| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. д̣̇угад̣̇угабадтаанаван̣н̣анаа
6. Dukadukapaṭṭhānavaṇṇanā
д̣̇угад̣̇угабадтаанзби хзд̇усахзд̇угам̣ д̇хаммам̣ бадижжа хзд̇усахзд̇уго д̇хаммо уббаж̇ж̇ад̇и хзд̇убажжаяаад̇и бан̃худ̣̇д̇хааравасзнзва сан̇кзбад̇о д̣̇зсанаа гад̇аа. д̇ад̇т̇а хзд̇уд̣̇угам̣ сахзд̇угад̣̇угаад̣̇ийхи, сахзд̇угад̣̇угаад̣̇ийни жа д̇зна сад̣̇д̇хим̣ яож̇ид̇аани. згзгам̣ бана д̣̇угам̣ сзсзхи, сзсаа жа д̇зхи сад̣̇д̇хим̣ бадибаадияаа яож̇зд̇аб̣б̣аа. ид̣̇ан̃хи д̣̇угад̣̇угабадтаанам̣ наама ‘д̣̇угзсуязва д̣̇угз багкибид̇ваа’ д̣̇зсид̇ам̣. д̇знзд̇т̇а саб̣б̣ад̣̇угзхи сад̣̇д̇хим̣ саб̣б̣ад̣̇угаанам̣ яож̇анаа взд̣̇ид̇аб̣б̣аа. баал̣и бана сан̇кид̇д̇аа. язна язна жа бад̣̇зна сад̣̇д̇хим̣ яам̣ яам̣ бад̣̇ам̣ яож̇анам̣ на г̇ажчад̇и, д̇ам̣ д̇ам̣ хаабзд̇ваава д̣̇зсанаа гад̇аад̇и.
Dukadukapaṭṭhānepi hetusahetukaṃ dhammaṃ paṭicca hetusahetuko dhammo uppajjati hetupaccayāti pañhuddhāravaseneva saṅkhepato desanā katā. Tattha hetudukaṃ sahetukadukādīhi, sahetukadukādīni ca tena saddhiṃ yojitāni. Ekekaṃ pana dukaṃ sesehi, sesā ca tehi saddhiṃ paṭipāṭiyā yojetabbā. Idañhi dukadukapaṭṭhānaṃ nāma ‘dukesuyeva duke pakkhipitvā’ desitaṃ. Tenettha sabbadukehi saddhiṃ sabbadukānaṃ yojanā veditabbā. Pāḷi pana saṅkhittā. Yena yena ca padena saddhiṃ yaṃ yaṃ padaṃ yojanaṃ na gacchati, taṃ taṃ hāpetvāva desanā katāti.
д̣̇угад̣̇угабадтаанаван̣н̣анаа.
Dukadukapaṭṭhānavaṇṇanā.
зд̇д̇аавад̇аа –
Ettāvatā –
д̇иган̃жа бадтаанаварам̣ д̣̇угуд̇д̇амам̣,
Tikañca paṭṭhānavaraṃ dukuttamaṃ,
д̣̇угам̣ д̇иган̃жзва д̇игам̣ д̣̇уган̃жа;
Dukaṃ tikañceva tikaṃ dukañca;
д̇игам̣ д̇иган̃жзва д̣̇угам̣ д̣̇уган̃жа,
Tikaṃ tikañceva dukaṃ dukañca,
ча ануломамхи наяаа суг̇амбхийраад̇и. –
Cha anulomamhi nayā sugambhīrāti. –
адтагат̇ааяам̣ вуд̇д̇аг̇аат̇ааяа д̣̇ийбид̇аа. д̇хаммаануломабадтаанз ча наяаа нид̣̇д̣̇идтаа хонд̇и. бажжаяавасзна банзд̇т̇а згзгасмим̣ бадтаанз ануломаад̣̇аяо жад̇д̇ааро жад̇д̇ааро наяаад̇и згзна барияааязна жад̇увийсад̇инаяабадиман̣д̣ид̇ам̣ ануломабадтаанам̣язва взд̣̇ид̇аб̣б̣ам̣.
Aṭṭhakathāyaṃ vuttagāthāya dīpitā. Dhammānulomapaṭṭhāne cha nayā niddiṭṭhā honti. Paccayavasena panettha ekekasmiṃ paṭṭhāne anulomādayo cattāro cattāro nayāti ekena pariyāyena catuvīsatinayapaṭimaṇḍitaṃ anulomapaṭṭhānaṃyeva veditabbaṃ.
