| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੨. ਦ੍વਾਦਸਮવਗ੍ਗੋ
12. Dvādasamavaggo
(੧੨੪) ੯. ਦੁਗ੍ਗਤਿਕਥਾ
(124) 9. Duggatikathā
੬੫੦. ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ? ਆਮਨ੍ਤਾ। ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ।
650. Diṭṭhisampannassa puggalassa pahīnā duggatīti? Āmantā. Diṭṭhisampanno puggalo āpāyike rūpe rajjeyyāti? Āmantā. Hañci diṭṭhisampanno puggalo āpāyike rūpe rajjeyya, no ca vata re vattabbe – ‘‘diṭṭhisampannassa puggalassa pahīnā duggatī’’ti.
ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ? ਆਮਨ੍ਤਾ। ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਸਦ੍ਦੇ…ਪੇ॰… ਗਨ੍ਧੇ… ਰਸੇ… ਫੋਟ੍ਠਬ੍ਬੇ…ਪੇ॰… ਅਮਨੁਸ੍ਸਿਤ੍ਥਿਯਾ ਤਿਰਚ੍ਛਾਨਗਤਿਤ੍ਥਿਯਾ ਨਾਗਕਞ੍ਞਾਯ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਅਜੇਲ਼ਕਂ ਪਟਿਗ੍ਗਣ੍ਹੇਯ੍ਯ, ਕੁਕ੍ਕੁਟਸੂਕਰਂ ਪਟਿਗ੍ਗਣ੍ਹੇਯ੍ਯ, ਹਤ੍ਥਿਗવਸ੍ਸવਲ਼વਂ ਪਟਿਗ੍ਗਣ੍ਹੇਯ੍ਯ… ਤਿਤ੍ਤਿਰવਟ੍ਟਕਮੋਰਕਪਿਞ੍ਜਰਂ 1 ਪਟਿਗ੍ਗਣ੍ਹੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਤਿਤ੍ਤਿਰવਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ।
Diṭṭhisampannassa puggalassa pahīnā duggatīti? Āmantā. Diṭṭhisampanno puggalo āpāyike sadde…pe… gandhe… rase… phoṭṭhabbe…pe… amanussitthiyā tiracchānagatitthiyā nāgakaññāya methunaṃ dhammaṃ paṭiseveyya, ajeḷakaṃ paṭiggaṇheyya, kukkuṭasūkaraṃ paṭiggaṇheyya, hatthigavassavaḷavaṃ paṭiggaṇheyya… tittiravaṭṭakamorakapiñjaraṃ 2 paṭiggaṇheyyāti? Āmantā. Hañci diṭṭhisampanno puggalo tittiravaṭṭakamorakapiñjaraṃ paṭiggaṇheyya, no ca vata re vattabbe – ‘‘diṭṭhisampannassa puggalassa pahīnā duggatī’’ti.
੬੫੧. ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਆਮਨ੍ਤਾ। ਅਰਹਤੋ ਪਹੀਨਾ ਦੁਗ੍ਗਤਿ, ਅਰਹਾ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਸਦ੍ਦੇ… ਗਨ੍ਧੇ… ਰਸੇ… ਫੋਟ੍ਠਬ੍ਬੇ…ਪੇ॰… ਤਿਤ੍ਤਿਰવਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਆਮਨ੍ਤਾ । ਅਰਹਤੋ ਪਹੀਨਾ ਦੁਗ੍ਗਤਿ, ਅਰਹਾ ਤਿਤ੍ਤਿਰવਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
651. Diṭṭhisampannassa puggalassa pahīnā duggati, diṭṭhisampanno puggalo āpāyike rūpe rajjeyyāti? Āmantā. Arahato pahīnā duggati, arahā āpāyike rūpe rajjeyyāti? Na hevaṃ vattabbe…pe… diṭṭhisampannassa puggalassa pahīnā duggati, diṭṭhisampanno puggalo āpāyike sadde… gandhe… rase… phoṭṭhabbe…pe… tittiravaṭṭakamorakapiñjaraṃ paṭiggaṇheyyāti? Āmantā . Arahato pahīnā duggati, arahā tittiravaṭṭakamorakapiñjaraṃ paṭiggaṇheyyāti? Na hevaṃ vattabbe…pe….
