̇гамид̇ваа ‘‘ад̇т̇и ну ко, бханд̇з, ан̃н̃ад̇ид̇т̇ияаанам̣ вад̇асамаад̣̇аанз сааро’’д̇и бужчим̣су. сад̇т̇аа ‘‘на, бхигкавз, д̇зсам̣ вад̇асамаад̣̇аанз сааро ваа висзсо ваа ад̇т̇и, д̇ан̃хи нигхам̣сияамаанам̣ убабаригкияамаанам̣ уггаарабхуумимаг̇г̇асад̣̇исам̣ сасагасса д̣̇уд̣̇д̣̇убхасад̣̇исам̣ ход̇ий’’д̇и вад̇ваа ‘‘д̣̇уд̣̇д̣̇убхасад̣̇исабхаавамасса маяам̣ на ж̇аанаама, гат̇зт̇а но, бханд̇з’’д̇и д̇зхи яаажид̇о ад̇ийд̇ам̣ аахари.
Duddubhāyati bhaddanteti idaṃ satthā jetavane viharanto aññatitthiye ārabbha kathesi. Titthiyā kira jetavanassa samīpe tasmiṃ tasmiṃ ṭhāne kaṇṭakāpassaye seyyaṃ kappenti, pañcātapaṃ tapenti, nānappakāraṃ micchātapaṃ caranti. Atha sambahulā bhikkhū sāvatthiyaṃ piṇḍāya caritvā jetavanaṃ āgacchantā antarāmagge te disvā gantvā satthāraṃ upasaṅkamitvā ‘‘atthi nu kho, bhante, aññatitthiyānaṃ vatasamādāne sāro’’ti pucchiṃsu. Satthā ‘‘na, bhikkhave, tesaṃ vatasamādāne sāro vā viseso vā atthi, tañhi nighaṃsiyamānaṃ upaparikkhiyamānaṃ ukkārabhūmimaggasadisaṃ sasakassa duddubhasadisaṃ hotī’’ti vatvā ‘‘duddubhasadisabhāvamassa mayaṃ na jānāma, kathetha no, bhante’’ti tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сийхаяонияам̣ ниб̣б̣ад̇д̇ид̇ваа ваяаббад̇д̇о аран̃н̃з бадивасад̇и. д̇ад̣̇аа бана бажчимасамуд̣̇д̣̇асамийбз б̣злувамиссагад̇аалаванам̣ ход̇и. д̇ад̇рзго сасаго б̣злуваругкамуулз згасса д̇аалаг̇ажчасса хздтаа васад̇и. со згад̣̇ивасам̣ г̇ожарам̣ аад̣̇ааяа ааг̇анд̇ваа д̇аалабан̣н̣асса хздтаа нибанно жинд̇зси ‘‘сажз аяам̣ бат̇авий сам̣ваддзяяа, гахам̣ ну ко г̇амиссаамий’’д̇и. д̇асмим̣ кан̣з згам̣ б̣злувабаггам̣ д̇аалабан̣н̣асса убари бад̇и. со д̇асса сад̣̇д̣̇зна ‘‘ад̣̇д̇хаа бат̇авий сам̣ваддад̇ий’’д̇и уббад̇ид̇ваа бажчад̇о анологзнд̇ова балааяи. д̇ам̣ маран̣абхаяабхийд̇ам̣ взг̇зна балааяанд̇ам̣ ан̃н̃о сасаго д̣̇исваа бужчи ‘‘гим̣ бхо, ад̇ивияа бхийд̇о балааяасий’’д̇и. ‘‘маа бужчи, бхо’’д̇и. со ‘‘гим̣ бхо, гим̣ бхо’’д̇и бажчад̇о д̇хаавад̇зва. ид̇аро нивад̇д̇ид̇ваа анологзнд̇ова ‘‘зд̇т̇а бат̇авий сам̣ваддад̇ий’’д̇и ааха. соби д̇асса бажчад̇о балааяи. звам̣ д̇аман̃н̃о ад̣̇д̣̇аса, д̇аман̃н̃од̇и звам̣ сасагасахассам̣ згад̇о худ̇ваа балааяи. д̇з згоби миг̇о д̣̇исваа згад̇о худ̇ваа балааяи. зго суугаро, зго г̇оган̣н̣о, зго махим̣со, зго г̇аваяо, зго каг̇г̇о, зго б̣яаг̇гхо, зго сийхо, зго хад̇т̇ий д̣̇исваа ‘‘гимзд̇а’’нд̇и бужчид̇ваа ‘‘зд̇т̇а бат̇авий сам̣ваддад̇ий’’д̇и вуд̇д̇з балааяи. звам̣ ануггамзна яож̇анамад̇д̇ам̣ д̇иражчаанаб̣алам̣ ахоси.
