| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̣̇угаад̇т̇уд̣̇д̇хаараван̣н̣анаа
Dukaatthuddhāravaṇṇanā
1473. маано …бз… згад̇хааваад̇и ид̣̇ам̣ авуд̇д̇аббагаарад̣̇ассанавасзна вуд̇д̇ам̣, ан̃н̃ат̇аа маано гаамарааг̇аавиж̇ж̇аасан̃н̃ож̇анзхи згад̇о уббаж̇ж̇ад̇ийд̇и д̣̇вид̇хаад̇и вад̇д̇аб̣б̣о сияаа. зса наяо бхаварааг̇аад̣̇ийсу. д̇ат̇аа вижигижчаад̇и зд̇т̇а д̇ат̇аад̇и зд̇асса згад̇хааваад̇и ад̇т̇о.
1473. Māno…pe… ekadhāvāti idaṃ avuttappakāradassanavasena vuttaṃ, aññathā māno kāmarāgāvijjāsaññojanehi ekato uppajjatīti dvidhāti vattabbo siyā. Esa nayo bhavarāgādīsu. Tathā vicikicchāti ettha tathāti etassa ekadhāvāti attho.
1511. сасан̇кааригзсууд̇и ид̣̇ам̣ гаамажчанд̣̇анийваран̣асса д̇ийхи нийваран̣зхи сад̣̇д̇хим̣ уббаж̇ж̇анадтаанад̣̇ассанамад̇д̇ам̣ д̣̇адтаб̣б̣ам̣, на нияамад̇о д̇ад̇т̇а д̇асса д̇зхи уббад̇д̇ид̣̇ассанад̇т̇ам̣ т̇инамид̣̇д̇хасса анияад̇ад̇д̇аа. хздтимабарижчзд̣̇знаад̇и уд̣̇д̇хажжасса саб̣б̣аагусалз уббаж̇ж̇анад̇о уд̣̇д̇хажжасахаг̇ад̇з д̣̇вз, ан̃н̃зсу т̇инамид̣̇д̇хагуггужжавирахз д̇ийн̣и хздтиманд̇ад̇о уббаж̇ж̇анд̇ийд̇и гад̇ваа ‘‘д̣̇вз д̇ийн̣ий’’д̇и вуд̇д̇анд̇и ад̇т̇о. яад̇д̇агаанам̣ бана згад̇о уббад̇д̇ияам̣ нийваран̣аа жзва нийваран̣асамбаяуд̇д̇аа жаад̇и аяамад̇т̇о самбхавад̇и, хздтиманд̇зна д̇зсам̣ д̣̇ассанад̇т̇ам̣ ‘‘д̣̇вз’’д̇и вуд̇д̇ам̣. д̇ад̇о уд̣̇д̇хамби бавад̇д̇ияам̣ аяамад̇т̇о самбхавад̇и зваад̇и д̣̇ассанад̇т̇ам̣ ‘‘д̇ийн̣ий’’д̇и вуд̇д̇ам̣. д̣̇вз д̇ийн̣ийд̇и жа д̣̇вз ваа д̇ийн̣и ваад̇и анияаманид̣̇д̣̇зсод̇и жад̇д̇аари ваа бан̃жа ваад̇иби вин̃н̃ааяад̇и. яад̇т̇а сахуббад̇д̇и, д̇ад̇т̇а нийваран̣аа жзва нийваран̣асамбаяуд̇д̇аа жа хонд̇ийд̇и зд̇асса ваа лагкан̣асса д̣̇ассанамзд̇анд̇и. яад̇т̇а жад̇д̇аари бан̃жа жа уббаж̇ж̇анд̇и, д̇ад̇т̇а жааяамад̇т̇о саад̇хид̇о ход̇и. зван̃жа гад̇ваа гилзсаг̇ожчагз жа ‘‘д̣̇вз д̇аяо’’д̇и вуд̇д̇ам̣. лагкан̣ад̣̇ассанавасзна хи гилзсаа жзва гилзсасамбаяуд̇д̇аа жа вуд̇д̇аа, на саб̣б̣зсам̣ самбхаванд̇аанам̣ саруубзна д̣̇ассанавасзнаад̇и.
