| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā |
ਦੁਕਅਤ੍ਥੁਦ੍ਧਾਰવਣ੍ਣਨਾ
Dukaatthuddhāravaṇṇanā
੧੪੭੩. ਅਞ੍ਞਥਾਤਿ વੁਤ੍ਤਪ੍ਪਕਾਰਸ੍ਸ ਦਸ੍ਸਨੇ। વੁਤ੍ਤਪ੍ਪਕਾਰਸ੍ਸ ਦਸ੍ਸਨਤੋ ਏવ ਹਿ ਅਟ੍ਠਕਥਾਯਂ ਸਸਙ੍ਖਾਰਿਕਾਨਂ ਥਿਨਮਿਦ੍ਧવਿਰਹੇ ਅਸਙ੍ਖਾਰਿਕਸਦਿਸੀ ਯੋਜਨਾ ਨ ਦਸ੍ਸਿਤਾ। ਭવਰਾਗਾਦੀਸੂਤਿ ਭવਰਾਗਮੂਲਿਕਾਦੀਸੁ ਯੋਜਨਾਸੁ।
1473. Aññathāti vuttappakārassa dassane. Vuttappakārassa dassanato eva hi aṭṭhakathāyaṃ sasaṅkhārikānaṃ thinamiddhavirahe asaṅkhārikasadisī yojanā na dassitā. Bhavarāgādīsūti bhavarāgamūlikādīsu yojanāsu.
੧੫੧੧. ਦ੍વੇਤਿ ਉਦ੍ਧਚ੍ਚਾવਿਜ੍ਜਾਨੀવਰਣਾਨਿ। ਤੀਣੀਤਿ ਕਾਮਚ੍ਛਨ੍ਦਬ੍ਯਾਪਾਦવਿਚਿਕਿਚ੍ਛਾਸੁ ਏਕੇਕੇਨ ਉਦ੍ਧਚ੍ਚਾવਿਜ੍ਜਾਨੀવਰਣਾਨਿ। ਦ੍વੇ વਾ ਤੀਣਿ વਾਤਿ ਪਾਲ਼ਿਯਂ વਾ-ਸਦ੍ਦਸ੍ਸ ਲੁਤ੍ਤਨਿਦ੍ਦਿਟ੍ਠਤਂ ਆਹ। ਅਥ વਾ ਨਿਪਾਤਸਦ੍ਦਸਨ੍ਨਿਧਾਨੇਪਿ ਨਾਮਪਦਾਦੀਹਿ ਏવ ਸਮੁਚ੍ਚਯਾਦਿਅਤ੍ਥੋ વੁਚ੍ਚਤਿ, ਨ ਨਿਪਾਤਪਦੇਹਿ ਤੇਸਂ ਅવਾਚਕਤ੍ਤਾਤਿ ਅਨ੍ਤਰੇਨਪਿ ਨਿਪਾਤਪਦਂ ਅਯਮਤ੍ਥੋ ਲਬ੍ਭਤਿ। ਤਥਾ વਚਨਿਚ੍ਛਾਯ ਸਮ੍ਭવੋ ਏવ ਹੇਤ੍ਥ ਪਮਾਣਨ੍ਤਿ ਪਾਲ਼ਿਯਂ ‘‘ਦ੍વੇ ਤੀਣੀ’’ਤਿ વੁਤ੍ਤਂ। ਯਤ੍ਥ ਸਹੁਪ੍ਪਤ੍ਤੀਤਿਆਦਿਨਾ ‘‘ਦ੍વੇ ਤੀਣੀ’’ਤਿ ਲਕ੍ਖਣવਚਨਨ੍ਤਿ ਸਬ੍ਬਸਾਧਾਰਣਮਤ੍ਥਮਾਹ। ਤਥਾ ਹਿ ‘‘ਏવਞ੍ਚ ਕਤ੍વਾ ਕਿਲੇਸਗੋਚ੍ਛਕੇ ਚਾ’’ਤਿ વੁਤ੍ਤਂ। ਤਸ੍ਸਾਯਮਧਿਪ੍ਪਾਯੋ – ਕਿਲੇਸਦ੍વਯਸਹਿਤਸ੍ਸੇવ ਚਿਤ੍ਤੁਪ੍ਪਾਦਸ੍ਸ ਅਭਾવੇਪਿ ਪਾਲ਼ਿਯਂ ਦ੍વਿਗ੍ਗਹਣਂ ਕਤਂ, ਕਿਲੇਸਾਨਞ੍ਚ ਸਮ੍ਭવਨ੍ਤਾਨਂ ਸਬ੍ਬੇਸਂ ਸਰੂਪੇਨ ਗਹਣਂ ਨ ਕਤਨ੍ਤਿ ਦ੍વੇ ਤਯੋਤਿ ਲਕ੍ਖਣਕਰਣਨ੍ਤਿ વਿਞ੍ਞਾਯਤੀਤਿ।
1511. Dveti uddhaccāvijjānīvaraṇāni. Tīṇīti kāmacchandabyāpādavicikicchāsu ekekena uddhaccāvijjānīvaraṇāni. Dve vā tīṇi vāti pāḷiyaṃ vā-saddassa luttaniddiṭṭhataṃ āha. Atha vā nipātasaddasannidhānepi nāmapadādīhi eva