| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. து³க்³க³திவினிபாதப⁴யஸுத்தங்
5. Duggativinipātabhayasuttaṃ
1011. ‘‘சதூஹி, பி⁴க்க²வே, த⁴ம்மேஹி ஸமன்னாக³தோ அரியஸாவகோ ஸப்³ப³து³க்³க³திவினிபாதப⁴யங் ஸமதிக்கந்தோ ஹோதி. கதமேஹி சதூஹி? இத⁴, பி⁴க்க²வே, அரியஸாவகோ பு³த்³தே⁴ அவேச்சப்பஸாதே³ன ஸமன்னாக³தோ ஹோதி – இதிபி ஸோ ப⁴க³வா…பே॰… ஸத்தா² தே³வமனுஸ்ஸானங் பு³த்³தோ⁴ ப⁴க³வாதி. த⁴ம்மே…பே॰… ஸங்கே⁴…பே॰… அரியகந்தேஹி ஸீலேஹி ஸமன்னாக³தோ ஹோதி அக²ண்டே³ஹி…பே॰… ஸமாதி⁴ஸங்வத்தனிகேஹி. இமேஹி கோ², பி⁴க்க²வே, சதூஹி த⁴ம்மேஹி ஸமன்னாக³தோ அரியஸாவகோ ஸப்³ப³து³க்³க³திவினிபாதப⁴யங் ஸமதிக்கந்தோ ஹோதீ’’தி. பஞ்சமங்.
1011. ‘‘Catūhi, bhikkhave, dhammehi samannāgato ariyasāvako sabbaduggativinipātabhayaṃ samatikkanto hoti. Katamehi catūhi? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, bhikkhave, catūhi dhammehi samannāgato ariyasāvako sabbaduggativinipātabhayaṃ samatikkanto hotī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. து³க்³க³திவினிபாதப⁴யஸுத்தவண்ணனா • 5. Duggativinipātabhayasuttavaṇṇanā
