| Library / Tipiṭaka / ཏིཔིཊཀ • Tipiṭaka / དྷམྨསངྒཎཱིཔཱལི༹ • Dhammasaṅgaṇīpāḷi |
དུཀཨཏྠུདྡྷཱརོ
Dukaatthuddhāro
ཧེཏུགོཙྪཀཾ
Hetugocchakaṃ
༡༤༤༡. ཀཏམེ དྷམྨཱ ཧེཏཱུ? ཏཡོ ཀུསལཧེཏཱུ, ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ། ཨལོབྷོ ཀུསལཧེཏུ, ཨདོསོ ཀུསལཧེཏུ, ཙཏཱུསུ བྷཱུམཱིསུ ཀུསལེསུ ཨུཔྤཛྫནྟི། ཨམོཧོ ཀུསལཧེཏུ, ཀཱམཱཝཙརཀུསལཏོ ཙཏྟཱརོ ཉཱཎཝིཔྤཡུཏྟེ ཙིཏྟུཔྤཱདེ ཋཔེཏྭཱ, ཙཏཱུསུ བྷཱུམཱིསུ ཀུསལེསུ ཨུཔྤཛྫཏི།
1441. Katame dhammā hetū? Tayo kusalahetū, tayo akusalahetū, tayo abyākatahetū. Alobho kusalahetu, adoso kusalahetu, catūsu bhūmīsu kusalesu uppajjanti. Amoho kusalahetu, kāmāvacarakusalato cattāro ñāṇavippayutte cittuppāde ṭhapetvā, catūsu bhūmīsu kusalesu uppajjati.
ལོབྷོ ཨཊྛསུ ལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། དོསོ དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤཛྫཏི། མོཧོ སབྦཱཀུསལེསུ ཨུཔྤཛྫཏི།
Lobho aṭṭhasu lobhasahagatesu cittuppādesu uppajjati. Doso dvīsu domanassasahagatesu cittuppādesu uppajjati. Moho sabbākusalesu uppajjati.
ཨལོབྷོ ཝིཔཱཀཧེཏུ ཨདོསོ ཝིཔཱཀཧེཏུ, ཀཱམཱཝཙརསྶ ཝིཔཱཀཏོ ཨཧེཏུཀེ ཙིཏྟུཔྤཱདེ ཋཔེཏྭཱ, ཙཏཱུསུ བྷཱུམཱིསུ ཝིཔཱཀེསུ ཨུཔྤཛྫནྟི། ཨམོཧོ ཝིཔཱཀཧེཏུ, ཀཱམཱཝཙརསྶ ཝིཔཱཀཏོ ཨཧེཏུཀེ ཙིཏྟུཔྤཱདེ ཋཔེཏྭཱ, ཙཏྟཱརོ ཉཱཎཝིཔྤཡུཏྟེ ཙིཏྟུཔྤཱདེ ཋཔེཏྭཱ, ཙཏཱུསུ བྷཱུམཱིསུ ཝིཔཱཀེསུ ཨུཔྤཛྫཏི།
Alobho vipākahetu adoso vipākahetu, kāmāvacarassa vipākato ahetuke cittuppāde ṭhapetvā, catūsu bhūmīsu vipākesu uppajjanti. Amoho vipākahetu, kāmāvacarassa vipākato ahetuke cittuppāde ṭhapetvā, cattāro ñāṇavippayutte cittuppāde ṭhapetvā, catūsu bhūmīsu vipākesu uppajjati.
ཨལོབྷོ ཀིརིཡཧེཏུ ཨདོསོ ཀིརིཡཧེཏུ, ཀཱམཱཝཙརཀིརིཡཏོ ཨཧེཏུཀེ ཙིཏྟུཔྤཱདེ ཋཔེཏྭཱ, ཏཱིསུ བྷཱུམཱིསུ ཀིརིཡེསུ ཨུཔྤཛྫནྟི ། ཨམོཧོ ཀིརིཡཧེཏུ, ཀཱམཱཝཙརཀིརིཡཏོ ཨཧེཏུཀེ ཙིཏྟུཔྤཱདེ ཋཔེཏྭཱ, ཙཏྟཱརོ ཉཱཎཝིཔྤཡུཏྟེ ཙིཏྟུཔྤཱདེ ཋཔེཏྭཱ, ཏཱིསུ བྷཱུམཱིསུ ཀིརིཡེསུ ཨུཔྤཛྫཏི – ཨིམེ དྷམྨཱ ཧེཏཱུ།
Alobho kiriyahetu adoso kiriyahetu, kāmāvacarakiriyato ahetuke cittuppāde ṭhapetvā, tīsu bhūmīsu kiriyesu uppajjanti . Amoho kiriyahetu, kāmāvacarakiriyato ahetuke cittuppāde ṭhapetvā, cattāro ñāṇavippayutte cittuppāde ṭhapetvā, tīsu bhūmīsu kiriyesu uppajjati – ime dhammā hetū.
༡༤༤༢. ཀཏམེ དྷམྨཱ ན ཧེཏཱུ? ཋཔེཏྭཱ ཧེཏཱུ, ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ན ཧེཏཱུ།
1442. Katame dhammā na hetū? Ṭhapetvā hetū, catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na hetū.
༡༤༤༣. ཀཏམེ དྷམྨཱ སཧེཏུཀཱ? ཝིཙིཀིཙྪཱསཧགཏཾ ཨུདྡྷཙྩསཧགཏཾ མོཧཾ ཋཔེཏྭཱ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཀཱམཱཝཙརསྶ ཝིཔཱཀཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཙཏཱུསུ བྷཱུམཱིསུ ཝིཔཱཀོ, ཀཱམཱཝཙརཀིརིཡཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཏཱིསུ བྷཱུམཱིསུ ཀིརིཡཱབྱཱཀཏཾ – ཨིམེ དྷམྨཱ སཧེཏུཀཱ།
1443. Katame dhammā sahetukā? Vicikicchāsahagataṃ uddhaccasahagataṃ mohaṃ ṭhapetvā avasesaṃ akusalaṃ, catūsu bhūmīsu kusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ – ime dhammā sahetukā.
༡༤༤༤. ཀཏམེ དྷམྨཱ ཨཧེཏུཀཱ? ཝིཙིཀིཙྪཱསཧགཏོ མོཧོ, ཨུདྡྷཙྩསཧགཏོ མོཧོ, དྭེཔཉྩཝིཉྙཱཎཱནི, ཏིསྶོ ཙ མནོདྷཱཏུཡོ, པཉྩ ཙ ཨཧེཏུཀམནོཝིཉྙཱཎདྷཱཏུཡོ, རཱུཔཉྩ, ནིབྦཱནཉྩ – ཨིམེ དྷམྨཱ ཨཧེཏུཀཱ།
1444. Katame dhammā ahetukā? Vicikicchāsahagato moho, uddhaccasahagato moho, dvepañcaviññāṇāni, tisso ca manodhātuyo, pañca ca ahetukamanoviññāṇadhātuyo, rūpañca, nibbānañca – ime dhammā ahetukā.
༡༤༤༥. ཀཏམེ དྷམྨཱ ཧེཏུསམྤཡུཏྟཱ? ཝིཙིཀིཙྪཱསཧགཏཾ ཨུདྡྷཙྩསཧགཏཾ མོཧཾ ཋཔེཏྭཱ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཀཱམཱཝཙརསྶ ཝིཔཱཀཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཙཏཱུསུ བྷཱུམཱིསུ ཝིཔཱཀོ, ཀཱམཱཝཙརཀིརིཡཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཏཱིསུ བྷཱུམཱིསུ ཀིརིཡཱབྱཱཀཏཾ – ཨིམེ དྷམྨཱ ཧེཏུསམྤཡུཏྟཱ།
1445. Katame dhammā hetusampayuttā? Vicikicchāsahagataṃ uddhaccasahagataṃ mohaṃ ṭhapetvā avasesaṃ akusalaṃ, catūsu bhūmīsu kusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ – ime dhammā hetusampayuttā.
༡༤༤༦. ཀཏམེ དྷམྨཱ ཧེཏུཝིཔྤཡུཏྟཱ? ཝིཙིཀིཙྪཱསཧགཏོ མོཧོ, ཨུདྡྷཙྩསཧགཏོ མོཧོ, དྭེཔཉྩཝིཉྙཱཎཱནི ཏིསྶོ ཙ མནོདྷཱཏུཡོ པཉྩ ཙ ཨཧེཏུཀམནོཝིཉྙཱཎདྷཱཏུཡོ, རཱུཔཉྩ, ནིབྦཱནཉྩ – ཨིམེ དྷམྨཱ ཧེཏུཝིཔྤཡུཏྟཱ།
1446. Katame dhammā hetuvippayuttā? Vicikicchāsahagato moho, uddhaccasahagato moho, dvepañcaviññāṇāni tisso ca manodhātuyo pañca ca ahetukamanoviññāṇadhātuyo, rūpañca, nibbānañca – ime dhammā hetuvippayuttā.
༡༤༤༧. ཀཏམེ དྷམྨཱ ཧེཏཱུ ཙེཝ སཧེཏུཀཱ ཙ? ཡཏྠ དྭེ ཏཡོ ཧེཏཱུ ཨེཀཏོ ཨུཔྤཛྫནྟི – ཨིམེ དྷམྨཱ ཧེཏཱུ ཙེཝ སཧེཏུཀཱ ཙ།
1447. Katame dhammā hetū ceva sahetukā ca? Yattha dve tayo hetū ekato uppajjanti – ime dhammā hetū ceva sahetukā ca.
༡༤༤༨. ཀཏམེ དྷམྨཱ སཧེཏུཀཱ ཙེཝ ན ཙ ཧེཏཱུ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཀཱམཱཝཙརསྶ ཝིཔཱཀཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཙཏཱུསུ བྷཱུམཱིསུ ཝིཔཱཀོ, ཀཱམཱཝཙརཀིརིཡཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཏཱིསུ བྷཱུམཱིསུ ཀིརིཡཱབྱཱཀཏཾ, ཨེཏྠུཔྤནྣེ ཧེཏཱུ ཋཔེཏྭཱ – ཨིམེ དྷམྨཱ སཧེཏུཀཱ ཙེཝ ན ཙ ཧེཏཱུ། ཨཧེཏུཀཱ དྷམྨཱ ན ཝཏྟབྦཱ – ཧེཏཱུ ཙེཝ སཧེཏུཀཱ ཙཱཏིཔི, སཧེཏུཀཱ ཙེཝ ན ཙ ཧེཏཱུཏིཔི།
1448. Katame dhammā sahetukā ceva na ca hetū? Catūsu bhūmīsu kusalaṃ, akusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ, etthuppanne hetū ṭhapetvā – ime dhammā sahetukā ceva na ca hetū. Ahetukā dhammā na vattabbā – hetū ceva sahetukā cātipi, sahetukā ceva na ca hetūtipi.
༡༤༤༩. ཀཏམེ དྷམྨཱ ཧེཏཱུ ཙེཝ ཧེཏུསམྤཡུཏྟཱ ཙ? ཡཏྠ དྭེ ཏཡོ ཧེཏཱུ ཨེཀཏོ ཨུཔྤཛྫནྟི – ཨིམེ དྷམྨཱ ཧེཏཱུ ཙེཝ ཧེཏུསམྤཡུཏྟཱ ཙ།
1449. Katame dhammā hetū ceva hetusampayuttā ca? Yattha dve tayo hetū ekato uppajjanti – ime dhammā hetū ceva hetusampayuttā ca.
༡༤༥༠. ཀཏམེ དྷམྨཱ ཧེཏུསམྤཡུཏྟཱ ཙེཝ ན ཙ ཧེཏཱུ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཀཱམཱཝཙརསྶ ཝིཔཱཀཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཙཏཱུསུ བྷཱུམཱིསུ ཝིཔཱཀོ, ཀཱམཱཝཙརཀིརིཡཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཏཱིསུ བྷཱུམཱིསུ ཀིརིཡཱབྱཱཀཏཾ, ཨེཏྠུཔྤནྣེ ཧེཏཱུ ཋཔེཏྭཱ – ཨིམེ དྷམྨཱ ཧེཏུསམྤཡུཏྟཱ ཙེཝ ན ཙ ཧེཏཱུ། ཧེཏུཝིཔྤཡུཏྟཱ དྷམྨཱ ན ཝཏྟབྦཱ – ཧེཏཱུ ཙེཝ ཧེཏུསམྤཡུཏྟཱ ཙཱཏིཔི, ཧེཏུསམྤཡུཏྟཱ ཙེཝ ན ཙ ཧེཏཱུཏིཔི།
1450. Katame dhammā hetusampayuttā ceva na ca hetū? Catūsu bhūmīsu kusalaṃ, akusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ, etthuppanne hetū ṭhapetvā – ime dhammā hetusampayuttā ceva na ca hetū. Hetuvippayuttā dhammā na vattabbā – hetū ceva hetusampayuttā cātipi, hetusampayuttā ceva na ca hetūtipi.
༡༤༥༡. ཀཏམེ དྷམྨཱ ན ཧེཏཱུ སཧེཏུཀཱ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཀཱམཱཝཙརསྶ ཝིཔཱཀཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཙཏཱུསུ བྷཱུམཱིསུ ཝིཔཱཀོ, ཀཱམཱཝཙརཀིརིཡཏོ ཨཧེཏུཀེ ཙིཏྟུཔྤཱདེ ཋཔེཏྭཱ ཏཱིསུ བྷཱུམཱིསུ ཀིརིཡཱབྱཱཀཏཾ, ཨེཏྠུཔྤནྣེ ཧེཏཱུ ཋཔེཏྭཱ – ཨིམེ དྷམྨཱ ན ཧེཏཱུ སཧེཏུཀཱ།
1451. Katame dhammā na hetū sahetukā? Catūsu bhūmīsu kusalaṃ, akusalaṃ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṃ, etthuppanne hetū ṭhapetvā – ime dhammā na hetū sahetukā.
༡༤༥༢. ཀཏམེ དྷམྨཱ ན ཧེཏཱུ ཨཧེཏུཀཱ? དྭེཔཉྩཝིཉྙཱཎཱནི, ཏིསྶོ ཙ མནོདྷཱཏུཡོ, པཉྩ ཙ ཨཧེཏུཀམནོཝིཉྙཱཎདྷཱཏུཡོ, རཱུཔཉྩ, ནིབྦཱནཉྩ – ཨིམེ དྷམྨཱ ན ཧེཏཱུ ཨཧེཏུཀཱ ། ཧེཏཱུ དྷམྨཱ ན ཝཏྟབྦཱ – ན ཧེཏཱུ སཧེཏུཀཱཏིཔི, ན ཧེཏཱུ ཨཧེཏུཀཱཏིཔི།
1452. Katame dhammā na hetū ahetukā? Dvepañcaviññāṇāni, tisso ca manodhātuyo, pañca ca ahetukamanoviññāṇadhātuyo, rūpañca, nibbānañca – ime dhammā na hetū ahetukā . Hetū dhammā na vattabbā – na hetū sahetukātipi, na hetū ahetukātipi.