samuccayādiattho vuccati, na nipātapadehi tesaṃ avācakattāti antarenapi nipātapadaṃ ayamattho labbhati. Tathā vacanicchāya sambhavo eva hettha pamāṇanti pāḷiyaṃ ‘‘dve tīṇī’’ti vuttaṃ. Yatthasahuppattītiādinā ‘‘dve tīṇī’’ti lakkhaṇavacananti sabbasādhāraṇamatthamāha. Tathā hi ‘‘evañca katvā kilesagocchake cā’’ti vuttaṃ. Tassāyamadhippāyo – kilesadvayasahitasseva cittuppādassa abhāvepi pāḷiyaṃ dviggahaṇaṃ kataṃ, kilesānañca sambhavantānaṃ sabbesaṃ sarūpena gahaṇaṃ na katanti dve tayoti lakkhaṇakaraṇanti viññāyatīti.
ਯਦਿ ਸਬ੍ਬਾਕੁਸਲੇ ਉਪ੍ਪਜ੍ਜਨਕਸ੍ਸਪਿ ਉਦ੍ਧਚ੍ਚਸ੍ਸ ਏਕੋ ਏવ ਚਿਤ੍ਤੁਪ੍ਪਾਦੋ વਿਸਯਭਾવੇਨ વੁਚ੍ਚਤਿ, ਅવਿਜ੍ਜਾਨੀવਰਣਸ੍ਸਪਿ ਤਥਾ વਤ੍ਤਬ੍ਬਨ੍ਤਿ ਅਧਿਪ੍ਪਾਯੇਨ ‘‘ਕਸ੍ਮਾ વੁਤ੍ਤ’’ਨ੍ਤਿਆਦਿਨਾ ਚੋਦੇਤਿ। ਇਤਰੋ ਉਦ੍ਧਚ੍ਚਨੀવਰਣਸ੍ਸੇવ ਤਥਾ વਤ੍ਤਬ੍ਬਤਂ ਅવਿਜ੍ਜਾਨੀવਰਣਸ੍ਸ ਤਥਾ વਤ੍ਤਬ੍ਬਤਾਭਾવਞ੍ਚ ਦਸ੍ਸੇਤੁਂ ‘‘ਸੁਤ੍ਤਨ੍ਤੇ’’ਤਿਆਦਿਮਾਹ। ਤਤ੍ਥ ਸੁਤ੍ਤਨ੍ਤੇ વੁਤ੍ਤੇਸੁ ਪਞ੍ਚਸੁ ਨੀવਰਣੇਸੂਤਿ ਉਦ੍ਧਚ੍ਚਸਹਗਤੇ ਉਦ੍ਧਚ੍ਚਸ੍ਸ ਅવਿਜ੍ਜਾਨੀવਰਣੇਨ ਨੀવਰਣਸਹਿਤਤਂ ਆਸਙ੍ਕਿਤ੍વਾ વੁਤ੍ਤਂ। ਨਨੁ ਚ ਸੁਤ੍ਤਨ੍ਤੇਪਿ ‘‘ਅવਿਜ੍ਜਾਨੀવਰਣਾਨਂ ਸਤ੍ਤਾਨ’’ਨ੍ਤਿਆਦੀਸੁ (ਸਂ॰ ਨਿ॰ ੨.੧੨੪) ਅવਿਜ੍ਜਾ ‘‘ਨੀવਰਣ’’ਨ੍ਤਿ વੁਤ੍ਤਾਤਿ? ਸਚ੍ਚਮੇਤਂ, ਝਾਨਙ੍ਗਾਨਂ ਪਟਿਪਕ੍ਖਭਾવੇਨ ਪਨ ਸੁਤ੍ਤਨ੍ਤੇ ਬਹੁਲਂ ਕਾਮਚ੍ਛਨ੍ਦਾਦਯੋ ਪਞ੍ਚੇવ ਨੀવਰਣਾਨਿ વੁਤ੍ਤਾਨੀਤਿ ਯੇਭੁਯ੍ਯવੁਤ੍ਤਿવਸੇਨ ਏਤਂ વੁਤ੍ਤਨ੍ਤਿ ਦਟ੍ਠਬ੍ਬਂ।
Yadi sabbākusale uppajjanakassapi uddhaccassa eko eva cittuppādo visayabhāvena vuccati, avijjānīvaraṇassapi tathā vattabbanti adhippāyena ‘‘kasmā vutta’’ntiādinā codeti. Itaro uddhaccanīvaraṇasseva tathā vattabbataṃ avijjānīvaraṇassa