Atīte bārāṇasiyaṃ brahmadatte rajjaṃ kārente bodhisatto sīhayoniyaṃ nibbattitvā vayappatto araññe paṭivasati. Tadā pana pacchimasamuddasamīpe beluvamissakatālavanaṃ hoti. Tatreko sasako beluvarukkhamūle ekassa tālagacchassa heṭṭhā vasati. So ekadivasaṃ gocaraṃ ādāya āgantvā tālapaṇṇassa heṭṭhā nipanno cintesi ‘‘sace ayaṃ pathavī saṃvaṭṭeyya, kahaṃ nu kho gamissāmī’’ti. Tasmiṃ khaṇe ekaṃ beluvapakkaṃ tālapaṇṇassa upari pati. So tassa saddena ‘‘addhā pathavī saṃvaṭṭatī’’ti uppatitvā pacchato anolokentova palāyi. Taṃ maraṇabhayabhītaṃ vegena palāyantaṃ añño sasako disvā pucchi ‘‘kiṃ bho, ativiya bhīto palāyasī’’ti. ‘‘Mā pucchi, bho’’ti. So ‘‘kiṃ bho, kiṃ bho’’ti pacchato dhāvateva. Itaro nivattitvā anolokentova ‘‘ettha pathavī saṃvaṭṭatī’’ti āha. Sopi tassa pacchato palāyi. Evaṃ tamañño addasa, tamaññoti evaṃ sasakasahassaṃ ekato hutvā palāyi. Te ekopi migo disvā ekato hutvā palāyi. Eko sūkaro, eko gokaṇṇo, eko mahiṃso, eko gavayo, eko khaggo, eko byaggho, eko sīho, eko hatthī disvā ‘‘kimeta’’nti pucchitvā ‘‘ettha pathavī saṃvaṭṭatī’’ti vutte palāyi. Evaṃ anukkamena yojanamattaṃ tiracchānabalaṃ ahosi.
д̇ад̣̇аа б̣од̇хисад̇д̇о д̇ам̣ б̣алам̣ балааяанд̇ам̣ д̣̇исваа ‘‘гимзд̇а’’нд̇и бужчид̇ваа ‘‘зд̇т̇а бат̇авий сам̣ваддад̇ий’’д̇и суд̇ваа жинд̇зси ‘‘бат̇авийсам̣вадданам̣ наама на гад̣̇аажи ад̇т̇и, ад̣̇д̇хаа зд̇зсам̣ гин̃жи д̣̇уссуд̇ам̣ бхависсад̇и, маяи ко бана уссуггам̣ анаабаж̇ж̇анд̇з саб̣б̣з нассиссанд̇и, ж̇ийвид̇ам̣ нзсам̣ д̣̇ассаамий’’д̇и сийхавзг̇зна бурад̇о баб̣б̣ад̇абаад̣̇ам̣ г̇анд̇ваа д̇игкад̇д̇ум̣ сийханаад̣̇ам̣ над̣̇и. д̇з сийхабхаяад̇аж̇ж̇ид̇аа нивад̇д̇ид̇ваа бин̣д̣ид̇аа адтам̣су. сийхо д̇зсам̣ анд̇арам̣ бависид̇ваа ‘‘гимад̇т̇ам̣ балааяат̇аа’’д̇и бужчи. ‘‘бат̇авий сам̣ваддад̇ий’’д̇и. ‘‘гзна сам̣ваддамаанаа д̣̇идтаа’’д̇и? ‘‘хад̇т̇ий ж̇аананд̇ий’’д̇и. хад̇т̇ий бужчи. д̇з ‘‘маяам̣ на ж̇аанаама, сийхаа ж̇аананд̇ий’’д̇и вад̣̇им̣су, сийхааби ‘‘маяам̣ на ж̇аанаама, б̣яаг̇гхаа ж̇аананд̇ий’’д̇и, б̣яаг̇гхааби ‘‘маяам̣ на ж̇аанаама, каг̇г̇аа ж̇аананд̇ий’’д̇и, каг̇г̇ааби ‘‘г̇аваяаа ж̇аананд̇ий’’д̇и, г̇аваяааби ‘‘махим̣саа