| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๙. ทุคฺคติกถาวณฺณนา
9. Duggatikathāvaṇṇanā
๖๕๐-๖๕๒. อิทานิ ทุคฺคติกถา นาม โหติฯ ตตฺถ เย ทุคฺคติญฺจ ทุคฺคติสตฺตานํ รูปาทิอารมฺมณํ ตณฺหญฺจาติ อุภยมฺปิ ทุคฺคตีติ คเหตฺวา ปุน ตถา อวิภชิตฺวา อวิเสเสเนว ‘‘ทิฎฺฐิสมฺปนฺนสฺส ปหีนา ทุคฺคตี’’ติ วทนฺติ, เสยฺยถาปิ อุตฺตราปถกา; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ อาปายิเก รูเป รเชฺชยฺยาติอาทิ ปรวาทิโน ลทฺธิยา ทิฎฺฐิสมฺปนฺนสฺส ทุคฺคติ อปฺปหีนา, ตสฺส วเสน โจเทตุํ วุตฺตํฯ เสสเมตฺถ อุตฺตานตฺถเมวฯ นิรยํ อุปปเชฺชยฺยาติอาทิ ทุคฺคติปหานเมว ทุคฺคติคามินิตณฺหาปหานํ วา ทีเปติ, น ทุคฺคติสตฺตานํ รูปาทิอารมฺมณาย ตณฺหาย ปหานํ, ตสฺมา อสาธกนฺติฯ
650-652. Idāni duggatikathā nāma hoti. Tattha ye duggatiñca duggatisattānaṃ rūpādiārammaṇaṃ taṇhañcāti ubhayampi duggatīti gahetvā puna tathā avibhajitvā aviseseneva ‘‘diṭṭhisampannassa pahīnā duggatī’’ti vadanti, seyyathāpi uttarāpathakā; te sandhāya pucchā sakavādissa, paṭiññā itarassa. Āpāyike rūpe rajjeyyātiādi paravādino laddhiyā diṭṭhisampannassa duggati appahīnā, tassa vasena codetuṃ vuttaṃ. Sesamettha uttānatthameva. Nirayaṃ upapajjeyyātiādi duggatipahānameva duggatigāminitaṇhāpahānaṃ vā dīpeti, na duggatisattānaṃ rūpādiārammaṇāya taṇhāya pahānaṃ, tasmā asādhakanti.
ทุคฺคติกถาวณฺณนาฯ
Duggatikathāvaṇṇanā.
๖๕๓. สตฺตมภวิกกถายปิ เอเสว นโยติฯ
653. Sattamabhavikakathāyapi eseva nayoti.
ทฺวาทสโม วโคฺคฯ
Dvādasamo vaggo.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi
(๑๒๔) ๙. ทุคฺคติกถา • (124) 9. Duggatikathā
(๑๒๕) ๑๐. สตฺตมภวิกกถา • (125) 10. Sattamabhavikakathā