tathā vattabbatābhāvañca dassetuṃ ‘‘suttante’’tiādimāha. Tattha suttante vuttesu pañcasu nīvaraṇesūti uddhaccasahagate uddhaccassa avijjānīvaraṇena nīvaraṇasahitataṃ āsaṅkitvā vuttaṃ. Nanu ca suttantepi ‘‘avijjānīvaraṇānaṃ sattāna’’ntiādīsu (saṃ. ni. 2.124) avijjā ‘‘nīvaraṇa’’nti vuttāti? Saccametaṃ, jhānaṅgānaṃ paṭipakkhabhāvena pana suttante bahulaṃ kāmacchandādayo pañceva nīvaraṇāni vuttānīti yebhuyyavuttivasena etaṃ vuttanti daṭṭhabbaṃ.
ਕੇਚਿ ਪਨ ‘‘ਯਥਾ ਨਿਕ੍ਖੇਪਕਣ੍ਡੇ ਕੁਸਲਪਟਿਪਕ੍ਖਭੂਤਾਨਿ ਦੁਬ੍ਬਲਾਨਿਪਿ ਨੀવਰਣਾਨਿ ਪਟ੍ਠਾਨੇ વਿਯ ਦਸ੍ਸਿਤਾਨਿ। ਤਥਾ ਹਿ ਪਟ੍ਠਾਨੇ (ਪਟ੍ਠਾ॰ ੩.੮.੧) ‘ਨੀવਰਣਂ ਧਮ੍ਮਂ ਪਟਿਚ੍ਚ ਨੀવਰਣੋ ਧਮ੍ਮੋ ਉਪ੍ਪਜ੍ਜਤਿ ਨ ਪੁਰੇਜਾਤਪਚ੍ਚਯਾ। ਅਰੂਪੇ ਕਾਮਚ੍ਛਨ੍ਦਨੀવਰਣਂ ਪਟਿਚ੍ਚ ਥਿਨਮਿਦ੍ਧਨੀવਰਣਂ ਉਦ੍ਧਚ੍ਚਨੀવਰਣ’ਨ੍ਤਿਆਦਿ વੁਤ੍ਤਂ, ਨ ਏવਂ ਅਟ੍ਠਕਥਾਕਣ੍ਡੇ। ਅਟ੍ਠਕਥਾਕਣ੍ਡੇ ਪਨ ਝਾਨਪਟਿਪਕ੍ਖਭੂਤਾਨਿਯੇવ ਨੀવਰਣਾਨਿ ਨਿਦ੍ਦਿਟ੍ਠਾਨੀਤਿ ‘ਉਦ੍ਧਚ੍ਚਨੀવਰਣਂ ਉਦ੍ਧਚ੍ਚਸਹਗਤੇ ਚਿਤ੍ਤੁਪ੍ਪਾਦੇ ਉਪ੍ਪਜ੍ਜਤੀ’ਤਿ વੁਤ੍ਤਂ। ਅਟ੍ਠਕਥਾਯਂ ਪਨ ਉਦ੍ਧਚ੍ਚਨੀવਰਣਸ੍ਸ ਕਾਮਚ੍ਛਨ੍ਦਾਦੀਹਿ ਏਕਤੋ ਉਪ੍ਪਤ੍ਤਿਦਸ੍ਸਨਂ ਨਿਕ੍ਖੇਪਕਣ੍ਡਾਨੁਸਾਰੇਨ ਕਤਂ ਏਕਤੋ ਉਪ੍ਪਤ੍ਤਿਯਾ ਪਭੇਦਦਸ੍ਸਨਤ੍ਥਂ। ਤਤ੍ਥ ਹਿ ਪਾਲ਼ਿਯਂਯੇવ ਤਾਨਿ વਿਤ੍ਥਾਰਤੋ વੁਤ੍ਤਾਨੀ’’ਤਿ વਦਨ੍ਤਿ। ਅਯਞ੍ਚ વਾਦੋ ‘‘ਉਦ੍ਧਚ੍ਚਨੀવਰਣਂ ਉਦ੍ਧਚ੍ਚਸਹਗਤੇ ਚਿਤ੍ਤੁਪ੍ਪਾਦੇ ਉਪ੍ਪਜ੍ਜਤੀ’’ਤਿ ਇਦਮੇવ વਚਨਂ ਞਾਪਕਨ੍ਤਿ ਕਤ੍વਾ વੁਤ੍ਤੋ। ਅਞ੍ਞਥਾ ਅવਿਜ੍ਜਾਨੀવਰਣਂ વਿਯ વਤ੍ਤਬ੍ਬਂ ਸਿਯਾ। ਨ ਤਿ ਇਤੋ ਅਞ੍ਞਂ ਪਰਿਯੁਟ੍ਠਾਨਪਟ੍ਠਾਯੀਨਿਯੇવ ਨੀવਰਣਾਨਿ ਅਤ੍ਥੁਦ੍ਧਾਰਕਣ੍ਡੇ ਅਧਿਪ੍ਪੇਤਾਨੀਤਿ ਇਮਸ੍ਸ ਅਤ੍ਥਸ੍ਸ ਸਾਧਕਂ વਚਨਂ ਅਤ੍ਥਿ, ਇਦਂ વਚਨਂ ਦ੍વੇਤੀਣਿવਚਨਸ੍ਸ ਸਾਮਞ੍ਞੇਨ ਸਬ੍ਬਨੀવਰਣਸਙ੍ਗਾਹਕਤ੍ਤਾ ਯਥਾવੁਤ੍ਤવਚਨਸ੍ਸ વਿਸਯવਿਸੇਸਪ੍ਪਕਾਸਨਸਙ੍ਖਾਤੇਨ ਪਯੋਜਨਨ੍ਤਰੇਨ વੁਤ੍ਤਭਾવਸ੍ਸ ਦਸ੍ਸਿਤਤ੍ਤਾ ਚ ਞਾਪਕਂ ਨ ਭવਤੀਤਿ ਦਿਸ੍ਸਤਿ, ਤਸ੍ਮਾ વਿਚਾਰੇਤ੍વਾ ਗਹੇਤਬ੍ਬਂ।