1511. Sasaṅkhārikesūti idaṃ kāmacchandanīvaraṇassa tīhi nīvaraṇehi saddhiṃ uppajjanaṭṭhānadassanamattaṃ daṭṭhabbaṃ, na niyamato tattha tassa tehi uppattidassanatthaṃ thinamiddhassa aniyatattā. Heṭṭhimaparicchedenāti uddhaccassa sabbākusale uppajjanato uddhaccasahagate dve, aññesu thinamiddhakukkuccavirahe tīṇi heṭṭhimantato uppajjantīti katvā ‘‘dve tīṇī’’ti vuttanti attho. Yattakānaṃ pana ekato uppattiyaṃ nīvaraṇā ceva nīvaraṇasampayuttā cāti ayamattho sambhavati, heṭṭhimantena tesaṃ dassanatthaṃ ‘‘dve’’ti vuttaṃ. Tato uddhampi pavattiyaṃ ayamattho sambhavati evāti dassanatthaṃ ‘‘tīṇī’’ti vuttaṃ. Dve tīṇīti ca dve vā tīṇi vāti aniyamaniddesoti cattāri vā pañca vātipi viññāyati. Yattha sahuppatti, tattha nīvaraṇā ceva nīvaraṇasampayuttā ca hontīti etassa vā lakkhaṇassa dassanametanti. Yattha cattāri pañca ca uppajjanti, tattha cāyamattho sādhito hoti. Evañca katvā kilesagocchake ca ‘‘dve tayo’’ti vuttaṃ. Lakkhaṇadassanavasena hi kilesā ceva kilesasampayuttā ca vuttā, na sabbesaṃ sambhavantānaṃ sarūpena dassanavasenāti.
яад̣̇и уд̣̇д̇хажжам̣ саб̣б̣аагусалз уббаж̇ж̇ад̇и, гасмаа вуд̇д̇ам̣ ‘‘уд̣̇д̇хажжанийваран̣ам̣ уд̣̇д̇хажжасахаг̇ад̇з жид̇д̇уббаад̣̇з уббаж̇ж̇ад̇ий’’д̇и? суд̇д̇анд̇з вуд̇д̇зсу бан̃жасу нийваран̣зсу ан̃н̃анийваран̣арахид̇асса уд̣̇д̇хажжасса висаяависзсад̣̇ассанад̇т̇ам̣. чадтам̣ бана нийваран̣ам̣ абхид̇хаммз ид̇арзхи сахаг̇ад̇анд̇и д̇асса ан̃н̃анийваран̣арахид̇асса на гожи висаяависзсо ад̇т̇и, ад̇д̇анаа сахаг̇ад̇зхи винаа уббаж̇ж̇анадтаанаабхааваа д̇ад̣̇убалагкид̇асса жид̇д̇уббаад̣̇асса абхааваа жа над̇т̇зва висаяависзсо, д̇асмаа ‘‘д̇ам̣ саб̣б̣аагусалз уббаж̇ж̇ад̇ий’’д̇и вуд̇д̇ам̣. уд̣̇д̇хажжасахаг̇ад̇о бана вуд̇д̇ажид̇д̇уббаад̣̇о сзсад̇хаммаанам̣ уд̣̇д̇хажжаанувад̇д̇анабхаавзна д̇ад̣̇убалагкид̇о уд̣̇д̇хажжасса висаяависзсо, д̇асмаа саб̣б̣аагусалз уббаж̇ж̇амаанам̣ уд̣̇д̇хажжам̣ сааман̃н̃зна ‘‘уд̣̇д̇хажжанийваран̣а’’нд̇и г̇ахзд̇вааби д̇ам̣ ад̇д̇ано висаяависзсзна багаасзд̇ум̣ ‘‘уд̣̇д̇хажжасахаг̇ад̇з жид̇д̇уббаад̣̇з уббаж̇ж̇ад̇ий’’д̇и ааха. зван̃жа багаасанам̣ висаяависзсзсу лобхад̣̇оманассасахаг̇ад̇асасан̇кааригавижигижчуд̣̇д̇хажжасахаг̇ад̇зсу бан̃жа нийваран̣аани вавад̇т̇абзд̇ваа д̇зсам̣ б̣яаабагабхаавзна чадтам̣ багаасзд̇ум̣ гад̇анд̇и взд̣̇ид̇аб̣б̣ам̣.
