| Library / Tipiṭaka / திபிடக • Tipiṭaka / த⁴ம்மஸங்க³ணீபாளி • Dhammasaṅgaṇīpāḷi |
து³கஅத்து²த்³தா⁴ரோ
Dukaatthuddhāro
ஹேதுகொ³ச்ச²கங்
Hetugocchakaṃ
1441. கதமே த⁴ம்மா ஹேதூ? தயோ குஸலஹேதூ, தயோ அகுஸலஹேதூ, தயோ அப்³யாகதஹேதூ. அலோபோ⁴ குஸலஹேது, அதோ³ஸோ குஸலஹேது, சதூஸு பூ⁴மீஸு குஸலேஸு உப்பஜ்ஜந்தி. அமோஹோ குஸலஹேது, காமாவசரகுஸலதோ சத்தாரோ ஞாணவிப்பயுத்தே சித்துப்பாதே³ ட²பெத்வா, சதூஸு பூ⁴மீஸு குஸலேஸு உப்பஜ்ஜதி.
1441. Katame dhammā hetū? Tayo kusalahetū, tayo akusalahetū, tayo abyākatahetū. Alobho kusalahetu, adoso kusalahetu, catūsu bhūmīsu kusalesu uppajjanti. Amoho kusalahetu, kāmāvacarakusalato cattāro ñāṇavippayutte cittuppāde ṭhapetvā, catūsu bhūmīsu kusalesu uppajjati.
லோபோ⁴ அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. தோ³ஸோ த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. மோஹோ ஸப்³பா³குஸலேஸு உப்பஜ்ஜதி.
Lobho aṭṭhasu lobhasahagatesu cittuppādesu uppajjati. Doso dvīsu domanassasahagatesu cittuppādesu uppajjati. Moho sabbākusalesu uppajjati.
அலோபோ⁴ விபாகஹேது அதோ³ஸோ விபாகஹேது, காமாவசரஸ்ஸ விபாகதோ அஹேதுகே சித்துப்பாதே³ ட²பெத்வா, சதூஸு பூ⁴மீஸு விபாகேஸு உப்பஜ்ஜந்தி. அமோஹோ விபாகஹேது, காமாவசரஸ்ஸ விபாகதோ அஹேதுகே சித்துப்பாதே³ ட²பெத்வா, சத்தாரோ ஞாணவிப்பயுத்தே சித்துப்பாதே³ ட²பெத்வா, சதூஸு பூ⁴மீஸு விபாகேஸு உப்பஜ்ஜதி.
Alobho vipākahetu adoso vipākahetu, kāmāvacarassa vipākato ahetuke cittuppāde ṭhapetvā, catūsu bhūmīsu vipākesu uppajjanti. Amoho vipākahetu, kāmāvacarassa vipākato ahetuke cittuppāde ṭhapetvā, cattāro ñāṇavippayutte cittuppāde ṭhapetvā, catūsu bhūmīsu vipākesu uppajjati.
அலோபோ⁴ கிரியஹேது அதோ³ஸோ கிரியஹேது, காமாவசரகிரியதோ அஹேதுகே சித்துப்பாதே³ ட²பெத்வா, தீஸு பூ⁴மீஸு கிரியேஸு உப்பஜ்ஜந்தி . அமோஹோ கிரியஹேது, காமாவசரகிரியதோ அஹேதுகே சித்துப்பாதே³ ட²பெத்வா, சத்தாரோ ஞாணவிப்பயுத்தே சித்துப்பாதே³ ட²பெத்வா, தீஸு பூ⁴மீஸு கிரியேஸு உப்பஜ்ஜதி – இமே த⁴ம்மா ஹேதூ.
Alobho kiriyahetu adoso kiriyahetu, kāmāvacarakiriyato ahetuke cittuppāde ṭhapetvā, tīsu bhūmīsu kiriyesu uppajjanti . Amoho kiriyahetu, kāmāvacarakiriyato ahetuke cittuppāde ṭhapetvā, cattāro ñāṇavippayutte cittuppāde ṭhapetvā, tīsu bhūmīsu kiriyesu uppajjati – ime dhammā hetū.
1442. கதமே த⁴ம்மா ந ஹேதூ? ட²பெத்வா ஹேதூ, சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா ந ஹேதூ.
1442. Katame dhammā na hetū? Ṭhapetvā hetū, catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na hetū.
1443. கதமே த⁴ம்மா ஸஹேதுகா? விசிகிச்சா²ஸஹக³தங் உத்³த⁴ச்சஸஹக³தங் மோஹங் ட²பெத்வா அவஸேஸங் அகுஸலங், சதூஸு பூ⁴மீஸு குஸலங், காமாவசரஸ்ஸ விபாகதோ அஹேதுகே சித்துப்பாதே³ ட²பெத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பெத்வா தீஸு பூ⁴மீஸு கிரியாப்³யாகதங் – இமே த⁴ம்மா ஸஹேதுகா.
1443. Katame dhammā sahetukā? Vicikicchāsahagataṃ uddhaccasahagataṃ mohaṃ ṭhapetvā avasesaṃ akusalaṃ, catūsu bhūmīsu kusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ – ime dhammā sahetukā.
1444. கதமே த⁴ம்மா அஹேதுகா? விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, த்³வேபஞ்சவிஞ்ஞாணானி, திஸ்ஸோ ச மனோதா⁴துயோ, பஞ்ச ச அஹேதுகமனோவிஞ்ஞாணதா⁴துயோ, ரூபஞ்ச, நிப்³பா³னஞ்ச – இமே த⁴ம்மா அஹேதுகா.
1444. Katame dhammā ahetukā? Vicikicchāsahagato moho, uddhaccasahagato moho, dvepañcaviññāṇāni, tisso ca manodhātuyo, pañca ca ahetukamanoviññāṇadhātuyo, rūpañca, nibbānañca – ime dhammā ahetukā.
1445. கதமே த⁴ம்மா ஹேதுஸம்பயுத்தா? விசிகிச்சா²ஸஹக³தங் உத்³த⁴ச்சஸஹக³தங் மோஹங் ட²பெத்வா அவஸேஸங் அகுஸலங், சதூஸு பூ⁴மீஸு குஸலங், காமாவசரஸ்ஸ விபாகதோ அஹேதுகே சித்துப்பாதே³ ட²பெத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பெத்வா தீஸு பூ⁴மீஸு கிரியாப்³யாகதங் – இமே த⁴ம்மா ஹேதுஸம்பயுத்தா.
1445. Katame dhammā hetusampayuttā? Vicikicchāsahagataṃ uddhaccasahagataṃ mohaṃ ṭhapetvā avasesaṃ akusalaṃ, catūsu bhūmīsu kusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ – ime dhammā hetusampayuttā.
1446. கதமே த⁴ம்மா ஹேதுவிப்பயுத்தா? விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, த்³வேபஞ்சவிஞ்ஞாணானி திஸ்ஸோ ச மனோதா⁴துயோ பஞ்ச ச அஹேதுகமனோவிஞ்ஞாணதா⁴துயோ, ரூபஞ்ச, நிப்³பா³னஞ்ச – இமே த⁴ம்மா ஹேதுவிப்பயுத்தா.
1446. Katame dhammā hetuvippayuttā? Vicikicchāsahagato moho, uddhaccasahagato moho, dvepañcaviññāṇāni tisso ca manodhātuyo pañca ca ahetukamanoviññāṇadhātuyo, rūpañca, nibbānañca – ime dhammā hetuvippayuttā.
1447. கதமே த⁴ம்மா ஹேதூ சேவ ஸஹேதுகா ச? யத்த² த்³வே தயோ ஹேதூ ஏகதோ உப்பஜ்ஜந்தி – இமே த⁴ம்மா ஹேதூ சேவ ஸஹேதுகா ச.
1447. Katame dhammā hetū ceva sahetukā ca? Yattha dve tayo hetū ekato uppajjanti – ime dhammā hetū ceva sahetukā ca.
1448. கதமே த⁴ம்மா ஸஹேதுகா சேவ ந ச ஹேதூ? சதூஸு பூ⁴மீஸு குஸலங், அகுஸலங், காமாவசரஸ்ஸ விபாகதோ அஹேதுகே சித்துப்பாதே³ ட²பெத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பெத்வா தீஸு பூ⁴மீஸு கிரியாப்³யாகதங், எத்து²ப்பன்னே ஹேதூ ட²பெத்வா – இமே த⁴ம்மா ஸஹேதுகா சேவ ந ச ஹேதூ. அஹேதுகா த⁴ம்மா ந வத்தப்³பா³ – ஹேதூ சேவ ஸஹேதுகா சாதிபி, ஸஹேதுகா சேவ ந ச ஹேதூதிபி.
1448. Katame dhammā sahetukā ceva na ca hetū? Catūsu bhūmīsu kusalaṃ, akusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ, etthuppanne hetū ṭhapetvā – ime dhammā sahetukā ceva na ca hetū. Ahetukā dhammā na vattabbā – hetū ceva sahetukā cātipi, sahetukā ceva na ca hetūtipi.
1449. கதமே த⁴ம்மா ஹேதூ சேவ ஹேதுஸம்பயுத்தா ச? யத்த² த்³வே தயோ ஹேதூ ஏகதோ உப்பஜ்ஜந்தி – இமே த⁴ம்மா ஹேதூ சேவ ஹேதுஸம்பயுத்தா ச.
1449. Katame dhammā hetū ceva hetusampayuttā ca? Yattha dve tayo hetū ekato uppajjanti – ime dhammā hetū ceva hetusampayuttā ca.
1450. கதமே த⁴ம்மா ஹேதுஸம்பயுத்தா சேவ ந ச ஹேதூ? சதூஸு பூ⁴மீஸு குஸலங், அகுஸலங், காமாவசரஸ்ஸ விபாகதோ அஹேதுகே சித்துப்பாதே³ ட²பெத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பெத்வா தீஸு பூ⁴மீஸு கிரியாப்³யாகதங், எத்து²ப்பன்னே ஹேதூ ட²பெத்வா – இமே த⁴ம்மா ஹேதுஸம்பயுத்தா சேவ ந ச ஹேதூ. ஹேதுவிப்பயுத்தா த⁴ம்மா ந வத்தப்³பா³ – ஹேதூ சேவ ஹேதுஸம்பயுத்தா சாதிபி, ஹேதுஸம்பயுத்தா சேவ ந ச ஹேதூதிபி.
1450. Katame dhammā hetusampayuttā ceva na ca hetū? Catūsu bhūmīsu kusalaṃ, akusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ, etthuppanne hetū ṭhapetvā – ime dhammā hetusampayuttā ceva na ca hetū. Hetuvippayuttā dhammā na vattabbā – hetū ceva hetusampayuttā cātipi, hetusampayuttā ceva na ca hetūtipi.
1451. கதமே த⁴ம்மா ந ஹேதூ ஸஹேதுகா? சதூஸு பூ⁴மீஸு குஸலங், அகுஸலங், காமாவசரஸ்ஸ விபாகதோ அஹேதுகே சித்துப்பாதே³ ட²பெத்வா சதூஸு பூ⁴மீஸு விபாகோ, காமாவசரகிரியதோ அஹேதுகே சித்துப்பாதே³ ட²பெத்வா தீஸு பூ⁴மீஸு கிரியாப்³யாகதங், எத்து²ப்பன்னே ஹேதூ ட²பெத்வா – இமே த⁴ம்மா ந ஹேதூ ஸஹேதுகா.
1451. Katame dhammā na hetū sahetukā? Catūsu bhūmīsu kusalaṃ, akusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ, etthuppanne hetū ṭhapetvā – ime dhammā na hetū sahetukā.
1452. கதமே த⁴ம்மா ந ஹேதூ அஹேதுகா? த்³வேபஞ்சவிஞ்ஞாணானி, திஸ்ஸோ ச மனோதா⁴துயோ, பஞ்ச ச அஹேதுகமனோவிஞ்ஞாணதா⁴துயோ, ரூபஞ்ச, நிப்³பா³னஞ்ச – இமே த⁴ம்மா ந ஹேதூ அஹேதுகா . ஹேதூ த⁴ம்மா ந வத்தப்³பா³ – ந ஹேதூ ஸஹேதுகாதிபி, ந ஹேதூ அஹேதுகாதிபி.
1452. Katame dhammā na hetū ahetukā? Dvepañcaviññāṇāni, tisso ca manodhātuyo, pañca ca ahetukamanoviññāṇadhātuyo, rūpañca, nibbānañca – ime dhammā na hetū ahetukā . Hetū dhammā na vattabbā – na hetū sahetukātipi, na hetū ahetukātipi.
சூளந்தரது³கங்
Cūḷantaradukaṃ
1453. கதமே த⁴ம்மா ஸப்பச்சயா? சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸப்பச்சயா.
1453. Katame dhammā sappaccayā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sappaccayā.
1454. கதமே த⁴ம்மா அப்பச்சயா? நிப்³பா³னங் – இமே த⁴ம்மா அப்பச்சயா.
1454. Katame dhammā appaccayā? Nibbānaṃ – ime dhammā appaccayā.
1455. கதமே த⁴ம்மா ஸங்க²தா? சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸங்க²தா.
1455. Katame dhammā saṅkhatā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṅkhatā.
1456. கதமே த⁴ம்மா அஸங்க²தா? நிப்³பா³னங் – இமே த⁴ம்மா அஸங்க²தா.
1456. Katame dhammā asaṅkhatā? Nibbānaṃ – ime dhammā asaṅkhatā.
1457. கதமே த⁴ம்மா ஸனித³ஸ்ஸனா? ரூபாயதனங் – இமே த⁴ம்மா ஸனித³ஸ்ஸனா.