Keci pana ‘‘yathā nikkhepakaṇḍe kusalapaṭipakkhabhūtāni dubbalānipi nīvaraṇāni paṭṭhāne viya dassitāni. Tathā hi paṭṭhāne (paṭṭhā. 3.8.1) ‘nīvaraṇaṃ dhammaṃ paṭicca nīvaraṇo dhammo uppajjati na purejātapaccayā. Arūpe kāmacchandanīvaraṇaṃ paṭicca thinamiddhanīvaraṇaṃ uddhaccanīvaraṇa’ntiādi vuttaṃ, na evaṃ aṭṭhakathākaṇḍe. Aṭṭhakathākaṇḍe pana jhānapaṭipakkhabhūtāniyeva nīvaraṇāni niddiṭṭhānīti ‘uddhaccanīvaraṇaṃ uddhaccasahagate cittuppāde uppajjatī’ti vuttaṃ. Aṭṭhakathāyaṃ pana uddhaccanīvaraṇassa kāmacchandādīhi ekato uppattidassanaṃ nikkhepakaṇḍānusārena kataṃ ekato uppattiyā pabhedadassanatthaṃ. Tattha hi pāḷiyaṃyeva tāni vitthārato vuttānī’’ti vadanti. Ayañca vādo ‘‘uddhaccanīvaraṇaṃ uddhaccasahagate cittuppāde uppajjatī’’ti idameva vacanaṃ ñāpakanti katvā vutto. Aññathā avijjānīvaraṇaṃ viya vattabbaṃ siyā. Na ti ito aññaṃ pariyuṭṭhānapaṭṭhāyīniyeva nīvaraṇāni atthuddhārakaṇḍe adhippetānīti imassa atthassa sādhakaṃ vacanaṃ atthi, idaṃ vacanaṃ dvetīṇivacanassa sāmaññena sabbanīvaraṇasaṅgāhakattā yathāvuttavacanassa visayavisesappakāsanasaṅkhātena payojanantarena vuttabhāvassa dassitattā ca ñāpakaṃ na bhavatīti dissati, tasmā vicāretvā gahetabbaṃ.
ਅਗ੍ਗਹੇਤ੍વਾਤਿ ਯਥਾਰੁਤવਸੇਨੇવ ਅਤ੍ਥਂ ਅਗ੍ਗਹੇਤ੍વਾ ਯਥਾ ਨਿਕ੍ਖੇਪਕਣ੍ਡਪਟ੍ਠਾਨਾਦੀਹਿ ਨ ਇਮਿਸ੍ਸਾ ਪਾਲ਼ਿਯਾ વਿਰੋਧੋ ਹੋਤਿ, ਏવਂ ਅਧਿਪ੍ਪਾਯੋ ਗવੇਸਿਤਬ੍ਬੋਤਿ ਯਥਾવੁਤ੍ਤਮੇવਤ੍ਥਂ ਨਿਗਮੇਤਿ।
