| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̣̇угамаад̇игаабад̣̇аван̣н̣анаа
Dukamātikāpadavaṇṇanā
1-6. д̣̇угамаад̇игааяам̣ бана д̇игзсу анааг̇ад̇абад̣̇аван̣н̣анам̣язва гариссаама. хзд̇уг̇ожчагз д̇аава хзд̇уд̇хаммаад̇и мууладтзна хзд̇усан̇каад̇аа д̇хаммаа. хзд̇уу д̇хаммаад̇иби баато. на хзд̇ууд̇и д̇зсам̣язва бадигкзбаважанам̣. самбаяог̇ад̇о бавад̇д̇зна саха хзд̇унаад̇и сахзд̇угаа. д̇ат̇зва бавад̇д̇о над̇т̇и зд̇зсам̣ хзд̇ууд̇и ахзд̇угаа. згуббаад̣̇аад̣̇ид̇ааяа хзд̇унаа самбаяуд̇д̇аад̇и хзд̇усамбаяуд̇д̇аа. хзд̇унаа виббаяуд̇д̇аад̇и хзд̇увиббаяуд̇д̇аа. имзсам̣ д̣̇виннамби д̣̇угаанам̣ гин̃жааби ад̇т̇ад̇о наанад̇д̇ам̣ над̇т̇и, д̣̇зсанаавилаасзна бана д̇ат̇аа б̣уж̇жханд̇аанам̣ ваа буг̇г̇алаанам̣ аж̇жхаасаяавасзна вуд̇д̇аа. д̇ад̇о барам̣ батамад̣̇угам̣ д̣̇уд̇ияад̇ад̇иязхи сад̣̇д̇хим̣ яож̇зд̇ваа д̇зсам̣ ‘хзд̇уу на хзд̇уу’д̇иаад̣̇ийнам̣ бад̣̇аанам̣ васзна яат̇аасамбхавад̇о абарзби д̇аяо д̣̇угаа вуд̇д̇аа. д̇ад̇т̇а яат̇зва ‘хзд̇уу жзва д̇хаммаа сахзд̇угаа жаа’д̇и зд̇ам̣ самбхавад̇и, д̇ат̇аа ‘хзд̇уу жзва д̇хаммаа ахзд̇угаа жаа’д̇и ид̣̇амби. яат̇аа жа ‘сахзд̇угаа жзва д̇хаммаа на жа хзд̇уу’д̇и зд̇ам̣ самбхавад̇и, д̇ат̇аа ‘ахзд̇угаа жзва д̇хаммаа на жа хзд̇уу’д̇и ид̣̇амби. хзд̇усамбаяуд̇д̇ад̣̇угзна сад̣̇д̇хим̣ яож̇анааяаби зсзва наяо.
1-6. Dukamātikāyaṃ pana tikesu anāgatapadavaṇṇanaṃyeva karissāma. Hetugocchake tāva hetudhammāti mūlaṭṭhena hetusaṅkhātā dhammā. Hetū dhammātipi pāṭho. Nahetūti tesaṃyeva paṭikkhepavacanaṃ. Sampayogato pavattena saha hetunāti sahetukā. Tatheva pavatto natthi etesaṃ hetūti ahetukā. Ekuppādāditāya hetunā sampayuttāti hetusampayuttā. Hetunā vippayuttāti hetuvippayuttā. Imesaṃ dvinnampi dukānaṃ kiñcāpi atthato nānattaṃ natthi, desanāvilāsena pana tathā bujjhantānaṃ vā puggalānaṃ ajjhāsayavasena vuttā. Tato paraṃ paṭhamadukaṃ dutiyatatiyehi saddhiṃ yojetvā tesaṃ ‘hetū na hetū’tiādīnaṃ padānaṃ vasena yathāsambhavato aparepi tayo dukā vuttā. Tattha yatheva ‘hetū ceva dhammā sahetukā cā’ti etaṃ sambhavati, tathā ‘hetū ceva dhammā ahetukā cā’ti idampi. Yathā ca ‘sahetukā ceva dhammā na ca hetū’ti etaṃ sambhavati, tathā ‘ahetukā ceva dhammā na ca hetū’ti idampi. Hetusampayuttadukena saddhiṃ yojanāyapi eseva nayo.