ཙཱུལ༹ནྟརདུཀཾ
Cūḷantaradukaṃ
༡༤༥༣. ཀཏམེ དྷམྨཱ སཔྤཙྩཡཱ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཔྤཙྩཡཱ།
1453. Katame dhammā sappaccayā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sappaccayā.
༡༤༥༤. ཀཏམེ དྷམྨཱ ཨཔྤཙྩཡཱ? ནིབྦཱནཾ – ཨིམེ དྷམྨཱ ཨཔྤཙྩཡཱ།
1454. Katame dhammā appaccayā? Nibbānaṃ – ime dhammā appaccayā.
༡༤༥༥. ཀཏམེ དྷམྨཱ སངྑཏཱ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སངྑཏཱ།
1455. Katame dhammā saṅkhatā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṅkhatā.
༡༤༥༦. ཀཏམེ དྷམྨཱ ཨསངྑཏཱ? ནིབྦཱནཾ – ཨིམེ དྷམྨཱ ཨསངྑཏཱ།
1456. Katame dhammā asaṅkhatā? Nibbānaṃ – ime dhammā asaṅkhatā.
༡༤༥༧. ཀཏམེ དྷམྨཱ སནིདསྶནཱ? རཱུཔཱཡཏནཾ – ཨིམེ དྷམྨཱ སནིདསྶནཱ།
1457. Katame dhammā sanidassanā? Rūpāyatanaṃ – ime dhammā sanidassanā.
༡༤༥༨. ཀཏམེ དྷམྨཱ ཨནིདསྶནཱ? ཙཀྑཱཡཏནཾ …པེ॰… ཕོཊྛབྦཱཡཏནཾ, ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, ཡཉྩ རཱུཔཾ ཨནིདསྶནཾ ཨཔྤཊིགྷཾ དྷམྨཱཡཏནཔརིཡཱཔནྣཾ, ནིབྦཱནཉྩ – ཨིམེ དྷམྨཱ ཨནིདསྶནཱ།
1458. Katame dhammā anidassanā? Cakkhāyatanaṃ …pe… phoṭṭhabbāyatanaṃ, catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, yañca rūpaṃ anidassanaṃ appaṭighaṃ dhammāyatanapariyāpannaṃ, nibbānañca – ime dhammā anidassanā.
༡༤༥༩. ཀཏམེ དྷམྨཱ སཔྤཊིགྷཱ? ཙཀྑཱཡཏནཾ…པེ॰… ཕོཊྛབྦཱཡཏནཾ – ཨིམེ དྷམྨཱ སཔྤཊིགྷཱ།
1459. Katame dhammā sappaṭighā? Cakkhāyatanaṃ…pe… phoṭṭhabbāyatanaṃ – ime dhammā sappaṭighā.
༡༤༦༠. ཀཏམེ དྷམྨཱ ཨཔྤཊིགྷཱ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, ཡཉྩ རཱུཔཾ ཨནིདསྶནཾ ཨཔྤཊིགྷཾ དྷམྨཱཡཏནཔརིཡཱཔནྣཾ, ནིབྦཱནཉྩ – ཨིམེ དྷམྨཱ ཨཔྤཊིགྷཱ།
1460. Katame dhammā appaṭighā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, yañca rūpaṃ anidassanaṃ appaṭighaṃ dhammāyatanapariyāpannaṃ, nibbānañca – ime dhammā appaṭighā.
༡༤༦༡. ཀཏམེ དྷམྨཱ རཱུཔིནོ? ཙཏྟཱརོ ཙ མཧཱབྷཱུཏཱ, ཙཏུནྣཉྩ མཧཱབྷཱུཏཱནཾ ཨུཔཱདཱཡ རཱུཔཾ – ཨིམེ དྷམྨཱ རཱུཔིནོ།
1461. Katame dhammā rūpino? Cattāro ca mahābhūtā, catunnañca mahābhūtānaṃ upādāya rūpaṃ – ime dhammā rūpino.
༡༤༦༢. ཀཏམེ དྷམྨཱ ཨརཱུཔིནོ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, ནིབྦཱནཉྩ – ཨིམེ དྷམྨཱ ཨརཱུཔིནོ།
1462. Katame dhammā arūpino? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, nibbānañca – ime dhammā arūpino.
༡༤༦༣. ཀཏམེ དྷམྨཱ ལོཀིཡཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ལོཀིཡཱ།
1463. Katame dhammā lokiyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā lokiyā.
༡༤༦༤. ཀཏམེ དྷམྨཱ ལོཀུཏྟརཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ལོཀུཏྟརཱ། སབྦེ 1 དྷམྨཱ ཀེནཙི ཝིཉྙེཡྻཱ, ཀེནཙི ན ཝིཉྙེཡྻཱ།
1464. Katame dhammā lokuttarā? Cattāro maggā apariyāpannā, cattāri ca sāmaññaphalāni, nibbānañca – ime dhammā lokuttarā. Sabbe 2 dhammā kenaci viññeyyā, kenaci na viññeyyā.
ཨཱསཝགོཙྪཀཾ
Āsavagocchakaṃ
༡༤༦༥. ཀཏམེ དྷམྨཱ ཨཱསཝཱ? ཙཏྟཱརོ ཨཱསཝཱ – ཀཱམཱསཝོ, བྷཝཱསཝོ, དིཊྛཱསཝོ, ཨཝིཛྫཱསཝོ། ཀཱམཱསཝོ ཨཊྛསུ ལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི བྷཝཱསཝོ ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི དིཊྛཱསཝོ ཙཏཱུསུ དིཊྛིགཏསམྤཡུཏྟེསུ ཙིཏྟུཔྤཱདེསུ ཨུཔྤཛྫཏི། ཨཝིཛྫཱསཝོ སབྦཱཀུསལེསུ ཨུཔྤཛྫཏི – ཨིམེ དྷམྨཱ ཨཱསཝཱ།
1465. Katame dhammā āsavā? Cattāro āsavā – kāmāsavo, bhavāsavo, diṭṭhāsavo, avijjāsavo. Kāmāsavo aṭṭhasu lobhasahagatesu cittuppādesu uppajjati bhavāsavo catūsu diṭṭhigatavippayuttalobhasahagatesu cittuppādesu uppajjati diṭṭhāsavo catūsu diṭṭhigatasampayuttesu cittuppādesu uppajjati. Avijjāsavo sabbākusalesu uppajjati – ime dhammā āsavā.
༡༤༦༦. ཀཏམེ དྷམྨཱ ནོ ཨཱསཝཱ? ཋཔེཏྭཱ ཨཱསཝེ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ , ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནོ ཨཱསཝཱ།
1466. Katame dhammā no āsavā? Ṭhapetvā āsave avasesaṃ akusalaṃ, catūsu bhūmīsu kusalaṃ , catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no āsavā.
༡༤༦༧. ཀཏམེ དྷམྨཱ སཱསཝཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཱསཝཱ།
1467. Katame dhammā sāsavā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sāsavā.
༡༤༦༨. ཀཏམེ དྷམྨཱ ཨནཱསཝཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨནཱསཝཱ།
1468. Katame dhammā anāsavā? Cattāro maggā apariyāpannā, cattāri ca sāmaññaphalāni, nibbānañca – ime dhammā anāsavā.
༡༤༦༩. ཀཏམེ དྷམྨཱ ཨཱསཝསམྤཡུཏྟཱ? དྭེ དོམནསྶསཧགཏཙིཏྟུཔྤཱདཱ ཨེཏྠུཔྤནྣཾ མོཧཾ ཋཔེཏྭཱ, ཝིཙིཀིཙྪཱསཧགཏཾ ཨུདྡྷཙྩསཧགཏཾ མོཧཾ ཋཔེཏྭཱ, ཨཝསེསཾ ཨཀུསལཾ – ཨིམེ དྷམྨཱ ཨཱསཝསམྤཡུཏྟཱ།
1469. Katame dhammā āsavasampayuttā? Dve domanassasahagatacittuppādā etthuppannaṃ mohaṃ ṭhapetvā, vicikicchāsahagataṃ uddhaccasahagataṃ mohaṃ ṭhapetvā, avasesaṃ akusalaṃ – ime dhammā āsavasampayuttā.
༡༤༧༠. ཀཏམེ དྷམྨཱ ཨཱསཝཝིཔྤཡུཏྟཱ? དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤནྣོ མོཧོ, ཝིཙིཀིཙྪཱསཧགཏོ མོཧོ, ཨུདྡྷཙྩསཧགཏོ མོཧོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ཨཱསཝཝིཔྤཡུཏྟཱ།
1470. Katame dhammā āsavavippayuttā? Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā āsavavippayuttā.
༡༤༧༡. ཀཏམེ དྷམྨཱ ཨཱསཝཱ ཙེཝ སཱསཝཱ ཙ? ཏེཝ ཨཱསཝཱ ཨཱསཝཱ ཙེཝ སཱསཝཱ ཙ།
1471. Katame dhammā āsavā ceva sāsavā ca? Teva āsavā āsavā ceva sāsavā ca.
༡༤༧༢. ཀཏམེ དྷམྨཱ སཱསཝཱ ཙེཝ ནོ ཙ ཨཱསཝཱ? ཋཔེཏྭཱ ཨཱསཝེ, ཨཝསེསཾ ཨཀུསལཾ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཱསཝཱ ཙེཝ ནོ ཙ ཨཱསཝཱ། ཨནཱསཝཱ དྷམྨཱ ན ཝཏྟབྦཱ – ཨཱསཝཱ ཙེཝ སཱསཝཱ ཙཱཏིཔི, སཱསཝཱ ཙེཝ ནོ ཙ ཨཱསཝཱཏིཔི།
1472. Katame dhammā sāsavā ceva no ca āsavā? Ṭhapetvā āsave, avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sāsavā ceva no ca āsavā. Anāsavā dhammā na vattabbā – āsavā ceva sāsavā cātipi, sāsavā ceva no ca āsavātipi.
༡༤༧༣. ཀཏམེ དྷམྨཱ ཨཱསཝཱ ཙེཝ ཨཱསཝསམྤཡུཏྟཱ ཙ? ཡཏྠ དྭེ ཏཡོ ཨཱསཝཱ ཨེཀཏོ ཨུཔྤཛྫནྟི – ཨིམེ དྷམྨཱ ཨཱསཝཱ ཙེཝ ཨཱསཝསམྤཡུཏྟཱ ཙ།
1473. Katame dhammā āsavā ceva āsavasampayuttā ca? Yattha dve tayo āsavā ekato uppajjanti – ime dhammā āsavā ceva āsavasampayuttā ca.
༡༤༧༤. ཀཏམེ དྷམྨཱ ཨཱསཝསམྤཡུཏྟཱ ཙེཝ ནོ ཙ ཨཱསཝཱ? ཋཔེཏྭཱ ཨཱསཝེ, ཨཝསེསཾ ཨཀུསལཾ – ཨིམེ དྷམྨཱ ཨཱསཝསམྤཡུཏྟཱ ཙེཝ ནོ ཙ ཨཱསཝཱ། ཨཱསཝཝིཔྤཡུཏྟཱ དྷམྨཱ ན ཝཏྟབྦཱ – ཨཱསཝཱ ཙེཝ ཨཱསཝསམྤཡུཏྟཱ ཙཱཏིཔི, ཨཱསཝསམྤཡུཏྟཱ ཙེཝ ནོ ཙ ཨཱསཝཱཏིཔི།
1474. Katame dhammā āsavasampayuttā ceva no ca āsavā? Ṭhapetvā āsave, avasesaṃ akusalaṃ – ime dhammā āsavasampayuttā ceva no ca āsavā. Āsavavippayuttā dhammā na vattabbā – āsavā ceva āsavasampayuttā cātipi, āsavasampayuttā ceva no ca āsavātipi.
༡༤༧༥. ཀཏམེ དྷམྨཱ ཨཱསཝཝིཔྤཡུཏྟཱ སཱསཝཱ? དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤནྣོ མོཧོ, ཝིཙིཀིཙྪཱསཧགཏོ མོཧོ, ཨུདྡྷཙྩསཧགཏོ མོཧོ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ཨཱསཝཝིཔྤཡུཏྟཱ སཱསཝཱ།
1475. Katame dhammā āsavavippayuttā sāsavā? Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā āsavavippayuttā sāsavā.
༡༤༧༦. ཀཏམེ དྷམྨཱ ཨཱསཝཝིཔྤཡུཏྟཱ ཨནཱསཝཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨཱསཝཝིཔྤཡུཏྟཱ ཨནཱསཝཱ། ཨཱསཝསམྤཡུཏྟཱ དྷམྨཱ ན ཝཏྟབྦཱ – ཨཱསཝཝིཔྤཡུཏྟཱ སཱསཝཱཏིཔི, ཨཱསཝཝིཔྤཡུཏྟཱ ཨནཱསཝཱཏིཔི།
1476. Katame dhammā āsavavippayuttā anāsavā? Cattāro maggā apariyāpannā, cattāri ca sāmaññaphalāni, nibbānañca – ime dhammā āsavavippayuttā anāsavā. Āsavasampayuttā dhammā na vattabbā – āsavavippayuttā sāsavātipi, āsavavippayuttā anāsavātipi.
སཾཡོཛནགོཙྪཀཾ
Saṃyojanagocchakaṃ
༡༤༧༧. ཀཏམེ དྷམྨཱ སཾཡོཛནཱ? དས སཾཡོཛནཱནི – ཀཱམརཱགསཾཡོཛནཾ, པཊིགྷསཾཡོཛནཾ, མཱནསཾཡོཛནཾ, དིཊྛིསཾཡོཛནཾ, ཝིཙིཀིཙྪཱསཾཡོཛནཾ, སཱིལབྦཏཔརཱམཱསསཾཡོཛནཾ, བྷཝརཱགསཾཡོཛནཾ, ཨིསྶཱསཾཡོཛནཾ, མཙྪརིཡསཾཡོཛནཾ, ཨཝིཛྫཱསཾཡོཛནཾ། ཀཱམརཱགསཾཡོཛནཾ ཨཊྛསུ ལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། པཊིགྷསཾཡོཛནཾ དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤཛྫཏི། མཱནསཾཡོཛནཾ ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། དིཊྛིསཾཡོཛནཾ ཙཏཱུསུ དིཊྛིགཏསམྤཡུཏྟེསུ ཙིཏྟུཔྤཱདེསུ ཨུཔྤཛྫཏི། ཝིཙིཀིཙྪཱསཾཡོཛནཾ ཝིཙིཀིཙྪཱསཧགཏེསུ ཙིཏྟུཔྤཱདེསུ ཨུཔྤཛྫཏི། སཱིལབྦཏཔརཱམཱསསཾཡོཛནཾ ཙཏཱུསུ དིཊྛིགཏསམྤཡུཏྟེསུ ཙིཏྟུཔྤཱདེསུ ཨུཔྤཛྫཏི། བྷཝརཱགསཾཡོཛནཾ ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། ཨིསྶཱསཾཡོཛནཉྩ མཙྪརིཡསཾཡོཛནཉྩ དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤཛྫནྟི། ཨཝིཛྫཱསཾཡོཛནཾ སབྦཱཀུསལེསུ ཨུཔྤཛྫཏི – ཨིམེ དྷམྨཱ སཾཡོཛནཱ།
1477. Katame dhammā saṃyojanā? Dasa saṃyojanāni – kāmarāgasaṃyojanaṃ, paṭighasaṃyojanaṃ, mānasaṃyojanaṃ, diṭṭhisaṃyojanaṃ, vicikicchāsaṃyojanaṃ, sīlabbataparāmāsasaṃyojanaṃ, bhavarāgasaṃyojanaṃ, issāsaṃyojanaṃ, macchariyasaṃyojanaṃ, avijjāsaṃyojanaṃ. Kāmarāgasaṃyojanaṃ aṭṭhasu lobhasahagatesu cittuppādesu uppajjati. Paṭighasaṃyojanaṃ dvīsu domanassasahagatesu cittuppādesu uppajjati. Mānasaṃyojanaṃ catūsu diṭṭhigatavippayuttalobhasahagatesu cittuppādesu uppajjati. Diṭṭhisaṃyojanaṃ catūsu diṭṭhigatasampayuttesu cittuppādesu uppajjati. Vicikicchāsaṃyojanaṃ vicikicchāsahagatesu cittuppādesu uppajjati. Sīlabbataparāmāsasaṃyojanaṃ catūsu diṭṭhigatasampayuttesu cittuppādesu uppajjati. Bhavarāgasaṃyojanaṃ catūsu diṭṭhigatavippayuttalobhasahagatesu cittuppādesu uppajjati. Issāsaṃyojanañca macchariyasaṃyojanañca dvīsu domanassasahagatesu cittuppādesu uppajjanti. Avijjāsaṃyojanaṃ sabbākusalesu uppajjati – ime dhammā saṃyojanā.
༡༤༧༨. ཀཏམེ དྷམྨཱ ནོ སཾཡོཛནཱ། ཋཔེཏྭཱ སཾཡོཛནེ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནོ སཾཡོཛནཱ།
1478. Katame dhammā no saṃyojanā. Ṭhapetvā saṃyojane avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no saṃyojanā.