ਅਰਹਤੋ ਪਹੀਨਾ ਦੁਗ੍ਗਤਿ, ਨ ਚ ਅਰਹਾ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਆਮਨ੍ਤਾ। ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਨ ਚ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਰਹਤੋ ਪਹੀਨਾ ਦੁਗ੍ਗਤਿ, ਨ ਚ ਅਰਹਾ ਆਪਾਯਿਕੇ ਸਦ੍ਦੇ…ਪੇ॰… ਗਨ੍ਧੇ…ਪੇ॰… ਰਸੇ…ਪੇ॰… ਫੋਟ੍ਠਬ੍ਬੇ…ਪੇ॰… ਅਮਨੁਸ੍ਸਿਤ੍ਥਿਯਾ ਤਿਰਚ੍ਛਾਨਗਤਿਤ੍ਥਿਯਾ ਨਾਗਕਞ੍ਞਾਯ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ, ਅਜੇਲ਼ਕਂ ਪਟਿਗ੍ਗਣ੍ਹੇਯ੍ਯ, ਕੁਕ੍ਕੁਟਸੂਕਰਂ ਪਟਿਗ੍ਗਣ੍ਹੇਯ੍ਯ, ਹਤ੍ਥਿਗવਸ੍ਸવਲ਼વਂ ਪਟਿਗ੍ਗਣ੍ਹੇਯ੍ਯ…ਪੇ॰… ਤਿਤ੍ਤਿਰવਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਆਮਨ੍ਤਾ । ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਨ ਚ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਤਿਤ੍ਤਿਰવਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Arahato pahīnā duggati, na ca arahā āpāyike rūpe rajjeyyāti? Āmantā. Diṭṭhisampannassa puggalassa pahīnā duggati, na ca diṭṭhisampanno puggalo āpāyike rūpe rajjeyyāti? Na hevaṃ vattabbe…pe… arahato pahīnā duggati, na ca arahā āpāyike sadde…pe… gandhe…pe… rase…pe… phoṭṭhabbe…pe… amanussitthiyā tiracchānagatitthiyā nāgakaññāya methunaṃ dhammaṃ paṭiseveyya, ajeḷakaṃ paṭiggaṇheyya, kukkuṭasūkaraṃ paṭiggaṇheyya, hatthigavassavaḷavaṃ paṭiggaṇheyya…pe… tittiravaṭṭakamorakapiñjaraṃ paṭiggaṇheyyāti? Āmantā . Diṭṭhisampannassa puggalassa pahīnā duggati, na ca diṭṭhisampanno puggalo tittiravaṭṭakamorakapiñjaraṃ paṭiggaṇheyyāti? Na hevaṃ vattabbe…pe….
੬੫੨. 3 ਨ વਤ੍ਤਬ੍ਬਂ – ‘‘ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ? ਆਮਨ੍ਤਾ। ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਨਿਰਯਂ ਉਪਪਜ੍ਜੇਯ੍ਯ…ਪੇ॰… ਤਿਰਚ੍ਛਾਨਯੋਨਿਂ ਉਪਪਜ੍ਜੇਯ੍ਯ… ਪੇਤ੍ਤਿવਿਸਯਂ ਉਪਪਜ੍ਜੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ। ਤੇਨ ਹਿ ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ।
652. 4 Na vattabbaṃ – ‘‘diṭṭhisampannassa puggalassa pahīnā duggatī’’ti? Āmantā. Diṭṭhisampanno puggalo nirayaṃ upapajjeyya…pe… tiracchānayoniṃ upapajjeyya… pettivisayaṃ upapajjeyyāti? Na hevaṃ vattabbe. Tena hi diṭṭhisampannassa puggalassa pahīnā duggatīti.
ਦੁਗ੍ਗਤਿਕਥਾ ਨਿਟ੍ਠਿਤਾ।
Duggatikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੯. ਦੁਗ੍ਗਤਿਕਥਾવਣ੍ਣਨਾ • 9. Duggatikathāvaṇṇanā