Yadi uddhaccaṃ sabbākusale uppajjati, kasmā vuttaṃ ‘‘uddhaccanīvaraṇaṃ uddhaccasahagate cittuppāde uppajjatī’’ti? Suttante vuttesu pañcasu nīvaraṇesu aññanīvaraṇarahitassa uddhaccassa visayavisesadassanatthaṃ. Chaṭṭhaṃ pana nīvaraṇaṃ abhidhamme itarehi sahagatanti tassa aññanīvaraṇarahitassa na koci visayaviseso atthi, attanā sahagatehi vinā uppajjanaṭṭhānābhāvā tadupalakkhitassa cittuppādassa abhāvā ca nattheva visayaviseso, tasmā ‘‘taṃ sabbākusale uppajjatī’’ti vuttaṃ. Uddhaccasahagato pana vuttacittuppādo sesadhammānaṃ uddhaccānuvattanabhāvena tadupalakkhito uddhaccassa visayaviseso, tasmā sabbākusale uppajjamānaṃ uddhaccaṃ sāmaññena ‘‘uddhaccanīvaraṇa’’nti gahetvāpi taṃ attano visayavisesena pakāsetuṃ ‘‘uddhaccasahagate cittuppāde uppajjatī’’ti āha. Evañca pakāsanaṃ visayavisesesu lobhadomanassasahagatasasaṅkhārikavicikicchuddhaccasahagatesu pañca nīvaraṇāni vavatthapetvā tesaṃ byāpakabhāvena chaṭṭhaṃ pakāsetuṃ katanti veditabbaṃ.
гзжи бана ‘‘уд̣̇д̇хажжасахаг̇ад̇зд̇и сааман̃н̃зна саб̣б̣ам̣ уд̣̇д̇хажжам̣ ‘уд̣̇д̇хажжа’нд̇и г̇ахзд̇ваа д̇зна сахаг̇ад̇з жид̇д̇уббаад̣̇з’’д̇и вад̣̇анд̇и, аяам̣ банад̇т̇о на б̣ахумад̇о д̣̇ваад̣̇асамажид̇д̇уббаад̣̇асса вияа саб̣б̣аагусалажид̇д̇уббаад̣̇аанам̣ уд̣̇д̇хажжзна анубалагкид̇ад̇д̇аа, сад̇и жа убалагкид̇ад̇д̇з ‘‘адтасу лобхасахаг̇ад̇зсуу’’д̇иаад̣̇ийсу вияа ан̃н̃зсам̣ жид̇д̇уббаад̣̇аанам̣ нивад̇д̇анад̇т̇ам̣ ‘‘д̣̇ваад̣̇асасу уд̣̇д̇хажжасахаг̇ад̇зсуу’’д̇и вад̇д̇аб̣б̣ад̇д̇аа. уд̣̇д̇хажжаанубалагкид̇ад̇д̇аа бана саб̣б̣аагусалаанам̣ авиж̇ж̇аанийваран̣ам̣ вияа ид̣̇амби ‘‘саб̣б̣аагусалзсу уббаж̇ж̇ад̇ий’’д̇и вад̇д̇аб̣б̣ам̣ сияаа, на бана вуд̇д̇ам̣, д̇асмаа вуд̇д̇анаязнзва ад̇т̇о взд̣̇ид̇аб̣б̣о. яасмаа жа авиж̇ж̇аанийваран̣ам̣ вияа уд̣̇д̇хажжанийваран̣ан̃жа саб̣б̣аагусалзсу уббаж̇ж̇ад̇и, д̇асмаа нигкзбаган̣д̣з ‘‘гаамажчанд̣̇анийваран̣ам̣ уд̣̇д̇хажжанийваран̣зна нийваран̣ан̃жзва нийваран̣асамбаяуд̇д̇ан̃жаа’’д̇иаад̣̇и вуд̇д̇ам̣. д̇зна згасмим̣язва жид̇д̇уббаад̣̇з уд̣̇д̇хажжанийваран̣ам̣ уббаж̇ж̇ад̇ийд̇и аг̇г̇ахзд̇ваа ад̇хиббааяо маг̇г̇ид̇аб̣б̣од̇и.