ж̇аананд̇ий’’д̇и, махим̣сааби ‘‘г̇оган̣н̣аа ж̇аананд̇ий’’д̇и, г̇оган̣н̣ааби ‘‘суугараа ж̇аананд̇ий’’д̇и, суугарааби ‘‘миг̇аа ж̇аананд̇ий’’д̇и, миг̇ааби ‘‘маяам̣ на ж̇аанаама, сасагаа ж̇аананд̇ий’’д̇и, сасагзсу бужчияамаанзсу ‘‘аяам̣ гат̇зд̇ий’’д̇и д̇ам̣ сасагам̣ д̣̇ассзсум̣. ат̇а нам̣ ‘‘звам̣ гира, самма, бассаси бат̇авий сам̣ваддад̇ий’’д̇и бужчи. ‘‘аама, саами маяаа д̣̇идтаа’’д̇и. ‘‘гад̇т̇а васанд̇о бассасий’’д̇и? ‘‘бажчимасамуд̣̇д̣̇асамийбз б̣злувамиссагад̇аалаванз васаами. ахан̃хи д̇ад̇т̇а б̣злуваругкамуулз д̇аалаг̇ажчз д̇аалабан̣н̣асса хздтаа нибанно жинд̇зсим̣ ‘‘сажз бат̇авий сам̣ваддад̇и, гахам̣ г̇амиссаамий’’д̇и, ат̇а д̇ан̇кан̣ан̃н̃зва бат̇авияаа сам̣вадданасад̣̇д̣̇ам̣ суд̇ваа балаад̇омхий’’д̇и.
Tadā bodhisatto taṃ balaṃ palāyantaṃ disvā ‘‘kimeta’’nti pucchitvā ‘‘ettha pathavī saṃvaṭṭatī’’ti sutvā cintesi ‘‘pathavīsaṃvaṭṭanaṃ nāma na kadāci atthi, addhā etesaṃ kiñci dussutaṃ bhavissati, mayi kho pana ussukkaṃ anāpajjante sabbe nassissanti, jīvitaṃ nesaṃ dassāmī’’ti sīhavegena purato pabbatapādaṃ gantvā tikkhattuṃ sīhanādaṃ nadi. Te sīhabhayatajjitā nivattitvā piṇḍitā aṭṭhaṃsu. Sīho tesaṃ antaraṃ pavisitvā ‘‘kimatthaṃ palāyathā’’ti pucchi. ‘‘Pathavī saṃvaṭṭatī’’ti. ‘‘Kena saṃvaṭṭamānā diṭṭhā’’ti? ‘‘Hatthī jānantī’’ti. Hatthī pucchi. Te ‘‘mayaṃ na jānāma, sīhā jānantī’’ti vadiṃsu, sīhāpi ‘‘mayaṃ na jānāma, byagghā jānantī’’ti, byagghāpi ‘‘mayaṃ na jānāma, khaggā jānantī’’ti, khaggāpi ‘‘gavayā jānantī’’ti, gavayāpi ‘‘mahiṃsā jānantī’’ti, mahiṃsāpi ‘‘gokaṇṇā jānantī’’ti, gokaṇṇāpi ‘‘sūkarā jānantī’’ti, sūkarāpi ‘‘migā jānantī’’ti, migāpi ‘‘mayaṃ na jānāma, sasakā jānantī’’ti, sasakesu pucchiyamānesu ‘‘ayaṃ kathetī’’ti taṃ sasakaṃ dassesuṃ. Atha naṃ ‘‘evaṃ kira, samma, passasi pathavī saṃvaṭṭatī’’ti pucchi. ‘‘Āma, sāmi mayā diṭṭhā’’ti. ‘‘Kattha vasanto passasī’’ti? ‘‘Pacchimasamuddasamīpe beluvamissakatālavane vasāmi. Ahañhi tattha beluvarukkhamūle tālagacche tālapaṇṇassa heṭṭhā nipanno cintesiṃ ‘‘sace pathavī saṃvaṭṭati, kahaṃ gamissāmī’’ti, atha taṅkhaṇaññeva pathaviyā saṃvaṭṭanasaddaṃ sutvā palātomhī’’ti.