д̇ад̇ра яад̣̇зд̇ам̣ ‘на хзд̇уу д̇хаммаа сахзд̇угааби ахзд̇угаабий’д̇и сид̣̇д̇хз, ‘на хзд̇уу ко бана д̇хаммаа’д̇и ад̇ирид̇д̇ам̣ ‘ко банаа’д̇и бад̣̇ам̣ вуд̇д̇ам̣, д̇асса васзна аяам̣ ад̇ирзгад̇т̇о сан̇г̇ахид̇од̇и взд̣̇ид̇аб̣б̣о. гат̇ам̣? на гзвалам̣ ‘на хзд̇у д̇хаммаа ат̇а ко ан̃н̃зби на жа сахзд̇угааби ахзд̇угааби ижжзва, ат̇а ко ан̃н̃ат̇аабийд̇и. ид̣̇ам̣ вуд̇д̇ам̣ ход̇и – яат̇зва хи ‘на хзд̇уу д̇хаммаа сахзд̇угааби ахзд̇угааби’, звам̣ ‘хзд̇уу д̇хаммаа сахзд̇угааби ахзд̇угааби’. яат̇аа жа ‘на хзд̇уу д̇хаммаа сахзд̇угааби ахзд̇угааби’, звам̣ ‘на хзд̇уу д̇хаммаа хзд̇усамбаяуд̇д̇ааби хзд̇увиббаяуд̇д̇аабий’д̇и.
Tatra yadetaṃ ‘na hetū dhammā sahetukāpi ahetukāpī’ti siddhe, ‘na hetū kho pana dhammā’ti atirittaṃ ‘kho panā’ti padaṃ vuttaṃ, tassa vasena ayaṃ atirekattho saṅgahitoti veditabbo. Kathaṃ? Na kevalaṃ ‘na hetu dhammā atha kho aññepi na ca sahetukāpi ahetukāpi icceva, atha kho aññathāpīti. Idaṃ vuttaṃ hoti – yatheva hi ‘na hetū dhammā sahetukāpi ahetukāpi’, evaṃ ‘hetū dhammā sahetukāpi ahetukāpi’. Yathā ca ‘na hetū dhammā sahetukāpi ahetukāpi’, evaṃ ‘na hetū dhammā hetusampayuttāpi hetuvippayuttāpī’ti.
7-13. жуул̣анд̇арад̣̇угзсу ад̇д̇ано нибпаад̣̇агзна саха бажжаязнаад̇и саббажжаяаа. над̇т̇и зд̇зсам̣ уббаад̣̇з ваа тид̇ияам̣ ваа бажжаяод̇и аббажжаяаа. бажжаязхи самааг̇анд̇ваа гад̇аад̇и сан̇кад̇аа. на сан̇кад̇аад̇и асан̇кад̇аа. авиниб̣бхог̇авасзна руубам̣ зд̇зсам̣ ад̇т̇ийд̇и руубино. д̇ат̇аавид̇хам̣ над̇т̇и зд̇зсам̣ руубанд̇и аруубино. руббаналагкан̣ам̣ ваа руубам̣; д̇ам̣ зд̇зсам̣ ад̇т̇ийд̇и руубино. на руубино аруубино. логияаа д̇хаммаад̇и лого вужжад̇и луж̇ж̇анабалуж̇ж̇анадтзна ваддам̣; д̇асмим̣ барияаабаннабхаавзна логз нияуд̇д̇аад̇и логияаа. д̇ад̇о уд̇д̇ин̣н̣аад̇и уд̇д̇араа; логз абарияаабаннабхаавзна логад̇о уд̇д̇араад̇и логуд̇д̇араа. гзнажи вин̃н̃зяяаад̇и жагкувин̃н̃аан̣аад̣̇ийсу гзнажи згзна жагкувин̃н̃аан̣зна ваа сод̇авин̃н̃аан̣зна ваа виж̇аанид̇аб̣б̣аа. гзнажи на вин̃н̃зяяаад̇и д̇знзва жагкувин̃н̃аан̣зна ваа сод̇авин̃н̃аан̣зна ваа на виж̇аанид̇аб̣б̣аа. звам̣ санд̇з д̣̇виннамби бад̣̇аанам̣ ад̇т̇анаанад̇д̇ад̇о д̣̇уго ход̇и.