1457. Katame dhammā sanidassanā? Rūpāyatanaṃ – ime dhammā sanidassanā.
1458. கதமே த⁴ம்மா அனித³ஸ்ஸனா? சக்கா²யதனங் …பே॰… பொ²ட்ட²ப்³பா³யதனங், சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், யஞ்ச ரூபங் அனித³ஸ்ஸனங் அப்படிக⁴ங் த⁴ம்மாயதனபரியாபன்னங், நிப்³பா³னஞ்ச – இமே த⁴ம்மா அனித³ஸ்ஸனா.
1458. Katame dhammā anidassanā? Cakkhāyatanaṃ …pe… phoṭṭhabbāyatanaṃ, catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, yañca rūpaṃ anidassanaṃ appaṭighaṃ dhammāyatanapariyāpannaṃ, nibbānañca – ime dhammā anidassanā.
1459. கதமே த⁴ம்மா ஸப்படிகா⁴? சக்கா²யதனங்…பே॰… பொ²ட்ட²ப்³பா³யதனங் – இமே த⁴ம்மா ஸப்படிகா⁴.
1459. Katame dhammā sappaṭighā? Cakkhāyatanaṃ…pe… phoṭṭhabbāyatanaṃ – ime dhammā sappaṭighā.
1460. கதமே த⁴ம்மா அப்படிகா⁴? சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், யஞ்ச ரூபங் அனித³ஸ்ஸனங் அப்படிக⁴ங் த⁴ம்மாயதனபரியாபன்னங், நிப்³பா³னஞ்ச – இமே த⁴ம்மா அப்படிகா⁴.
1460. Katame dhammā appaṭighā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, yañca rūpaṃ anidassanaṃ appaṭighaṃ dhammāyatanapariyāpannaṃ, nibbānañca – ime dhammā appaṭighā.
1461. கதமே த⁴ம்மா ரூபினோ? சத்தாரோ ச மஹாபூ⁴தா, சதுன்னஞ்ச மஹாபூ⁴தானங் உபாதா³ய ரூபங் – இமே த⁴ம்மா ரூபினோ.
1461. Katame dhammā rūpino? Cattāro ca mahābhūtā, catunnañca mahābhūtānaṃ upādāya rūpaṃ – ime dhammā rūpino.
1462. கதமே த⁴ம்மா அரூபினோ? சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், நிப்³பா³னஞ்ச – இமே த⁴ம்மா அரூபினோ.
1462. Katame dhammā arūpino? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, nibbānañca – ime dhammā arūpino.
1463. கதமே த⁴ம்மா லோகியா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா லோகியா.
1463. Katame dhammā lokiyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā lokiyā.
1464. கதமே த⁴ம்மா லோகுத்தரா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா லோகுத்தரா. ஸப்³பே³ 1 த⁴ம்மா கேனசி விஞ்ஞெய்யா, கேனசி ந விஞ்ஞெய்யா.
1464. Katame dhammā lokuttarā? Cattāro maggā apariyāpannā, cattāri ca sāmaññaphalāni, nibbānañca – ime dhammā lokuttarā. Sabbe 2 dhammā kenaci viññeyyā, kenaci na viññeyyā.
ஆஸவகொ³ச்ச²கங்
Āsavagocchakaṃ
1465. கதமே த⁴ம்மா ஆஸவா? சத்தாரோ ஆஸவா – காமாஸவோ, ப⁴வாஸவோ, தி³ட்டா²ஸவோ, அவிஜ்ஜாஸவோ. காமாஸவோ அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி ப⁴வாஸவோ சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி தி³ட்டா²ஸவோ சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. அவிஜ்ஜாஸவோ ஸப்³பா³குஸலேஸு உப்பஜ்ஜதி – இமே த⁴ம்மா ஆஸவா.
1465. Katame dhammā āsavā? Cattāro āsavā – kāmāsavo, bhavāsavo, diṭṭhāsavo, avijjāsavo. Kāmāsavo aṭṭhasu lobhasahagatesu cittuppādesu uppajjati bhavāsavo catūsu diṭṭhigatavippayuttalobhasahagatesu cittuppādesu uppajjati diṭṭhāsavo catūsu diṭṭhigatasampayuttesu cittuppādesu uppajjati. Avijjāsavo sabbākusalesu uppajjati – ime dhammā āsavā.
1466. கதமே த⁴ம்மா நோ ஆஸவா? ட²பெத்வா ஆஸவே அவஸேஸங் அகுஸலங், சதூஸு பூ⁴மீஸு குஸலங் , சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நோ ஆஸவா.
1466. Katame dhammā no āsavā? Ṭhapetvā āsave avasesaṃ akusalaṃ, catūsu bhūmīsu kusalaṃ , catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no āsavā.
1467. கதமே த⁴ம்மா ஸாஸவா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸாஸவா.
1467. Katame dhammā sāsavā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sāsavā.
1468. கதமே த⁴ம்மா அனாஸவா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனாஸவா.
1468. Katame dhammā anāsavā? Cattāro maggā apariyāpannā, cattāri ca sāmaññaphalāni, nibbānañca – ime dhammā anāsavā.
1469. கதமே த⁴ம்மா ஆஸவஸம்பயுத்தா? த்³வே தோ³மனஸ்ஸஸஹக³தசித்துப்பாதா³ எத்து²ப்பன்னங் மோஹங் ட²பெத்வா, விசிகிச்சா²ஸஹக³தங் உத்³த⁴ச்சஸஹக³தங் மோஹங் ட²பெத்வா, அவஸேஸங் அகுஸலங் – இமே த⁴ம்மா ஆஸவஸம்பயுத்தா.
1469. Katame dhammā āsavasampayuttā? Dve domanassasahagatacittuppādā etthuppannaṃ mohaṃ ṭhapetvā, vicikicchāsahagataṃ uddhaccasahagataṃ mohaṃ ṭhapetvā, avasesaṃ akusalaṃ – ime dhammā āsavasampayuttā.
1470. கதமே த⁴ம்மா ஆஸவவிப்பயுத்தா? த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னோ மோஹோ, விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா ஆஸவவிப்பயுத்தா.
1470. Katame dhammā āsavavippayuttā? Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā āsavavippayuttā.
1471. கதமே த⁴ம்மா ஆஸவா சேவ ஸாஸவா ச? தேவ ஆஸவா ஆஸவா சேவ ஸாஸவா ச.
1471. Katame dhammā āsavā ceva sāsavā ca? Teva āsavā āsavā ceva sāsavā ca.
1472. கதமே த⁴ம்மா ஸாஸவா சேவ நோ ச ஆஸவா? ட²பெத்வா ஆஸவே, அவஸேஸங் அகுஸலங், தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸாஸவா சேவ நோ ச ஆஸவா. அனாஸவா த⁴ம்மா ந வத்தப்³பா³ – ஆஸவா சேவ ஸாஸவா சாதிபி, ஸாஸவா சேவ நோ ச ஆஸவாதிபி.
1472. Katame dhammā sāsavā ceva no ca āsavā? Ṭhapetvā āsave, avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sāsavā ceva no ca āsavā. Anāsavā dhammā na vattabbā – āsavā ceva sāsavā cātipi, sāsavā ceva no ca āsavātipi.
1473. கதமே த⁴ம்மா ஆஸவா சேவ ஆஸவஸம்பயுத்தா ச? யத்த² த்³வே தயோ ஆஸவா ஏகதோ உப்பஜ்ஜந்தி – இமே த⁴ம்மா ஆஸவா சேவ ஆஸவஸம்பயுத்தா ச.
1473. Katame dhammā āsavā ceva āsavasampayuttā ca? Yattha dve tayo āsavā ekato uppajjanti – ime dhammā āsavā ceva āsavasampayuttā ca.
1474. கதமே த⁴ம்மா ஆஸவஸம்பயுத்தா சேவ நோ ச ஆஸவா? ட²பெத்வா ஆஸவே, அவஸேஸங் அகுஸலங் – இமே த⁴ம்மா ஆஸவஸம்பயுத்தா சேவ நோ ச ஆஸவா. ஆஸவவிப்பயுத்தா த⁴ம்மா ந வத்தப்³பா³ – ஆஸவா சேவ ஆஸவஸம்பயுத்தா சாதிபி, ஆஸவஸம்பயுத்தா சேவ நோ ச ஆஸவாதிபி.
1474. Katame dhammā āsavasampayuttā ceva no ca āsavā? Ṭhapetvā āsave, avasesaṃ akusalaṃ – ime dhammā āsavasampayuttā ceva no ca āsavā. Āsavavippayuttā dhammā na vattabbā – āsavā ceva āsavasampayuttā cātipi, āsavasampayuttā ceva no ca āsavātipi.
1475. கதமே த⁴ம்மா ஆஸவவிப்பயுத்தா ஸாஸவா? த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னோ மோஹோ, விசிகிச்சா²ஸஹக³தோ மோஹோ, உத்³த⁴ச்சஸஹக³தோ மோஹோ, தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஆஸவவிப்பயுத்தா ஸாஸவா.
1475. Katame dhammā āsavavippayuttā sāsavā? Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā āsavavippayuttā sāsavā.
1476. கதமே த⁴ம்மா ஆஸவவிப்பயுத்தா அனாஸவா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா ஆஸவவிப்பயுத்தா அனாஸவா. ஆஸவஸம்பயுத்தா த⁴ம்மா ந வத்தப்³பா³ – ஆஸவவிப்பயுத்தா ஸாஸவாதிபி, ஆஸவவிப்பயுத்தா அனாஸவாதிபி.
1476. Katame dhammā āsavavippayuttā anāsavā? Cattāro maggā apariyāpannā, cattāri ca sāmaññaphalāni, nibbānañca – ime dhammā āsavavippayuttā anāsavā. Āsavasampayuttā dhammā na vattabbā – āsavavippayuttā sāsavātipi, āsavavippayuttā anāsavātipi.
ஸங்யோஜனகொ³ச்ச²கங்
Saṃyojanagocchakaṃ
1477. கதமே த⁴ம்மா ஸங்யோஜனா? த³ஸ ஸங்யோஜனானி – காமராக³ஸங்யோஜனங், படிக⁴ஸங்யோஜனங், மானஸங்யோஜனங், தி³ட்டி²ஸங்யோஜனங், விசிகிச்சா²ஸங்யோஜனங், ஸீலப்³ப³தபராமாஸஸங்யோஜனங், ப⁴வராக³ஸங்யோஜனங், இஸ்ஸாஸங்யோஜனங், மச்ச²ரியஸங்யோஜனங், அவிஜ்ஜாஸங்யோஜனங். காமராக³ஸங்யோஜனங் அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. படிக⁴ஸங்யோஜனங் த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. மானஸங்யோஜனங் சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி. தி³ட்டி²ஸங்யோஜனங் சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. விசிகிச்சா²ஸங்யோஜனங் விசிகிச்சா²ஸஹக³தேஸு சித்துப்பாதே³ஸு உப்பஜ்ஜதி. ஸீலப்³ப³தபராமாஸஸங்யோஜனங் சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. ப⁴வராக³ஸங்யோஜனங் சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி. இஸ்ஸாஸங்யோஜனஞ்ச மச்ச²ரியஸங்யோஜனஞ்ச த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜந்தி. அவிஜ்ஜாஸங்யோஜனங் ஸப்³பா³குஸலேஸு உப்பஜ்ஜதி – இமே த⁴ம்மா ஸங்யோஜனா.
1477. Katame dhammā saṃyojanā? Dasa saṃyojanāni – kāmarāgasaṃyojanaṃ, paṭighasaṃyojanaṃ, mānasaṃyojanaṃ, diṭṭhisaṃyojanaṃ, vicikicchāsaṃyojanaṃ, sīlabbataparāmāsasaṃyojanaṃ, bhavarāgasaṃyojanaṃ, issāsaṃyojanaṃ, macchariyasaṃyojanaṃ, avijjāsaṃyojanaṃ. Kāmarāgasaṃyojanaṃ aṭṭhasu lobhasahagatesu cittuppādesu uppajjati. Paṭighasaṃyojanaṃ dvīsu domanassasahagatesu cittuppādesu uppajjati. Mānasaṃyojanaṃ catūsu diṭṭhigatavippayuttalobhasahagatesu cittuppādesu uppajjati. Diṭṭhisaṃyojanaṃ catūsu diṭṭhigatasampayuttesu cittuppādesu uppajjati. Vicikicchāsaṃyojanaṃ vicikicchāsahagatesu cittuppādesu uppajjati. Sīlabbataparāmāsasaṃyojanaṃ catūsu diṭṭhigatasampayuttesu cittuppādesu uppajjati. Bhavarāgasaṃyojanaṃ catūsu diṭṭhigatavippayuttalobhasahagatesu cittuppādesu uppajjati. Issāsaṃyojanañca macchariyasaṃyojanañca dvīsu domanassasahagatesu cittuppādesu uppajjanti. Avijjāsaṃyojanaṃ sabbākusalesu uppajjati – ime dhammā saṃyojanā.
1478. கதமே த⁴ம்மா நோ ஸங்யோஜனா. ட²பெத்வா ஸங்யோஜனே அவஸேஸங் அகுஸலங், சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நோ ஸங்யோஜனா.
1478. Katame dhammā no saṃyojanā. Ṭhapetvā saṃyojane avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no saṃyojanā.
1479. கதமே த⁴ம்மா ஸங்யோஜனியா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸங்யோஜனியா.