Aggahetvāti yathārutavaseneva atthaṃ aggahetvā yathā nikkhepakaṇḍapaṭṭhānādīhi na imissā pāḷiyā virodho hoti, evaṃ adhippāyo gavesitabboti yathāvuttamevatthaṃ nigameti.
੧੫੭੭. ਤੇਸਨ੍ਤਿ ਲੋਭਾਦਿਤੋ ਅਞ੍ਞੇਸਂ। ਦਸ੍ਸਿਤਾਤਿ ਕਥਂ ਦਸ੍ਸਿਤਾ? ਮਾਨੋ ਤਾવ ਲੋਭਮੋਹਉਦ੍ਧਚ੍ਚਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਥਿਨਉਦ੍ਧਚ੍ਚਅਹਿਰਿਕਾਨੋਤ੍ਤਪ੍ਪੇਹਿ, ਤਥਾ ਦਿਟ੍ਠਿ, વਿਚਿਕਿਚ੍ਛਾ ਮੋਹਉਦ੍ਧਚ੍ਚਅਹਿਰਿਕਾਨੋਤ੍ਤਪ੍ਪੇਹਿ, ਥਿਨਂ ਲੋਭਮੋਹਦਿਟ੍ਠਿਉਦ੍ਧਚ੍ਚਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਮਾਨਉਦ੍ਧਚ੍ਚਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਉਦ੍ਧਚ੍ਚਅਹਿਰਿਕਾਨੋਤ੍ਤਪ੍ਪੇਹਿ, ਦੋਸਮੋਹਉਦ੍ਧਚ੍ਚਅਹਿਰਿਕਾਨੋਤ੍ਤਪ੍ਪੇਹਿ, ਉਦ੍ਧਚ੍ਚਂ ਲੋਭਮੋਹਦਿਟ੍ਠਿਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਦਿਟ੍ਠਿਥਿਨਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਮਾਨਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਮਾਨਥਿਨਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਥਿਨਅਹਿਰਿਕਾਨੋਤ੍ਤਪ੍ਪੇਹਿ, ਲੋਭਮੋਹਅਹਿਰਿਕਾਨੋਤ੍ਤਪ੍ਪੇਹਿ, ਦੋਸਮੋਹਅਹਿਰਿਕਾਨੋਤ੍ਤਪ੍ਪੇਹਿ, ਦੋਸਮੋਹਥਿਨਅਹਿਰਿਕਾਨੋਤ੍ਤਪ੍ਪੇਹਿ, ਮੋਹવਿਚਿਕਿਚ੍ਛਾਅਹਿਰਿਕਾਨੋਤ੍ਤਪ੍ਪੇਹਿ, ਮੋਹਅਹਿਰਿਕਾਨੋਤ੍ਤਪ੍ਪੇਹਿ ਏਕਤੋ ਉਪ੍ਪਜ੍ਜਤਿ।
1577. Tesanti lobhādito aññesaṃ. Dassitāti kathaṃ dassitā? Māno tāva lobhamohauddhaccaahirikānottappehi, lobhamohathinauddhaccaahirikānottappehi, tathā diṭṭhi, vicikicchā mohauddhaccaahirikānottappehi, thinaṃ lobhamohadiṭṭhiuddhaccaahirikānottappehi, lobhamohamānauddhaccaahirikānottappehi, lobhamohauddhaccaahirikānottappehi, dosamohauddhaccaahirikānottappehi, uddhaccaṃ lobhamohadiṭṭhiahirikānottappehi, lobhamohadiṭṭhithinaahirikānottappehi, lobhamohamānaahirikānottappehi, lobhamohamānathinaahirikānottappehi, lobhamohathinaahirikānottappehi, lobhamohaahirikānottappehi, dosamohaahirikānottappehi, dosamohathinaahirikānottappehi, mohavicikicchāahirikānottappehi, mohaahirikānottappehi ekato uppajjati.
ਯਥਾ ਚ ਉਦ੍ਧਚ੍ਚਂ, ਏવਂ ਅਹਿਰਿਕਾਨੋਤ੍ਤਪ੍ਪਾਨਿ ਚ ਯੋਜੇਤ੍વਾ વੇਦਿਤਬ੍ਬਾਨਿ। ਕਥਂ? ਅਹਿਰਿਕਂ ਲੋਭਮੋਹਦਿਟ੍ਠਿਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਲੋਭਮੋਹਦਿਟ੍ਠਿਥਿਨਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਲੋਭਮੋਹਮਾਨਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਲੋਭਮੋਹਮਾਨਥਿਨਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਲੋਭਮੋਹਥਿਨਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਲੋਭਮੋਹਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਦੋਸਮੋਹਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਦੋਸਮੋਹਥਿਨਉਦ੍ਧਚ੍ਚਾਨੋਤ੍ਤਪ੍ਪੇਹਿ, ਮੋਹવਿਚਿਕਿਚ੍ਛਾਉਦ੍ਧਚ੍ਚਾਨੋਤ੍ਤਪ੍ਪੇਹਿ , ਮੋਹਉਦ੍ਧਚ੍ਚਾਨੋਤ੍ਤਪ੍ਪੇਹਿ ਚ ਏਕਤੋ ਉਪ੍ਪਜ੍ਜਤਿ। ਅਨੋਤ੍ਤਪ੍ਪਂ ਲੋਭਮੋਹਦਿਟ੍ਠਿਉਦ੍ਧਚ੍ਚਾਹਿਰਿਕੇਹਿ, ਲੋਭਮੋਹਦਿਟ੍ਠਿਥਿਨਉਦ੍ਧਚ੍ਚਾਹਿਰਿਕੇਹਿ, ਲੋਭਮੋਹਮਾਨਉਦ੍ਧਚ੍ਚਾਹਿਰਿਕੇਹਿ, ਲੋਭਮੋਹਮਾਨਥਿਨਉਦ੍ਧਚ੍ਚਾਹਿਰਿਕੇਹਿ, ਲੋਭਮੋਹਥਿਨਉਦ੍ਧਚ੍ਚਾਹਿਰਿਕੇਹਿ, ਲੋਭਮੋਹਉਦ੍ਧਚ੍ਚਾਹਿਰਿਕੇਹਿ, ਦੋਸਮੋਹਉਦ੍ਧਚ੍ਚਾਹਿਰਿਕੇਹਿ, ਦੋਸਮੋਹਥਿਨਉਦ੍ਧਚ੍ਚਾਹਿਰਿਕੇਹਿ, ਮੋਹવਿਚਿਕਿਚ੍ਛਾਉਦ੍ਧਚ੍ਚਾਹਿਰਿਕੇਹਿ , ਮੋਹਉਦ੍ਧਚ੍ਚਾਹਿਰਿਕੇਹਿ ਚ ਏਕਤੋ ਉਪ੍ਪਜ੍ਜਤੀਤਿ ਏવਮੇਤ੍ਥ ਮਾਨਾਦੀਨਮ੍ਪਿ ਏਕਤੋ ਉਪ੍ਪਤ੍ਤਿ વੇਦਿਤਬ੍ਬਾ। ਸੇਸਂ ਉਤ੍ਤਾਨਤ੍ਥਮੇવ।