༡༤༧༩. ཀཏམེ དྷམྨཱ སཾཡོཛནིཡཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཾཡོཛནིཡཱ།
1479. Katame dhammā saṃyojaniyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃyojaniyā.
༡༤༨༠. ཀཏམེ དྷམྨཱ ཨསཾཡོཛནིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨསཾཡོཛནིཡཱ།
1480. Katame dhammā asaṃyojaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā asaṃyojaniyā.
༡༤༨༡. ཀཏམེ དྷམྨཱ སཾཡོཛནསམྤཡུཏྟཱ? ཨུདྡྷཙྩསཧགཏཾ མོཧཾ ཋཔེཏྭཱ ཨཝསེསཾ ཨཀུསལཾ – ཨིམེ དྷམྨཱ སཾཡོཛནསམྤཡུཏྟཱ།
1481. Katame dhammā saṃyojanasampayuttā? Uddhaccasahagataṃ mohaṃ ṭhapetvā avasesaṃ akusalaṃ – ime dhammā saṃyojanasampayuttā.
༡༤༨༢. ཀཏམེ དྷམྨཱ སཾཡོཛནཝིཔྤཡུཏྟཱ? ཨུདྡྷཙྩསཧགཏོ མོཧོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ སཾཡོཛནཝིཔྤཡུཏྟཱ།
1482. Katame dhammā saṃyojanavippayuttā? Uddhaccasahagato moho, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā saṃyojanavippayuttā.
༡༤༨༣. ཀཏམེ དྷམྨཱ སཾཡོཛནཱ ཙེཝ སཾཡོཛནིཡཱ ཙ? ཏཱནེཝ སཾཡོཛནཱནི སཾཡོཛནཱ ཙེཝ སཾཡོཛནིཡཱ ཙ།
1483. Katame dhammā saṃyojanā ceva saṃyojaniyā ca? Tāneva saṃyojanāni saṃyojanā ceva saṃyojaniyā ca.
༡༤༨༤. ཀཏམེ དྷམྨཱ སཾཡོཛནིཡཱ ཙེཝ ནོ ཙ སཾཡོཛནཱ? ཋཔེཏྭཱ སཾཡོཛནེ ཨཝསེསཾ ཨཀུསལཾ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཾཡོཛནིཡཱ ཙེཝ ནོ ཙ སཾཡོཛནཱ། ཨསཾཡོཛནིཡཱ དྷམྨཱ ན ཝཏྟབྦཱ – སཾཡོཛནཱ ཙེཝ སཾཡོཛནིཡཱ ཙཱཏིཔི, སཾཡོཛནིཡཱ ཙེཝ ནོ ཙ སཾཡོཛནཱཏིཔི།
1484. Katame dhammā saṃyojaniyā ceva no ca saṃyojanā? Ṭhapetvā saṃyojane avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃyojaniyā ceva no ca saṃyojanā. Asaṃyojaniyā dhammā na vattabbā – saṃyojanā ceva saṃyojaniyā cātipi, saṃyojaniyā ceva no ca saṃyojanātipi.
༡༤༨༥. ཀཏམེ དྷམྨཱ སཾཡོཛནཱ ཙེཝ སཾཡོཛནསམྤཡུཏྟཱ ཙ? ཡཏྠ དྭེ ཏཱིཎི སཾཡོཛནཱནི ཨེཀཏོ ཨུཔྤཛྫནྟི – ཨིམེ དྷམྨཱ སཾཡོཛནཱ ཙེཝ སཾཡོཛནསམྤཡུཏྟཱ ཙ།
1485. Katame dhammā saṃyojanā ceva saṃyojanasampayuttā ca? Yattha dve tīṇi saṃyojanāni ekato uppajjanti – ime dhammā saṃyojanā ceva saṃyojanasampayuttā ca.
༡༤༨༦. ཀཏམེ དྷམྨཱ སཾཡོཛནསམྤཡུཏྟཱ ཙེཝ ནོ ཙ སཾཡོཛནཱ? ཋཔེཏྭཱ སཾཡོཛནེ, ཨཝསེསཾ ཨཀུསལཾ – ཨིམེ དྷམྨཱ སཾཡོཛནསམྤཡུཏྟཱ ཙེཝ ནོ ཙ སཾཡོཛནཱ། སཾཡོཛནཝིཔྤཡུཏྟཱ དྷམྨཱ ན ཝཏྟབྦཱ – སཾཡོཛནཱ ཙེཝ སཾཡོཛནསམྤཡུཏྟཱ ཙཱཏིཔི, སཾཡོཛནསམྤཡུཏྟཱ ཙེཝ ནོ ཙ སཾཡོཛནཱཏིཔི།
1486. Katame dhammā saṃyojanasampayuttā ceva no ca saṃyojanā? Ṭhapetvā saṃyojane, avasesaṃ akusalaṃ – ime dhammā saṃyojanasampayuttā ceva no ca saṃyojanā. Saṃyojanavippayuttā dhammā na vattabbā – saṃyojanā ceva saṃyojanasampayuttā cātipi, saṃyojanasampayuttā ceva no ca saṃyojanātipi.
༡༤༨༧. ཀཏམེ དྷམྨཱ སཾཡོཛནཝིཔྤཡུཏྟཱ སཾཡོཛནིཡཱ? ཨུདྡྷཙྩསཧགཏོ མོཧོ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཾཡོཛནཝིཔྤཡུཏྟཱ སཾཡོཛནིཡཱ།
1487. Katame dhammā saṃyojanavippayuttā saṃyojaniyā? Uddhaccasahagato moho, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃyojanavippayuttā saṃyojaniyā.
༡༤༨༨. ཀཏམེ དྷམྨཱ སཾཡོཛནཝིཔྤཡུཏྟཱ ཨསཾཡོཛནིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ སཾཡོཛནཝིཔྤཡུཏྟཱ ཨསཾཡོཛནིཡཱ། སཾཡོཛནསམྤཡུཏྟཱ དྷམྨཱ ན ཝཏྟབྦཱ – སཾཡོཛནཝིཔྤཡུཏྟཱ སཾཡོཛནིཡཱཏིཔི, སཾཡོཛནཝིཔྤཡུཏྟཱ ཨསཾཡོཛནིཡཱཏིཔི།
1488. Katame dhammā saṃyojanavippayuttā asaṃyojaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā saṃyojanavippayuttā asaṃyojaniyā. Saṃyojanasampayuttā dhammā na vattabbā – saṃyojanavippayuttā saṃyojaniyātipi, saṃyojanavippayuttā asaṃyojaniyātipi.
གནྠགོཙྪཀཾ
Ganthagocchakaṃ
༡༤༨༩. ཀཏམེ དྷམྨཱ གནྠཱ? ཙཏྟཱརོ གནྠཱ – ཨབྷིཛ྄ཛྷཱཀཱཡགནྠོ, བྱཱཔཱདོ ཀཱཡགནྠོ, སཱིལབྦཏཔརཱམཱསོ ཀཱཡགནྠོ, ཨིདཾསཙྩཱབྷིནིཝེསོ ཀཱཡགནྠོ། ཨབྷིཛ྄ཛྷཱཀཱཡགནྠོ ཨཊྛསུ ལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། བྱཱཔཱདོ ཀཱཡགནྠོ དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤཛྫཏི། སཱིལབྦཏཔརཱམཱསོ ཀཱཡགནྠོ ཙ ཨིདཾསཙྩཱབྷིནིཝེསོ ཀཱཡགནྠོ ཙ ཙཏཱུསུ དིཊྛིགཏསམྤཡུཏྟེསུ ཙིཏྟུཔྤཱདེསུ ཨུཔྤཛྫནྟི – ཨིམེ དྷམྨཱ གནྠཱ།
1489. Katame dhammā ganthā? Cattāro ganthā – abhijjhākāyagantho, byāpādo kāyagantho, sīlabbataparāmāso kāyagantho, idaṃsaccābhiniveso kāyagantho. Abhijjhākāyagantho aṭṭhasu lobhasahagatesu cittuppādesu uppajjati. Byāpādo kāyagantho dvīsu domanassasahagatesu cittuppādesu uppajjati. Sīlabbataparāmāso kāyagantho ca idaṃsaccābhiniveso kāyagantho ca catūsu diṭṭhigatasampayuttesu cittuppādesu uppajjanti – ime dhammā ganthā.
༡༤༩༠. ཀཏམེ དྷམྨཱ ནོ གནྠཱ? ཋཔེཏྭཱ གནྠེ, ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནོ གནྠཱ།
1490. Katame dhammā no ganthā? Ṭhapetvā ganthe, avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no ganthā.
༡༤༩༡. ཀཏམེ དྷམྨཱ གནྠནིཡཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ གནྠནིཡཱ།
1491. Katame dhammā ganthaniyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā ganthaniyā.
༡༤༩༢. ཀཏམེ དྷམྨཱ ཨགནྠནིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨགནྠནིཡཱ།
1492. Katame dhammā aganthaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā aganthaniyā.
༡༤༩༣. ཀཏམེ དྷམྨཱ གནྠསམྤཡུཏྟཱ? ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ , ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, ཨེཏྠུཔྤནྣཾ ལོབྷཾ ཋཔེཏྭཱ, དྭེ དོམནསྶསཧགཏཙིཏྟུཔྤཱདཱ, ཨེཏྠུཔྤནྣཾ པཊིགྷཾ ཋཔེཏྭཱ – ཨིམེ དྷམྨཱ གནྠསམྤཡུཏྟཱ།
1493. Katame dhammā ganthasampayuttā? Cattāro diṭṭhigatasampayuttacittuppādā , cattāro diṭṭhigatavippayuttalobhasahagatacittuppādā, etthuppannaṃ lobhaṃ ṭhapetvā, dve domanassasahagatacittuppādā, etthuppannaṃ paṭighaṃ ṭhapetvā – ime dhammā ganthasampayuttā.
༡༤༩༤. ཀཏམེ དྷམྨཱ གནྠཝིཔྤཡུཏྟཱ? ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤནྣོ ལོབྷོ, དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤནྣཾ པཊིགྷཾ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ ཙིཏྟུཔྤཱདོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ གནྠཝིཔྤཡུཏྟཱ།
1494. Katame dhammā ganthavippayuttā? Catūsu diṭṭhigatavippayuttalobhasahagatesu cittuppādesu uppanno lobho, dvīsu domanassasahagatesu cittuppādesu uppannaṃ paṭighaṃ, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā ganthavippayuttā.
༡༤༩༥. ཀཏམེ དྷམྨཱ གནྠཱ ཙེཝ གནྠནིཡཱ ཙ? ཏེཝ གནྠཱ གནྠཱ ཙེཝ གནྠནིཡཱ ཙ།
1495. Katame dhammā ganthā ceva ganthaniyā ca? Teva ganthā ganthā ceva ganthaniyā ca.
༡༤༩༦. ཀཏམེ དྷམྨཱ གནྠནིཡཱ ཙེཝ ནོ ཙ གནྠཱ? ཋཔེཏྭཱ གནྠེ ཨཝསེསཾ ཨཀུསལཾ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ གནྠནིཡཱ ཙེཝ ནོ ཙ གནྠཱ། ཨགནྠནིཡཱ དྷམྨཱ ན ཝཏྟབྦཱ – གནྠཱ ཙེཝ གནྠནིཡཱ ཙཱཏིཔི, གནྠནིཡཱ ཙེཝ ནོ ཙ གནྠཱཏིཔི།
1496. Katame dhammā ganthaniyā ceva no ca ganthā? Ṭhapetvā ganthe avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā ganthaniyā ceva no ca ganthā. Aganthaniyā dhammā na vattabbā – ganthā ceva ganthaniyā cātipi, ganthaniyā ceva no ca ganthātipi.
༡༤༩༧. ཀཏམེ དྷམྨཱ གནྠཱ ཙེཝ གནྠསམྤཡུཏྟཱ ཙ? ཡཏྠ དིཊྛི ཙ ལོབྷོ ཙ ཨེཀཏོ ཨུཔྤཛྫནྟི – ཨིམེ དྷམྨཱ གནྠཱ ཙེཝ གནྠསམྤཡུཏྟཱ ཙ།
1497. Katame dhammā ganthā ceva ganthasampayuttā ca? Yattha diṭṭhi ca lobho ca ekato uppajjanti – ime dhammā ganthā ceva ganthasampayuttā ca.
༡༤༩༨. ཀཏམེ དྷམྨཱ གནྠསམྤཡུཏྟཱ ཙེཝ ནོ ཙ གནྠཱ? ཨཊྛ ལོབྷསཧགཏཙིཏྟུཔྤཱདཱ དྭེ དོམནསྶསཧགཏཙིཏྟུཔྤཱདཱ, ཨེཏྠུཔྤནྣེ གནྠེ ཋཔེཏྭཱ – ཨིམེ དྷམྨཱ གནྠསམྤཡུཏྟཱ ཙེཝ ནོ ཙ གནྠཱ། གནྠཝིཔྤཡུཏྟཱ དྷམྨཱ ན ཝཏྟབྦཱ – གནྠཱ ཙེཝ གནྠསམྤཡུཏྟཱ ཙཱཏིཔི, གནྠསམྤཡུཏྟཱ ཙེཝ ནོ ཙ གནྠཱཏིཔི།
1498. Katame dhammā ganthasampayuttā ceva no ca ganthā? Aṭṭha lobhasahagatacittuppādā dve domanassasahagatacittuppādā, etthuppanne ganthe ṭhapetvā – ime dhammā ganthasampayuttā ceva no ca ganthā. Ganthavippayuttā dhammā na vattabbā – ganthā ceva ganthasampayuttā cātipi, ganthasampayuttā ceva no ca ganthātipi.
༡༤༩༩. ཀཏམེ དྷམྨཱ གནྠཝིཔྤཡུཏྟཱ གནྠནིཡཱ? ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤནྣོ ལོབྷོ, དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤནྣཾ པཊིགྷཾ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ ཙིཏྟུཔྤཱདོ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ གནྠཝིཔྤཡུཏྟཱ གནྠནིཡཱ།
1499. Katame dhammā ganthavippayuttā ganthaniyā? Catūsu diṭṭhigatavippayuttalobhasahagatesu cittuppādesu uppanno lobho, dvīsu domanassasahagatesu cittuppādesu uppannaṃ paṭighaṃ, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā ganthavippayuttā ganthaniyā.
༡༥༠༠. ཀཏམེ དྷམྨཱ གནྠཝིཔྤཡུཏྟཱ ཨགནྠནིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ གནྠཝིཔྤཡུཏྟཱ ཨགནྠནིཡཱ། གནྠསམྤཡུཏྟཱ དྷམྨཱ ན ཝཏྟབྦཱ – གནྠཝིཔྤཡུཏྟཱ གནྠནིཡཱཏིཔི, གནྠཝིཔྤཡུཏྟཱ ཨགནྠནིཡཱཏིཔི།
1500. Katame dhammā ganthavippayuttā aganthaniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā ganthavippayuttā aganthaniyā. Ganthasampayuttā dhammā na vattabbā – ganthavippayuttā ganthaniyātipi, ganthavippayuttā aganthaniyātipi.
