| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. து³தியவக்³கோ³
2. Dutiyavaggo
1. து³க்³க³தஸுத்தங்
1. Duggatasuttaṃ
134. ஏகங் ஸமயங் ப⁴க³வா ஸாவத்தி²யங் விஹரதி. தத்ர கோ² ப⁴க³வா பி⁴க்கு² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச – ‘‘அனமதக்³கோ³யங், பி⁴க்க²வே, ஸங்ஸாரோ. புப்³பா³ கோடி ந பஞ்ஞாயதி அவிஜ்ஜானீவரணானங் ஸத்தானங் தண்ஹாஸங்யோஜனானங் ஸந்தா⁴வதங் ஸங்ஸரதங். யங், பி⁴க்க²வே, பஸ்ஸெய்யாத² து³க்³க³தங் து³ரூபேதங் நிட்ட²மெத்த² க³ந்தப்³ப³ங் – ‘அம்ஹேஹிபி ஏவரூபங் பச்சனுபூ⁴தங் இமினா தீ³கே⁴ன அத்³து⁴னா’தி. தங் கிஸ்ஸ ஹேது…பே॰… யாவஞ்சித³ங், பி⁴க்க²வே, அலமேவ ஸப்³ப³ஸங்கா²ரேஸு நிப்³பி³ந்தி³துங் அலங் விரஜ்ஜிதுங் அலங் விமுச்சிது’’ந்தி. பட²மங்.
134. Ekaṃ samayaṃ bhagavā sāvatthiyaṃ viharati. Tatra kho bhagavā bhikkhu āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Yaṃ, bhikkhave, passeyyātha duggataṃ durūpetaṃ niṭṭhamettha gantabbaṃ – ‘amhehipi evarūpaṃ paccanubhūtaṃ iminā dīghena addhunā’ti. Taṃ kissa hetu…pe… yāvañcidaṃ, bhikkhave, alameva sabbasaṅkhāresu nibbindituṃ alaṃ virajjituṃ alaṃ vimuccitu’’nti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. து³க்³க³தஸுத்தவண்ணனா • 1. Duggatasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. து³க்³க³தஸுத்தவண்ணனா • 1. Duggatasuttavaṇṇanā