Yathā ca uddhaccaṃ, evaṃ ahirikānottappāni ca yojetvā veditabbāni. Kathaṃ? Ahirikaṃ lobhamohadiṭṭhiuddhaccānottappehi, lobhamohadiṭṭhithinauddhaccānottappehi, lobhamohamānauddhaccānottappehi, lobhamohamānathinauddhaccānottappehi, lobhamohathinauddhaccānottappehi, lobhamohauddhaccānottappehi, dosamohauddhaccānottappehi, dosamohathinauddhaccānottappehi, mohavicikicchāuddhaccānottappehi , mohauddhaccānottappehi ca ekato uppajjati. Anottappaṃ lobhamohadiṭṭhiuddhaccāhirikehi, lobhamohadiṭṭhithinauddhaccāhirikehi, lobhamohamānauddhaccāhirikehi, lobhamohamānathinauddhaccāhirikehi, lobhamohathinauddhaccāhirikehi, lobhamohauddhaccāhirikehi, dosamohauddhaccāhirikehi, dosamohathinauddhaccāhirikehi, mohavicikicchāuddhaccāhirikehi , mohauddhaccāhirikehi ca ekato uppajjatīti evamettha mānādīnampi ekato uppatti veditabbā. Sesaṃ uttānatthameva.
ਅਟ੍ਠਕਥਾਕਣ੍ਡવਣ੍ਣਨਾ ਨਿਟ੍ਠਿਤਾ।
Aṭṭhakathākaṇḍavaṇṇanā niṭṭhitā.
ਇਤਿ ਧਮ੍ਮਸਙ੍ਗਣੀਮੂਲਟੀਕਾਯ ਲੀਨਤ੍ਥਪਦવਣ੍ਣਨਾ
Iti dhammasaṅgaṇīmūlaṭīkāya līnatthapadavaṇṇanā
ਧਮ੍ਮਸਙ੍ਗਣੀ-ਅਨੁਟੀਕਾ ਸਮਤ੍ਤਾ।
Dhammasaṅgaṇī-anuṭīkā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਦੁਕਅਤ੍ਥੁਦ੍ਧਾਰੋ • Dukaatthuddhāro
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā / ਦੁਕਅਤ੍ਥੁਦ੍ਧਾਰવਣ੍ਣਨਾ • Dukaatthuddhāravaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā / ਦੁਕਅਤ੍ਥੁਦ੍ਧਾਰવਣ੍ਣਨਾ • Dukaatthuddhāravaṇṇanā