1479. Katame dhammā saṃyojaniyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃyojaniyā.
1480. கதமே த⁴ம்மா அஸங்யோஜனியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அஸங்யோஜனியா.
1480. Katame dhammā asaṃyojaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā asaṃyojaniyā.
1481. கதமே த⁴ம்மா ஸங்யோஜனஸம்பயுத்தா? உத்³த⁴ச்சஸஹக³தங் மோஹங் ட²பெத்வா அவஸேஸங் அகுஸலங் – இமே த⁴ம்மா ஸங்யோஜனஸம்பயுத்தா.
1481. Katame dhammā saṃyojanasampayuttā? Uddhaccasahagataṃ mohaṃ ṭhapetvā avasesaṃ akusalaṃ – ime dhammā saṃyojanasampayuttā.
1482. கதமே த⁴ம்மா ஸங்யோஜனவிப்பயுத்தா? உத்³த⁴ச்சஸஹக³தோ மோஹோ, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா ஸங்யோஜனவிப்பயுத்தா.
1482. Katame dhammā saṃyojanavippayuttā? Uddhaccasahagato moho, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā saṃyojanavippayuttā.
1483. கதமே த⁴ம்மா ஸங்யோஜனா சேவ ஸங்யோஜனியா ச? தானேவ ஸங்யோஜனானி ஸங்யோஜனா சேவ ஸங்யோஜனியா ச.
1483. Katame dhammā saṃyojanā ceva saṃyojaniyā ca? Tāneva saṃyojanāni saṃyojanā ceva saṃyojaniyā ca.
1484. கதமே த⁴ம்மா ஸங்யோஜனியா சேவ நோ ச ஸங்யோஜனா? ட²பெத்வா ஸங்யோஜனே அவஸேஸங் அகுஸலங், தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸங்யோஜனியா சேவ நோ ச ஸங்யோஜனா. அஸங்யோஜனியா த⁴ம்மா ந வத்தப்³பா³ – ஸங்யோஜனா சேவ ஸங்யோஜனியா சாதிபி, ஸங்யோஜனியா சேவ நோ ச ஸங்யோஜனாதிபி.
1484. Katame dhammā saṃyojaniyā ceva no ca saṃyojanā? Ṭhapetvā saṃyojane avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃyojaniyā ceva no ca saṃyojanā. Asaṃyojaniyā dhammā na vattabbā – saṃyojanā ceva saṃyojaniyā cātipi, saṃyojaniyā ceva no ca saṃyojanātipi.
1485. கதமே த⁴ம்மா ஸங்யோஜனா சேவ ஸங்யோஜனஸம்பயுத்தா ச? யத்த² த்³வே தீணி ஸங்யோஜனானி ஏகதோ உப்பஜ்ஜந்தி – இமே த⁴ம்மா ஸங்யோஜனா சேவ ஸங்யோஜனஸம்பயுத்தா ச.
1485. Katame dhammā saṃyojanā ceva saṃyojanasampayuttā ca? Yattha dve tīṇi saṃyojanāni ekato uppajjanti – ime dhammā saṃyojanā ceva saṃyojanasampayuttā ca.
1486. கதமே த⁴ம்மா ஸங்யோஜனஸம்பயுத்தா சேவ நோ ச ஸங்யோஜனா? ட²பெத்வா ஸங்யோஜனே, அவஸேஸங் அகுஸலங் – இமே த⁴ம்மா ஸங்யோஜனஸம்பயுத்தா சேவ நோ ச ஸங்யோஜனா. ஸங்யோஜனவிப்பயுத்தா த⁴ம்மா ந வத்தப்³பா³ – ஸங்யோஜனா சேவ ஸங்யோஜனஸம்பயுத்தா சாதிபி, ஸங்யோஜனஸம்பயுத்தா சேவ நோ ச ஸங்யோஜனாதிபி.
1486. Katame dhammā saṃyojanasampayuttā ceva no ca saṃyojanā? Ṭhapetvā saṃyojane, avasesaṃ akusalaṃ – ime dhammā saṃyojanasampayuttā ceva no ca saṃyojanā. Saṃyojanavippayuttā dhammā na vattabbā – saṃyojanā ceva saṃyojanasampayuttā cātipi, saṃyojanasampayuttā ceva no ca saṃyojanātipi.
1487. கதமே த⁴ம்மா ஸங்யோஜனவிப்பயுத்தா ஸங்யோஜனியா? உத்³த⁴ச்சஸஹக³தோ மோஹோ, தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸங்யோஜனவிப்பயுத்தா ஸங்யோஜனியா.
1487. Katame dhammā saṃyojanavippayuttā saṃyojaniyā? Uddhaccasahagato moho, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃyojanavippayuttā saṃyojaniyā.
1488. கதமே த⁴ம்மா ஸங்யோஜனவிப்பயுத்தா அஸங்யோஜனியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா ஸங்யோஜனவிப்பயுத்தா அஸங்யோஜனியா. ஸங்யோஜனஸம்பயுத்தா த⁴ம்மா ந வத்தப்³பா³ – ஸங்யோஜனவிப்பயுத்தா ஸங்யோஜனியாதிபி, ஸங்யோஜனவிப்பயுத்தா அஸங்யோஜனியாதிபி.
1488. Katame dhammā saṃyojanavippayuttā asaṃyojaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā saṃyojanavippayuttā asaṃyojaniyā. Saṃyojanasampayuttā dhammā na vattabbā – saṃyojanavippayuttā saṃyojaniyātipi, saṃyojanavippayuttā asaṃyojaniyātipi.
க³ந்த²கொ³ச்ச²கங்
Ganthagocchakaṃ
1489. கதமே த⁴ம்மா க³ந்தா²? சத்தாரோ க³ந்தா² – அபி⁴ஜ்ஜா²காயக³ந்தோ², ப்³யாபாதோ³ காயக³ந்தோ², ஸீலப்³ப³தபராமாஸோ காயக³ந்தோ², இத³ங்ஸச்சாபி⁴னிவேஸோ காயக³ந்தோ². அபி⁴ஜ்ஜா²காயக³ந்தோ² அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. ப்³யாபாதோ³ காயக³ந்தோ² த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. ஸீலப்³ப³தபராமாஸோ காயக³ந்தோ² ச இத³ங்ஸச்சாபி⁴னிவேஸோ காயக³ந்தோ² ச சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜந்தி – இமே த⁴ம்மா க³ந்தா².
1489. Katame dhammā ganthā? Cattāro ganthā – abhijjhākāyagantho, byāpādo kāyagantho, sīlabbataparāmāso kāyagantho, idaṃsaccābhiniveso kāyagantho. Abhijjhākāyagantho aṭṭhasu lobhasahagatesu cittuppādesu uppajjati. Byāpādo kāyagantho dvīsu domanassasahagatesu cittuppādesu uppajjati. Sīlabbataparāmāso kāyagantho ca idaṃsaccābhiniveso kāyagantho ca catūsu diṭṭhigatasampayuttesu cittuppādesu uppajjanti – ime dhammā ganthā.
1490. கதமே த⁴ம்மா நோ க³ந்தா²? ட²பெத்வா க³ந்தே², அவஸேஸங் அகுஸலங், சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நோ க³ந்தா².
1490. Katame dhammā no ganthā? Ṭhapetvā ganthe, avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no ganthā.
1491. கதமே த⁴ம்மா க³ந்த²னியா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா க³ந்த²னியா.
1491. Katame dhammā ganthaniyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā ganthaniyā.
1492. கதமே த⁴ம்மா அக³ந்த²னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அக³ந்த²னியா.
1492. Katame dhammā aganthaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā aganthaniyā.
1493. கதமே த⁴ம்மா க³ந்த²ஸம்பயுத்தா? சத்தாரோ தி³ட்டி²க³தஸம்பயுத்தசித்துப்பாதா³ , சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, எத்து²ப்பன்னங் லோப⁴ங் ட²பெத்வா, த்³வே தோ³மனஸ்ஸஸஹக³தசித்துப்பாதா³, எத்து²ப்பன்னங் படிக⁴ங் ட²பெத்வா – இமே த⁴ம்மா க³ந்த²ஸம்பயுத்தா.
1493. Katame dhammā ganthasampayuttā? Cattāro diṭṭhigatasampayuttacittuppādā , cattāro diṭṭhigatavippayuttalobhasahagatacittuppādā, etthuppannaṃ lobhaṃ ṭhapetvā, dve domanassasahagatacittuppādā, etthuppannaṃ paṭighaṃ ṭhapetvā – ime dhammā ganthasampayuttā.
1494. கதமே த⁴ம்மா க³ந்த²விப்பயுத்தா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னங் படிக⁴ங், விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா க³ந்த²விப்பயுத்தா.
1494. Katame dhammā ganthavippayuttā? Catūsu diṭṭhigatavippayuttalobhasahagatesu cittuppādesu uppanno lobho, dvīsu domanassasahagatesu cittuppādesu uppannaṃ paṭighaṃ, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā ganthavippayuttā.
1495. கதமே த⁴ம்மா க³ந்தா² சேவ க³ந்த²னியா ச? தேவ க³ந்தா² க³ந்தா² சேவ க³ந்த²னியா ச.
1495. Katame dhammā ganthā ceva ganthaniyā ca? Teva ganthā ganthā ceva ganthaniyā ca.
1496. கதமே த⁴ம்மா க³ந்த²னியா சேவ நோ ச க³ந்தா²? ட²பெத்வா க³ந்தே² அவஸேஸங் அகுஸலங், தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா க³ந்த²னியா சேவ நோ ச க³ந்தா². அக³ந்த²னியா த⁴ம்மா ந வத்தப்³பா³ – க³ந்தா² சேவ க³ந்த²னியா சாதிபி, க³ந்த²னியா சேவ நோ ச க³ந்தா²திபி.
1496. Katame dhammā ganthaniyā ceva no ca ganthā? Ṭhapetvā ganthe avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā ganthaniyā ceva no ca ganthā. Aganthaniyā dhammā na vattabbā – ganthā ceva ganthaniyā cātipi, ganthaniyā ceva no ca ganthātipi.
1497. கதமே த⁴ம்மா க³ந்தா² சேவ க³ந்த²ஸம்பயுத்தா ச? யத்த² தி³ட்டி² ச லோபோ⁴ ச ஏகதோ உப்பஜ்ஜந்தி – இமே த⁴ம்மா க³ந்தா² சேவ க³ந்த²ஸம்பயுத்தா ச.
1497. Katame dhammā ganthā ceva ganthasampayuttā ca? Yattha diṭṭhi ca lobho ca ekato uppajjanti – ime dhammā ganthā ceva ganthasampayuttā ca.
1498. கதமே த⁴ம்மா க³ந்த²ஸம்பயுத்தா சேவ நோ ச க³ந்தா²? அட்ட² லோப⁴ஸஹக³தசித்துப்பாதா³ த்³வே தோ³மனஸ்ஸஸஹக³தசித்துப்பாதா³, எத்து²ப்பன்னே க³ந்தே² ட²பெத்வா – இமே த⁴ம்மா க³ந்த²ஸம்பயுத்தா சேவ நோ ச க³ந்தா². க³ந்த²விப்பயுத்தா த⁴ம்மா ந வத்தப்³பா³ – க³ந்தா² சேவ க³ந்த²ஸம்பயுத்தா சாதிபி, க³ந்த²ஸம்பயுத்தா சேவ நோ ச க³ந்தா²திபி.
1498. Katame dhammā ganthasampayuttā ceva no ca ganthā? Aṭṭha lobhasahagatacittuppādā dve domanassasahagatacittuppādā, etthuppanne ganthe ṭhapetvā – ime dhammā ganthasampayuttā ceva no ca ganthā. Ganthavippayuttā dhammā na vattabbā – ganthā ceva ganthasampayuttā cātipi, ganthasampayuttā ceva no ca ganthātipi.
1499. கதமே த⁴ம்மா க³ந்த²விப்பயுத்தா க³ந்த²னியா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பன்னங் படிக⁴ங், விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா க³ந்த²விப்பயுத்தா க³ந்த²னியா.
1499. Katame dhammā ganthavippayuttā ganthaniyā? Catūsu diṭṭhigatavippayuttalobhasahagatesu cittuppādesu uppanno lobho, dvīsu domanassasahagatesu cittuppādesu uppannaṃ paṭighaṃ, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā ganthavippayuttā ganthaniyā.
1500. கதமே த⁴ம்மா க³ந்த²விப்பயுத்தா அக³ந்த²னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா க³ந்த²விப்பயுத்தா அக³ந்த²னியா. க³ந்த²ஸம்பயுத்தா த⁴ம்மா ந வத்தப்³பா³ – க³ந்த²விப்பயுத்தா க³ந்த²னியாதிபி, க³ந்த²விப்பயுத்தா அக³ந்த²னியாதிபி.
1500. Katame dhammā ganthavippayuttā aganthaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā ganthavippayuttā aganthaniyā. Ganthasampayuttā dhammā na vattabbā – ganthavippayuttā ganthaniyātipi, ganthavippayuttā aganthaniyātipi.
ஓக⁴கொ³ச்ச²கங்
Oghagocchakaṃ
1501. கதமே த⁴ம்மா ஓகா⁴…பே॰….
1501. Katame dhammā oghā…pe….
யோக³கொ³ச்ச²கங்
Yogagocchakaṃ
1502. கதமே த⁴ம்மா யோகா³…பே॰….
