| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̣̇угаад̇т̇уд̣̇д̇хаараван̣н̣анаа
Dukaatthuddhāravaṇṇanā
1441. хзд̇уг̇ожчаганид̣̇д̣̇зсз д̇аяо гусалахзд̇ууд̇иаад̣̇инаа наязна хзд̇уу д̣̇ассзд̇ваа буна д̇зязва уббад̇д̇идтаанад̇о д̣̇ассзд̇ум̣ жад̇уусу бхуумийсу гусалзсу уббаж̇ж̇анд̇ийд̇иаад̣̇и вуд̇д̇ам̣. иминаа убааязна сзсаг̇ожчагзсуби д̣̇зсанаанаяо взд̣̇ид̇аб̣б̣о.
1441. Hetugocchakaniddese tayo kusalahetūtiādinā nayena hetū dassetvā puna teyeva uppattiṭṭhānato dassetuṃ catūsu bhūmīsu kusalesu uppajjantītiādi vuttaṃ. Iminā upāyena sesagocchakesupi desanānayo veditabbo.
1473. яад̇т̇а д̣̇вз д̇аяо аасаваа згад̇о уббаж̇ж̇анд̇ийд̇и зд̇т̇а д̇ивид̇хзна аасаваанам̣ згад̇о уббад̇д̇и взд̣̇ид̇аб̣б̣аа. д̇ад̇т̇а жад̇уусу д̣̇идтивиббаяуд̇д̇зсу авиж̇ж̇аасавзна, д̣̇идтисамбаяуд̇д̇зсу д̣̇идтаасаваавиж̇ж̇аасавзхи сад̣̇д̇хинд̇и гаамаасаво д̣̇увид̇хзна згад̇о уббаж̇ж̇ад̇и. бхаваасаво жад̇уусу д̣̇идтивиббаяуд̇д̇зсу авиж̇ж̇аасавзна сад̣̇д̇хинд̇и згад̇хаава згад̇о уббаж̇ж̇ад̇и. яат̇аа жзд̇т̇а звам̣ яад̇т̇а д̣̇вз д̇ийн̣и сам̣яож̇анаани згад̇о уббаж̇ж̇анд̇ийд̇и зд̇т̇ааби сам̣яож̇анаанам̣ уббад̇д̇и згад̇о д̣̇асад̇хаа бхавз. д̇ад̇т̇а гаамарааг̇о жад̇уд̇хаа згад̇о уббаж̇ж̇ад̇и, бадигхо д̇ид̇хаа, маано згад̇хаа. д̇ат̇аа вижигижчаа жзва бхаварааг̇о жа. гат̇ам̣? гаамарааг̇о д̇аава маанасам̣яож̇анаавиж̇ж̇аасам̣яож̇анзхи жзва, д̣̇идтисам̣яож̇анаавиж̇ж̇аасам̣яож̇анзхи жа, сийлаб̣б̣ад̇абараамаасаавиж̇ж̇аасам̣яож̇анзхи жа, авиж̇ж̇аасам̣яож̇анамад̇д̇знзва жа сад̣̇д̇хинд̇и звам̣ жад̇уд̇хаа згад̇о уббаж̇ж̇ад̇и. бадигхо бана иссаасам̣яож̇анаавиж̇ж̇аасам̣яож̇анзхи жзва, мажчарияасам̣яож̇анаавиж̇ж̇аасам̣яож̇анзхи жа, авиж̇ж̇аасам̣яож̇анамад̇д̇знзва жа сад̣̇д̇хинд̇и звам̣ д̇ид̇хаа згад̇о уббаж̇ж̇ад̇и. маано бхаварааг̇аавиж̇ж̇аасам̣яож̇анзхи сад̣̇д̇хим̣ згад̇хаава згад̇о уббаж̇ж̇ад̇и . д̇ат̇аа вижигижчаа. саа хи авиж̇ж̇аасам̣яож̇анзна сад̣̇д̇хим̣ згад̇хаа уббаж̇ж̇ад̇и. бхаварааг̇зби зсзва наяод̇и. звамзд̇т̇а д̣̇вз д̇ийн̣и сам̣яож̇анаани згад̇о уббаж̇ж̇анд̇и.
1473. Yattha dve tayo āsavā ekato uppajjantīti ettha tividhena āsavānaṃ ekato uppatti veditabbā. Tattha catūsu diṭṭhivippayuttesu avijjāsavena, diṭṭhisampayuttesu diṭṭhāsavaavijjāsavehi saddhinti kāmāsavo duvidhena ekato uppajjati. Bhavāsavo catūsu diṭṭhivippayuttesu avijjāsavena saddhinti ekadhāva ekato uppajjati. Yathā cettha evaṃ yattha dve tīṇi saṃyojanāni ekato uppajjantīti etthāpi saṃyojanānaṃ uppatti ekato dasadhā bhave. Tattha kāmarāgo catudhā ekato uppajjati, paṭigho tidhā, māno ekadhā. Tathā vicikicchā ceva bhavarāgo ca. Kathaṃ? Kāmarāgo tāva mānasaṃyojanaavijjāsaṃyojanehi ceva, diṭṭhisaṃyojanaavijjāsaṃyojanehi ca, sīlabbataparāmāsaavijjāsaṃyojanehi ca, avijjāsaṃyojanamatteneva ca saddhinti evaṃ catudhā ekato uppajjati. Paṭigho pana issāsaṃyojanaavijjāsaṃyojanehi ceva, macchariyasaṃyojanaavijjāsaṃyojanehi ca, avijjāsaṃyojanamatteneva ca saddhinti evaṃ tidhā ekato uppajjati. Māno bhavarāgāvijjāsaṃyojanehi saddhiṃ ekadhāva ekato uppajjati . Tathā vicikicchā. Sā hi avijjāsaṃyojanena saddhiṃ ekadhā uppajjati. Bhavarāgepi eseva nayoti. Evamettha dve tīṇi saṃyojanāni ekato uppajjanti.