ཨོགྷགོཙྪཀཾ
Oghagocchakaṃ
༡༥༠༡. ཀཏམེ དྷམྨཱ ཨོགྷཱ…པེ॰…།
1501. Katame dhammā oghā…pe….
ཡོགགོཙྪཀཾ
Yogagocchakaṃ
༡༥༠༢. ཀཏམེ དྷམྨཱ ཡོགཱ…པེ॰…།
1502. Katame dhammā yogā…pe….
ནཱིཝརཎགོཙྪཀཾ
Nīvaraṇagocchakaṃ
༡༥༠༣. ཀཏམེ དྷམྨཱ ནཱིཝརཎཱ? ཚ ནཱིཝརཎཱ – ཀཱམཙྪནྡནཱིཝརཎཾ, བྱཱཔཱདནཱིཝརཎཾ, ཐིནམིདྡྷནཱིཝརཎཾ, ཨུདྡྷཙྩཀུཀྐུཙྩནཱིཝརཎཾ, ཝིཙིཀིཙྪཱནཱིཝརཎཾ, ཨཝིཛྫཱནཱིཝརཎཾ ། ཀཱམཙྪནྡནཱིཝརཎཾ ཨཊྛསུ ལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི, བྱཱཔཱདནཱིཝརཎཾ དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤཛྫཏི, ཐིནམིདྡྷནཱིཝརཎཾ སསངྑཱརིཀེསུ ཨཀུསལེསུ ཨུཔྤཛྫཏི, ཨུདྡྷཙྩནཱིཝརཎཾ ཨུདྡྷཙྩསཧགཏེསུ ཙིཏྟུཔྤཱདེསུ ཨུཔྤཛྫཏི, ཀུཀྐུཙྩནཱིཝརཎཾ དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤཛྫཏི, ཝིཙིཀིཙྪཱནཱིཝརཎཾ ཝིཙིཀིཙྪཱསཧགཏེསུ ཙིཏྟུཔྤཱདེསུ ཨུཔྤཛྫཏི, ཨཝིཛྫཱནཱིཝརཎཾ སབྦཱཀུསལེསུ ཨུཔྤཛྫཏི – ཨིམེ དྷམྨཱ ནཱིཝརཎཱ།
1503. Katame dhammā nīvaraṇā? Cha nīvaraṇā – kāmacchandanīvaraṇaṃ, byāpādanīvaraṇaṃ, thinamiddhanīvaraṇaṃ, uddhaccakukkuccanīvaraṇaṃ, vicikicchānīvaraṇaṃ, avijjānīvaraṇaṃ . Kāmacchandanīvaraṇaṃ aṭṭhasu lobhasahagatesu cittuppādesu uppajjati, byāpādanīvaraṇaṃ dvīsu domanassasahagatesu cittuppādesu uppajjati, thinamiddhanīvaraṇaṃ sasaṅkhārikesu akusalesu uppajjati, uddhaccanīvaraṇaṃ uddhaccasahagatesu cittuppādesu uppajjati, kukkuccanīvaraṇaṃ dvīsu domanassasahagatesu cittuppādesu uppajjati, vicikicchānīvaraṇaṃ vicikicchāsahagatesu cittuppādesu uppajjati, avijjānīvaraṇaṃ sabbākusalesu uppajjati – ime dhammā nīvaraṇā.
༡༥༠༤. ཀཏམེ དྷམྨཱ ནོ ནཱིཝརཎཱ? ཋཔེཏྭཱ ནཱིཝརཎེ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནོ ནཱིཝརཎཱ།
1504. Katame dhammā no nīvaraṇā? Ṭhapetvā nīvaraṇe avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no nīvaraṇā.
༡༥༠༥. ཀཏམེ དྷམྨཱ ནཱིཝརཎིཡཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ནཱིཝརཎིཡཱ།
1505. Katame dhammā nīvaraṇiyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā nīvaraṇiyā.
༡༥༠༦. ཀཏམེ དྷམྨཱ ཨནཱིཝརཎིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨནཱིཝརཎིཡཱ།
1506. Katame dhammā anīvaraṇiyā? Cattāro maggā apariyāpannā, cattāri ca sāmaññaphalāni, nibbānañca – ime dhammā anīvaraṇiyā.
༡༥༠༧. ཀཏམེ དྷམྨཱ ནཱིཝརཎསམྤཡུཏྟཱ? དྭཱདས ཨཀུསལཙིཏྟུཔྤཱདཱ – ཨིམེ དྷམྨཱ ནཱིཝརཎསམྤཡུཏྟཱ།
1507. Katame dhammā nīvaraṇasampayuttā? Dvādasa akusalacittuppādā – ime dhammā nīvaraṇasampayuttā.
༡༥༠༨. ཀཏམེ དྷམྨཱ ནཱིཝརཎཝིཔྤཡུཏྟཱ? ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནཱིཝརཎཝིཔྤཡུཏྟཱ།
1508. Katame dhammā nīvaraṇavippayuttā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā nīvaraṇavippayuttā.
༡༥༠༩. ཀཏམེ དྷམྨཱ ནཱིཝརཎཱ ཙེཝ ནཱིཝརཎིཡཱ ཙ? ཏཱནེཝ ནཱིཝརཎཱནི ནཱིཝརཎཱ ཙེཝ ནཱིཝརཎིཡཱ ཙ།
1509. Katame dhammā nīvaraṇā ceva nīvaraṇiyā ca? Tāneva nīvaraṇāni nīvaraṇā ceva nīvaraṇiyā ca.
༡༥༡༠. ཀཏམེ དྷམྨཱ ནཱིཝརཎིཡཱ ཙེཝ ནོ ཙ ནཱིཝརཎཱ? ཋཔེཏྭཱ ནཱིཝརཎེ, ཨཝསེསཾ ཨཀུསལཾ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ནཱིཝརཎིཡཱ ཙེཝ ནོ ཙ ནཱིཝརཎཱ། ཨནཱིཝརཎིཡཱ དྷམྨཱ ན ཝཏྟབྦཱ – ནཱིཝརཎཱ ཙེཝ ནཱིཝརཎིཡཱ ཙཱཏིཔི, ནཱིཝརཎིཡཱ ཙེཝ ནོ ཙ ནཱིཝརཎཱཏིཔི།
1510. Katame dhammā nīvaraṇiyā ceva no ca nīvaraṇā? Ṭhapetvā nīvaraṇe, avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā nīvaraṇiyā ceva no ca nīvaraṇā. Anīvaraṇiyā dhammā na vattabbā – nīvaraṇā ceva nīvaraṇiyā cātipi, nīvaraṇiyā ceva no ca nīvaraṇātipi.
༡༥༡༡. ཀཏམེ དྷམྨཱ ནཱིཝརཎཱ ཙེཝ ནཱིཝརཎསམྤཡུཏྟཱ ཙ? ཡཏྠ དྭེ ཏཱིཎི ནཱིཝརཎཱནི ཨེཀཏོ ཨུཔྤཛྫནྟི – ཨིམེ དྷམྨཱ ནཱིཝརཎཱ ཙེཝ ནཱིཝརཎསམྤཡུཏྟཱ ཙ།
1511. Katame dhammā nīvaraṇā ceva nīvaraṇasampayuttā ca? Yattha dve tīṇi nīvaraṇāni ekato uppajjanti – ime dhammā nīvaraṇā ceva nīvaraṇasampayuttā ca.
༡༥༡༢. ཀཏམེ དྷམྨཱ ནཱིཝརཎསམྤཡུཏྟཱ ཙེཝ ནོ ཙ ནཱིཝརཎཱ? ཋཔེཏྭཱ ནཱིཝརཎེ, ཨཝསེསཾ ཨཀུསལཾ – ཨིམེ དྷམྨཱ ནཱིཝརཎསམྤཡུཏྟཱ ཙེཝ ནོ ཙ ནཱིཝརཎཱ། ནཱིཝརཎཝིཔྤཡུཏྟཱ དྷམྨཱ ན ཝཏྟབྦཱ – ནཱིཝརཎཱ ཙེཝ ནཱིཝརཎསམྤཡུཏྟཱ ཙཱཏིཔི, ནཱིཝརཎསམྤཡུཏྟཱ ཙེཝ ནོ ཙ ནཱིཝརཎཱཏིཔི།
1512. Katame dhammā nīvaraṇasampayuttā ceva no ca nīvaraṇā? Ṭhapetvā nīvaraṇe, avasesaṃ akusalaṃ – ime dhammā nīvaraṇasampayuttā ceva no ca nīvaraṇā. Nīvaraṇavippayuttā dhammā na vattabbā – nīvaraṇā ceva nīvaraṇasampayuttā cātipi, nīvaraṇasampayuttā ceva no ca nīvaraṇātipi.
༡༥༡༣. ཀཏམེ དྷམྨཱ ནཱིཝརཎཝིཔྤཡུཏྟཱ ནཱིཝརཎིཡཱ? ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ནཱིཝརཎཝིཔྤཡུཏྟཱ ནཱིཝརཎིཡཱ།
1513. Katame dhammā nīvaraṇavippayuttā nīvaraṇiyā? Tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā nīvaraṇavippayuttā nīvaraṇiyā.
༡༥༡༤. ཀཏམེ དྷམྨཱ ནཱིཝརཎཝིཔྤཡུཏྟཱ ཨནཱིཝརཎིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ནཱིཝརཎཝིཔྤཡུཏྟཱ ཨནཱིཝརཎིཡཱ། ནཱིཝརཎསམྤཡུཏྟཱ དྷམྨཱ ན ཝཏྟབྦཱ – ནཱིཝརཎཝིཔྤཡུཏྟཱ ནཱིཝརཎིཡཱཏིཔི, ནཱིཝརཎཝིཔྤཡུཏྟཱ ཨནཱིཝརཎིཡཱཏིཔི།
1514. Katame dhammā nīvaraṇavippayuttā anīvaraṇiyā? Cattāro maggā apariyāpannā, cattāri ca sāmaññaphalāni, nibbānañca – ime dhammā nīvaraṇavippayuttā anīvaraṇiyā. Nīvaraṇasampayuttā dhammā na vattabbā – nīvaraṇavippayuttā nīvaraṇiyātipi, nīvaraṇavippayuttā anīvaraṇiyātipi.
པརཱམཱསགོཙྪཀཾ
Parāmāsagocchakaṃ
༡༥༡༥. ཀཏམེ དྷམྨཱ པརཱམཱསཱ? དིཊྛིཔརཱམཱསོ ཙཏཱུསུ དིཊྛིགཏསམྤཡུཏྟེསུ ཙིཏྟུཔྤཱདེསུ ཨུཔྤཛྫཏི – ཨིམེ དྷམྨཱ པརཱམཱསཱ།
1515. Katame dhammā parāmāsā? Diṭṭhiparāmāso catūsu diṭṭhigatasampayuttesu cittuppādesu uppajjati – ime dhammā parāmāsā.
༡༥༡༦. ཀཏམེ དྷམྨཱ ནོ པརཱམཱསཱ? ཋཔེཏྭཱ པརཱམཱསཾ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནོ པརཱམཱསཱ།
1516. Katame dhammā no parāmāsā? Ṭhapetvā parāmāsaṃ avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no parāmāsā.
༡༥༡༧. ཀཏམེ དྷམྨཱ པརཱམཊྛཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ པརཱམཊྛཱ།
1517. Katame dhammā parāmaṭṭhā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā parāmaṭṭhā.
༡༥༡༨. ཀཏམེ དྷམྨཱ ཨཔརཱམཊྛཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི ནིབྦཱནཉྩ – ཨིམེ དྷམྨཱ ཨཔརཱམཊྛཱ།
1518. Katame dhammā aparāmaṭṭhā? Cattāro maggā apariyāpannā, cattāri ca sāmaññaphalāni nibbānañca – ime dhammā aparāmaṭṭhā.
༡༥༡༩. ཀཏམེ དྷམྨཱ པརཱམཱསསམྤཡུཏྟཱ? ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ, ཨེཏྠུཔྤནྣཾ པརཱམཱསཾ ཋཔེཏྭཱ – ཨིམེ དྷམྨཱ པརཱམཱསསམྤཡུཏྟཱ།
1519. Katame dhammā parāmāsasampayuttā? Cattāro diṭṭhigatasampayuttacittuppādā, etthuppannaṃ parāmāsaṃ ṭhapetvā – ime dhammā parāmāsasampayuttā.
༡༥༢༠. ཀཏམེ དྷམྨཱ པརཱམཱསཝིཔྤཡུཏྟཱ? ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ , དྭེ དོམནསྶསཧགཏཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ ཙིཏྟུཔྤཱདོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ པརཱམཱསཝིཔྤཡུཏྟཱ། པརཱམཱསོ ན ཝཏྟབྦོ – པརཱམཱསསམྤཡུཏྟོཏིཔི, པརཱམཱསཝིཔྤཡུཏྟོཏིཔི།
1520. Katame dhammā parāmāsavippayuttā? Cattāro diṭṭhigatavippayuttalobhasahagatacittuppādā , dve domanassasahagatacittuppādā, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā parāmāsavippayuttā. Parāmāso na vattabbo – parāmāsasampayuttotipi, parāmāsavippayuttotipi.
༡༥༢༡. ཀཏམེ དྷམྨཱ པརཱམཱསཱ ཙེཝ པརཱམཊྛཱ ཙ? སོ ཨེཝ པརཱམཱསོ པརཱམཱསོ ཙེཝ པརཱམཊྛོ ཙ།
1521. Katame dhammā parāmāsā ceva parāmaṭṭhā ca? So eva parāmāso parāmāso ceva parāmaṭṭho ca.
༡༥༢༢. ཀཏམེ དྷམྨཱ པརཱམཊྛཱ ཙེཝ ནོ ཙ པརཱམཱསཱ? ཋཔེཏྭཱ པརཱམཱསཾ ཨཝསེསཾ ཨཀུསལཾ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ པརཱམཊྛཱ ཙེཝ ནོ ཙ པརཱམཱསཱ། ཨཔརཱམཊྛཱ དྷམྨཱ ན ཝཏྟབྦཱ – པརཱམཱསཱ ཙེཝ པརཱམཊྛཱ ཙཱཏིཔི, པརཱམཊྛཱ ཙེཝ ནོ ཙ པརཱམཱསཱཏིཔི།
1522. Katame dhammā parāmaṭṭhā ceva no ca parāmāsā? Ṭhapetvā parāmāsaṃ avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā parāmaṭṭhā ceva no ca parāmāsā. Aparāmaṭṭhā dhammā na vattabbā – parāmāsā ceva parāmaṭṭhā cātipi, parāmaṭṭhā ceva no ca parāmāsātipi.
༡༥༢༣. ཀཏམེ དྷམྨཱ པརཱམཱསཝིཔྤཡུཏྟཱ པརཱམཊྛཱ? ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, དྭེ དོམནསྶསཧགཏཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ ཙིཏྟུཔྤཱདོ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ པརཱམཱསཝིཔྤཡུཏྟཱ པརཱམཊྛཱ།
1523. Katame dhammā parāmāsavippayuttā parāmaṭṭhā? Cattāro diṭṭhigatavippayuttalobhasahagatacittuppādā, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā parāmāsavippayuttā parāmaṭṭhā.
༡༥༢༤. ཀཏམེ དྷམྨཱ པརཱམཱསཝིཔྤཡུཏྟཱ ཨཔརཱམཊྛཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ པརཱམཱསཝིཔྤཡུཏྟཱ ཨཔརཱམཊྛཱ། པརཱམཱསཱ ཙ པརཱམཱསསམྤཡུཏྟཱ ཙ དྷམྨཱ ན ཝཏྟབྦཱ – པརཱམཱསཝིཔྤཡུཏྟཱ པརཱམཊྛཱཏིཔི, པརཱམཱསཝིཔྤཡུཏྟཱ ཨཔརཱམཊྛཱཏིཔི།
1524. Katame dhammā parāmāsavippayuttā aparāmaṭṭhā? Cattāro maggā apariyāpannā, cattāri ca sāmaññaphalāni, nibbānañca – ime dhammā parāmāsavippayuttā aparāmaṭṭhā. Parāmāsā ca parāmāsasampayuttā ca dhammā na vattabbā – parāmāsavippayuttā parāmaṭṭhātipi, parāmāsavippayuttā aparāmaṭṭhātipi.