1502. Katame dhammā yogā…pe….
நீவரணகொ³ச்ச²கங்
Nīvaraṇagocchakaṃ
1503. கதமே த⁴ம்மா நீவரணா? ச² நீவரணா – காமச்ச²ந்த³னீவரணங், ப்³யாபாத³னீவரணங், தி²னமித்³த⁴னீவரணங், உத்³த⁴ச்சகுக்குச்சனீவரணங், விசிகிச்சா²னீவரணங், அவிஜ்ஜானீவரணங் . காமச்ச²ந்த³னீவரணங் அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி, ப்³யாபாத³னீவரணங் த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி, தி²னமித்³த⁴னீவரணங் ஸஸங்கா²ரிகேஸு அகுஸலேஸு உப்பஜ்ஜதி, உத்³த⁴ச்சனீவரணங் உத்³த⁴ச்சஸஹக³தேஸு சித்துப்பாதே³ஸு உப்பஜ்ஜதி, குக்குச்சனீவரணங் த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி, விசிகிச்சா²னீவரணங் விசிகிச்சா²ஸஹக³தேஸு சித்துப்பாதே³ஸு உப்பஜ்ஜதி, அவிஜ்ஜானீவரணங் ஸப்³பா³குஸலேஸு உப்பஜ்ஜதி – இமே த⁴ம்மா நீவரணா.
1503. Katame dhammā nīvaraṇā? Cha nīvaraṇā – kāmacchandanīvaraṇaṃ, byāpādanīvaraṇaṃ, thinamiddhanīvaraṇaṃ, uddhaccakukkuccanīvaraṇaṃ, vicikicchānīvaraṇaṃ, avijjānīvaraṇaṃ . Kāmacchandanīvaraṇaṃ aṭṭhasu lobhasahagatesu cittuppādesu uppajjati, byāpādanīvaraṇaṃ dvīsu domanassasahagatesu cittuppādesu uppajjati, thinamiddhanīvaraṇaṃ sasaṅkhārikesu akusalesu uppajjati, uddhaccanīvaraṇaṃ uddhaccasahagatesu cittuppādesu uppajjati, kukkuccanīvaraṇaṃ dvīsu domanassasahagatesu cittuppādesu uppajjati, vicikicchānīvaraṇaṃ vicikicchāsahagatesu cittuppādesu uppajjati, avijjānīvaraṇaṃ sabbākusalesu uppajjati – ime dhammā nīvaraṇā.
1504. கதமே த⁴ம்மா நோ நீவரணா? ட²பெத்வா நீவரணே அவஸேஸங் அகுஸலங், சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நோ நீவரணா.
1504. Katame dhammā no nīvaraṇā? Ṭhapetvā nīvaraṇe avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no nīvaraṇā.
1505. கதமே த⁴ம்மா நீவரணியா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா நீவரணியா.
1505. Katame dhammā nīvaraṇiyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā nīvaraṇiyā.
1506. கதமே த⁴ம்மா அனீவரணியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனீவரணியா.
1506. Katame dhammā anīvaraṇiyā? Cattāro maggā apariyāpannā, cattāri ca sāmaññaphalāni, nibbānañca – ime dhammā anīvaraṇiyā.
1507. கதமே த⁴ம்மா நீவரணஸம்பயுத்தா? த்³வாத³ஸ அகுஸலசித்துப்பாதா³ – இமே த⁴ம்மா நீவரணஸம்பயுத்தா.
1507. Katame dhammā nīvaraṇasampayuttā? Dvādasa akusalacittuppādā – ime dhammā nīvaraṇasampayuttā.
1508. கதமே த⁴ம்மா நீவரணவிப்பயுத்தா? சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நீவரணவிப்பயுத்தா.
1508. Katame dhammā nīvaraṇavippayuttā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā nīvaraṇavippayuttā.
1509. கதமே த⁴ம்மா நீவரணா சேவ நீவரணியா ச? தானேவ நீவரணானி நீவரணா சேவ நீவரணியா ச.
1509. Katame dhammā nīvaraṇā ceva nīvaraṇiyā ca? Tāneva nīvaraṇāni nīvaraṇā ceva nīvaraṇiyā ca.
1510. கதமே த⁴ம்மா நீவரணியா சேவ நோ ச நீவரணா? ட²பெத்வா நீவரணே, அவஸேஸங் அகுஸலங், தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா நீவரணியா சேவ நோ ச நீவரணா. அனீவரணியா த⁴ம்மா ந வத்தப்³பா³ – நீவரணா சேவ நீவரணியா சாதிபி, நீவரணியா சேவ நோ ச நீவரணாதிபி.
1510. Katame dhammā nīvaraṇiyā ceva no ca nīvaraṇā? Ṭhapetvā nīvaraṇe, avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā nīvaraṇiyā ceva no ca nīvaraṇā. Anīvaraṇiyā dhammā na vattabbā – nīvaraṇā ceva nīvaraṇiyā cātipi, nīvaraṇiyā ceva no ca nīvaraṇātipi.
1511. கதமே த⁴ம்மா நீவரணா சேவ நீவரணஸம்பயுத்தா ச? யத்த² த்³வே தீணி நீவரணானி ஏகதோ உப்பஜ்ஜந்தி – இமே த⁴ம்மா நீவரணா சேவ நீவரணஸம்பயுத்தா ச.
1511. Katame dhammā nīvaraṇā ceva nīvaraṇasampayuttā ca? Yattha dve tīṇi nīvaraṇāni ekato uppajjanti – ime dhammā nīvaraṇā ceva nīvaraṇasampayuttā ca.
1512. கதமே த⁴ம்மா நீவரணஸம்பயுத்தா சேவ நோ ச நீவரணா? ட²பெத்வா நீவரணே, அவஸேஸங் அகுஸலங் – இமே த⁴ம்மா நீவரணஸம்பயுத்தா சேவ நோ ச நீவரணா. நீவரணவிப்பயுத்தா த⁴ம்மா ந வத்தப்³பா³ – நீவரணா சேவ நீவரணஸம்பயுத்தா சாதிபி, நீவரணஸம்பயுத்தா சேவ நோ ச நீவரணாதிபி.
1512. Katame dhammā nīvaraṇasampayuttā ceva no ca nīvaraṇā? Ṭhapetvā nīvaraṇe, avasesaṃ akusalaṃ – ime dhammā nīvaraṇasampayuttā ceva no ca nīvaraṇā. Nīvaraṇavippayuttā dhammā na vattabbā – nīvaraṇā ceva nīvaraṇasampayuttā cātipi, nīvaraṇasampayuttā ceva no ca nīvaraṇātipi.
1513. கதமே த⁴ம்மா நீவரணவிப்பயுத்தா நீவரணியா? தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா நீவரணவிப்பயுத்தா நீவரணியா.
1513. Katame dhammā nīvaraṇavippayuttā nīvaraṇiyā? Tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā nīvaraṇavippayuttā nīvaraṇiyā.
1514. கதமே த⁴ம்மா நீவரணவிப்பயுத்தா அனீவரணியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா நீவரணவிப்பயுத்தா அனீவரணியா. நீவரணஸம்பயுத்தா த⁴ம்மா ந வத்தப்³பா³ – நீவரணவிப்பயுத்தா நீவரணியாதிபி, நீவரணவிப்பயுத்தா அனீவரணியாதிபி.
1514. Katame dhammā nīvaraṇavippayuttā anīvaraṇiyā? Cattāro maggā apariyāpannā, cattāri ca sāmaññaphalāni, nibbānañca – ime dhammā nīvaraṇavippayuttā anīvaraṇiyā. Nīvaraṇasampayuttā dhammā na vattabbā – nīvaraṇavippayuttā nīvaraṇiyātipi, nīvaraṇavippayuttā anīvaraṇiyātipi.
பராமாஸகொ³ச்ச²கங்
Parāmāsagocchakaṃ
1515. கதமே த⁴ம்மா பராமாஸா? தி³ட்டி²பராமாஸோ சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி – இமே த⁴ம்மா பராமாஸா.
1515. Katame dhammā parāmāsā? Diṭṭhiparāmāso catūsu diṭṭhigatasampayuttesu cittuppādesu uppajjati – ime dhammā parāmāsā.
1516. கதமே த⁴ம்மா நோ பராமாஸா? ட²பெத்வா பராமாஸங் அவஸேஸங் அகுஸலங், சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நோ பராமாஸா.
1516. Katame dhammā no parāmāsā? Ṭhapetvā parāmāsaṃ avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no parāmāsā.
1517. கதமே த⁴ம்மா பராமட்டா²? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா பராமட்டா².
1517. Katame dhammā parāmaṭṭhā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā parāmaṭṭhā.
1518. கதமே த⁴ம்மா அபராமட்டா²? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி நிப்³பா³னஞ்ச – இமே த⁴ம்மா அபராமட்டா².
1518. Katame dhammā aparāmaṭṭhā? Cattāro maggā apariyāpannā, cattāri ca sāmaññaphalāni nibbānañca – ime dhammā aparāmaṭṭhā.
1519. கதமே த⁴ம்மா பராமாஸஸம்பயுத்தா? சத்தாரோ தி³ட்டி²க³தஸம்பயுத்தசித்துப்பாதா³, எத்து²ப்பன்னங் பராமாஸங் ட²பெத்வா – இமே த⁴ம்மா பராமாஸஸம்பயுத்தா.
1519. Katame dhammā parāmāsasampayuttā? Cattāro diṭṭhigatasampayuttacittuppādā, etthuppannaṃ parāmāsaṃ ṭhapetvā – ime dhammā parāmāsasampayuttā.
1520. கதமே த⁴ம்மா பராமாஸவிப்பயுத்தா? சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³ , த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா பராமாஸவிப்பயுத்தா. பராமாஸோ ந வத்தப்³போ³ – பராமாஸஸம்பயுத்தோதிபி, பராமாஸவிப்பயுத்தோதிபி.
1520. Katame dhammā parāmāsavippayuttā? Cattāro diṭṭhigatavippayuttalobhasahagatacittuppādā , dve domanassasahagatacittuppādā, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā parāmāsavippayuttā. Parāmāso na vattabbo – parāmāsasampayuttotipi, parāmāsavippayuttotipi.
1521. கதமே த⁴ம்மா பராமாஸா சேவ பராமட்டா² ச? ஸோ ஏவ பராமாஸோ பராமாஸோ சேவ பராமட்டோ² ச.
1521. Katame dhammā parāmāsā ceva parāmaṭṭhā ca? So eva parāmāso parāmāso ceva parāmaṭṭho ca.
1522. கதமே த⁴ம்மா பராமட்டா² சேவ நோ ச பராமாஸா? ட²பெத்வா பராமாஸங் அவஸேஸங் அகுஸலங், தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா பராமட்டா² சேவ நோ ச பராமாஸா. அபராமட்டா² த⁴ம்மா ந வத்தப்³பா³ – பராமாஸா சேவ பராமட்டா² சாதிபி, பராமட்டா² சேவ நோ ச பராமாஸாதிபி.
1522. Katame dhammā parāmaṭṭhā ceva no ca parāmāsā? Ṭhapetvā parāmāsaṃ avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā parāmaṭṭhā ceva no ca parāmāsā. Aparāmaṭṭhā dhammā na vattabbā – parāmāsā ceva parāmaṭṭhā cātipi, parāmaṭṭhā ceva no ca parāmāsātipi.
1523. கதமே த⁴ம்மா பராமாஸவிப்பயுத்தா பராமட்டா²? சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா பராமாஸவிப்பயுத்தா பராமட்டா².
1523. Katame dhammā parāmāsavippayuttā parāmaṭṭhā? Cattāro diṭṭhigatavippayuttalobhasahagatacittuppādā, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā parāmāsavippayuttā parāmaṭṭhā.
1524. கதமே த⁴ம்மா பராமாஸவிப்பயுத்தா அபராமட்டா²? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா பராமாஸவிப்பயுத்தா அபராமட்டா². பராமாஸா ச பராமாஸஸம்பயுத்தா ச த⁴ம்மா ந வத்தப்³பா³ – பராமாஸவிப்பயுத்தா பராமட்டா²திபி, பராமாஸவிப்பயுத்தா அபராமட்டா²திபி.
1524. Katame dhammā parāmāsavippayuttā aparāmaṭṭhā? Cattāro maggā apariyāpannā, cattāri ca sāmaññaphalāni, nibbānañca – ime dhammā parāmāsavippayuttā aparāmaṭṭhā. Parāmāsā ca parāmāsasampayuttā ca dhammā na vattabbā – parāmāsavippayuttā parāmaṭṭhātipi, parāmāsavippayuttā aparāmaṭṭhātipi.
மஹந்தரது³கங்
Mahantaradukaṃ
1525. கதமே த⁴ம்மா ஸாரம்மணா? சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங் – இமே த⁴ம்மா ஸாரம்மணா.
1525. Katame dhammā sārammaṇā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ – ime dhammā sārammaṇā.
1526. கதமே த⁴ம்மா அனாரம்மணா? ரூபஞ்ச, நிப்³பா³னஞ்ச – இமே த⁴ம்மா அனாரம்மணா.
1526. Katame dhammā anārammaṇā? Rūpañca, nibbānañca – ime dhammā anārammaṇā.
1527. கதமே த⁴ம்மா சித்தா? சக்கு²விஞ்ஞாணங், ஸோதவிஞ்ஞாணங், கா⁴னவிஞ்ஞாணங், ஜிவ்ஹாவிஞ்ஞாணங், காயவிஞ்ஞாணங், மனோதா⁴து, மனோவிஞ்ஞாணதா⁴து – இமே த⁴ம்மா சித்தா.