7-13. Cūḷantaradukesu attano nipphādakena saha paccayenāti sappaccayā. Natthi etesaṃ uppāde vā ṭhitiyaṃ vā paccayoti appaccayā. Paccayehi samāgantvā katāti saṅkhatā. Na saṅkhatāti asaṅkhatā. Avinibbhogavasena rūpaṃ etesaṃ atthīti rūpino. Tathāvidhaṃ natthi etesaṃ rūpanti arūpino. Ruppanalakkhaṇaṃ vā rūpaṃ; taṃ etesaṃ atthīti rūpino. Na rūpino arūpino. Lokiyā dhammāti loko vuccati lujjanapalujjanaṭṭhena vaṭṭaṃ; tasmiṃ pariyāpannabhāvena loke niyuttāti lokiyā. Tato uttiṇṇāti uttarā; loke apariyāpannabhāvena lokato uttarāti lokuttarā. Kenaci viññeyyāti cakkhuviññāṇādīsu kenaci ekena cakkhuviññāṇena vā sotaviññāṇena vā vijānitabbā. Kenaci na viññeyyāti teneva cakkhuviññāṇena vā sotaviññāṇena vā na vijānitabbā. Evaṃ sante dvinnampi padānaṃ atthanānattato duko hoti.
14-19. аасаваг̇ожчагз аасаванд̇ийд̇и аасаваа. жагкуд̇оби…бз… манад̇оби санд̣̇анд̇и бавад̇д̇анд̇ийд̇и вуд̇д̇ам̣ ход̇и. д̇хаммад̇о яаава г̇од̇рабхум̣, огаасад̇о яаава бхаваг̇г̇ам̣ саванд̇ийд̇и ваа аасаваа. зд̇з д̇хаммз зд̇ан̃жа огаасам̣ анд̇огарид̇ваа бавад̇д̇анд̇ийд̇и ад̇т̇о. анд̇огаран̣ад̇т̇о хи аяам̣ ‘аа’гааро. жирабаариваасияадтзна мад̣̇ираад̣̇аяо аасаваа. аасаваа вияаад̇иби аасаваа. логасмин̃хи жирабаариваасигаа мад̣̇ираад̣̇аяо аасаваад̇и вужжанд̇и. яад̣̇и жа жирабаариваасияадтзна аасаваа, зд̇зязва бхавид̇умараханд̇и. вуд̇д̇ан̃хзд̇ам̣ – ‘‘буримаа, бхигкавз, годи на бан̃н̃ааяад̇и авиж̇ж̇ааяа, ид̇о буб̣б̣з авиж̇ж̇аа наахосий’’д̇иаад̣̇и (а. ни. 10.61). ааяад̇ам̣ ваа сам̣саарад̣̇угкам̣ саванд̇и басаванд̇ийд̇иби аасаваа. д̇ад̇о ан̃н̃з но аасаваа наама. ад̇д̇аанам̣ аарамман̣ам̣ гад̇ваа бавад̇д̇зхи саха аасавзхийд̇и саасаваа. звам̣ бавад̇д̇амаанаа над̇т̇и зд̇зсам̣ аасаваад̇и анаасаваа. сзсам̣ хзд̇уг̇ожчагз вуд̇д̇анаязна взд̣̇ид̇аб̣б̣ам̣. аяам̣ бана висзсо – яат̇аа д̇ад̇т̇а ‘на хзд̇уу ко бана д̇хаммаа сахзд̇угааби ахзд̇угаабийд̇и аяам̣ осаанад̣̇уго батамад̣̇угасса д̣̇уд̇ияабад̣̇ам̣ аад̣̇имхи табзд̇ваа вуд̇д̇о, звам̣ ид̇ха ‘но аасаваа ко бана д̇хаммаа саасавааби анаасаваабий’д̇и на вуд̇д̇о. гин̃жааби на вуд̇д̇о, ат̇а ко аяан̃жа ан̃н̃о жа бхзд̣̇о д̇ад̇т̇а вуд̇д̇анаязнзва взд̣̇ид̇аб̣б̣о.