མཧནྟརདུཀཾ
Mahantaradukaṃ
༡༥༢༥. ཀཏམེ དྷམྨཱ སཱརམྨཎཱ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ – ཨིམེ དྷམྨཱ སཱརམྨཎཱ།
1525. Katame dhammā sārammaṇā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ – ime dhammā sārammaṇā.
༡༥༢༦. ཀཏམེ དྷམྨཱ ཨནཱརམྨཎཱ? རཱུཔཉྩ, ནིབྦཱནཉྩ – ཨིམེ དྷམྨཱ ཨནཱརམྨཎཱ།
1526. Katame dhammā anārammaṇā? Rūpañca, nibbānañca – ime dhammā anārammaṇā.
༡༥༢༧. ཀཏམེ དྷམྨཱ ཙིཏྟཱ? ཙཀྑུཝིཉྙཱཎཾ, སོཏཝིཉྙཱཎཾ, གྷཱནཝིཉྙཱཎཾ, ཛིཝ྄ཧཱཝིཉྙཱཎཾ, ཀཱཡཝིཉྙཱཎཾ, མནོདྷཱཏུ, མནོཝིཉྙཱཎདྷཱཏུ – ཨིམེ དྷམྨཱ ཙིཏྟཱ།
1527. Katame dhammā cittā? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu – ime dhammā cittā.
༡༥༢༨. ཀཏམེ དྷམྨཱ ནོ ཙིཏྟཱ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ, རཱུཔཉྩ, ནིབྦཱནཉྩ – ཨིམེ དྷམྨཱ ནོ ཙིཏྟཱ།
1528. Katame dhammā no cittā? Vedanākkhandho, saññākkhandho, saṅkhārakkhandho, rūpañca, nibbānañca – ime dhammā no cittā.
༡༥༢༩. ཀཏམེ དྷམྨཱ ཙེཏསིཀཱ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིམེ དྷམྨཱ ཙེཏསིཀཱ།
1529. Katame dhammā cetasikā? Vedanākkhandho, saññākkhandho, saṅkhārakkhandho – ime dhammā cetasikā.
༡༥༣༠. ཀཏམེ དྷམྨཱ ཨཙེཏསིཀཱ? ཙིཏྟཉྩ, རཱུཔཉྩ, ནིབྦཱནཉྩ – ཨིམེ དྷམྨཱ ཨཙེཏསིཀཱ།
1530. Katame dhammā acetasikā? Cittañca, rūpañca, nibbānañca – ime dhammā acetasikā.
༡༥༣༡. ཀཏམེ དྷམྨཱ ཙིཏྟསམྤཡུཏྟཱ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིམེ དྷམྨཱ ཙིཏྟསམྤཡུཏྟཱ།
1531. Katame dhammā cittasampayuttā? Vedanākkhandho, saññākkhandho, saṅkhārakkhandho – ime dhammā cittasampayuttā.
༡༥༣༢. ཀཏམེ དྷམྨཱ ཙིཏྟཝིཔྤཡུཏྟཱ? རཱུཔཉྩ, ནིབྦཱནཉྩ – ཨིམེ དྷམྨཱ ཙིཏྟཝིཔྤཡུཏྟཱ། ཙིཏྟཾ ན ཝཏྟབྦཾ – ཙིཏྟེན སམྤཡུཏྟནྟིཔི, ཙིཏྟེན ཝིཔྤཡུཏྟནྟིཔི།
1532. Katame dhammā cittavippayuttā? Rūpañca, nibbānañca – ime dhammā cittavippayuttā. Cittaṃ na vattabbaṃ – cittena sampayuttantipi, cittena vippayuttantipi.
༡༥༣༣. ཀཏམེ དྷམྨཱ ཙིཏྟསཾསཊྛཱ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིམེ དྷམྨཱ ཙིཏྟསཾསཊྛཱ།
1533. Katame dhammā cittasaṃsaṭṭhā? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhā.
༡༥༣༤. ཀཏམེ དྷམྨཱ ཙིཏྟཝིསཾསཊྛཱ? རཱུཔཉྩ, ནིབྦཱནཉྩ – ཨིམེ དྷམྨཱ ཙིཏྟཝིསཾསཊྛཱ། ཙིཏྟཾ ན ཝཏྟབྦཾ – ཙིཏྟེན སཾསཊྛནྟིཔི, ཙིཏྟེན ཝིསཾསཊྛནྟིཔི།
1534. Katame dhammā cittavisaṃsaṭṭhā? Rūpañca, nibbānañca – ime dhammā cittavisaṃsaṭṭhā. Cittaṃ na vattabbaṃ – cittena saṃsaṭṭhantipi, cittena visaṃsaṭṭhantipi.
༡༥༣༥. ཀཏམེ དྷམྨཱ ཙིཏྟསམུཊྛཱནཱ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ, ཀཱཡཝིཉྙཏྟི, ཝཙཱིཝིཉྙཏྟི, ཡཾ ཝཱ པནཉྙམྤི ཨཏྠི རཱུཔཾ ཙིཏྟཛཾ ཙིཏྟཧེཏུཀཾ ཙིཏྟསམུཊྛཱནཾ – རཱུཔཱཡཏནཾ སདྡཱཡཏནཾ གནྡྷཱཡཏནཾ རསཱཡཏནཾ ཕོཊྛབྦཱཡཏནཾ ཨཱཀཱསདྷཱཏུ ཨཱཔོདྷཱཏུ རཱུཔསྶ ལཧུཏཱ རཱུཔསྶ མུདུཏཱ རཱུཔསྶ ཀམྨཉྙཏཱ རཱུཔསྶ ཨུཔཙཡོ རཱུཔསྶ སནྟཏི ཀབལཱི༹ཀཱརོ ཨཱཧཱརོ – ཨིམེ དྷམྨཱ ཙིཏྟསམུཊྛཱནཱ།
1535. Katame dhammā cittasamuṭṭhānā? Vedanākkhandho, saññākkhandho, saṅkhārakkhandho, kāyaviññatti, vacīviññatti, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – ime dhammā cittasamuṭṭhānā.
༡༥༣༦. ཀཏམེ དྷམྨཱ ནོ ཙིཏྟསམུཊྛཱནཱ? ཙིཏྟཉྩ, ཨཝསེསཉྩ རཱུཔཾ, ནིབྦཱནཉྩ – ཨིམེ དྷམྨཱ ནོ ཙིཏྟསམུཊྛཱནཱ།
1536. Katame dhammā no cittasamuṭṭhānā? Cittañca, avasesañca rūpaṃ, nibbānañca – ime dhammā no cittasamuṭṭhānā.
༡༥༣༧. ཀཏམེ དྷམྨཱ ཙིཏྟསཧབྷུནོ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ, ཀཱཡཝིཉྙཏྟི, ཝཙཱིཝིཉྙཏྟི – ཨིམེ དྷམྨཱ ཙིཏྟསཧབྷུནོ།
1537. Katame dhammā cittasahabhuno? Vedanākkhandho, saññākkhandho, saṅkhārakkhandho, kāyaviññatti, vacīviññatti – ime dhammā cittasahabhuno.
༡༥༣༨. ཀཏམེ དྷམྨཱ ནོ ཙིཏྟསཧབྷུནོ? ཙིཏྟཉྩ, ཨཝསེསཉྩ རཱུཔཾ, ནིབྦཱནཉྩ – ཨིམེ དྷམྨཱ ནོ ཙིཏྟསཧབྷུནོ།
1538. Katame dhammā no cittasahabhuno? Cittañca, avasesañca rūpaṃ, nibbānañca – ime dhammā no cittasahabhuno.
༡༥༣༩. ཀཏམེ དྷམྨཱ ཙིཏྟཱནུཔརིཝཏྟིནོ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ, ཀཱཡཝིཉྙཏྟི, ཝཙཱིཝིཉྙཏྟི – ཨིམེ དྷམྨཱ ཙིཏྟཱནུཔརིཝཏྟིནོ།
1539. Katame dhammā cittānuparivattino? Vedanākkhandho, saññākkhandho, saṅkhārakkhandho, kāyaviññatti, vacīviññatti – ime dhammā cittānuparivattino.
༡༥༤༠. ཀཏམེ དྷམྨཱ ནོ ཙིཏྟཱནུཔརིཝཏྟིནོ? ཙིཏྟཉྩ, ཨཝསེསཉྩ རཱུཔཾ, ནིབྦཱནཉྩ – ཨིམེ དྷམྨཱ ནོ ཙིཏྟཱནུཔརིཝཏྟིནོ།
1540. Katame dhammā no cittānuparivattino? Cittañca, avasesañca rūpaṃ, nibbānañca – ime dhammā no cittānuparivattino.
༡༥༤༡. ཀཏམེ དྷམྨཱ ཙིཏྟསཾསཊྛསམུཊྛཱནཱ? ཝེདནཱཀྑནྡྷོ , སཉྙཱཀྑནྡྷོ, སངྑཱརཀྑནྡྷོ – ཨིམེ དྷམྨཱ ཙིཏྟསཾསཊྛསམུཊྛཱནཱ།
1541. Katame dhammā cittasaṃsaṭṭhasamuṭṭhānā? Vedanākkhandho , saññākkhandho, saṅkhārakkhandho – ime dhammā cittasaṃsaṭṭhasamuṭṭhānā.
༡༥༤༢. ཀཏམེ དྷམྨཱ ནོ ཙིཏྟསཾསཊྛསམུཊྛཱནཱ? ཙིཏྟཉྩ, རཱུཔཉྩ, ནིབྦཱནཉྩ – ཨིམེ དྷམྨཱ ནོ ཙིཏྟསཾསཊྛསམུཊྛཱནཱ།
1542. Katame dhammā no cittasaṃsaṭṭhasamuṭṭhānā? Cittañca, rūpañca, nibbānañca – ime dhammā no cittasaṃsaṭṭhasamuṭṭhānā.
༡༥༤༣. ཀཏམེ དྷམྨཱ ཙིཏྟསཾསཊྛསམུཊྛཱནསཧབྷུནོ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིམེ དྷམྨཱ ཙིཏྟསཾསཊྛསམུཊྛཱནསཧབྷུནོ།
1543. Katame dhammā cittasaṃsaṭṭhasamuṭṭhānasahabhuno? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhasamuṭṭhānasahabhuno.
༡༥༤༤. ཀཏམེ དྷམྨཱ ནོ ཙིཏྟསཾསཊྛསམུཊྛཱནསཧབྷུནོ? ཙིཏྟཉྩ, རཱུཔཉྩ , ནིབྦཱནཉྩ – ཨིམེ དྷམྨཱ ནོ ཙིཏྟསཾསཊྛསམུཊྛཱནསཧབྷུནོ།
1544. Katame dhammā no cittasaṃsaṭṭhasamuṭṭhānasahabhuno? Cittañca, rūpañca , nibbānañca – ime dhammā no cittasaṃsaṭṭhasamuṭṭhānasahabhuno.
༡༥༤༥. ཀཏམེ དྷམྨཱ ཙིཏྟསཾསཊྛསམུཊྛཱནཱནུཔརིཝཏྟིནོ? ཝེདནཱཀྑནྡྷོ, སཉྙཱཀྑནྡྷོ, སངྑཱརཀྑནྡྷོ – ཨིམེ དྷམྨཱ ཙིཏྟསཾསཊྛསམུཊྛཱནཱནུཔརིཝཏྟིནོ།
1545. Katame dhammā cittasaṃsaṭṭhasamuṭṭhānānuparivattino? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhasamuṭṭhānānuparivattino.
༡༥༤༦. ཀཏམེ དྷམྨཱ ནོ ཙིཏྟསཾསཊྛསམུཊྛཱནཱནུཔརིཝཏྟིནོ? ཙིཏྟཉྩ, རཱུཔཉྩ, ནིབྦཱནཉྩ – ཨིམེ དྷམྨཱ ནོ ཙིཏྟསཾསཊྛསམུཊྛཱནཱནུཔརིཝཏྟིནོ།
1546. Katame dhammā no cittasaṃsaṭṭhasamuṭṭhānānuparivattino? Cittañca, rūpañca, nibbānañca – ime dhammā no cittasaṃsaṭṭhasamuṭṭhānānuparivattino.
༡༥༤༧. ཀཏམེ དྷམྨཱ ཨཛ྄ཛྷཏྟིཀཱ? ཙཀྑཱཡཏནཾ…པེ॰… མནཱཡཏནཾ – ཨིམེ དྷམྨཱ ཨཛ྄ཛྷཏྟིཀཱ།
1547. Katame dhammā ajjhattikā? Cakkhāyatanaṃ…pe… manāyatanaṃ – ime dhammā ajjhattikā.
༡༥༤༨. ཀཏམེ དྷམྨཱ བཱཧིརཱ? རཱུཔཱཡཏནཾ…པེ॰… དྷམྨཱཡཏནཾ – ཨིམེ དྷམྨཱ བཱཧིརཱ།
1548. Katame dhammā bāhirā? Rūpāyatanaṃ…pe… dhammāyatanaṃ – ime dhammā bāhirā.
༡༥༤༩. ཀཏམེ དྷམྨཱ ཨུཔཱདཱ? ཙཀྑཱཡཏནཾ…པེ॰… ཀབལཱི༹ཀཱརོ ཨཱཧཱརོ – ཨིམེ དྷམྨཱ ཨུཔཱདཱ།
1549. Katame dhammā upādā? Cakkhāyatanaṃ…pe… kabaḷīkāro āhāro – ime dhammā upādā.
༡༥༥༠. ཀཏམེ དྷམྨཱ ནོ ཨུཔཱདཱ? ཙཏཱུསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, ཙཏྟཱརོ ཙ མཧཱབྷཱུཏཱ, ནིབྦཱནཉྩ – ཨིམེ དྷམྨཱ ནོ ཨུཔཱདཱ།
1550. Katame dhammā no upādā? Catūsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, cattāro ca mahābhūtā, nibbānañca – ime dhammā no upādā.
༡༥༥༡. ཀཏམེ དྷམྨཱ ཨུཔཱདིཎྞཱ? ཏཱིསུ བྷཱུམཱིསུ ཝིཔཱཀོ, ཡཉྩ རཱུཔཾ ཀམྨསྶ ཀཏཏྟཱ – ཨིམེ དྷམྨཱ ཨུཔཱདིཎྞཱ།
1551. Katame dhammā upādiṇṇā? Tīsu bhūmīsu vipāko, yañca rūpaṃ kammassa katattā – ime dhammā upādiṇṇā.
༡༥༥༢. ཀཏམེ དྷམྨཱ ཨནུཔཱདིཎྞཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཀིརིཡཱབྱཱཀཏཾ, ཡཉྩ རཱུཔཾ ན ཀམྨསྶ ཀཏཏྟཱ, ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨནུཔཱདིཎྞཱ།
1552. Katame dhammā anupādiṇṇā? Tīsu bhūmīsu kusalaṃ, akusalaṃ, tīsu bhūmīsu kiriyābyākataṃ, yañca rūpaṃ na kammassa katattā, cattāro maggā apariyāpannā, cattāri ca sāmaññaphalāni, nibbānañca – ime dhammā anupādiṇṇā.
ཨུཔཱདཱནགོཙྪཀཾ
Upādānagocchakaṃ
༡༥༥༣. ཀཏམེ དྷམྨཱ ཨུཔཱདཱནཱ? ཙཏྟཱརི ཨུཔཱདཱནཱནི – ཀཱམུཔཱདཱནཾ , དིཊྛུཔཱདཱནཾ, སཱིལབྦཏུཔཱདཱནཾ, ཨཏྟཝཱདུཔཱདཱནཾ། ཀཱམུཔཱདཱནཾ ཨཊྛསུ ལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། དིཊྛུཔཱདཱནཉྩ སཱིལབྦཏུཔཱདཱནཉྩ ཨཏྟཝཱདུཔཱདཱནཉྩ ཙཏཱུསུ དིཊྛིགཏསམྤཡུཏྟེསུ ཙིཏྟུཔྤཱདེསུ ཨུཔྤཛྫནྟི – ཨིམེ དྷམྨཱ ཨུཔཱདཱནཱ།
1553. Katame dhammā upādānā? Cattāri upādānāni – kāmupādānaṃ , diṭṭhupādānaṃ, sīlabbatupādānaṃ, attavādupādānaṃ. Kāmupādānaṃ aṭṭhasu lobhasahagatesu cittuppādesu uppajjati. Diṭṭhupādānañca sīlabbatupādānañca attavādupādānañca catūsu diṭṭhigatasampayuttesu cittuppādesu uppajjanti – ime dhammā upādānā.