Keci pana ‘‘uddhaccasahagateti sāmaññena sabbaṃ uddhaccaṃ ‘uddhacca’nti gahetvā tena sahagate cittuppāde’’ti vadanti, ayaṃ panattho na bahumato dvādasamacittuppādassa viya sabbākusalacittuppādānaṃ uddhaccena anupalakkhitattā, sati ca upalakkhitatte ‘‘aṭṭhasu lobhasahagatesū’’tiādīsu viya aññesaṃ cittuppādānaṃ nivattanatthaṃ ‘‘dvādasasu uddhaccasahagatesū’’ti vattabbattā. Uddhaccānupalakkhitattā pana sabbākusalānaṃ avijjānīvaraṇaṃ viya idampi ‘‘sabbākusalesu uppajjatī’’ti vattabbaṃ siyā, na pana vuttaṃ, tasmā vuttanayeneva attho veditabbo. Yasmā ca avijjānīvaraṇaṃ viya uddhaccanīvaraṇañca sabbākusalesu uppajjati, tasmā nikkhepakaṇḍe ‘‘kāmacchandanīvaraṇaṃ uddhaccanīvaraṇena nīvaraṇañceva nīvaraṇasampayuttañcā’’tiādi vuttaṃ. Tena ekasmiṃyeva cittuppāde uddhaccanīvaraṇaṃ uppajjatīti aggahetvā adhippāyo maggitabboti.
гилзсаг̇ожчагз лобхаад̣̇ийни д̣̇аса гилзсавад̇т̇ууни иминаа ануггамзна ид̇хзва абхид̇хаммз ааг̇ад̇аани. д̇асмаа ид̇хзва вуд̇д̇асса уд̣̇д̇хажжагилзсасса ад̇д̇анаа саха вуд̇д̇зхи гилзсзхи рахид̇асса висаяависзсо над̇т̇ийд̇и висаяависзсзна багаасанам̣ агад̇ваа ‘‘уд̣̇д̇хажжан̃жа ахириган̃жа анод̇д̇аббан̃жа саб̣б̣аагусалзсу уббаж̇ж̇ад̇ий’’д̇и вуд̇д̇ам̣. гилзсаа жзва сам̣гилидтабад̣̇анид̣̇д̣̇зсз яасмаа сам̣гилидтабад̣̇ам̣ гилзсасамбаяуд̇д̇абад̣̇зна асамаанад̇т̇ам̣ гзвалам̣ малзна убад̇аабид̇ад̇ам̣ виб̣аад̇хид̇ад̇ан̃жа д̣̇ийбзд̇и , д̇асмаа гилзсаа жзва гилзсасамбаяуд̇д̇абад̣̇анид̣̇д̣̇зсзна самаанам̣ нид̣̇д̣̇зсам̣ агад̇ваа ‘‘д̇зва гилзсаа гилзсаа жзва сам̣гилидтаа жаа’’д̇и вуд̇д̇ам̣.
Kilesagocchake lobhādīni dasa kilesavatthūni iminā anukkamena idheva abhidhamme āgatāni. Tasmā idheva vuttassa uddhaccakilesassa attanā saha vuttehi kilesehi rahitassa visayaviseso natthīti visayavisesena pakāsanaṃ akatvā ‘‘uddhaccañca ahirikañca anottappañca sabbākusalesu uppajjatī’’ti vuttaṃ. Kilesā ceva saṃkiliṭṭhapadaniddese yasmā saṃkiliṭṭhapadaṃ kilesasampayuttapadena asamānatthaṃ kevalaṃ malena upatāpitataṃ vibādhitatañca dīpeti , tasmā kilesā ceva kilesasampayuttapadaniddesena samānaṃ niddesaṃ akatvā ‘‘teva kilesā kilesā ceva saṃkiliṭṭhā cā’’ti vuttaṃ.