14-19. Āsavagocchake āsavantīti āsavā. Cakkhutopi…pe… manatopi sandanti pavattantīti vuttaṃ hoti. Dhammato yāva gotrabhuṃ, okāsato yāva bhavaggaṃ savantīti vā āsavā. Ete dhamme etañca okāsaṃ antokaritvā pavattantīti attho. Antokaraṇattho hi ayaṃ ‘ā’kāro. Cirapārivāsiyaṭṭhena madirādayo āsavā. Āsavā viyātipi āsavā. Lokasmiñhi cirapārivāsikā madirādayo āsavāti vuccanti. Yadi ca cirapārivāsiyaṭṭhena āsavā, eteyeva bhavitumarahanti. Vuttañhetaṃ – ‘‘purimā, bhikkhave, koṭi na paññāyati avijjāya, ito pubbe avijjā nāhosī’’tiādi (a. ni. 10.61). Āyataṃ vā saṃsāradukkhaṃ savanti pasavantītipi āsavā. Tato aññe no āsavā nāma. Attānaṃ ārammaṇaṃ katvā pavattehi saha āsavehīti sāsavā. Evaṃ pavattamānā natthi etesaṃ āsavāti anāsavā. Sesaṃ hetugocchake vuttanayena veditabbaṃ. Ayaṃ pana viseso – yathā tattha ‘na hetū kho pana dhammā sahetukāpi ahetukāpīti ayaṃ osānaduko paṭhamadukassa dutiyapadaṃ ādimhi ṭhapetvā vutto, evaṃ idha ‘no āsavā kho pana dhammā sāsavāpi anāsavāpī’ti na vutto. Kiñcāpi na vutto, atha kho ayañca añño ca bhedo tattha vuttanayeneva veditabbo.
20-25. сам̣яож̇анаг̇ожчагз яасса сам̣виж̇ж̇анд̇и, д̇ам̣ буг̇г̇алам̣ ваддасмим̣ сам̣яож̇знд̇и б̣анд̇ханд̇ийд̇и сам̣яож̇анаа. д̇ад̇о ан̃н̃з но сам̣яож̇анаа наама. аарамман̣абхаавам̣ убаг̇анд̇ваа сам̣яож̇анасамб̣анд̇ханз сам̣яож̇анаанам̣ хид̇аад̇и сам̣яож̇анияаа. сам̣яож̇анасса аарамман̣абажжаяабхууд̇аанам̣ зд̇ам̣ ад̇хиважанам̣. на сам̣яож̇анияаа асам̣яож̇анияаа. сзсам̣ хзд̇уг̇ожчагз вуд̇д̇анаязнзва яож̇зд̇аб̣б̣ам̣.
20-25. Saṃyojanagocchake yassa saṃvijjanti, taṃ puggalaṃ vaṭṭasmiṃ saṃyojenti bandhantīti saṃyojanā. Tato aññe no saṃyojanā nāma. Ārammaṇabhāvaṃ upagantvā saṃyojanasambandhane saṃyojanānaṃ hitāti saṃyojaniyā. Saṃyojanassa ārammaṇapaccayabhūtānaṃ etaṃ adhivacanaṃ. Na saṃyojaniyā asaṃyojaniyā. Sesaṃ hetugocchake vuttanayeneva yojetabbaṃ.
