| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. དུཏིཡཝགྒོ
2. Dutiyavaggo
༡. དུགྒཏསུཏྟཾ
1. Duggatasuttaṃ
༡༣༤. ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི། ཏཏྲ ཁོ བྷགཝཱ བྷིཀྑུ ཨཱམནྟེསི – ‘‘བྷིཀྑཝོ’’ཏི། ‘‘བྷདནྟེ’’ཏི ཏེ བྷིཀྑཱུ བྷགཝཏོ པཙྩསྶོསུཾ། བྷགཝཱ ཨེཏདཝོཙ – ‘‘ཨནམཏགྒོཡཾ, བྷིཀྑཝེ, སཾསཱརོ། པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ། ཡཾ, བྷིཀྑཝེ, པསྶེཡྻཱཐ དུགྒཏཾ དུརཱུཔེཏཾ ནིཊྛམེཏྠ གནྟབྦཾ – ‘ཨམྷེཧིཔི ཨེཝརཱུཔཾ པཙྩནུབྷཱུཏཾ ཨིམིནཱ དཱིགྷེན ཨདྡྷུནཱ’ཏི། ཏཾ ཀིསྶ ཧེཏུ…པེ॰… ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ ཨལཾ ཝིརཛྫིཏུཾ ཨལཾ ཝིམུཙྩིཏུ’’ནྟི། པཋམཾ།
134. Ekaṃ samayaṃ bhagavā sāvatthiyaṃ viharati. Tatra kho bhagavā bhikkhu āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Yaṃ, bhikkhave, passeyyātha duggataṃ durūpetaṃ niṭṭhamettha gantabbaṃ – ‘amhehipi evarūpaṃ paccanubhūtaṃ iminā dīghena addhunā’ti. Taṃ kissa hetu…pe… yāvañcidaṃ, bhikkhave, alameva sabbasaṅkhāresu nibbindituṃ alaṃ virajjituṃ alaṃ vimuccitu’’nti. Paṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. དུགྒཏསུཏྟཝཎྞནཱ • 1. Duggatasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. དུགྒཏསུཏྟཝཎྞནཱ • 1. Duggatasuttavaṇṇanā