1577. д̣̇вз д̇аяо гилзсаад̇и зд̇т̇а ‘‘д̣̇вз д̇аяод̇и хзд̇уг̇ожчагаад̣̇ийсу вуд̇д̇аад̇хигааравасзна рул̣хияаа вуд̇д̇а’’нд̇и гзжи вад̣̇анд̇и. яад̣̇и ад̇т̇ам̣ анабзгкид̇ваа рул̣хияаа вужжзяяа, г̇ант̇аг̇ожчагз жа ‘‘яад̇т̇а д̣̇вз д̇аяо г̇ант̇аа згад̇о уббаж̇ж̇анд̇ий’’д̇и вад̇д̇аб̣б̣ам̣ сияаа. яан̃жа вад̣̇анд̇и ‘‘яад̇т̇а д̣̇вз д̇аяо ан̃н̃зхи згад̇о уббаж̇ж̇анд̇ийд̇и имассад̇т̇асса самбхавад̇о згад̇о-сад̣̇д̣̇о гилзсаг̇ожчагз саад̇т̇аго, на хзд̇уг̇ожчагаад̣̇ийсу д̇зна винааби ад̇хиббааяавиж̇аананад̇о’’д̇и, д̇амби на, хзд̇уг̇ожчагаад̣̇ийсуби наанаауббад̇д̇ияам̣ хзд̇уу жзва хзд̇усамбаяуд̇д̇аад̣̇иг̇г̇ахан̣анивааран̣ад̇т̇ад̇д̇аа згад̇о-сад̣̇д̣̇асса, д̇асмаа рул̣хийанвад̇т̇агат̇ааробанан̃жа важ̇ж̇зд̇ваа яат̇аавуд̇д̇знзва наязна ад̇т̇о взд̣̇ид̇аб̣б̣од̇и. лобхо чад̇хаад̇иаад̣̇инаа лобхабадигхамохаанам̣ ан̃н̃зхи згад̇о уббад̇д̇ид̣̇ассанзнзва д̇зсамби лобхаад̣̇ийхи згад̇о уббад̇д̇и д̣̇ассид̇аад̇и взд̣̇ид̇аб̣б̣аа. сзсам̣ уд̇д̇аанад̇т̇амзваад̇и.
1577. Dve tayo kilesāti ettha ‘‘dve tayoti hetugocchakādīsu vuttādhikāravasena ruḷhiyā vutta’’nti keci vadanti. Yadi atthaṃ anapekkhitvā ruḷhiyā vucceyya, ganthagocchake ca ‘‘yattha dve tayo ganthā ekato uppajjantī’’ti vattabbaṃ siyā. Yañca vadanti ‘‘yattha dve tayo aññehi ekato uppajjantīti imassatthassa sambhavato ekato-saddo kilesagocchake sātthako, na hetugocchakādīsu tena vināpi adhippāyavijānanato’’ti, tampi na, hetugocchakādīsupi nānāuppattiyaṃ hetū ceva hetusampayuttādiggahaṇanivāraṇatthattā ekato-saddassa, tasmā ruḷhīanvatthakathāropanañca vajjetvā yathāvutteneva nayena attho veditabboti. Lobho chadhātiādinā lobhapaṭighamohānaṃ aññehi ekato uppattidassaneneva tesampi lobhādīhi ekato uppatti dassitāti veditabbā. Sesaṃ uttānatthamevāti.
адтагат̇ааган̣д̣аван̣н̣анаа нидтид̇аа.
Aṭṭhakathākaṇḍavaṇṇanā niṭṭhitā.
жад̇д̇аари жа сахассаани, буна д̇ийн̣и сад̇аани жа;
Cattāri ca sahassāni, puna tīṇi satāni ca;
адтасаалинияаа зд̇з, бад̣̇аа лийнад̇т̇аж̇од̇агаа.
Aṭṭhasāliniyā ete, padā līnatthajotakā.
д̇хаммамид̇д̇од̇и наамзна, саггажжам̣ абхияаажид̇о;
Dhammamittoti nāmena, sakkaccaṃ abhiyācito;
аананд̣̇оид̇и наамзна, гад̇аа г̇ант̇аа суб̣уд̣̇д̇хинаад̇и.
Ānandoiti nāmena, katā ganthā subuddhināti.
ид̇и адтасаалинияаа лийнад̇т̇абад̣̇аван̣н̣анаа
Iti aṭṭhasāliniyā līnatthapadavaṇṇanā
д̇хаммасан̇г̇ан̣ий-мууладийгаа самад̇д̇аа.
Dhammasaṅgaṇī-mūlaṭīkā samattā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇угаад̇т̇уд̣̇д̇хааро • Dukaatthuddhāro
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̣̇угаад̇т̇уд̣̇д̇хаараван̣н̣анаа • Dukaatthuddhāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇угаад̇т̇уд̣̇д̇хаараван̣н̣анаа • Dukaatthuddhāravaṇṇanā