1511. яам̣ банзд̇ам̣ нийваран̣аг̇ожчагз яад̇т̇а д̣̇вз д̇ийн̣и нийваран̣аани згад̇о уббаж̇ж̇анд̇ийд̇и вуд̇д̇ам̣, д̇ад̇т̇ааби адтад̇хаа нийваран̣аанам̣ згад̇о уббад̇д̇и взд̣̇ид̇аб̣б̣аа. зд̇зсу хи гаамажчанд̣̇о д̣̇увид̇хаа згад̇о уббаж̇ж̇ад̇и, б̣яаабаад̣̇о жад̇уд̇хаа, уд̣̇д̇хажжам̣ згад̇хаа. д̇ат̇аа вижигижчаа. гат̇ам̣? гаамажчанд̣̇о д̇аава асан̇кааригажид̇д̇зсу уд̣̇д̇хажжанийваран̣аавиж̇ж̇аанийваран̣зхи, сасан̇кааригзсу т̇инамид̣̇д̇хауд̣̇д̇хажжаавиж̇ж̇аанийваран̣зхи сад̣̇д̇хим̣ д̣̇увид̇хаа згад̇о уббаж̇ж̇ад̇и. яам̣ банзд̇ам̣ д̣̇вз д̇ийн̣ийд̇и вуд̇д̇ам̣, д̇ам̣ хздтимабарижчзд̣̇авасзна вуд̇д̇ам̣. д̇асмаа жад̇уннамби згад̇о уббаж̇ж̇ад̇ийд̇и важанам̣ яуж̇ж̇ад̇и зва. б̣яаабаад̣̇о бана асан̇кааригажид̇д̇з уд̣̇д̇хажжаавиж̇ж̇аанийваран̣зхи, сасан̇кааригз т̇инамид̣̇д̇хауд̣̇д̇хажжаавиж̇ж̇аанийваран̣зхи, асан̇кааригзязва уд̣̇д̇хажжагуггужжаавиж̇ж̇аанийваран̣зхи, сасан̇кааригзязва т̇инамид̣̇д̇хауд̣̇д̇хажжагуггужжаавиж̇ж̇аанийваран̣зхи сад̣̇д̇хинд̇и жад̇уд̇хаа згад̇о уббаж̇ж̇ад̇и. уд̣̇д̇хажжам̣ бана авиж̇ж̇аанийваран̣амад̇д̇зна сад̣̇д̇хим̣ згад̇хаава згад̇о уббаж̇ж̇ад̇и. вижигижчуд̣̇д̇хажжаавиж̇ж̇аанийваран̣зхи сад̣̇д̇хим̣ згад̇хаава згад̇о уббаж̇ж̇ад̇и.
1511. Yaṃ panetaṃ nīvaraṇagocchake yattha dve tīṇi nīvaraṇāni ekato uppajjantīti vuttaṃ, tatthāpi aṭṭhadhā nīvaraṇānaṃ ekato uppatti veditabbā. Etesu hi kāmacchando duvidhā ekato uppajjati, byāpādo catudhā, uddhaccaṃ ekadhā. Tathā vicikicchā. Kathaṃ? Kāmacchando tāva asaṅkhārikacittesu uddhaccanīvaraṇaavijjānīvaraṇehi, sasaṅkhārikesu thinamiddhauddhaccaavijjānīvaraṇehi saddhiṃ duvidhā ekato uppajjati. Yaṃ panetaṃ dve tīṇīti vuttaṃ, taṃ heṭṭhimaparicchedavasena vuttaṃ. Tasmā catunnampi ekato uppajjatīti vacanaṃ yujjati eva. Byāpādo pana asaṅkhārikacitte uddhaccaavijjānīvaraṇehi, sasaṅkhārike thinamiddhauddhaccaavijjānīvaraṇehi, asaṅkhārikeyeva uddhaccakukkuccaavijjānīvaraṇehi, sasaṅkhārikeyeva thinamiddhauddhaccakukkuccaavijjānīvaraṇehi saddhinti catudhā ekato uppajjati. Uddhaccaṃ pana avijjānīvaraṇamattena saddhiṃ ekadhāva ekato uppajjati. Vicikicchuddhaccaavijjānīvaraṇehi saddhiṃ ekadhāva ekato uppajjati.