сийхо жинд̇зси ‘‘ад̣̇д̇хаа д̇асса д̇аалабан̣н̣асса убари б̣злувабаггам̣ бад̇ид̇ваа д̣̇уд̣̇д̣̇убхааяанасад̣̇д̣̇амагааси, свааяам̣ д̇ам̣ сад̣̇д̣̇ам̣ суд̇ваа ‘бат̇авий сам̣ваддад̇ий’д̇и сан̃н̃ам̣ уббаад̣̇зд̇ваа балааяи, д̇ат̇ад̇о ж̇ааниссаамий’’д̇и. со д̇ам̣ сасагам̣ г̇ахзд̇ваа махааж̇анам̣ ассаасзд̇ваа ‘‘ахам̣ иминаа д̣̇идтадтаанз бат̇авияаа сам̣вадданабхаавам̣ ваа асам̣вадданабхаавам̣ ваа д̇ат̇ад̇о ж̇аанид̇ваа ааг̇амиссаами, яаава мамааг̇аманаа д̇умхз зд̇т̇зва хот̇аа’’д̇и сасагам̣ бидтияам̣ ааробзд̇ваа сийхавзг̇зна багканд̣̇ид̇ваа д̇аалаванз сасагам̣ од̇аарзд̇ваа ‘‘зхи д̇аяаа д̣̇идтадтаанам̣ д̣̇ассзхий’’д̇и ааха. ‘‘на висахаами саамий’’д̇и. ‘‘зхи маа бхааяий’’д̇и. со б̣злуваругкам̣ убасан̇гамид̇ум̣ асаггонд̇о авид̣̇уурз тад̇ваа ‘‘ид̣̇ам̣ саами д̣̇уд̣̇д̣̇убхааяанадтаана’’нд̇и вад̇ваа батамам̣ г̇аат̇амааха –
Sīho cintesi ‘‘addhā tassa tālapaṇṇassa upari beluvapakkaṃ patitvā duddubhāyanasaddamakāsi, svāyaṃ taṃ saddaṃ sutvā ‘pathavī saṃvaṭṭatī’ti saññaṃ uppādetvā palāyi, tathato jānissāmī’’ti. So taṃ sasakaṃ gahetvā mahājanaṃ assāsetvā ‘‘ahaṃ iminā diṭṭhaṭṭhāne pathaviyā saṃvaṭṭanabhāvaṃ vā asaṃvaṭṭanabhāvaṃ vā tathato jānitvā āgamissāmi, yāva mamāgamanā tumhe ettheva hothā’’ti sasakaṃ piṭṭhiyaṃ āropetvā sīhavegena pakkhanditvā tālavane sasakaṃ otāretvā ‘‘ehi tayā diṭṭhaṭṭhānaṃ dassehī’’ti āha. ‘‘Na visahāmi sāmī’’ti. ‘‘Ehi mā bhāyī’’ti. So beluvarukkhaṃ upasaṅkamituṃ asakkonto avidūre ṭhatvā ‘‘idaṃ sāmi duddubhāyanaṭṭhāna’’nti vatvā paṭhamaṃ gāthamāha –
85.
85.
‘‘д̣̇уд̣̇д̣̇убхааяад̇и бхад̣̇д̣̇анд̇з, яасмим̣ д̣̇зсз васаамахам̣;
‘‘Duddubhāyati bhaddante, yasmiṃ dese vasāmahaṃ;
ахамбзд̇ам̣ на ж̇аанаами, гимзд̇ам̣ д̣̇уд̣̇д̣̇убхааяад̇ий’’д̇и.
Ahampetaṃ na jānāmi, kimetaṃ duddubhāyatī’’ti.
д̇ад̇т̇а д̣̇уд̣̇д̣̇убхааяад̇ийд̇и д̣̇уд̣̇д̣̇убхасад̣̇д̣̇ам̣ гарод̇и. бхад̣̇д̣̇анд̇зд̇и бхад̣̇д̣̇ам̣ д̇ава ад̇т̇у. гимзд̇анд̇и яасмим̣ бад̣̇зсз ахам̣ васаами, д̇ад̇т̇а д̣̇уд̣̇д̣̇убхааяад̇и, ахамби на ж̇аанаами ‘‘гим̣ ваа зд̇ам̣ д̣̇уд̣̇д̣̇убхааяад̇и, гзна ваа гааран̣зна д̣̇уд̣̇д̣̇убхааяад̇и, гзвалам̣ д̣̇уд̣̇д̣̇убхааяанасад̣̇д̣̇ам̣ ассоси’’нд̇и.