༡༥༥༤. ཀཏམེ དྷམྨཱ ནོ ཨུཔཱདཱནཱ? ཋཔེཏྭཱ ཨུཔཱདཱནེ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནོ ཨུཔཱདཱནཱ།
1554. Katame dhammā no upādānā? Ṭhapetvā upādāne avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no upādānā.
༡༥༥༥. ཀཏམེ དྷམྨཱ ཨུཔཱདཱནིཡཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ཨུཔཱདཱནིཡཱ།
1555. Katame dhammā upādāniyā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā upādāniyā.
༡༥༥༦. ཀཏམེ དྷམྨཱ ཨནུཔཱདཱནིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨནུཔཱདཱནིཡཱ།
1556. Katame dhammā anupādāniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā anupādāniyā.
༡༥༥༧. ཀཏམེ དྷམྨཱ ཨུཔཱདཱནསམྤཡུཏྟཱ? ཙཏྟཱརོ དིཊྛིགཏསམྤཡུཏྟལོབྷསཧགཏཙིཏྟུཔྤཱདཱ, ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, ཨེཏྠུཔྤནྣཾ ལོབྷཾ ཋཔེཏྭཱ – ཨིམེ དྷམྨཱ ཨུཔཱདཱནསམྤཡུཏྟཱ།
1557. Katame dhammā upādānasampayuttā? Cattāro diṭṭhigatasampayuttalobhasahagatacittuppādā, cattāro diṭṭhigatavippayuttalobhasahagatacittuppādā, etthuppannaṃ lobhaṃ ṭhapetvā – ime dhammā upādānasampayuttā.
༡༥༥༨. ཀཏམེ དྷམྨཱ ཨུཔཱདཱནཝིཔྤཡུཏྟཱ? ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤནྣོ ལོབྷོ, དྭེ དོམནསྶསཧགཏཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ ཙིཏྟུཔྤཱདོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ཨུཔཱདཱནཝིཔྤཡུཏྟཱ།
1558. Katame dhammā upādānavippayuttā? Catūsu diṭṭhigatavippayuttalobhasahagatesu cittuppādesu uppanno lobho, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā upādānavippayuttā.
༡༥༥༩. ཀཏམེ དྷམྨཱ ཨུཔཱདཱནཱ ཙེཝ ཨུཔཱདཱནིཡཱ ཙ? ཏཱནེཝ ཨུཔཱདཱནཱནི ཨུཔཱདཱནཱ ཙེཝ ཨུཔཱདཱནིཡཱ ཙ།
1559. Katame dhammā upādānā ceva upādāniyā ca? Tāneva upādānāni upādānā ceva upādāniyā ca.
༡༥༦༠. ཀཏམེ དྷམྨཱ ཨུཔཱདཱནིཡཱ ཙེཝ ནོ ཙ ཨུཔཱདཱནཱ? ཋཔེཏྭཱ ཨུཔཱདཱནེ ཨཝསེསཾ ཨཀུསལཾ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ཨུཔཱདཱནིཡཱ ཙེཝ ནོ ཙ ཨུཔཱདཱནཱ ། ཨནུཔཱདཱནིཡཱ དྷམྨཱ ན ཝཏྟབྦཱ – ཨུཔཱདཱནཱ ཙེཝ ཨུཔཱདཱནིཡཱ ཙཱཏིཔི, ཨུཔཱདཱནིཡཱ ཙེཝ ནོ ཙ ཨུཔཱདཱནཱཏིཔི།
1560. Katame dhammā upādāniyā ceva no ca upādānā? Ṭhapetvā upādāne avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā upādāniyā ceva no ca upādānā . Anupādāniyā dhammā na vattabbā – upādānā ceva upādāniyā cātipi, upādāniyā ceva no ca upādānātipi.
༡༥༦༡. ཀཏམེ དྷམྨཱ ཨུཔཱདཱནཱ ཙེཝ ཨུཔཱདཱནསམྤཡུཏྟཱ ཙ? ཡཏྠ དིཊྛི ཙ ལོབྷོ ཙ ཨེཀཏོ ཨུཔྤཛྫནྟི – ཨིམེ དྷམྨཱ ཨུཔཱདཱནཱ ཙེཝ ཨུཔཱདཱནསམྤཡུཏྟཱ ཙ།
1561. Katame dhammā upādānā ceva upādānasampayuttā ca? Yattha diṭṭhi ca lobho ca ekato uppajjanti – ime dhammā upādānā ceva upādānasampayuttā ca.
༡༥༦༢. ཀཏམེ དྷམྨཱ ཨུཔཱདཱནསམྤཡུཏྟཱ ཙེཝ ནོ ཙ ཨུཔཱདཱནཱ? ཨཊྛ ལོབྷསཧགཏཙིཏྟུཔྤཱདཱ, ཨེཏྠུཔྤནྣེ ཨུཔཱདཱནེ ཋཔེཏྭཱ – ཨིམེ དྷམྨཱ ཨུཔཱདཱནསམྤཡུཏྟཱ ཙེཝ ནོ ཙ ཨུཔཱདཱནཱ། ཨུཔཱདཱནཝིཔྤཡུཏྟཱ དྷམྨཱ ན ཝཏྟབྦཱ – ཨུཔཱདཱནཱ ཙེཝ ཨུཔཱདཱནསམྤཡུཏྟཱ ཙཱཏིཔི, ཨུཔཱདཱནསམྤཡུཏྟཱ ཙེཝ ནོ ཙ ཨུཔཱདཱནཱཏིཔི།
1562. Katame dhammā upādānasampayuttā ceva no ca upādānā? Aṭṭha lobhasahagatacittuppādā, etthuppanne upādāne ṭhapetvā – ime dhammā upādānasampayuttā ceva no ca upādānā. Upādānavippayuttā dhammā na vattabbā – upādānā ceva upādānasampayuttā cātipi, upādānasampayuttā ceva no ca upādānātipi.
༡༥༦༣. ཀཏམེ དྷམྨཱ ཨུཔཱདཱནཝིཔྤཡུཏྟཱ ཨུཔཱདཱནིཡཱ? ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤནྣོ ལོབྷོ, དྭེ དོམནསྶསཧགཏཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ ཙིཏྟུཔྤཱདོ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ཨུཔཱདཱནཝིཔྤཡུཏྟཱ ཨུཔཱདཱནིཡཱ།
1563. Katame dhammā upādānavippayuttā upādāniyā? Catūsu diṭṭhigatavippayuttalobhasahagatesu cittuppādesu uppanno lobho, dve domanassasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā upādānavippayuttā upādāniyā.
༡༥༦༤. ཀཏམེ དྷམྨཱ ཨུཔཱདཱནཝིཔྤཡུཏྟཱ ཨནུཔཱདཱནིཡཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨུཔཱདཱནཝིཔྤཡུཏྟཱ ཨནུཔཱདཱནིཡཱ། ཨུཔཱདཱནསམྤཡུཏྟཱ དྷམྨཱ ན ཝཏྟབྦཱ – ཨུཔཱདཱནཝིཔྤཡུཏྟཱ ཨུཔཱདཱནིཡཱཏིཔི, ཨུཔཱདཱནཝིཔྤཡུཏྟཱ ཨནུཔཱདཱནིཡཱཏིཔི།
1564. Katame dhammā upādānavippayuttā anupādāniyā? Cattāro maggā apariyāpannā, cattāri ca sāmaññaphalāni, nibbānañca – ime dhammā upādānavippayuttā anupādāniyā. Upādānasampayuttā dhammā na vattabbā – upādānavippayuttā upādāniyātipi, upādānavippayuttā anupādāniyātipi.
ཀིལེསགོཙྪཀཾ
Kilesagocchakaṃ
༡༥༦༥. ཀཏམེ དྷམྨཱ ཀིལེསཱ? དས ཀིལེསཝཏྠཱུནི – ལོབྷོ, དོསོ, མོཧོ, མཱནོ, དིཊྛི, ཝིཙིཀིཙྪཱ, ཐིནཾ, ཨུདྡྷཙྩཾ, ཨཧིརིཀཾ, ཨནོཏྟཔྤཾ། ལོབྷོ ཨཊྛསུ ལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། དོསོ དྭཱིསུ དོམནསྶསཧགཏེསུ ཙིཏྟུཔྤཱདེསུ ཨུཔྤཛྫཏི། མོཧོ སབྦཱཀུསལེསུ ཨུཔྤཛྫཏི། མཱནོ ཙཏཱུསུ དིཊྛིགཏཝིཔྤཡུཏྟལོབྷསཧགཏེསུ ཙིཏྟུཔྤཱདེསུ ཨུཔྤཛྫཏི། དིཊྛི ཙཏཱུསུ དིཊྛིགཏསམྤཡུཏྟེསུ ཙིཏྟུཔྤཱདེསུ ཨུཔྤཛྫཏི། ཝིཙིཀིཙྪཱ ཝིཙིཀིཙྪཱསཧགཏེསུ ཙིཏྟུཔྤཱདེསུ ཨུཔྤཛྫཏི། ཐིནཾ སསངྑཱརིཀེསུ ཨཀུསལེསུ ཨུཔྤཛྫཏི། ཨུདྡྷཙྩཉྩ ཨཧིརིཀཉྩ ཨནོཏྟཔྤཉྩ སབྦཱཀུསལེསུ ཨུཔྤཛྫནྟི – ཨིམེ དྷམྨཱ ཀིལེསཱ།
1565. Katame dhammā kilesā? Dasa kilesavatthūni – lobho, doso, moho, māno, diṭṭhi, vicikicchā, thinaṃ, uddhaccaṃ, ahirikaṃ, anottappaṃ. Lobho aṭṭhasu lobhasahagatesu cittuppādesu uppajjati. Doso dvīsu domanassasahagatesu cittuppādesu uppajjati. Moho sabbākusalesu uppajjati. Māno catūsu diṭṭhigatavippayuttalobhasahagatesu cittuppādesu uppajjati. Diṭṭhi catūsu diṭṭhigatasampayuttesu cittuppādesu uppajjati. Vicikicchā vicikicchāsahagatesu cittuppādesu uppajjati. Thinaṃ sasaṅkhārikesu akusalesu uppajjati. Uddhaccañca ahirikañca anottappañca sabbākusalesu uppajjanti – ime dhammā kilesā.
༡༥༦༦. ཀཏམེ དྷམྨཱ ནོ ཀིལེསཱ? ཋཔེཏྭཱ ཀིལེསེ ཨཝསེསཾ ཨཀུསལཾ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ནོ ཀིལེསཱ།
1566. Katame dhammā no kilesā? Ṭhapetvā kilese avasesaṃ akusalaṃ, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā no kilesā.
༡༥༦༧. ཀཏམེ དྷམྨཱ སཾཀིལེསིཀཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ སབྦཉྩ རཱུཔཾ – ཨིམེ དྷམྨཱ སཾཀིལེསིཀཱ།
1567. Katame dhammā saṃkilesikā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ sabbañca rūpaṃ – ime dhammā saṃkilesikā.
༡༥༦༨. ཀཏམེ དྷམྨཱ ཨསཾཀིལེསིཀཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨསཾཀིལེསིཀཱ།
1568. Katame dhammā asaṃkilesikā? Cattāro maggā apariyāpannā, cattāri ca sāmaññaphalāni, nibbānañca – ime dhammā asaṃkilesikā.
༡༥༦༩. ཀཏམེ དྷམྨཱ སཾཀིལིཊྛཱ? དྭཱདས ཨཀུསལཙིཏྟུཔྤཱདཱ – ཨིམེ དྷམྨཱ སཾཀིལིཊྛཱ།
1569. Katame dhammā saṃkiliṭṭhā? Dvādasa akusalacittuppādā – ime dhammā saṃkiliṭṭhā.
༡༥༧༠. ཀཏམེ དྷམྨཱ ཨསཾཀིལིཊྛཱ? ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ཨསཾཀིལིཊྛཱ།
1570. Katame dhammā asaṃkiliṭṭhā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā asaṃkiliṭṭhā.
༡༥༧༡. ཀཏམེ དྷམྨཱ ཀིལེསསམྤཡུཏྟཱ? དྭཱདས ཨཀུསལཙིཏྟུཔྤཱདཱ – ཨིམེ དྷམྨཱ ཀིལེསསམྤཡུཏྟཱ།
1571. Katame dhammā kilesasampayuttā? Dvādasa akusalacittuppādā – ime dhammā kilesasampayuttā.
༡༥༧༢. ཀཏམེ དྷམྨཱ ཀིལེསཝིཔྤཡུཏྟཱ? ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ཀིལེསཝིཔྤཡུཏྟཱ།
1572. Katame dhammā kilesavippayuttā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā kilesavippayuttā.
༡༥༧༣. ཀཏམེ དྷམྨཱ ཀིལེསཱ ཙེཝ སཾཀིལེསིཀཱ ཙ? ཏེཝ ཀིལེསཱ ཀིལེསཱ ཙེཝ སཾཀིལེསིཀཱ ཙ།
1573. Katame dhammā kilesā ceva saṃkilesikā ca? Teva kilesā kilesā ceva saṃkilesikā ca.
༡༥༧༤. ཀཏམེ དྷམྨཱ སཾཀིལེསིཀཱ ཙེཝ ནོ ཙ ཀིལེསཱ? ཋཔེཏྭཱ ཀིལེསེ ཨཝསེསཾ ཨཀུསལཾ, ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཾཀིལེསིཀཱ ཙེཝ ནོ ཙ ཀིལེསཱ། ཨསཾཀིལེསིཀཱ དྷམྨཱ ན ཝཏྟབྦཱ – ཀིལེསཱ ཙེཝ སཾཀིལེསིཀཱ ཙཱཏིཔི, སཾཀིལེསིཀཱ ཙེཝ ནོ ཙ ཀིལེསཱཏིཔི།
1574. Katame dhammā saṃkilesikā ceva no ca kilesā? Ṭhapetvā kilese avasesaṃ akusalaṃ, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā saṃkilesikā ceva no ca kilesā. Asaṃkilesikā dhammā na vattabbā – kilesā ceva saṃkilesikā cātipi, saṃkilesikā ceva no ca kilesātipi.
༡༥༧༥. ཀཏམེ དྷམྨཱ ཀིལེསཱ ཙེཝ སཾཀིལིཊྛཱ ཙ? ཏེཝ ཀིལེསཱ ཀིལེསཱ ཙེཝ སཾཀིལིཊྛཱ ཙ།
1575. Katame dhammā kilesā ceva saṃkiliṭṭhā ca? Teva kilesā kilesā ceva saṃkiliṭṭhā ca.
༡༥༧༦. ཀཏམེ དྷམྨཱ སཾཀིལིཊྛཱ ཙེཝ ནོ ཙ ཀིལེསཱ? ཋཔེཏྭཱ ཀིལེསེ ཨཝསེསཾ ཨཀུསལཾ – ཨིམེ དྷམྨཱ སཾཀིལིཊྛཱ ཙེཝ ནོ ཙ ཀིལེསཱ ། ཨསཾཀིལིཊྛཱ དྷམྨཱ ན ཝཏྟབྦཱ – ཀིལེསཱ ཙེཝ སཾཀིལིཊྛཱ ཙཱཏིཔི, སཾཀིལིཊྛཱ ཙེཝ ནོ ཙ ཀིལེསཱཏིཔི།
1576. Katame dhammā saṃkiliṭṭhā ceva no ca kilesā? Ṭhapetvā kilese avasesaṃ akusalaṃ – ime dhammā saṃkiliṭṭhā ceva no ca kilesā . Asaṃkiliṭṭhā dhammā na vattabbā – kilesā ceva saṃkiliṭṭhā cātipi, saṃkiliṭṭhā ceva no ca kilesātipi.
༡༥༧༧. ཀཏམེ དྷམྨཱ ཀིལེསཱ ཙེཝ ཀིལེསསམྤཡུཏྟཱ ཙ? ཡཏྠ དྭེ ཏཡོ ཀིལེསཱ ཨེཀཏོ ཨུཔྤཛྫནྟི – ཨིམེ དྷམྨཱ ཀིལེསཱ ཙེཝ ཀིལེསསམྤཡུཏྟཱ ཙ།
1577. Katame dhammā kilesā ceva kilesasampayuttā ca? Yattha dve tayo kilesā ekato uppajjanti – ime dhammā kilesā ceva kilesasampayuttā ca.