1527. Katame dhammā cittā? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu – ime dhammā cittā.
1528. கதமே த⁴ம்மா நோ சித்தா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, ரூபஞ்ச, நிப்³பா³னஞ்ச – இமே த⁴ம்மா நோ சித்தா.
1528. Katame dhammā no cittā? Vedanākkhandho, saññākkhandho, saṅkhārakkhandho, rūpañca, nibbānañca – ime dhammā no cittā.
1529. கதமே த⁴ம்மா சேதஸிகா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சேதஸிகா.
1529. Katame dhammā cetasikā? Vedanākkhandho, saññākkhandho, saṅkhārakkhandho – ime dhammā cetasikā.
1530. கதமே த⁴ம்மா அசேதஸிகா? சித்தஞ்ச, ரூபஞ்ச, நிப்³பா³னஞ்ச – இமே த⁴ம்மா அசேதஸிகா.
1530. Katame dhammā acetasikā? Cittañca, rūpañca, nibbānañca – ime dhammā acetasikā.
1531. கதமே த⁴ம்மா சித்தஸம்பயுத்தா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸம்பயுத்தா.
1531. Katame dhammā cittasampayuttā? Vedanākkhandho, saññākkhandho, saṅkhārakkhandho – ime dhammā cittasampayuttā.
1532. கதமே த⁴ம்மா சித்தவிப்பயுத்தா? ரூபஞ்ச, நிப்³பா³னஞ்ச – இமே த⁴ம்மா சித்தவிப்பயுத்தா. சித்தங் ந வத்தப்³ப³ங் – சித்தேன ஸம்பயுத்தந்திபி, சித்தேன விப்பயுத்தந்திபி.
1532. Katame dhammā cittavippayuttā? Rūpañca, nibbānañca – ime dhammā cittavippayuttā. Cittaṃ na vattabbaṃ – cittena sampayuttantipi, cittena vippayuttantipi.
1533. கதமே த⁴ம்மா சித்தஸங்ஸட்டா²? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்டா².
1533. Katame dhammā cittasaṃsaṭṭhā? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhā.
1534. கதமே த⁴ம்மா சித்தவிஸங்ஸட்டா²? ரூபஞ்ச, நிப்³பா³னஞ்ச – இமே த⁴ம்மா சித்தவிஸங்ஸட்டா². சித்தங் ந வத்தப்³ப³ங் – சித்தேன ஸங்ஸட்ட²ந்திபி, சித்தேன விஸங்ஸட்ட²ந்திபி.
1534. Katame dhammā cittavisaṃsaṭṭhā? Rūpañca, nibbānañca – ime dhammā cittavisaṃsaṭṭhā. Cittaṃ na vattabbaṃ – cittena saṃsaṭṭhantipi, cittena visaṃsaṭṭhantipi.
1535. கதமே த⁴ம்மா சித்தஸமுட்டா²னா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி, யங் வா பனஞ்ஞம்பி அத்தி² ரூபங் சித்தஜங் சித்தஹேதுகங் சித்தஸமுட்டா²னங் – ரூபாயதனங் ஸத்³தா³யதனங் க³ந்தா⁴யதனங் ரஸாயதனங் பொ²ட்ட²ப்³பா³யதனங் ஆகாஸதா⁴து ஆபோதா⁴து ரூபஸ்ஸ லஹுதா ரூபஸ்ஸ முது³தா ரூபஸ்ஸ கம்மஞ்ஞதா ரூபஸ்ஸ உபசயோ ரூபஸ்ஸ ஸந்ததி கப³ளீகாரோ ஆஹாரோ – இமே த⁴ம்மா சித்தஸமுட்டா²னா.
1535. Katame dhammā cittasamuṭṭhānā? Vedanākkhandho, saññākkhandho, saṅkhārakkhandho, kāyaviññatti, vacīviññatti, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – ime dhammā cittasamuṭṭhānā.
1536. கதமே த⁴ம்மா நோ சித்தஸமுட்டா²னா? சித்தஞ்ச, அவஸேஸஞ்ச ரூபங், நிப்³பா³னஞ்ச – இமே த⁴ம்மா நோ சித்தஸமுட்டா²னா.
1536. Katame dhammā no cittasamuṭṭhānā? Cittañca, avasesañca rūpaṃ, nibbānañca – ime dhammā no cittasamuṭṭhānā.
1537. கதமே த⁴ம்மா சித்தஸஹபு⁴னோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி – இமே த⁴ம்மா சித்தஸஹபு⁴னோ.
1537. Katame dhammā cittasahabhuno? Vedanākkhandho, saññākkhandho, saṅkhārakkhandho, kāyaviññatti, vacīviññatti – ime dhammā cittasahabhuno.
1538. கதமே த⁴ம்மா நோ சித்தஸஹபு⁴னோ? சித்தஞ்ச, அவஸேஸஞ்ச ரூபங், நிப்³பா³னஞ்ச – இமே த⁴ம்மா நோ சித்தஸஹபு⁴னோ.
1538. Katame dhammā no cittasahabhuno? Cittañca, avasesañca rūpaṃ, nibbānañca – ime dhammā no cittasahabhuno.
1539. கதமே த⁴ம்மா சித்தானுபரிவத்தினோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி – இமே த⁴ம்மா சித்தானுபரிவத்தினோ.
1539. Katame dhammā cittānuparivattino? Vedanākkhandho, saññākkhandho, saṅkhārakkhandho, kāyaviññatti, vacīviññatti – ime dhammā cittānuparivattino.
1540. கதமே த⁴ம்மா நோ சித்தானுபரிவத்தினோ? சித்தஞ்ச, அவஸேஸஞ்ச ரூபங், நிப்³பா³னஞ்ச – இமே த⁴ம்மா நோ சித்தானுபரிவத்தினோ.
1540. Katame dhammā no cittānuparivattino? Cittañca, avasesañca rūpaṃ, nibbānañca – ime dhammā no cittānuparivattino.
1541. கதமே த⁴ம்மா சித்தஸங்ஸட்ட²ஸமுட்டா²னா? வேத³னாக்க²ந்தோ⁴ , ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்ட²ஸமுட்டா²னா.
1541. Katame dhammā cittasaṃsaṭṭhasamuṭṭhānā? Vedanākkhandho , saññākkhandho, saṅkhārakkhandho – ime dhammā cittasaṃsaṭṭhasamuṭṭhānā.
1542. கதமே த⁴ம்மா நோ சித்தஸங்ஸட்ட²ஸமுட்டா²னா? சித்தஞ்ச, ரூபஞ்ச, நிப்³பா³னஞ்ச – இமே த⁴ம்மா நோ சித்தஸங்ஸட்ட²ஸமுட்டா²னா.
1542. Katame dhammā no cittasaṃsaṭṭhasamuṭṭhānā? Cittañca, rūpañca, nibbānañca – ime dhammā no cittasaṃsaṭṭhasamuṭṭhānā.
1543. கதமே த⁴ம்மா சித்தஸங்ஸட்ட²ஸமுட்டா²னஸஹபு⁴னோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்ட²ஸமுட்டா²னஸஹபு⁴னோ.
1543. Katame dhammā cittasaṃsaṭṭhasamuṭṭhānasahabhuno? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhasamuṭṭhānasahabhuno.
1544. கதமே த⁴ம்மா நோ சித்தஸங்ஸட்ட²ஸமுட்டா²னஸஹபு⁴னோ? சித்தஞ்ச, ரூபஞ்ச , நிப்³பா³னஞ்ச – இமே த⁴ம்மா நோ சித்தஸங்ஸட்ட²ஸமுட்டா²னஸஹபு⁴னோ.
1544. Katame dhammā no cittasaṃsaṭṭhasamuṭṭhānasahabhuno? Cittañca, rūpañca , nibbānañca – ime dhammā no cittasaṃsaṭṭhasamuṭṭhānasahabhuno.
1545. கதமே த⁴ம்மா சித்தஸங்ஸட்ட²ஸமுட்டா²னானுபரிவத்தினோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்ட²ஸமுட்டா²னானுபரிவத்தினோ.
1545. Katame dhammā cittasaṃsaṭṭhasamuṭṭhānānuparivattino? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhasamuṭṭhānānuparivattino.
1546. கதமே த⁴ம்மா நோ சித்தஸங்ஸட்ட²ஸமுட்டா²னானுபரிவத்தினோ? சித்தஞ்ச, ரூபஞ்ச, நிப்³பா³னஞ்ச – இமே த⁴ம்மா நோ சித்தஸங்ஸட்ட²ஸமுட்டா²னானுபரிவத்தினோ.
1546. Katame dhammā no cittasaṃsaṭṭhasamuṭṭhānānuparivattino? Cittañca, rūpañca, nibbānañca – ime dhammā no cittasaṃsaṭṭhasamuṭṭhānānuparivattino.
1547. கதமே த⁴ம்மா அஜ்ஜ²த்திகா? சக்கா²யதனங்…பே॰… மனாயதனங் – இமே த⁴ம்மா அஜ்ஜ²த்திகா.
1547. Katame dhammā ajjhattikā? Cakkhāyatanaṃ…pe… manāyatanaṃ – ime dhammā ajjhattikā.
1548. கதமே த⁴ம்மா பா³ஹிரா? ரூபாயதனங்…பே॰… த⁴ம்மாயதனங் – இமே த⁴ம்மா பா³ஹிரா.
1548. Katame dhammā bāhirā? Rūpāyatanaṃ…pe… dhammāyatanaṃ – ime dhammā bāhirā.
1549. கதமே த⁴ம்மா உபாதா³? சக்கா²யதனங்…பே॰… கப³ளீகாரோ ஆஹாரோ – இமே த⁴ம்மா உபாதா³.
1549. Katame dhammā upādā? Cakkhāyatanaṃ…pe… kabaḷīkāro āhāro – ime dhammā upādā.
1550. கதமே த⁴ம்மா நோ உபாதா³? சதூஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், சத்தாரோ ச மஹாபூ⁴தா, நிப்³பா³னஞ்ச – இமே த⁴ம்மா நோ உபாதா³.
1550. Katame dhammā no upādā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, cattāro ca mahābhūtā, nibbānañca – ime dhammā no upādā.
1551. கதமே த⁴ம்மா உபாதி³ண்ணா? தீஸு பூ⁴மீஸு விபாகோ, யஞ்ச ரூபங் கம்மஸ்ஸ கதத்தா – இமே த⁴ம்மா உபாதி³ண்ணா.
1551. Katame dhammā upādiṇṇā? Tīsu bhūmīsu vipāko, yañca rūpaṃ kammassa katattā – ime dhammā upādiṇṇā.
1552. கதமே த⁴ம்மா அனுபாதி³ண்ணா? தீஸு பூ⁴மீஸு குஸலங், அகுஸலங், தீஸு பூ⁴மீஸு கிரியாப்³யாகதங், யஞ்ச ரூபங் ந கம்மஸ்ஸ கதத்தா, சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனுபாதி³ண்ணா.
1552. Katame dhammā anupādiṇṇā? Tīsu bhūmīsu kusalaṃ, akusalaṃ, tīsu bhūmīsu kiriyābyākataṃ, yañca rūpaṃ na kammassa katattā, cattāro maggā apariyāpannā, cattāri ca sāmaññaphalāni, nibbānañca – ime dhammā anupādiṇṇā.
உபாதா³னகொ³ச்ச²கங்
Upādānagocchakaṃ
1553. கதமே த⁴ம்மா உபாதா³னா? சத்தாரி உபாதா³னானி – காமுபாதா³னங் , தி³ட்டு²பாதா³னங், ஸீலப்³ப³துபாதா³னங், அத்தவாது³பாதா³னங். காமுபாதா³னங் அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. தி³ட்டு²பாதா³னஞ்ச ஸீலப்³ப³துபாதா³னஞ்ச அத்தவாது³பாதா³னஞ்ச சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜந்தி – இமே த⁴ம்மா உபாதா³னா.
1553. Katame dhammā upādānā? Cattāri upādānāni – kāmupādānaṃ , diṭṭhupādānaṃ, sīlabbatupādānaṃ, attavādupādānaṃ. Kāmupādānaṃ aṭṭhasu lobhasahagatesu cittuppādesu uppajjati. Diṭṭhupādānañca sīlabbatupādānañca attavādupādānañca catūsu diṭṭhigatasampayuttesu cittuppādesu uppajjanti – ime dhammā upādānā.
1554. கதமே த⁴ம்மா நோ உபாதா³னா? ட²பெத்வா உபாதா³னே அவஸேஸங் அகுஸலங், சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நோ உபாதா³னா.
1554. Katame dhammā no upādānā? Ṭhapetvā upādāne avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no upādānā.
1555. கதமே த⁴ம்மா உபாதா³னியா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா உபாதா³னியா.
1555. Katame dhammā upādāniyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā upādāniyā.
1556. கதமே த⁴ம்மா அனுபாதா³னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனுபாதா³னியா.
1556. Katame dhammā anupādāniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā anupādāniyā.
1557. கதமே த⁴ம்மா உபாதா³னஸம்பயுத்தா? சத்தாரோ தி³ட்டி²க³தஸம்பயுத்தலோப⁴ஸஹக³தசித்துப்பாதா³, சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, எத்து²ப்பன்னங் லோப⁴ங் ட²பெத்வா – இமே த⁴ம்மா உபாதா³னஸம்பயுத்தா.
1557. Katame dhammā upādānasampayuttā? Cattāro diṭṭhigatasampayuttalobhasahagatacittuppādā, cattāro diṭṭhigatavippayuttalobhasahagatacittuppādā, etthuppannaṃ lobhaṃ ṭhapetvā – ime dhammā upādānasampayuttā.