Tattha duddubhāyatīti duddubhasaddaṃ karoti. Bhaddanteti bhaddaṃ tava atthu. Kimetanti yasmiṃ padese ahaṃ vasāmi, tattha duddubhāyati, ahampi na jānāmi ‘‘kiṃ vā etaṃ duddubhāyati, kena vā kāraṇena duddubhāyati, kevalaṃ duddubhāyanasaddaṃ assosi’’nti.
звам̣ вуд̇д̇з сийхо б̣злуваругкамуулам̣ г̇анд̇ваа д̇аалабан̣н̣асса хздтаа сасагзна нибаннадтаанан̃жзва д̇аалабан̣н̣амад̇т̇агз бад̇ид̇ам̣ б̣злувабагган̃жа д̣̇исваа бат̇авияаа асам̣вадданабхаавам̣ д̇ат̇ад̇о ж̇аанид̇ваа сасагам̣ бидтияам̣ ааробзд̇ваа сийхавзг̇зна киббам̣ миг̇асан̇гхаанам̣ санд̇игам̣ г̇анд̇ваа саб̣б̣ам̣ бавад̇д̇им̣ аарожзд̇ваа ‘‘д̇умхз маа бхааяат̇аа’’д̇и миг̇аг̇ан̣ам̣ ассаасзд̇ваа виссаж̇ж̇зси. сажз хи д̇ад̣̇аа б̣од̇хисад̇д̇о на бхавзяяа, саб̣б̣з самуд̣̇д̣̇ам̣ бависид̇ваа нассзяяум̣. б̣од̇хисад̇д̇ам̣ бана ниссааяа саб̣б̣з ж̇ийвид̇ам̣ лабхим̣сууд̇и.
Evaṃ vutte sīho beluvarukkhamūlaṃ gantvā tālapaṇṇassa heṭṭhā sasakena nipannaṭṭhānañceva tālapaṇṇamatthake patitaṃ beluvapakkañca disvā pathaviyā asaṃvaṭṭanabhāvaṃ tathato jānitvā sasakaṃ piṭṭhiyaṃ āropetvā sīhavegena khippaṃ migasaṅghānaṃ santikaṃ gantvā sabbaṃ pavattiṃ ārocetvā ‘‘tumhe mā bhāyathā’’ti migagaṇaṃ assāsetvā vissajjesi. Sace hi tadā bodhisatto na bhaveyya, sabbe samuddaṃ pavisitvā nasseyyuṃ. Bodhisattaṃ pana nissāya sabbe jīvitaṃ labhiṃsūti.
86.
86.
‘‘б̣злувам̣ бад̇ид̇ам̣ суд̇ваа, д̣̇уд̣̇д̣̇убханд̇и сасо ж̇ави;
‘‘Beluvaṃ patitaṃ sutvā, duddubhanti saso javi;
сасасса важанам̣ суд̇ваа, санд̇ад̇д̇аа миг̇аваахиний.
Sasassa vacanaṃ sutvā, santattā migavāhinī.
87.
87.
‘‘аббад̇ваа бад̣̇авин̃н̃аан̣ам̣, барагхосаанусаарино;
‘‘Appatvā padaviññāṇaṃ, paraghosānusārino;
банаад̣̇абарамаа б̣аалаа, д̇з хонд̇и барабад̇д̇ияаа.
Panādaparamā bālā, te honti parapattiyā.
88.
88.
‘‘яз жа сийлзна самбаннаа, бан̃н̃ааяуубасамз рад̇аа;
‘‘Ye ca sīlena sampannā, paññāyūpasame ratā;
аарагаа вирад̇аа д̇хийраа, на хонд̇и барабад̇д̇ияаа’’д̇и. –
Ārakā viratā dhīrā, na honti parapattiyā’’ti. –
имаа д̇иссо абхисамб̣уд̣̇д̇хаг̇аат̇аа.
Imā tisso abhisambuddhagāthā.