1577. яамбид̣̇ам̣ гилзсаг̇ожчагз яад̇т̇а д̣̇вз д̇аяо гилзсаа згад̇о уббаж̇ж̇анд̇ийд̇и вуд̇д̇ам̣, д̇ад̇т̇а ‘д̣̇вз гилзсаа ан̃н̃зхи, д̇аяо ваа гилзсаа ан̃н̃зхи гилзсзхи сад̣̇д̇хим̣ уббаж̇ж̇анд̇ий’д̇и звамад̇т̇о взд̣̇ид̇аб̣б̣о. гасмаа? д̣̇виннам̣ д̇ин̣н̣ам̣язва ваа згад̇о уббад̇д̇ияаа асамбхавад̇о.
1577. Yampidaṃ kilesagocchake yattha dve tayo kilesā ekato uppajjantīti vuttaṃ, tattha ‘dve kilesā aññehi, tayo vā kilesā aññehi kilesehi saddhiṃ uppajjantī’ti evamattho veditabbo. Kasmā? Dvinnaṃ tiṇṇaṃyeva vā ekato uppattiyā asambhavato.
д̇ад̇т̇а д̣̇асад̇хаа гилзсаанам̣ згад̇о уббад̇д̇и ход̇и. зд̇т̇а хи лобхо чад̇хаа згад̇о уббаж̇ж̇ад̇и. бадигхо д̣̇вид̇хаа. д̇ат̇аа моход̇и взд̣̇ид̇аб̣б̣о. гат̇ам̣? лобхо д̇аава асан̇кааригз д̣̇идтивиббаяуд̇д̇з мохауд̣̇д̇хажжаахиригаанод̇д̇аббзхи, сасан̇кааригз мохат̇инауд̣̇д̇хажжаахиригаанод̇д̇аббзхи, асан̇кааригзязва мохамаануд̣̇д̇хажжаахиригаанод̇д̇аббзхи , сасан̇кааригзязва мохамаанат̇инауд̣̇д̇хажжаахиригаанод̇д̇аббзхи, д̣̇идтисамбаяуд̇д̇з бана асан̇кааригз мохауд̣̇д̇хажжад̣̇идтиахиригаанод̇д̇аббзхи, сасан̇кааригз мохад̣̇идтит̇инауд̣̇д̇хажжаахиригаанод̇д̇аббзхи сад̣̇д̇хинд̇и чад̇хаа згад̇о уббаж̇ж̇ад̇и.
Tattha dasadhā kilesānaṃ ekato uppatti hoti. Ettha hi lobho chadhā ekato uppajjati. Paṭigho dvidhā. Tathā mohoti veditabbo. Kathaṃ? Lobho tāva asaṅkhārike diṭṭhivippayutte mohauddhaccaahirikānottappehi, sasaṅkhārike mohathinauddhaccaahirikānottappehi, asaṅkhārikeyeva mohamānuddhaccāhirikānottappehi , sasaṅkhārikeyeva mohamānathinauddhaccaahirikānottappehi, diṭṭhisampayutte pana asaṅkhārike mohauddhaccadiṭṭhiahirikānottappehi, sasaṅkhārike mohadiṭṭhithinauddhaccaahirikānottappehi saddhinti chadhā ekato uppajjati.
бадигхо бана асан̇кааригз мохауд̣̇д̇хажжаахиригаанод̇д̇аббзхи, сасан̇кааригз мохат̇инауд̣̇д̇хажжаахиригаанод̇д̇аббзхи сад̣̇д̇хинд̇и звам̣ д̣̇вид̇хаа згад̇о уббаж̇ж̇ад̇и. мохо бана вижигижчаасамбаяуд̇д̇з вижигижчуд̣̇д̇хажжаахиригаанод̇д̇аббзхи, уд̣̇д̇хажжасамбаяуд̇д̇з уд̣̇д̇хажжаахиригаанод̇д̇аббзхи сад̣̇д̇хинд̇и звам̣ д̣̇вид̇хаа згад̇о уббаж̇ж̇ад̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
Paṭigho pana asaṅkhārike mohauddhaccaahirikānottappehi, sasaṅkhārike mohathinauddhaccaahirikānottappehi saddhinti evaṃ dvidhā ekato uppajjati. Moho pana vicikicchāsampayutte vicikicchuddhaccaahirikānottappehi, uddhaccasampayutte uddhaccaahirikānottappehi saddhinti evaṃ dvidhā ekato uppajjati. Sesaṃ sabbattha uttānatthamevāti.
адтасаалинияаа д̇хаммасан̇г̇ахаадтагат̇ааяа
Aṭṭhasāliniyā dhammasaṅgahaaṭṭhakathāya
адтагат̇ааган̣д̣аван̣н̣анаа нидтид̇аа.
Aṭṭhakathākaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇угаад̇т̇уд̣̇д̇хааро • Dukaatthuddhāro
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇угаад̇т̇уд̣̇д̇хаараван̣н̣анаа • Dukaatthuddhāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇угаад̇т̇уд̣̇д̇хаараван̣н̣анаа • Dukaatthuddhāravaṇṇanā
