| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๒. ทฺวาทสมวโคฺค
12. Dvādasamavaggo
(๑๒๔) ๙. ทุคฺคติกถา
(124) 9. Duggatikathā
๖๕๐. ทิฎฺฐิสมฺปนฺนสฺส ปุคฺคลสฺส ปหีนา ทุคฺคตีติ? อามนฺตาฯ ทิฎฺฐิสมฺปโนฺน ปุคฺคโล อาปายิเก รูเป รเชฺชยฺยาติ? อามนฺตาฯ หญฺจิ ทิฎฺฐิสมฺปโนฺน ปุคฺคโล อาปายิเก รูเป รเชฺชยฺย, โน จ วต เร วตฺตเพฺพ – ‘‘ทิฎฺฐิสมฺปนฺนสฺส ปุคฺคลสฺส ปหีนา ทุคฺคตี’’ติฯ
650. Diṭṭhisampannassa puggalassa pahīnā duggatīti? Āmantā. Diṭṭhisampanno puggalo āpāyike rūpe rajjeyyāti? Āmantā. Hañci diṭṭhisampanno puggalo āpāyike rūpe rajjeyya, no ca vata re vattabbe – ‘‘diṭṭhisampannassa puggalassa pahīnā duggatī’’ti.
ทิฎฺฐิสมฺปนฺนสฺส ปุคฺคลสฺส ปหีนา ทุคฺคตีติ? อามนฺตาฯ ทิฎฺฐิสมฺปโนฺน ปุคฺคโล อาปายิเก สเทฺท…เป.… คเนฺธ… รเส… โผฎฺฐเพฺพ…เป.… อมนุสฺสิตฺถิยา ติรจฺฉานคติตฺถิยา นาคกญฺญาย เมถุนํ ธมฺมํ ปฎิเสเวยฺย, อเชฬกํ ปฎิคฺคเณฺหยฺย, กุกฺกุฎสูกรํ ปฎิคฺคเณฺหยฺย, หตฺถิควสฺสวฬวํ ปฎิคฺคเณฺหยฺย… ติตฺติรวฎฺฎกโมรกปิญฺชรํ 1 ปฎิคฺคเณฺหยฺยาติ? อามนฺตาฯ หญฺจิ ทิฎฺฐิสมฺปโนฺน ปุคฺคโล ติตฺติรวฎฺฎกโมรกปิญฺชรํ ปฎิคฺคเณฺหยฺย, โน จ วต เร วตฺตเพฺพ – ‘‘ทิฎฺฐิสมฺปนฺนสฺส ปุคฺคลสฺส ปหีนา ทุคฺคตี’’ติฯ
Diṭṭhisampannassa puggalassa pahīnā duggatīti? Āmantā. Diṭṭhisampanno puggalo āpāyike sadde…pe… gandhe… rase… phoṭṭhabbe…pe… amanussitthiyā tiracchānagatitthiyā nāgakaññāya methunaṃ dhammaṃ paṭiseveyya, ajeḷakaṃ paṭiggaṇheyya, kukkuṭasūkaraṃ paṭiggaṇheyya, hatthigavassavaḷavaṃ paṭiggaṇheyya… tittiravaṭṭakamorakapiñjaraṃ 2 paṭiggaṇheyyāti? Āmantā. Hañci diṭṭhisampanno puggalo tittiravaṭṭakamorakapiñjaraṃ paṭiggaṇheyya, no ca vata re vattabbe – ‘‘diṭṭhisampannassa puggalassa pahīnā duggatī’’ti.
๖๕๑. ทิฎฺฐิสมฺปนฺนสฺส ปุคฺคลสฺส ปหีนา ทุคฺคติ, ทิฎฺฐิสมฺปโนฺน ปุคฺคโล อาปายิเก รูเป รเชฺชยฺยาติ? อามนฺตาฯ อรหโต ปหีนา ทุคฺคติ, อรหา อาปายิเก รูเป รเชฺชยฺยาติ? น เหวํ วตฺตเพฺพ…เป.… ทิฎฺฐิสมฺปนฺนสฺส ปุคฺคลสฺส ปหีนา ทุคฺคติ, ทิฎฺฐิสมฺปโนฺน ปุคฺคโล อาปายิเก สเทฺท… คเนฺธ… รเส… โผฎฺฐเพฺพ…เป.… ติตฺติรวฎฺฎกโมรกปิญฺชรํ ปฎิคฺคเณฺหยฺยาติ? อามนฺตา ฯ อรหโต ปหีนา ทุคฺคติ, อรหา ติตฺติรวฎฺฎกโมรกปิญฺชรํ ปฎิคฺคเณฺหยฺยาติ? น เหวํ วตฺตเพฺพ…เป.…ฯ
651. Diṭṭhisampannassa puggalassa pahīnā duggati, diṭṭhisampanno puggalo āpāyike rūpe rajjeyyāti? Āmantā. Arahato pahīnā duggati, arahā āpāyike rūpe rajjeyyāti? Na hevaṃ vattabbe…pe… diṭṭhisampannassa puggalassa pahīnā duggati, diṭṭhisampanno puggalo āpāyike sadde… gandhe… rase… phoṭṭhabbe…pe… tittiravaṭṭakamorakapiñjaraṃ paṭiggaṇheyyāti? Āmantā . Arahato pahīnā duggati, arahā tittiravaṭṭakamorakapiñjaraṃ paṭiggaṇheyyāti? Na hevaṃ vattabbe…pe….