༡༥༧༨. ཀཏམེ དྷམྨཱ ཀིལེསསམྤཡུཏྟཱ ཙེཝ ནོ ཙ ཀིལེསཱ? ཋཔེཏྭཱ ཀིལེསེ ཨཝསེསཾ ཨཀུསལཾ – ཨིམེ དྷམྨཱ ཀིལེསསམྤཡུཏྟཱ ཙེཝ ནོ ཙ ཀིལེསཱ། ཀིལེསཝིཔྤཡུཏྟཱ དྷམྨཱ ན ཝཏྟབྦཱ – ཀིལེསཱ ཙེཝ ཀིལེསསམྤཡུཏྟཱ ཙཱཏིཔི, ཀིལེསསམྤཡུཏྟཱ ཙེཝ ནོ ཙ ཀིལེསཱཏིཔི།
1578. Katame dhammā kilesasampayuttā ceva no ca kilesā? Ṭhapetvā kilese avasesaṃ akusalaṃ – ime dhammā kilesasampayuttā ceva no ca kilesā. Kilesavippayuttā dhammā na vattabbā – kilesā ceva kilesasampayuttā cātipi, kilesasampayuttā ceva no ca kilesātipi.
༡༥༧༩. ཀཏམེ དྷམྨཱ ཀིལེསཝིཔྤཡུཏྟཱ སཾཀིལེསིཀཱ? ཏཱིསུ བྷཱུམཱིསུ ཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ཀིལེསཝིཔྤཡུཏྟཱ སཾཀིལེསིཀཱ།
1579. Katame dhammā kilesavippayuttā saṃkilesikā? Tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā kilesavippayuttā saṃkilesikā.
༡༥༨༠. ཀཏམེ དྷམྨཱ ཀིལེསཝིཔྤཡུཏྟཱ ཨསཾཀིལེསིཀཱ? ཙཏྟཱརོ མགྒཱ ཨཔརིཡཱཔནྣཱ , ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཀིལེསཝིཔྤཡུཏྟཱ ཨསཾཀིལེསིཀཱ། ཀིལེསསམྤཡུཏྟཱ དྷམྨཱ ན ཝཏྟབྦཱ – ཀིལེསཝིཔྤཡུཏྟཱ སཾཀིལེསིཀཱཏིཔི, ཀིལེསཝིཔྤཡུཏྟཱ ཨསཾཀིལེསིཀཱཏིཔི།
1580. Katame dhammā kilesavippayuttā asaṃkilesikā? Cattāro maggā apariyāpannā , cattāri ca sāmaññaphalāni, nibbānañca – ime dhammā kilesavippayuttā asaṃkilesikā. Kilesasampayuttā dhammā na vattabbā – kilesavippayuttā saṃkilesikātipi, kilesavippayuttā asaṃkilesikātipi.
པིཊྛིདུཀཾ
Piṭṭhidukaṃ
༡༥༨༡. ཀཏམེ དྷམྨཱ དསྶནེན པཧཱཏབྦཱ? ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ – ཨིམེ དྷམྨཱ དསྶནེན པཧཱཏབྦཱ། ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, དྭེ དོམནསྶསཧགཏཙིཏྟུཔྤཱདཱ – ཨིམེ དྷམྨཱ སིཡཱ དསྶནེན པཧཱཏབྦཱ, སིཡཱ ན དསྶནེན པཧཱཏབྦཱ།
1581. Katame dhammā dassanena pahātabbā? Cattāro diṭṭhigatasampayuttacittuppādā, vicikicchāsahagato cittuppādo – ime dhammā dassanena pahātabbā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā dassanena pahātabbā, siyā na dassanena pahātabbā.
༡༥༨༢. ཀཏམེ དྷམྨཱ ན དསྶནེན པཧཱཏབྦཱ? ཨུདྡྷཙྩསཧགཏོ ཙིཏྟུཔྤཱདོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ན དསྶནེན པཧཱཏབྦཱ།
1582. Katame dhammā na dassanena pahātabbā? Uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na dassanena pahātabbā.
༡༥༨༣. ཀཏམེ དྷམྨཱ བྷཱཝནཱཡ པཧཱཏབྦཱ? ཨུདྡྷཙྩསཧགཏོ ཙིཏྟུཔྤཱདོ – ཨིམེ དྷམྨཱ བྷཱཝནཱཡ པཧཱཏབྦཱ། ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, དྭེ དོམནསྶསཧགཏཙིཏྟུཔྤཱདཱ – ཨིམེ དྷམྨཱ སིཡཱ བྷཱཝནཱཡ པཧཱཏབྦཱ, སིཡཱ ན བྷཱཝནཱཡ པཧཱཏབྦཱ།
1583. Katame dhammā bhāvanāya pahātabbā? Uddhaccasahagato cittuppādo – ime dhammā bhāvanāya pahātabbā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā bhāvanāya pahātabbā, siyā na bhāvanāya pahātabbā.
༡༥༨༤. ཀཏམེ དྷམྨཱ ན བྷཱཝནཱཡ པཧཱཏབྦཱ? ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ན བྷཱཝནཱཡ པཧཱཏབྦཱ།
1584. Katame dhammā na bhāvanāya pahātabbā? Cattāro diṭṭhigatasampayuttacittuppādā, vicikicchāsahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na bhāvanāya pahātabbā.
༡༥༨༥. ཀཏམེ དྷམྨཱ དསྶནེན པཧཱཏབྦཧེཏུཀཱ? ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཨེཏྠུཔྤནྣཾ མོཧཾ ཋཔེཏྭཱ – ཨིམེ དྷམྨཱ དསྶནེན པཧཱཏབྦཧེཏུཀཱ། ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, དྭེ དོམནསྶསཧགཏཙིཏྟུཔྤཱདཱ – ཨིམེ དྷམྨཱ སིཡཱ དསྶནེན པཧཱཏབྦཧེཏུཀཱ, སིཡཱ ན དསྶནེན པཧཱཏབྦཧེཏུཀཱ།
1585. Katame dhammā dassanena pahātabbahetukā? Cattāro diṭṭhigatasampayuttacittuppādā, vicikicchāsahagato cittuppādo, etthuppannaṃ mohaṃ ṭhapetvā – ime dhammā dassanena pahātabbahetukā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā dassanena pahātabbahetukā, siyā na dassanena pahātabbahetukā.
༡༥༨༦. ཀཏམེ དྷམྨཱ ན དསྶནེན པཧཱཏབྦཧེཏུཀཱ? ཝིཙིཀིཙྪཱསཧགཏོ མོཧོ, ཨུདྡྷཙྩསཧགཏོ ཙིཏྟུཔྤཱདོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ན དསྶནེན པཧཱཏབྦཧེཏུཀཱ།
1586. Katame dhammā na dassanena pahātabbahetukā? Vicikicchāsahagato moho, uddhaccasahagato cittuppādo, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na dassanena pahātabbahetukā.
༡༥༨༧. ཀཏམེ དྷམྨཱ བྷཱཝནཱཡ པཧཱཏབྦཧེཏུཀཱ? ཨུདྡྷཙྩསཧགཏོ ཙིཏྟུཔྤཱདོ, ཨེཏྠུཔྤནྣཾ མོཧཾ ཋཔེཏྭཱ – ཨིམེ དྷམྨཱ བྷཱཝནཱཡ པཧཱཏབྦཧེཏུཀཱ། ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, དྭེ དོམནསྶསཧགཏཙིཏྟུཔྤཱདཱ – ཨིམེ དྷམྨཱ སིཡཱ བྷཱཝནཱཡ པཧཱཏབྦཧེཏུཀཱ, སིཡཱ ན བྷཱཝནཱཡ པཧཱཏབྦཧེཏུཀཱ།
1587. Katame dhammā bhāvanāya pahātabbahetukā? Uddhaccasahagato cittuppādo, etthuppannaṃ mohaṃ ṭhapetvā – ime dhammā bhāvanāya pahātabbahetukā. Cattāro diṭṭhigatavippayuttalobhasahagatacittuppādā, dve domanassasahagatacittuppādā – ime dhammā siyā bhāvanāya pahātabbahetukā, siyā na bhāvanāya pahātabbahetukā.
༡༥༨༨. ཀཏམེ དྷམྨཱ ན བྷཱཝནཱཡ པཧཱཏབྦཧེཏུཀཱ? ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ མོཧོ, ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ན བྷཱཝནཱཡ པཧཱཏབྦཧེཏུཀཱ།
1588. Katame dhammā na bhāvanāya pahātabbahetukā? Cattāro diṭṭhigatasampayuttacittuppādā, vicikicchāsahagato cittuppādo, uddhaccasahagato moho, catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā na bhāvanāya pahātabbahetukā.
༡༥༨༩. ཀཏམེ དྷམྨཱ སཝིཏཀྐཱ? ཀཱམཱཝཙརཀུསལཾ, ཨཀུསལཾ, ཀཱམཱཝཙརཀུསལསྶ ཝིཔཱཀཏོ ཨེཀཱདས ཙིཏྟུཔྤཱདཱ, ཨཀུསལསྶ ཝིཔཱཀཏོ དྭེ, ཀིརིཡཏོ ཨེཀཱདས, རཱུཔཱཝཙརཾ པཋམཾ ཛྷཱནཾ ཀུསལཏོ ཙ ཝིཔཱཀཏོ ཙ ཀིརིཡཏོ ཙ ལོཀུཏྟརཾ པཋམཾ ཛྷཱནཾ ཀུསལཏོ ཙ ཝིཔཱཀཏོ ཙ, ཨེཏྠུཔྤནྣཾ ཝིཏཀྐཾ ཋཔེཏྭཱ – ཨིམེ དྷམྨཱ སཝིཏཀྐཱ།
1589. Katame dhammā savitakkā? Kāmāvacarakusalaṃ, akusalaṃ, kāmāvacarakusalassa vipākato ekādasa cittuppādā, akusalassa vipākato dve, kiriyato ekādasa, rūpāvacaraṃ paṭhamaṃ jhānaṃ kusalato ca vipākato ca kiriyato ca lokuttaraṃ paṭhamaṃ jhānaṃ kusalato ca vipākato ca, etthuppannaṃ vitakkaṃ ṭhapetvā – ime dhammā savitakkā.
༡༥༩༠. ཀཏམེ དྷམྨཱ ཨཝིཏཀྐཱ? དྭེཔཉྩཝིཉྙཱཎཱནི, རཱུཔཱཝཙརཏིཀཙཏུཀྐཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ཙཏྟཱརོ ཨརཱུཔཱཝཙརཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརཏིཀཙཏུཀྐཛ྄ཛྷཱནཱ ཀུསལཏོ ཙ ཝིཔཱཀཏོ ཙ, ཝིཏཀྐོ ཙ, རཱུཔཉྩ, ནིབྦཱནཉྩ – ཨིམེ དྷམྨཱ ཨཝིཏཀྐཱ།
1590. Katame dhammā avitakkā? Dvepañcaviññāṇāni, rūpāvacaratikacatukkajjhānā kusalato ca vipākato ca kiriyato ca, cattāro arūpāvacarā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, vitakko ca, rūpañca, nibbānañca – ime dhammā avitakkā.
༡༥༩༡. ཀཏམེ དྷམྨཱ སཝིཙཱརཱ? ཀཱམཱཝཙརཀུསལཾ , ཨཀུསལཾ, ཀཱམཱཝཙརཀུསལསྶ ཝིཔཱཀཏོ ཨེཀཱདས ཙིཏྟུཔྤཱདཱ, ཨཀུསལསྶ ཝིཔཱཀཏོ དྭེ ཀིརིཡཏོ ཨེཀཱདས, རཱུཔཱཝཙརཨེཀཀདུཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརཨེཀཀདུཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ, ཨེཏྠུཔྤནྣཾ ཝིཙཱརཾ ཋཔེཏྭཱ – ཨིམེ དྷམྨཱ སཝིཙཱརཱ།
1591. Katame dhammā savicārā? Kāmāvacarakusalaṃ , akusalaṃ, kāmāvacarakusalassa vipākato ekādasa cittuppādā, akusalassa vipākato dve kiriyato ekādasa, rūpāvacaraekakadukajjhānā kusalato ca vipākato ca kiriyato ca, lokuttaraekakadukajjhānā kusalato ca vipākato ca, etthuppannaṃ vicāraṃ ṭhapetvā – ime dhammā savicārā.
༡༥༩༢. ཀཏམེ དྷམྨཱ ཨཝིཙཱརཱ? དྭེཔཉྩཝིཉྙཱཎཱནི, རཱུཔཱཝཙརཏིཀཏིཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ཙཏྟཱརོ ཨཱརུཔྤཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརཏིཀཏིཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ, ཝིཙཱརོ ཙ, རཱུཔཉྩ, ནིབྦཱནཉྩ – ཨིམེ དྷམྨཱ ཨཝིཙཱརཱ།
1592. Katame dhammā avicārā? Dvepañcaviññāṇāni, rūpāvacaratikatikajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaratikatikajjhānā kusalato ca vipākato ca, vicāro ca, rūpañca, nibbānañca – ime dhammā avicārā.
༡༥༩༣. ཀཏམེ དྷམྨཱ སཔྤཱིཏིཀཱ? ཀཱམཱཝཙརཀུསལཏོ ཙཏྟཱརོ སོམནསྶསཧགཏཙིཏྟུཔྤཱདཱ, ཨཀུསལཏོ ཙཏྟཱརོ, ཀཱམཱཝཙརཀུསལསྶ ཝིཔཱཀཏོ པཉྩ, ཀིརིཡཏོ པཉྩ, རཱུཔཱཝཙརདུཀཏིཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརདུཀཏིཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ, ཨེཏྠུཔྤནྣཾ པཱིཏིཾ ཋཔེཏྭཱ – ཨིམེ དྷམྨཱ སཔྤཱིཏིཀཱ།
1593. Katame dhammā sappītikā? Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato pañca, kiriyato pañca, rūpāvacaradukatikajjhānā kusalato ca vipākato ca kiriyato ca, lokuttaradukatikajjhānā kusalato ca vipākato ca, etthuppannaṃ pītiṃ ṭhapetvā – ime dhammā sappītikā.
༡༥༩༤. ཀཏམེ དྷམྨཱ ཨཔྤཱིཏིཀཱ? ཀཱམཱཝཙརཀུསལཏོ ཙཏྟཱརོ ཨུཔེཀྑཱསཧགཏཙིཏྟུཔྤཱདཱ, ཨཀུསལཏོ ཨཊྛ, ཀཱམཱཝཙརཀུསལསྶ ཝིཔཱཀཏོ ཨེཀཱདས, ཨཀུསལསྶ ཝིཔཱཀཏོ སཏྟ, ཀིརིཡཏོ ཚ, རཱུཔཱཝཙརདུཀདུཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ཙཏྟཱརོ ཨཱརུཔྤཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརདུཀདུཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ པཱིཏི ཙ, རཱུཔཉྩ, ནིབྦཱནཉྩ – ཨིམེ དྷམྨཱ ཨཔྤཱིཏིཀཱ།
1594. Katame dhammā appītikā? Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato ekādasa, akusalassa vipākato satta, kiriyato cha, rūpāvacaradukadukajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaradukadukajjhānā kusalato ca vipākato ca pīti ca, rūpañca, nibbānañca – ime dhammā appītikā.
༡༥༩༥. ཀཏམེ དྷམྨཱ པཱིཏིསཧགཏཱ? ཀཱམཱཝཙརཀུསལཏོ ཙཏྟཱརོ སོམནསྶསཧགཏཙིཏྟུཔྤཱདཱ, ཨཀུསལཏོ ཙཏྟཱརོ, ཀཱམཱཝཙརཀུསལསྶ ཝིཔཱཀཏོ པཉྩ, ཀིརིཡཏོ པཉྩ, རཱུཔཱཝཙརདུཀཏིཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརདུཀཏིཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ, ཨེཏྠུཔྤནྣཾ པཱིཏིཾ ཋཔེཏྭཱ – ཨིམེ དྷམྨཱ པཱིཏིསཧགཏཱ།
1595. Katame dhammā pītisahagatā? Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato pañca, kiriyato pañca, rūpāvacaradukatikajjhānā kusalato ca vipākato ca kiriyato ca, lokuttaradukatikajjhānā kusalato ca vipākato ca, etthuppannaṃ pītiṃ ṭhapetvā – ime dhammā pītisahagatā.