26-31. г̇ант̇аг̇ожчагз яасса сам̣виж̇ж̇анд̇и д̇ам̣ жуд̇ибадисанд̇хивасзна ваддасмим̣ г̇ант̇знд̇и гхадзнд̇ийд̇и г̇ант̇аа. д̇ад̇о ан̃н̃з но г̇ант̇аа. аарамман̣агаран̣авасзна г̇ант̇зхи г̇ант̇ид̇аб̣б̣аад̇и г̇ант̇анияаа. сзсам̣ хзд̇уг̇ожчагз вуд̇д̇анаязнзва яож̇зд̇аб̣б̣ам̣. яат̇аа жа ид̇ха, звам̣ ид̇о барзсуби вуд̇д̇аавасзсам̣ д̇ад̇т̇а д̇ад̇т̇а вуд̇д̇анаязнзва взд̣̇ид̇аб̣б̣ам̣.
26-31. Ganthagocchake yassa saṃvijjanti taṃ cutipaṭisandhivasena vaṭṭasmiṃ ganthenti ghaṭentīti ganthā. Tato aññe no ganthā. Ārammaṇakaraṇavasena ganthehi ganthitabbāti ganthaniyā. Sesaṃ hetugocchake vuttanayeneva yojetabbaṃ. Yathā ca idha, evaṃ ito paresupi vuttāvasesaṃ tattha tattha vuttanayeneva veditabbaṃ.
32-37. огхаг̇ожчагз яасса сам̣виж̇ж̇анд̇и д̇ам̣ ваддасмим̣язва охананд̇и осийд̣̇аабзнд̇ийд̇и огхаа. аарамман̣ам̣ гад̇ваа ад̇иггаманийяад̇о огхзхи ад̇иггамид̇аб̣б̣аад̇и огханияаа. огхаанам̣ аарамман̣ад̇хаммаа зва взд̣̇ид̇аб̣б̣аа.
32-37. Oghagocchake yassa saṃvijjanti taṃ vaṭṭasmiṃyeva ohananti osīdāpentīti oghā. Ārammaṇaṃ katvā atikkamanīyato oghehi atikkamitabbāti oghaniyā. Oghānaṃ ārammaṇadhammā eva veditabbā.
38-43. яог̇аг̇ожчагз ваддасмим̣ яож̇знд̇ийд̇и яог̇аа. яог̇анияаа огханияаа вияа взд̣̇ид̇аб̣б̣аа.
38-43. Yogagocchake vaṭṭasmiṃ yojentīti yogā. Yoganiyā oghaniyā viya veditabbā.
44-49. нийваран̣аг̇ожчагз жид̇д̇ам̣ нийваранд̇и барияонанд̇ханд̇ийд̇и нийваран̣аа. нийваран̣ияаа сам̣яож̇анияаа вияа взд̣̇ид̇аб̣б̣аа.
44-49. Nīvaraṇagocchake cittaṃ nīvaranti pariyonandhantīti nīvaraṇā. Nīvaraṇiyā saṃyojaniyā viya veditabbā.
50-54. бараамаасаг̇ожчагз д̇хаммаанам̣ яат̇аабхууд̇ам̣ анижжаад̣̇иаагаарам̣ ад̇иггамид̇ваа ‘нижжа’нд̇и аад̣̇ивасзна бавад̇д̇амаанаа барад̇о аамасанд̇ийд̇и бараамаасаа. бараамаасзхи аарамман̣агаран̣авасзна бараамадтад̇д̇аа бараамадтаа.
50-54. Parāmāsagocchake dhammānaṃ yathābhūtaṃ aniccādiākāraṃ atikkamitvā ‘nicca’nti ādivasena pavattamānā parato āmasantīti parāmāsā. Parāmāsehi ārammaṇakaraṇavasena parāmaṭṭhattā parāmaṭṭhā.