1558. கதமே த⁴ம்மா உபாதா³னவிப்பயுத்தா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா உபாதா³னவிப்பயுத்தா.
1558. Katame dhammā upādānavippayuttā? Catūsu diṭṭhigatavippayuttalobhasahagatesu cittuppādesu uppanno lobho, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā upādānavippayuttā.
1559. கதமே த⁴ம்மா உபாதா³னா சேவ உபாதா³னியா ச? தானேவ உபாதா³னானி உபாதா³னா சேவ உபாதா³னியா ச.
1559. Katame dhammā upādānā ceva upādāniyā ca? Tāneva upādānāni upādānā ceva upādāniyā ca.
1560. கதமே த⁴ம்மா உபாதா³னியா சேவ நோ ச உபாதா³னா? ட²பெத்வா உபாதா³னே அவஸேஸங் அகுஸலங், தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா உபாதா³னியா சேவ நோ ச உபாதா³னா . அனுபாதா³னியா த⁴ம்மா ந வத்தப்³பா³ – உபாதா³னா சேவ உபாதா³னியா சாதிபி, உபாதா³னியா சேவ நோ ச உபாதா³னாதிபி.
1560. Katame dhammā upādāniyā ceva no ca upādānā? Ṭhapetvā upādāne avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā upādāniyā ceva no ca upādānā . Anupādāniyā dhammā na vattabbā – upādānā ceva upādāniyā cātipi, upādāniyā ceva no ca upādānātipi.
1561. கதமே த⁴ம்மா உபாதா³னா சேவ உபாதா³னஸம்பயுத்தா ச? யத்த² தி³ட்டி² ச லோபோ⁴ ச ஏகதோ உப்பஜ்ஜந்தி – இமே த⁴ம்மா உபாதா³னா சேவ உபாதா³னஸம்பயுத்தா ச.
1561. Katame dhammā upādānā ceva upādānasampayuttā ca? Yattha diṭṭhi ca lobho ca ekato uppajjanti – ime dhammā upādānā ceva upādānasampayuttā ca.
1562. கதமே த⁴ம்மா உபாதா³னஸம்பயுத்தா சேவ நோ ச உபாதா³னா? அட்ட² லோப⁴ஸஹக³தசித்துப்பாதா³, எத்து²ப்பன்னே உபாதா³னே ட²பெத்வா – இமே த⁴ம்மா உபாதா³னஸம்பயுத்தா சேவ நோ ச உபாதா³னா. உபாதா³னவிப்பயுத்தா த⁴ம்மா ந வத்தப்³பா³ – உபாதா³னா சேவ உபாதா³னஸம்பயுத்தா சாதிபி, உபாதா³னஸம்பயுத்தா சேவ நோ ச உபாதா³னாதிபி.
1562. Katame dhammā upādānasampayuttā ceva no ca upādānā? Aṭṭha lobhasahagatacittuppādā, etthuppanne upādāne ṭhapetvā – ime dhammā upādānasampayuttā ceva no ca upādānā. Upādānavippayuttā dhammā na vattabbā – upādānā ceva upādānasampayuttā cātipi, upādānasampayuttā ceva no ca upādānātipi.
1563. கதமே த⁴ம்மா உபாதா³னவிப்பயுத்தா உபாதா³னியா? சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பன்னோ லோபோ⁴, த்³வே தோ³மனஸ்ஸஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா உபாதா³னவிப்பயுத்தா உபாதா³னியா.
1563. Katame dhammā upādānavippayuttā upādāniyā? Catūsu diṭṭhigatavippayuttalobhasahagatesu cittuppādesu uppanno lobho, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā upādānavippayuttā upādāniyā.
1564. கதமே த⁴ம்மா உபாதா³னவிப்பயுத்தா அனுபாதா³னியா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா உபாதா³னவிப்பயுத்தா அனுபாதா³னியா. உபாதா³னஸம்பயுத்தா த⁴ம்மா ந வத்தப்³பா³ – உபாதா³னவிப்பயுத்தா உபாதா³னியாதிபி, உபாதா³னவிப்பயுத்தா அனுபாதா³னியாதிபி.
1564. Katame dhammā upādānavippayuttā anupādāniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā upādānavippayuttā anupādāniyā. Upādānasampayuttā dhammā na vattabbā – upādānavippayuttā upādāniyātipi, upādānavippayuttā anupādāniyātipi.
கிலேஸகொ³ச்ச²கங்
Kilesagocchakaṃ
1565. கதமே த⁴ம்மா கிலேஸா? த³ஸ கிலேஸவத்தூ²னி – லோபோ⁴, தோ³ஸோ, மோஹோ, மானோ, தி³ட்டி², விசிகிச்சா², தி²னங், உத்³த⁴ச்சங், அஹிரிகங், அனொத்தப்பங். லோபோ⁴ அட்ட²ஸு லோப⁴ஸஹக³தேஸு சித்துப்பாதே³ஸு உப்பஜ்ஜதி. தோ³ஸோ த்³வீஸு தோ³மனஸ்ஸஸஹக³தேஸு சித்துப்பாதே³ஸு உப்பஜ்ஜதி. மோஹோ ஸப்³பா³குஸலேஸு உப்பஜ்ஜதி. மானோ சதூஸு தி³ட்டி²க³தவிப்பயுத்தலோப⁴ஸஹக³தேஸு சித்துப்பாதே³ஸு உப்பஜ்ஜதி. தி³ட்டி² சதூஸு தி³ட்டி²க³தஸம்பயுத்தேஸு சித்துப்பாதே³ஸு உப்பஜ்ஜதி. விசிகிச்சா² விசிகிச்சா²ஸஹக³தேஸு சித்துப்பாதே³ஸு உப்பஜ்ஜதி. தி²னங் ஸஸங்கா²ரிகேஸு அகுஸலேஸு உப்பஜ்ஜதி. உத்³த⁴ச்சஞ்ச அஹிரிகஞ்ச அனொத்தப்பஞ்ச ஸப்³பா³குஸலேஸு உப்பஜ்ஜந்தி – இமே த⁴ம்மா கிலேஸா.
1565. Katame dhammā kilesā? Dasa kilesavatthūni – lobho, doso, moho, māno, diṭṭhi, vicikicchā, thinaṃ, uddhaccaṃ, ahirikaṃ, anottappaṃ. Lobho aṭṭhasu lobhasahagatesu cittuppādesu uppajjati. Doso dvīsu domanassasahagatesu cittuppādesu uppajjati. Moho sabbākusalesu uppajjati. Māno catūsu diṭṭhigatavippayuttalobhasahagatesu cittuppādesu uppajjati. Diṭṭhi catūsu diṭṭhigatasampayuttesu cittuppādesu uppajjati. Vicikicchā vicikicchāsahagatesu cittuppādesu uppajjati. Thinaṃ sasaṅkhārikesu akusalesu uppajjati. Uddhaccañca ahirikañca anottappañca sabbākusalesu uppajjanti – ime dhammā kilesā.
1566. கதமே த⁴ம்மா நோ கிலேஸா? ட²பெத்வா கிலேஸே அவஸேஸங் அகுஸலங், சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா நோ கிலேஸா.
1566. Katame dhammā no kilesā? Ṭhapetvā kilese avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no kilesā.
1567. கதமே த⁴ம்மா ஸங்கிலேஸிகா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங் ஸப்³ப³ஞ்ச ரூபங் – இமே த⁴ம்மா ஸங்கிலேஸிகா.
1567. Katame dhammā saṃkilesikā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ sabbañca rūpaṃ – ime dhammā saṃkilesikā.
1568. கதமே த⁴ம்மா அஸங்கிலேஸிகா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அஸங்கிலேஸிகா.
1568. Katame dhammā asaṃkilesikā? Cattāro maggā apariyāpannā, cattāri ca sāmaññaphalāni, nibbānañca – ime dhammā asaṃkilesikā.
1569. கதமே த⁴ம்மா ஸங்கிலிட்டா²? த்³வாத³ஸ அகுஸலசித்துப்பாதா³ – இமே த⁴ம்மா ஸங்கிலிட்டா².
1569. Katame dhammā saṃkiliṭṭhā? Dvādasa akusalacittuppādā – ime dhammā saṃkiliṭṭhā.
1570. கதமே த⁴ம்மா அஸங்கிலிட்டா²? சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா அஸங்கிலிட்டா².
1570. Katame dhammā asaṃkiliṭṭhā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā asaṃkiliṭṭhā.
1571. கதமே த⁴ம்மா கிலேஸஸம்பயுத்தா? த்³வாத³ஸ அகுஸலசித்துப்பாதா³ – இமே த⁴ம்மா கிலேஸஸம்பயுத்தா.
1571. Katame dhammā kilesasampayuttā? Dvādasa akusalacittuppādā – ime dhammā kilesasampayuttā.
1572. கதமே த⁴ம்மா கிலேஸவிப்பயுத்தா? சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா கிலேஸவிப்பயுத்தா.
1572. Katame dhammā kilesavippayuttā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā kilesavippayuttā.
1573. கதமே த⁴ம்மா கிலேஸா சேவ ஸங்கிலேஸிகா ச? தேவ கிலேஸா கிலேஸா சேவ ஸங்கிலேஸிகா ச.
1573. Katame dhammā kilesā ceva saṃkilesikā ca? Teva kilesā kilesā ceva saṃkilesikā ca.
1574. கதமே த⁴ம்மா ஸங்கிலேஸிகா சேவ நோ ச கிலேஸா? ட²பெத்வா கிலேஸே அவஸேஸங் அகுஸலங், தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸங்கிலேஸிகா சேவ நோ ச கிலேஸா. அஸங்கிலேஸிகா த⁴ம்மா ந வத்தப்³பா³ – கிலேஸா சேவ ஸங்கிலேஸிகா சாதிபி, ஸங்கிலேஸிகா சேவ நோ ச கிலேஸாதிபி.
1574. Katame dhammā saṃkilesikā ceva no ca kilesā? Ṭhapetvā kilese avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃkilesikā ceva no ca kilesā. Asaṃkilesikā dhammā na vattabbā – kilesā ceva saṃkilesikā cātipi, saṃkilesikā ceva no ca kilesātipi.
1575. கதமே த⁴ம்மா கிலேஸா சேவ ஸங்கிலிட்டா² ச? தேவ கிலேஸா கிலேஸா சேவ ஸங்கிலிட்டா² ச.
1575. Katame dhammā kilesā ceva saṃkiliṭṭhā ca? Teva kilesā kilesā ceva saṃkiliṭṭhā ca.
1576. கதமே த⁴ம்மா ஸங்கிலிட்டா² சேவ நோ ச கிலேஸா? ட²பெத்வா கிலேஸே அவஸேஸங் அகுஸலங் – இமே த⁴ம்மா ஸங்கிலிட்டா² சேவ நோ ச கிலேஸா . அஸங்கிலிட்டா² த⁴ம்மா ந வத்தப்³பா³ – கிலேஸா சேவ ஸங்கிலிட்டா² சாதிபி, ஸங்கிலிட்டா² சேவ நோ ச கிலேஸாதிபி.
1576. Katame dhammā saṃkiliṭṭhā ceva no ca kilesā? Ṭhapetvā kilese avasesaṃ akusalaṃ – ime dhammā saṃkiliṭṭhā ceva no ca kilesā . Asaṃkiliṭṭhā dhammā na vattabbā – kilesā ceva saṃkiliṭṭhā cātipi, saṃkiliṭṭhā ceva no ca kilesātipi.
1577. கதமே த⁴ம்மா கிலேஸா சேவ கிலேஸஸம்பயுத்தா ச? யத்த² த்³வே தயோ கிலேஸா ஏகதோ உப்பஜ்ஜந்தி – இமே த⁴ம்மா கிலேஸா சேவ கிலேஸஸம்பயுத்தா ச.
1577. Katame dhammā kilesā ceva kilesasampayuttā ca? Yattha dve tayo kilesā ekato uppajjanti – ime dhammā kilesā ceva kilesasampayuttā ca.
1578. கதமே த⁴ம்மா கிலேஸஸம்பயுத்தா சேவ நோ ச கிலேஸா? ட²பெத்வா கிலேஸே அவஸேஸங் அகுஸலங் – இமே த⁴ம்மா கிலேஸஸம்பயுத்தா சேவ நோ ச கிலேஸா. கிலேஸவிப்பயுத்தா த⁴ம்மா ந வத்தப்³பா³ – கிலேஸா சேவ கிலேஸஸம்பயுத்தா சாதிபி, கிலேஸஸம்பயுத்தா சேவ நோ ச கிலேஸாதிபி.
1578. Katame dhammā kilesasampayuttā ceva no ca kilesā? Ṭhapetvā kilese avasesaṃ akusalaṃ – ime dhammā kilesasampayuttā ceva no ca kilesā. Kilesavippayuttā dhammā na vattabbā – kilesā ceva kilesasampayuttā cātipi, kilesasampayuttā ceva no ca kilesātipi.
1579. கதமே த⁴ம்மா கிலேஸவிப்பயுத்தா ஸங்கிலேஸிகா? தீஸு பூ⁴மீஸு குஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா கிலேஸவிப்பயுத்தா ஸங்கிலேஸிகா.
1579. Katame dhammā kilesavippayuttā saṃkilesikā? Tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā kilesavippayuttā saṃkilesikā.