д̇ад̇т̇а б̣злуванд̇и б̣злувабаггам̣. д̣̇уд̣̇д̣̇убханд̇ийд̇и звам̣ сад̣̇д̣̇ам̣ гурумаанам̣. санд̇ад̇д̇аад̇и уд̇расд̇аа. миг̇аваахинийд̇и анзгасахассасан̇каа миг̇асзнаа. бад̣̇авин̃н̃аан̣анд̇и вин̃н̃аан̣абад̣̇ам̣ , сод̇авин̃н̃аан̣агодтаасам̣ абаабун̣ид̇ваад̇и ад̇т̇о. д̇з хонд̇и барабад̇д̇ияаад̇и д̇з барагхосаанусаарино д̇амзва барагхосасан̇каад̇ам̣ банаад̣̇ам̣ ‘‘барама’’нд̇и ман̃н̃амаанаа б̣аалаа анд̇хабут̇уж̇ж̇анаа вин̃н̃аан̣абад̣̇асса аббад̇д̇ад̇ааяа барабад̇д̇ияаава хонд̇и, барзсам̣ важанам̣ сад̣̇д̣̇ахид̇ваа яам̣ ваа д̇ам̣ ваа гаронд̇и.
Tattha beluvanti beluvapakkaṃ. Duddubhantīti evaṃ saddaṃ kurumānaṃ. Santattāti utrastā. Migavāhinīti anekasahassasaṅkhā migasenā. Padaviññāṇanti viññāṇapadaṃ , sotaviññāṇakoṭṭhāsaṃ apāpuṇitvāti attho. Te honti parapattiyāti te paraghosānusārino tameva paraghosasaṅkhātaṃ panādaṃ ‘‘parama’’nti maññamānā bālā andhaputhujjanā viññāṇapadassa appattatāya parapattiyāva honti, paresaṃ vacanaṃ saddahitvā yaṃ vā taṃ vā karonti.
сийлзнаад̇и арияамаг̇г̇зна ааг̇ад̇асийлзна саманнааг̇ад̇аа. бан̃н̃ааяуубасамз рад̇аад̇и маг̇г̇знзва ааг̇ад̇абан̃н̃ааяа гилзсуубасамз рад̇аа, яат̇аа ваа сийлзна, звам̣ бан̃н̃ааяаби самбаннаа, гилзсуубасамз рад̇аад̇иби ад̇т̇о. аарагаа вирад̇аа д̇хийраад̇и баабагирияад̇о аарагаа вирад̇аа бан̣д̣ид̇аа. на хонд̇ийд̇и д̇з зваруубаа сод̇аабаннаа баабад̇о орад̇абхаавзна гилзсуубасамз абхирад̇абхаавзна жа згаваарам̣ маг̇г̇ан̃аан̣зна бадивид̣̇д̇хад̇хаммаа ан̃н̃зсам̣ гат̇знд̇аанамби на сад̣̇д̣̇аханд̇и на г̇ан̣ханд̇и. гасмаа? ад̇д̇ано бажжагкад̇д̇аад̇и. д̇зна вуд̇д̇ам̣ –
Sīlenāti ariyamaggena āgatasīlena samannāgatā. Paññāyūpasame ratāti maggeneva āgatapaññāya kilesūpasame ratā, yathā vā sīlena, evaṃ paññāyapi sampannā, kilesūpasame ratātipi attho. Ārakā viratā dhīrāti pāpakiriyato ārakā viratā paṇḍitā. Na hontīti te evarūpā sotāpannā pāpato oratabhāvena kilesūpasame abhiratabhāvena ca ekavāraṃ maggañāṇena paṭividdhadhammā aññesaṃ kathentānampi na saddahanti na gaṇhanti. Kasmā? Attano paccakkhattāti. Tena vuttaṃ –
‘‘ассад̣̇д̇хо агад̇ан̃н̃уу жа, санд̇хижчзд̣̇о жа яо наро;
‘‘Assaddho akataññū ca, sandhicchedo ca yo naro;
хад̇аавагаасо ванд̇аасо, са вз уд̇д̇амаборисо’’д̇и. (д̇ха. ба. 97);
Hatāvakāso vantāso, sa ve uttamaporiso’’ti. (dha. pa. 97);
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сийхо ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sīho ahameva ahosi’’nti.
д̣̇уд̣̇д̣̇убхаж̇аад̇агаван̣н̣анаа д̣̇уд̇ияаа.
Duddubhajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 322. д̣̇уд̣̇д̣̇убхаж̇аад̇агам̣ • 322. Duddubhajātakaṃ