༡༥༩༦. ཀཏམེ དྷམྨཱ ན པཱིཏིསཧགཏཱ? ཀཱམཱཝཙརཀུསལཏོ ཙཏྟཱརོ ཨུཔེཀྑཱསཧགཏཙིཏྟུཔྤཱདཱ, ཨཀུསལཏོ ཨཊྛ, ཀཱམཱཝཙརཀུསལསྶ ཝིཔཱཀཏོ ཨེཀཱདས, ཨཀུསལསྶ ཝིཔཱཀཏོ སཏྟ, ཀིརིཡཏོ ཚ, རཱུཔཱཝཙརདུཀདུཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ཙཏྟཱརོ ཨཱརུཔྤཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརདུཀདུཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ, པཱིཏི ཙ, རཱུཔཉྩ, ནིབྦཱནཉྩ – ཨིམེ དྷམྨཱ ན པཱིཏིསཧགཏཱ།
1596. Katame dhammā na pītisahagatā? Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato ekādasa, akusalassa vipākato satta, kiriyato cha, rūpāvacaradukadukajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaradukadukajjhānā kusalato ca vipākato ca, pīti ca, rūpañca, nibbānañca – ime dhammā na pītisahagatā.
༡༥༩༧. ཀཏམེ དྷམྨཱ སུཁསཧགཏཱ? ཀཱམཱཝཙརཀུསལཏོ ཙཏྟཱརོ སོམནསྶསཧགཏཙིཏྟུཔྤཱདཱ, ཨཀུསལཏོ ཙཏྟཱརོ, ཀཱམཱཝཙརཀུསལསྶ ཝིཔཱཀཏོ ཚ, ཀིརིཡཏོ པཉྩ, རཱུཔཱཝཙརཏིཀཙཏུཀྐཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ ལོཀུཏྟརཏིཀཙཏུཀྐཛ྄ཛྷཱནཱ ཀུསལཏོ ཙ ཝིཔཱཀཏོ ཙ, ཨེཏྠུཔྤནྣཾ སུཁཾ ཋཔེཏྭཱ – ཨིམེ དྷམྨཱ སུཁསཧགཏཱ།
1597. Katame dhammā sukhasahagatā? Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato cha, kiriyato pañca, rūpāvacaratikacatukkajjhānā kusalato ca vipākato ca kiriyato ca lokuttaratikacatukkajjhānā kusalato ca vipākato ca, etthuppannaṃ sukhaṃ ṭhapetvā – ime dhammā sukhasahagatā.
༡༥༩༨. ཀཏམེ དྷམྨཱ ན སུཁསཧགཏཱ? ཀཱམཱཝཙརཀུསལཏོ ཙཏྟཱརོ ཨུཔེཀྑཱསཧགཏཙིཏྟུཔྤཱདཱ, ཨཀུསལཏོ ཨཊྛ, ཀཱམཱཝཙརཀུསལསྶ ཝིཔཱཀཏོ དས, ཨཀུསལསྶ ཝིཔཱཀཏོ སཏྟ, ཀིརིཡཏོ ཚ, རཱུཔཱཝཙརཾ ཙཏུཏྠཾ ཛྷཱནཾ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ཙཏྟཱརོ ཨཱརུཔྤཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ ལོཀུཏྟརཾ ཙཏུཏྠཾ ཛྷཱནཾ ཀུསལཏོ ཙ ཝིཔཱཀཏོ ཙ, སུཁཉྩ, རཱུཔཉྩ, ནིབྦཱནཉྩ – ཨིམེ དྷམྨཱ ན སུཁསཧགཏཱ།
1598. Katame dhammā na sukhasahagatā? Kāmāvacarakusalato cattāro upekkhāsahagatacittuppādā, akusalato aṭṭha, kāmāvacarakusalassa vipākato dasa, akusalassa vipākato satta, kiriyato cha, rūpāvacaraṃ catutthaṃ jhānaṃ kusalato ca vipākato ca kiriyato ca, cattāro āruppā kusalato ca vipākato ca kiriyato ca lokuttaraṃ catutthaṃ jhānaṃ kusalato ca vipākato ca, sukhañca, rūpañca, nibbānañca – ime dhammā na sukhasahagatā.
༡༥༩༩. ཀཏམེ དྷམྨཱ ཨུཔེཀྑཱསཧགཏཱ? ཀཱམཱཝཙརཀུསལཏོ ཙཏྟཱརོ ཨུཔེཀྑཱསཧགཏཙིཏྟུཔྤཱདཱ, ཨཀུསལཏོ ཚ, ཀཱམཱཝཙརཀུསལསྶ ཝིཔཱཀཏོ དས, ཨཀུསལསྶ ཝིཔཱཀཏོ ཚ, ཀིརིཡཏོ ཚ , རཱུཔཱཝཙརཾ ཙཏུཏྠཾ ཛྷཱནཾ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ཙཏྟཱརོ ཨཱརུཔྤཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརཾ ཙཏུཏྠཾ ཛྷཱནཾ ཀུསལཏོ ཙ ཝིཔཱཀཏོ ཙ, ཨེཏྠུཔྤནྣཾ ཨུཔེཀྑཾ ཋཔེཏྭཱ – ཨིམེ དྷམྨཱ ཨུཔེཀྑཱསཧགཏཱ།
1599. Katame dhammā upekkhāsahagatā? Kāmāvacarakusalato cattāro upekkhāsahagatacittuppādā, akusalato cha, kāmāvacarakusalassa vipākato dasa, akusalassa vipākato cha, kiriyato cha , rūpāvacaraṃ catutthaṃ jhānaṃ kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaraṃ catutthaṃ jhānaṃ kusalato ca vipākato ca, etthuppannaṃ upekkhaṃ ṭhapetvā – ime dhammā upekkhāsahagatā.
༡༦༠༠. ཀཏམེ དྷམྨཱ ན ཨུཔེཀྑཱསཧགཏཱ? ཀཱམཱཝཙརཀུསལཏོ ཙཏྟཱརོ སོམནསྶསཧགཏཙིཏྟུཔྤཱདཱ, ཨཀུསལཏོ ཚ, ཀཱམཱཝཙརཀུསལསྶ ཝིཔཱཀཏོ ཚ, ཨཀུསལསྶ ཝིཔཱཀཏོ ཨེཀོ, ཀིརིཡཏོ པཉྩ, རཱུཔཱཝཙརཏིཀཙཏུཀྐཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ, ལོཀུཏྟརཏིཀཙཏུཀྐཛ྄ཛྷཱནཱ ཀུསལཏོ ཙ ཝིཔཱཀཏོ ཙ, ཨུཔེཀྑཱ ཙ, རཱུཔཉྩ, ནིབྦཱནཉྩ – ཨིམེ དྷམྨཱ ན ཨུཔེཀྑཱསཧགཏཱ།
1600. Katame dhammā na upekkhāsahagatā? Kāmāvacarakusalato cattāro somanassasahagatacittuppādā, akusalato cha, kāmāvacarakusalassa vipākato cha, akusalassa vipākato eko, kiriyato pañca, rūpāvacaratikacatukkajjhānā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, upekkhā ca, rūpañca, nibbānañca – ime dhammā na upekkhāsahagatā.
༡༦༠༡. ཀཏམེ དྷམྨཱ ཀཱམཱཝཙརཱ? ཀཱམཱཝཙརཀུསལཾ, ཨཀུསལཾ, སབྦོ ཀཱམཱཝཙརསྶ ཝིཔཱཀོ, ཀཱམཱཝཙརཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ ཀཱམཱཝཙརཱ།
1601. Katame dhammā kāmāvacarā? Kāmāvacarakusalaṃ, akusalaṃ, sabbo kāmāvacarassa vipāko, kāmāvacarakiriyābyākataṃ, sabbañca rūpaṃ – ime dhammā kāmāvacarā.
༡༦༠༢. ཀཏམེ དྷམྨཱ ན ཀཱམཱཝཙརཱ? རཱུཔཱཝཙརཱ , ཨརཱུཔཱཝཙརཱ, ཨཔརིཡཱཔནྣཱ – ཨིམེ དྷམྨཱ ན ཀཱམཱཝཙརཱ།
1602. Katame dhammā na kāmāvacarā? Rūpāvacarā , arūpāvacarā, apariyāpannā – ime dhammā na kāmāvacarā.
༡༦༠༣. ཀཏམེ དྷམྨཱ རཱུཔཱཝཙརཱ? རཱུཔཱཝཙརཙཏུཀྐཔཉྩཀཛ྄ཛྷཱནཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ – ཨིམེ དྷམྨཱ རཱུཔཱཝཙརཱ།
1603. Katame dhammā rūpāvacarā? Rūpāvacaracatukkapañcakajjhānā kusalato ca vipākato ca kiriyato ca – ime dhammā rūpāvacarā.
༡༦༠༤. ཀཏམེ དྷམྨཱ ན རཱུཔཱཝཙརཱ? ཀཱམཱཝཙརཱ, ཨརཱུཔཱཝཙརཱ, ཨཔརིཡཱཔནྣཱ – ཨིམེ དྷམྨཱ ན རཱུཔཱཝཙརཱ།
1604. Katame dhammā na rūpāvacarā? Kāmāvacarā, arūpāvacarā, apariyāpannā – ime dhammā na rūpāvacarā.
༡༦༠༥. ཀཏམེ དྷམྨཱ ཨརཱུཔཱཝཙརཱ? ཙཏྟཱརོ ཨཱརུཔྤཱ ཀུསལཏོ ཙ ཝིཔཱཀཏོ ཙ ཀིརིཡཏོ ཙ – ཨིམེ དྷམྨཱ ཨརཱུཔཱཝཙརཱ།
1605. Katame dhammā arūpāvacarā? Cattāro āruppā kusalato ca vipākato ca kiriyato ca – ime dhammā arūpāvacarā.
༡༦༠༦. ཀཏམེ དྷམྨཱ ན ཨརཱུཔཱཝཙརཱ? ཀཱམཱཝཙརཱ, རཱུཔཱཝཙརཱ, ཨཔརིཡཱཔནྣཱ – ཨིམེ དྷམྨཱ ན ཨརཱུཔཱཝཙརཱ།
1606. Katame dhammā na arūpāvacarā? Kāmāvacarā, rūpāvacarā, apariyāpannā – ime dhammā na arūpāvacarā.
༡༦༠༧. ཀཏམེ དྷམྨཱ པརིཡཱཔནྣཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ པརིཡཱཔནྣཱ།
1607. Katame dhammā pariyāpannā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā pariyāpannā.
༡༦༠༨. ཀཏམེ དྷམྨཱ ཨཔརིཡཱཔནྣཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨཔརིཡཱཔནྣཱ།
1608. Katame dhammā apariyāpannā? Cattāro maggā apariyāpannā, cattāri ca sāmaññaphalāni, nibbānañca – ime dhammā apariyāpannā.
༡༦༠༩. ཀཏམེ དྷམྨཱ ནིཡྻཱནིཀཱ? ཙཏྟཱརོ མགྒཱ ཨཔརིཡཱཔནྣཱ – ཨིམེ དྷམྨཱ ནིཡྻཱནིཀཱ།
1609. Katame dhammā niyyānikā? Cattāro maggā apariyāpannā – ime dhammā niyyānikā.
༡༦༡༠. ཀཏམེ དྷམྨཱ ཨནིཡྻཱནིཀཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ཨནིཡྻཱནིཀཱ།
1610. Katame dhammā aniyyānikā? Tīsu bhūmīsu kusalaṃ, akusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā aniyyānikā.
༡༦༡༡. ཀཏམེ དྷམྨཱ ནིཡཏཱ? ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ, དྭེ དོམནསྶསཧགཏཙིཏྟུཔྤཱདཱ – ཨིམེ དྷམྨཱ སིཡཱ ནིཡཏཱ སིཡཱ ཨནིཡཏཱ། ཙཏྟཱརོ མགྒཱ ཨཔརིཡཱཔནྣཱ – ཨིམེ དྷམྨཱ ནིཡཏཱ།
1611. Katame dhammā niyatā? Cattāro diṭṭhigatasampayuttacittuppādā, dve domanassasahagatacittuppādā – ime dhammā siyā niyatā siyā aniyatā. Cattāro maggā apariyāpannā – ime dhammā niyatā.
༡༦༡༢. ཀཏམེ དྷམྨཱ ཨནིཡཏཱ? ཙཏྟཱརོ དིཊྛིགཏཝིཔྤཡུཏྟལོབྷསཧགཏཙིཏྟུཔྤཱདཱ, ཝིཙིཀིཙྪཱསཧགཏོ ཙིཏྟུཔྤཱདོ, ཨུདྡྷཙྩསཧགཏོ ཙིཏྟུཔྤཱདོ, ཏཱིསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ཨནིཡཏཱ།
1612. Katame dhammā aniyatā? Cattāro diṭṭhigatavippayuttalobhasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā aniyatā.
༡༦༡༣. ཀཏམེ དྷམྨཱ སཨུཏྟརཱ? ཏཱིསུ བྷཱུམཱིསུ ཀུསལཾ, ཨཀུསལཾ, ཏཱིསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, སབྦཉྩ རཱུཔཾ – ཨིམེ དྷམྨཱ སཨུཏྟརཱ།
1613. Katame dhammā sauttarā? Tīsu bhūmīsu kusalaṃ, akusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ – ime dhammā sauttarā.
༡༦༡༤. ཀཏམེ དྷམྨཱ ཨནུཏྟརཱ? ཙཏྟཱརོ མགྒཱ ཨཔརིཡཱཔནྣཱ, ཙཏྟཱརི ཙ སཱམཉྙཕལཱནི, ནིབྦཱནཉྩ – ཨིམེ དྷམྨཱ ཨནུཏྟརཱ།
1614. Katame dhammā anuttarā? Cattāro maggā apariyāpannā, cattāri ca sāmaññaphalāni, nibbānañca – ime dhammā anuttarā.
༡༦༡༥. ཀཏམེ དྷམྨཱ སརཎཱ? དྭཱདས ཨཀུསལཙིཏྟུཔྤཱདཱ – ཨིམེ དྷམྨཱ སརཎཱ།
1615. Katame dhammā saraṇā? Dvādasa akusalacittuppādā – ime dhammā saraṇā.
༡༦༡༦. ཀཏམེ དྷམྨཱ ཨརཎཱ? ཙཏཱུསུ བྷཱུམཱིསུ ཀུསལཾ, ཙཏཱུསུ བྷཱུམཱིསུ ཝིཔཱཀོ, ཏཱིསུ བྷཱུམཱིསུ ཀིརིཡཱབྱཱཀཏཾ, རཱུཔཉྩ, ནིབྦཱནཉྩ – ཨིམེ དྷམྨཱ ཨརཎཱ།
1616. Katame dhammā araṇā? Catūsu bhūmīsu kusalaṃ, catūsu bhūmīsu vipāko, tīsu bhūmīsu kiriyābyākataṃ, rūpañca, nibbānañca – ime dhammā araṇā.
ཨཏྠུདྡྷཱརོ ནིཊྛིཏོ།
Atthuddhāro niṭṭhito.
དྷམྨསངྒཎཱིཔཀརཎཾ ནིཊྛིཏཾ།
Dhammasaṅgaṇīpakaraṇaṃ niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā / དུཀཨཏྠུདྡྷཱརཝཎྞནཱ • Dukaatthuddhāravaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā / དུཀཨཏྠུདྡྷཱརཝཎྞནཱ • Dukaatthuddhāravaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā / དུཀཨཏྠུདྡྷཱརཝཎྞནཱ • Dukaatthuddhāravaṇṇanā