1580. கதமே த⁴ம்மா கிலேஸவிப்பயுத்தா அஸங்கிலேஸிகா? சத்தாரோ மக்³கா³ அபரியாபன்னா , சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா கிலேஸவிப்பயுத்தா அஸங்கிலேஸிகா. கிலேஸஸம்பயுத்தா த⁴ம்மா ந வத்தப்³பா³ – கிலேஸவிப்பயுத்தா ஸங்கிலேஸிகாதிபி, கிலேஸவிப்பயுத்தா அஸங்கிலேஸிகாதிபி.
1580. Katame dhammā kilesavippayuttā asaṃkilesikā? Cattāro maggā apariyāpannā , cattāri ca sāmaññaphalāni, nibbānañca – ime dhammā kilesavippayuttā asaṃkilesikā. Kilesasampayuttā dhammā na vattabbā – kilesavippayuttā saṃkilesikātipi, kilesavippayuttā asaṃkilesikātipi.
பிட்டி²து³கங்
Piṭṭhidukaṃ
1581. கதமே த⁴ம்மா த³ஸ்ஸனேன பஹாதப்³பா³? சத்தாரோ தி³ட்டி²க³தஸம்பயுத்தசித்துப்பாதா³, விசிகிச்சா²ஸஹக³தோ சித்துப்பாதோ³ – இமே த⁴ம்மா த³ஸ்ஸனேன பஹாதப்³பா³. சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, த்³வே தோ³மனஸ்ஸஸஹக³தசித்துப்பாதா³ – இமே த⁴ம்மா ஸியா த³ஸ்ஸனேன பஹாதப்³பா³, ஸியா ந த³ஸ்ஸனேன பஹாதப்³பா³.
1581. Katame dhammā dassanena pahātabbā? Cattāro diṭṭhigatasampayuttacittuppādā, vicikicchāsahagato cittuppādo – ime dhammā dassanena pahātabbā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā dassanena pahātabbā, siyā na dassanena pahātabbā.
1582. கதமே த⁴ம்மா ந த³ஸ்ஸனேன பஹாதப்³பா³? உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா ந த³ஸ்ஸனேன பஹாதப்³பா³.
1582. Katame dhammā na dassanena pahātabbā? Uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na dassanena pahātabbā.
1583. கதமே த⁴ம்மா பா⁴வனாய பஹாதப்³பா³? உத்³த⁴ச்சஸஹக³தோ சித்துப்பாதோ³ – இமே த⁴ம்மா பா⁴வனாய பஹாதப்³பா³. சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, த்³வே தோ³மனஸ்ஸஸஹக³தசித்துப்பாதா³ – இமே த⁴ம்மா ஸியா பா⁴வனாய பஹாதப்³பா³, ஸியா ந பா⁴வனாய பஹாதப்³பா³.
1583. Katame dhammā bhāvanāya pahātabbā? Uddhaccasahagato cittuppādo – ime dhammā bhāvanāya pahātabbā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā bhāvanāya pahātabbā, siyā na bhāvanāya pahātabbā.
1584. கதமே த⁴ம்மா ந பா⁴வனாய பஹாதப்³பா³? சத்தாரோ தி³ட்டி²க³தஸம்பயுத்தசித்துப்பாதா³, விசிகிச்சா²ஸஹக³தோ சித்துப்பாதோ³, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா ந பா⁴வனாய பஹாதப்³பா³.
1584. Katame dhammā na bhāvanāya pahātabbā? Cattāro diṭṭhigatasampayuttacittuppādā, vicikicchāsahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na bhāvanāya pahātabbā.
1585. கதமே த⁴ம்மா த³ஸ்ஸனேன பஹாதப்³ப³ஹேதுகா? சத்தாரோ தி³ட்டி²க³தஸம்பயுத்தசித்துப்பாதா³, விசிகிச்சா²ஸஹக³தோ சித்துப்பாதோ³, எத்து²ப்பன்னங் மோஹங் ட²பெத்வா – இமே த⁴ம்மா த³ஸ்ஸனேன பஹாதப்³ப³ஹேதுகா. சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, த்³வே தோ³மனஸ்ஸஸஹக³தசித்துப்பாதா³ – இமே த⁴ம்மா ஸியா த³ஸ்ஸனேன பஹாதப்³ப³ஹேதுகா, ஸியா ந த³ஸ்ஸனேன பஹாதப்³ப³ஹேதுகா.
1585. Katame dhammā dassanena pahātabbahetukā? Cattāro diṭṭhigatasampayuttacittuppādā, vicikicchāsahagato cittuppādo, etthuppannaṃ mohaṃ ṭhapetvā – ime dhammā dassanena pahātabbahetukā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā dassanena pahātabbahetukā, siyā na dassanena pahātabbahetukā.
1586. கதமே த⁴ம்மா ந த³ஸ்ஸனேன பஹாதப்³ப³ஹேதுகா? விசிகிச்சா²ஸஹக³தோ மோஹோ, உத்³த⁴ச்சஸஹக³தோ சித்துப்பாதோ³, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா ந த³ஸ்ஸனேன பஹாதப்³ப³ஹேதுகா.
1586. Katame dhammā na dassanena pahātabbahetukā? Vicikicchāsahagato moho, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na dassanena pahātabbahetukā.
1587. கதமே த⁴ம்மா பா⁴வனாய பஹாதப்³ப³ஹேதுகா? உத்³த⁴ச்சஸஹக³தோ சித்துப்பாதோ³, எத்து²ப்பன்னங் மோஹங் ட²பெத்வா – இமே த⁴ம்மா பா⁴வனாய பஹாதப்³ப³ஹேதுகா. சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, த்³வே தோ³மனஸ்ஸஸஹக³தசித்துப்பாதா³ – இமே த⁴ம்மா ஸியா பா⁴வனாய பஹாதப்³ப³ஹேதுகா, ஸியா ந பா⁴வனாய பஹாதப்³ப³ஹேதுகா.
1587. Katame dhammā bhāvanāya pahātabbahetukā? Uddhaccasahagato cittuppādo, etthuppannaṃ mohaṃ ṭhapetvā – ime dhammā bhāvanāya pahātabbahetukā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā bhāvanāya pahātabbahetukā, siyā na bhāvanāya pahātabbahetukā.
1588. கதமே த⁴ம்மா ந பா⁴வனாய பஹாதப்³ப³ஹேதுகா? சத்தாரோ தி³ட்டி²க³தஸம்பயுத்தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ மோஹோ, சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா ந பா⁴வனாய பஹாதப்³ப³ஹேதுகா.
1588. Katame dhammā na bhāvanāya pahātabbahetukā? Cattāro diṭṭhigatasampayuttacittuppādā, vicikicchāsahagato cittuppādo, uddhaccasahagato moho, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na bhāvanāya pahātabbahetukā.
1589. கதமே த⁴ம்மா ஸவிதக்கா? காமாவசரகுஸலங், அகுஸலங், காமாவசரகுஸலஸ்ஸ விபாகதோ ஏகாத³ஸ சித்துப்பாதா³, அகுஸலஸ்ஸ விபாகதோ த்³வே, கிரியதோ ஏகாத³ஸ, ரூபாவசரங் பட²மங் ஜா²னங் குஸலதோ ச விபாகதோ ச கிரியதோ ச லோகுத்தரங் பட²மங் ஜா²னங் குஸலதோ ச விபாகதோ ச, எத்து²ப்பன்னங் விதக்கங் ட²பெத்வா – இமே த⁴ம்மா ஸவிதக்கா.
1589. Katame dhammā savitakkā? Kāmāvacarakusalaṃ, akusalaṃ, kāmāvacarakusalassa vipākato ekādasa cittuppādā, akusalassa vipākato dve, kiriyato ekādasa, rūpāvacaraṃ paṭhamaṃ jhānaṃ kusalato ca vipākato ca kiriyato ca lokuttaraṃ paṭhamaṃ jhānaṃ kusalato ca vipākato ca, etthuppannaṃ vitakkaṃ ṭhapetvā – ime dhammā savitakkā.
1590. கதமே த⁴ம்மா அவிதக்கா? த்³வேபஞ்சவிஞ்ஞாணானி, ரூபாவசரதிகசதுக்கஜ்ஜா²னா குஸலதோ ச விபாகதோ ச கிரியதோ ச, சத்தாரோ அரூபாவசரா குஸலதோ ச விபாகதோ ச கிரியதோ ச, லோகுத்தரதிகசதுக்கஜ்ஜா²னா குஸலதோ ச விபாகதோ ச, விதக்கோ ச, ரூபஞ்ச, நிப்³பா³னஞ்ச – இமே த⁴ம்மா அவிதக்கா.
1590. Katame dhammā avitakkā? Dvepañcaviññāṇāni, rūpāvacaratikacatukkajjhānā kusalato ca vipākato ca kiriyato ca, cattāro arūpāvacarā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, vitakko ca, rūpañca, nibbānañca – ime dhammā avitakkā.
1591. கதமே த⁴ம்மா ஸவிசாரா? காமாவசரகுஸலங் , அகுஸலங், காமாவசரகுஸலஸ்ஸ விபாகதோ ஏகாத³ஸ சித்துப்பாதா³, அகுஸலஸ்ஸ விபாகதோ த்³வே கிரியதோ ஏகாத³ஸ, ரூபாவசரஏககது³கஜ்ஜா²னா குஸலதோ ச விபாகதோ ச கிரியதோ ச, லோகுத்தரஏககது³கஜ்ஜா²னா குஸலதோ ச விபாகதோ ச, எத்து²ப்பன்னங் விசாரங் ட²பெத்வா – இமே த⁴ம்மா ஸவிசாரா.
1591. Katame dhammā savicārā? Kāmāvacarakusalaṃ , akusalaṃ, kāmāvacarakusalassa vipākato ekādasa cittuppādā, akusalassa vipākato dve kiriyato ekādasa, rūpāvacaraekakadukajjhānā kusalato ca vipākato ca kiriyato ca, lokuttaraekakadukajjhānā kusalato ca vipākato ca, etthuppannaṃ vicāraṃ ṭhapetvā – ime dhammā savicārā.
1592. கதமே த⁴ம்மா அவிசாரா? த்³வேபஞ்சவிஞ்ஞாணானி, ரூபாவசரதிகதிகஜ்ஜா²னா குஸலதோ ச விபாகதோ ச கிரியதோ ச, சத்தாரோ ஆருப்பா குஸலதோ ச விபாகதோ ச கிரியதோ ச, லோகுத்தரதிகதிகஜ்ஜா²னா குஸலதோ ச விபாகதோ ச, விசாரோ ச, ரூபஞ்ச, நிப்³பா³னஞ்ச – இமே த⁴ம்மா அவிசாரா.
1592. Katame dhammā avicārā? Dvepañcaviññāṇāni, rūpāvacaratikatikajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaratikatikajjhānā kusalato ca vipākato ca, vicāro ca, rūpañca, nibbānañca – ime dhammā avicārā.
1593. கதமே த⁴ம்மா ஸப்பீதிகா? காமாவசரகுஸலதோ சத்தாரோ ஸோமனஸ்ஸஸஹக³தசித்துப்பாதா³, அகுஸலதோ சத்தாரோ, காமாவசரகுஸலஸ்ஸ விபாகதோ பஞ்ச, கிரியதோ பஞ்ச, ரூபாவசரது³கதிகஜ்ஜா²னா குஸலதோ ச விபாகதோ ச கிரியதோ ச, லோகுத்தரது³கதிகஜ்ஜா²னா குஸலதோ ச விபாகதோ ச, எத்து²ப்பன்னங் பீதிங் ட²பெத்வா – இமே த⁴ம்மா ஸப்பீதிகா.
1593. Katame dhammā sappītikā? Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato pañca, kiriyato pañca, rūpāvacaradukatikajjhānā kusalato ca vipākato ca kiriyato ca, lokuttaradukatikajjhānā kusalato ca vipākato ca, etthuppannaṃ pītiṃ ṭhapetvā – ime dhammā sappītikā.
1594. கதமே த⁴ம்மா அப்பீதிகா? காமாவசரகுஸலதோ சத்தாரோ உபெக்கா²ஸஹக³தசித்துப்பாதா³, அகுஸலதோ அட்ட², காமாவசரகுஸலஸ்ஸ விபாகதோ ஏகாத³ஸ, அகுஸலஸ்ஸ விபாகதோ ஸத்த, கிரியதோ ச², ரூபாவசரது³கது³கஜ்ஜா²னா குஸலதோ ச விபாகதோ ச கிரியதோ ச, சத்தாரோ ஆருப்பா குஸலதோ ச விபாகதோ ச கிரியதோ ச, லோகுத்தரது³கது³கஜ்ஜா²னா குஸலதோ ச விபாகதோ ச பீதி ச, ரூபஞ்ச, நிப்³பா³னஞ்ச – இமே த⁴ம்மா அப்பீதிகா.
1594. Katame dhammā appītikā? Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato ekādasa, akusalassa vipākato satta, kiriyato cha, rūpāvacaradukadukajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaradukadukajjhānā kusalato ca vipākato ca pīti ca, rūpañca, nibbānañca – ime dhammā appītikā.
1595. கதமே த⁴ம்மா பீதிஸஹக³தா? காமாவசரகுஸலதோ சத்தாரோ ஸோமனஸ்ஸஸஹக³தசித்துப்பாதா³, அகுஸலதோ சத்தாரோ, காமாவசரகுஸலஸ்ஸ விபாகதோ பஞ்ச, கிரியதோ பஞ்ச, ரூபாவசரது³கதிகஜ்ஜா²னா குஸலதோ ச விபாகதோ ச கிரியதோ ச, லோகுத்தரது³கதிகஜ்ஜா²னா குஸலதோ ச விபாகதோ ச, எத்து²ப்பன்னங் பீதிங் ட²பெத்வா – இமே த⁴ம்மா பீதிஸஹக³தா.