อรหโต ปหีนา ทุคฺคติ, น จ อรหา อาปายิเก รูเป รเชฺชยฺยาติ? อามนฺตาฯ ทิฎฺฐิสมฺปนฺนสฺส ปุคฺคลสฺส ปหีนา ทุคฺคติ, น จ ทิฎฺฐิสมฺปโนฺน ปุคฺคโล อาปายิเก รูเป รเชฺชยฺยาติ? น เหวํ วตฺตเพฺพ…เป.… อรหโต ปหีนา ทุคฺคติ, น จ อรหา อาปายิเก สเทฺท…เป.… คเนฺธ…เป.… รเส…เป.… โผฎฺฐเพฺพ…เป.… อมนุสฺสิตฺถิยา ติรจฺฉานคติตฺถิยา นาคกญฺญาย เมถุนํ ธมฺมํ ปฎิเสเวยฺย, อเชฬกํ ปฎิคฺคเณฺหยฺย, กุกฺกุฎสูกรํ ปฎิคฺคเณฺหยฺย, หตฺถิควสฺสวฬวํ ปฎิคฺคเณฺหยฺย…เป.… ติตฺติรวฎฺฎกโมรกปิญฺชรํ ปฎิคฺคเณฺหยฺยาติ? อามนฺตา ฯ ทิฎฺฐิสมฺปนฺนสฺส ปุคฺคลสฺส ปหีนา ทุคฺคติ, น จ ทิฎฺฐิสมฺปโนฺน ปุคฺคโล ติตฺติรวฎฺฎกโมรกปิญฺชรํ ปฎิคฺคเณฺหยฺยาติ? น เหวํ วตฺตเพฺพ…เป.…ฯ
Arahato pahīnā duggati, na ca arahā āpāyike rūpe rajjeyyāti? Āmantā. Diṭṭhisampannassa puggalassa pahīnā duggati, na ca diṭṭhisampanno puggalo āpāyike rūpe rajjeyyāti? Na hevaṃ vattabbe…pe… arahato pahīnā duggati, na ca arahā āpāyike sadde…pe… gandhe…pe… rase…pe… phoṭṭhabbe…pe… amanussitthiyā tiracchānagatitthiyā nāgakaññāya methunaṃ dhammaṃ paṭiseveyya, ajeḷakaṃ paṭiggaṇheyya, kukkuṭasūkaraṃ paṭiggaṇheyya, hatthigavassavaḷavaṃ paṭiggaṇheyya…pe… tittiravaṭṭakamorakapiñjaraṃ paṭiggaṇheyyāti? Āmantā . Diṭṭhisampannassa puggalassa pahīnā duggati, na ca diṭṭhisampanno puggalo tittiravaṭṭakamorakapiñjaraṃ paṭiggaṇheyyāti? Na hevaṃ vattabbe…pe….
๖๕๒. 3 น วตฺตพฺพํ – ‘‘ทิฎฺฐิสมฺปนฺนสฺส ปุคฺคลสฺส ปหีนา ทุคฺคตี’’ติ? อามนฺตาฯ ทิฎฺฐิสมฺปโนฺน ปุคฺคโล นิรยํ อุปปเชฺชยฺย…เป.… ติรจฺฉานโยนิํ อุปปเชฺชยฺย… เปตฺติวิสยํ อุปปเชฺชยฺยาติ? น เหวํ วตฺตเพฺพฯ เตน หิ ทิฎฺฐิสมฺปนฺนสฺส ปุคฺคลสฺส ปหีนา ทุคฺคตีติฯ
652. 4 Na vattabbaṃ – ‘‘diṭṭhisampannassa puggalassa pahīnā duggatī’’ti? Āmantā. Diṭṭhisampanno puggalo nirayaṃ upapajjeyya…pe… tiracchānayoniṃ upapajjeyya… pettivisayaṃ upapajjeyyāti? Na hevaṃ vattabbe. Tena hi diṭṭhisampannassa puggalassa pahīnā duggatīti.
ทุคฺคติกถา นิฎฺฐิตาฯ
Duggatikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. ทุคฺคติกถาวณฺณนา • 9. Duggatikathāvaṇṇanā