1595. Katame dhammā pītisahagatā? Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato pañca, kiriyato pañca, rūpāvacaradukatikajjhānā kusalato ca vipākato ca kiriyato ca, lokuttaradukatikajjhānā kusalato ca vipākato ca, etthuppannaṃ pītiṃ ṭhapetvā – ime dhammā pītisahagatā.
1596. கதமே த⁴ம்மா ந பீதிஸஹக³தா? காமாவசரகுஸலதோ சத்தாரோ உபெக்கா²ஸஹக³தசித்துப்பாதா³, அகுஸலதோ அட்ட², காமாவசரகுஸலஸ்ஸ விபாகதோ ஏகாத³ஸ, அகுஸலஸ்ஸ விபாகதோ ஸத்த, கிரியதோ ச², ரூபாவசரது³கது³கஜ்ஜா²னா குஸலதோ ச விபாகதோ ச கிரியதோ ச, சத்தாரோ ஆருப்பா குஸலதோ ச விபாகதோ ச கிரியதோ ச, லோகுத்தரது³கது³கஜ்ஜா²னா குஸலதோ ச விபாகதோ ச, பீதி ச, ரூபஞ்ச, நிப்³பா³னஞ்ச – இமே த⁴ம்மா ந பீதிஸஹக³தா.
1596. Katame dhammā na pītisahagatā? Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato ekādasa, akusalassa vipākato satta, kiriyato cha, rūpāvacaradukadukajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaradukadukajjhānā kusalato ca vipākato ca, pīti ca, rūpañca, nibbānañca – ime dhammā na pītisahagatā.
1597. கதமே த⁴ம்மா ஸுக²ஸஹக³தா? காமாவசரகுஸலதோ சத்தாரோ ஸோமனஸ்ஸஸஹக³தசித்துப்பாதா³, அகுஸலதோ சத்தாரோ, காமாவசரகுஸலஸ்ஸ விபாகதோ ச², கிரியதோ பஞ்ச, ரூபாவசரதிகசதுக்கஜ்ஜா²னா குஸலதோ ச விபாகதோ ச கிரியதோ ச லோகுத்தரதிகசதுக்கஜ்ஜா²னா குஸலதோ ச விபாகதோ ச, எத்து²ப்பன்னங் ஸுக²ங் ட²பெத்வா – இமே த⁴ம்மா ஸுக²ஸஹக³தா.
1597. Katame dhammā sukhasahagatā? Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato cha, kiriyato pañca, rūpāvacaratikacatukkajjhānā kusalato ca vipākato ca kiriyato ca lokuttaratikacatukkajjhānā kusalato ca vipākato ca, etthuppannaṃ sukhaṃ ṭhapetvā – ime dhammā sukhasahagatā.
1598. கதமே த⁴ம்மா ந ஸுக²ஸஹக³தா? காமாவசரகுஸலதோ சத்தாரோ உபெக்கா²ஸஹக³தசித்துப்பாதா³, அகுஸலதோ அட்ட², காமாவசரகுஸலஸ்ஸ விபாகதோ த³ஸ, அகுஸலஸ்ஸ விபாகதோ ஸத்த, கிரியதோ ச², ரூபாவசரங் சதுத்த²ங் ஜா²னங் குஸலதோ ச விபாகதோ ச கிரியதோ ச, சத்தாரோ ஆருப்பா குஸலதோ ச விபாகதோ ச கிரியதோ ச லோகுத்தரங் சதுத்த²ங் ஜா²னங் குஸலதோ ச விபாகதோ ச, ஸுக²ஞ்ச, ரூபஞ்ச, நிப்³பா³னஞ்ச – இமே த⁴ம்மா ந ஸுக²ஸஹக³தா.
1598. Katame dhammā na sukhasahagatā? Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato dasa, akusalassa vipākato satta, kiriyato cha, rūpāvacaraṃ catutthaṃ jhānaṃ kusalato ca vipākato ca kiriyato ca, cattāro āruppā kusalato ca vipākato ca kiriyato ca lokuttaraṃ catutthaṃ jhānaṃ kusalato ca vipākato ca, sukhañca, rūpañca, nibbānañca – ime dhammā na sukhasahagatā.
1599. கதமே த⁴ம்மா உபெக்கா²ஸஹக³தா? காமாவசரகுஸலதோ சத்தாரோ உபெக்கா²ஸஹக³தசித்துப்பாதா³, அகுஸலதோ ச², காமாவசரகுஸலஸ்ஸ விபாகதோ த³ஸ, அகுஸலஸ்ஸ விபாகதோ ச², கிரியதோ ச² , ரூபாவசரங் சதுத்த²ங் ஜா²னங் குஸலதோ ச விபாகதோ ச கிரியதோ ச, சத்தாரோ ஆருப்பா குஸலதோ ச விபாகதோ ச கிரியதோ ச, லோகுத்தரங் சதுத்த²ங் ஜா²னங் குஸலதோ ச விபாகதோ ச, எத்து²ப்பன்னங் உபெக்க²ங் ட²பெத்வா – இமே த⁴ம்மா உபெக்கா²ஸஹக³தா.
1599. Katame dhammā upekkhāsahagatā? Kāmāvacarakusalato cattāro upekkhāsahagatacittuppādā, akusalato cha, kāmāvacarakusalassa vipākato dasa, akusalassa vipākato cha, kiriyato cha , rūpāvacaraṃ catutthaṃ jhānaṃ kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaraṃ catutthaṃ jhānaṃ kusalato ca vipākato ca, etthuppannaṃ upekkhaṃ ṭhapetvā – ime dhammā upekkhāsahagatā.
1600. கதமே த⁴ம்மா ந உபெக்கா²ஸஹக³தா? காமாவசரகுஸலதோ சத்தாரோ ஸோமனஸ்ஸஸஹக³தசித்துப்பாதா³, அகுஸலதோ ச², காமாவசரகுஸலஸ்ஸ விபாகதோ ச², அகுஸலஸ்ஸ விபாகதோ ஏகோ, கிரியதோ பஞ்ச, ரூபாவசரதிகசதுக்கஜ்ஜா²னா குஸலதோ ச விபாகதோ ச கிரியதோ ச, லோகுத்தரதிகசதுக்கஜ்ஜா²னா குஸலதோ ச விபாகதோ ச, உபெக்கா² ச, ரூபஞ்ச, நிப்³பா³னஞ்ச – இமே த⁴ம்மா ந உபெக்கா²ஸஹக³தா.
1600. Katame dhammā na upekkhāsahagatā? Kāmāvacarakusalato cattāro somanassasahagatacittuppādā, akusalato cha, kāmāvacarakusalassa vipākato cha, akusalassa vipākato eko, kiriyato pañca, rūpāvacaratikacatukkajjhānā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, upekkhā ca, rūpañca, nibbānañca – ime dhammā na upekkhāsahagatā.
1601. கதமே த⁴ம்மா காமாவசரா? காமாவசரகுஸலங், அகுஸலங், ஸப்³போ³ காமாவசரஸ்ஸ விபாகோ, காமாவசரகிரியாப்³யாகதங், ஸப்³ப³ஞ்ச ரூபங் – இமே த⁴ம்மா காமாவசரா.
1601. Katame dhammā kāmāvacarā? Kāmāvacarakusalaṃ, akusalaṃ, sabbo kāmāvacarassa vipāko, kāmāvacarakiriyābyākataṃ, sabbañca rūpaṃ – ime dhammā kāmāvacarā.
1602. கதமே த⁴ம்மா ந காமாவசரா? ரூபாவசரா , அரூபாவசரா, அபரியாபன்னா – இமே த⁴ம்மா ந காமாவசரா.
1602. Katame dhammā na kāmāvacarā? Rūpāvacarā , arūpāvacarā, apariyāpannā – ime dhammā na kāmāvacarā.
1603. கதமே த⁴ம்மா ரூபாவசரா? ரூபாவசரசதுக்கபஞ்சகஜ்ஜா²னா குஸலதோ ச விபாகதோ ச கிரியதோ ச – இமே த⁴ம்மா ரூபாவசரா.
1603. Katame dhammā rūpāvacarā? Rūpāvacaracatukkapañcakajjhānā kusalato ca vipākato ca kiriyato ca – ime dhammā rūpāvacarā.
1604. கதமே த⁴ம்மா ந ரூபாவசரா? காமாவசரா, அரூபாவசரா, அபரியாபன்னா – இமே த⁴ம்மா ந ரூபாவசரா.
1604. Katame dhammā na rūpāvacarā? Kāmāvacarā, arūpāvacarā, apariyāpannā – ime dhammā na rūpāvacarā.
1605. கதமே த⁴ம்மா அரூபாவசரா? சத்தாரோ ஆருப்பா குஸலதோ ச விபாகதோ ச கிரியதோ ச – இமே த⁴ம்மா அரூபாவசரா.
1605. Katame dhammā arūpāvacarā? Cattāro āruppā kusalato ca vipākato ca kiriyato ca – ime dhammā arūpāvacarā.
1606. கதமே த⁴ம்மா ந அரூபாவசரா? காமாவசரா, ரூபாவசரா, அபரியாபன்னா – இமே த⁴ம்மா ந அரூபாவசரா.
1606. Katame dhammā na arūpāvacarā? Kāmāvacarā, rūpāvacarā, apariyāpannā – ime dhammā na arūpāvacarā.
1607. கதமே த⁴ம்மா பரியாபன்னா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா பரியாபன்னா.
1607. Katame dhammā pariyāpannā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā pariyāpannā.
1608. கதமே த⁴ம்மா அபரியாபன்னா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அபரியாபன்னா.
1608. Katame dhammā apariyāpannā? Cattāro maggā apariyāpannā, cattāri ca sāmaññaphalāni, nibbānañca – ime dhammā apariyāpannā.
1609. கதமே த⁴ம்மா நிய்யானிகா? சத்தாரோ மக்³கா³ அபரியாபன்னா – இமே த⁴ம்மா நிய்யானிகா.
1609. Katame dhammā niyyānikā? Cattāro maggā apariyāpannā – ime dhammā niyyānikā.
1610. கதமே த⁴ம்மா அனிய்யானிகா? தீஸு பூ⁴மீஸு குஸலங், அகுஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா அனிய்யானிகா.
1610. Katame dhammā aniyyānikā? Tīsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā aniyyānikā.
1611. கதமே த⁴ம்மா நியதா? சத்தாரோ தி³ட்டி²க³தஸம்பயுத்தசித்துப்பாதா³, த்³வே தோ³மனஸ்ஸஸஹக³தசித்துப்பாதா³ – இமே த⁴ம்மா ஸியா நியதா ஸியா அனியதா. சத்தாரோ மக்³கா³ அபரியாபன்னா – இமே த⁴ம்மா நியதா.
1611. Katame dhammā niyatā? Cattāro diṭṭhigatasampayuttacittuppādā, dve domanassasahagatacittuppādā – ime dhammā siyā niyatā siyā aniyatā. Cattāro maggā apariyāpannā – ime dhammā niyatā.
1612. கதமே த⁴ம்மா அனியதா? சத்தாரோ தி³ட்டி²க³தவிப்பயுத்தலோப⁴ஸஹக³தசித்துப்பாதா³, விசிகிச்சா²ஸஹக³தோ சித்துப்பாதோ³, உத்³த⁴ச்சஸஹக³தோ சித்துப்பாதோ³, தீஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா அனியதா.
1612. Katame dhammā aniyatā? Cattāro diṭṭhigatavippayuttalobhasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā aniyatā.
1613. கதமே த⁴ம்மா ஸஉத்தரா? தீஸு பூ⁴மீஸு குஸலங், அகுஸலங், தீஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ஸப்³ப³ஞ்ச ரூபங் – இமே த⁴ம்மா ஸஉத்தரா.
1613. Katame dhammā sauttarā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sauttarā.
1614. கதமே த⁴ம்மா அனுத்தரா? சத்தாரோ மக்³கா³ அபரியாபன்னா, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா அனுத்தரா.
1614. Katame dhammā anuttarā? Cattāro maggā apariyāpannā, cattāri ca sāmaññaphalāni, nibbānañca – ime dhammā anuttarā.
1615. கதமே த⁴ம்மா ஸரணா? த்³வாத³ஸ அகுஸலசித்துப்பாதா³ – இமே த⁴ம்மா ஸரணா.
1615. Katame dhammā saraṇā? Dvādasa akusalacittuppādā – ime dhammā saraṇā.
1616. கதமே த⁴ம்மா அரணா? சதூஸு பூ⁴மீஸு குஸலங், சதூஸு பூ⁴மீஸு விபாகோ, தீஸு பூ⁴மீஸு கிரியாப்³யாகதங், ரூபஞ்ச, நிப்³பா³னஞ்ச – இமே த⁴ம்மா அரணா.
1616. Katame dhammā araṇā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā araṇā.
அத்து²த்³தா⁴ரோ நிட்டி²தோ.
Atthuddhāro niṭṭhito.
த⁴ம்மஸங்க³ணீபகரணங் நிட்டி²தங்.
Dhammasaṅgaṇīpakaraṇaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / து³கஅத்து²த்³தா⁴ரவண்ணனா • Dukaatthuddhāravaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / து³கஅத்து²த்³தா⁴ரவண்ணனா • Dukaatthuddhāravaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / து³கஅத்து²த்³தா⁴ரவண்ணனா • Dukaatthuddhāravaṇṇanā