55-68. маханд̇арад̣̇угзсу аарамман̣ам̣ аг̇г̇ахзд̇ваа аббавад̇д̇ид̇о саха аарамман̣знаад̇и саарамман̣аа. над̇т̇и зд̇зсам̣ аарамман̣анд̇и анаарамман̣аа. жинд̇анадтзна жид̇д̇аа, вижид̇д̇адтзна ваа жид̇д̇аа. авиббаяог̇авасзна жзд̇аси нияуд̇д̇аад̇и жзд̇асигаа. ниранд̇арабхаавуубаг̇аманад̇ааяа, уббаад̣̇ад̇о яаава бхан̇г̇аа, жид̇д̇зна сам̣садтаад̇и жид̇д̇асам̣садтаа. згад̇о вад̇д̇амаанааби ниранд̇арабхаавам̣ анубаг̇аманад̇ааяа жид̇д̇зна висам̣садтаад̇и жид̇д̇ависам̣садтаа. самудтаханд̇и зд̇знаад̇и самудтаанам̣. жид̇д̇ам̣ самудтаанам̣ зд̇зсанд̇и жид̇д̇асамудтаанаа. саха бхаванд̇ийд̇и сахабхуно. жид̇д̇зна сахабхуно жид̇д̇асахабхуно. анубаривад̇д̇анд̇ийд̇и анубаривад̇д̇ино. гим̣ анубаривад̇д̇анд̇и? жид̇д̇ам̣. жид̇д̇асса анубаривад̇д̇ино жид̇д̇аанубаривад̇д̇ино. жид̇д̇асам̣садтаа жа д̇з жид̇д̇асамудтаанаа жаад̇и жид̇д̇асам̣садтасамудтаанаа. жид̇д̇асам̣садтаа жа д̇з жид̇д̇асамудтаанаа жа жид̇д̇асахабхуно зва жаад̇и жид̇д̇асам̣садтасамудтаанасахабхуно. жид̇д̇асам̣садтаа жа д̇з жид̇д̇асамудтаанаа жа жид̇д̇аанубаривад̇д̇ино зва жаад̇и жид̇д̇асам̣садтасамудтаанаанубаривад̇д̇ино. сзсаани саб̣б̣абад̣̇аани вуд̇д̇абад̣̇аанам̣ бадигкзбавасзна взд̣̇ид̇аб̣б̣аани. аж̇жхад̇д̇аж̇жхад̇д̇ам̣ санд̇хааяа аж̇жхад̇д̇ад̇д̇игз вуд̇д̇авасзна аж̇жхад̇д̇аава аж̇жхад̇д̇игаа. д̇ад̇о б̣ахибхууд̇аад̇и б̣аахираа. убаад̣̇ияанд̇зва бхууд̇аани, на бхууд̇аани вияа убаад̣̇ияанд̇ийд̇и убаад̣̇аа. на убаад̣̇ияанд̇зваад̇и ноубаад̣̇аа.
55-68. Mahantaradukesu ārammaṇaṃ aggahetvā appavattito saha ārammaṇenāti sārammaṇā. Natthi etesaṃ ārammaṇanti anārammaṇā. Cintanaṭṭhena cittā, vicittaṭṭhena vā cittā. Avippayogavasena cetasi niyuttāti cetasikā. Nirantarabhāvūpagamanatāya, uppādato yāva bhaṅgā, cittena saṃsaṭṭhāti cittasaṃsaṭṭhā. Ekato vattamānāpi nirantarabhāvaṃ anupagamanatāya cittena visaṃsaṭṭhāti cittavisaṃsaṭṭhā. Samuṭṭhahanti etenāti samuṭṭhānaṃ. Cittaṃ samuṭṭhānaṃ etesanti cittasamuṭṭhānā. Saha bhavantīti sahabhuno. Cittena sahabhuno cittasahabhuno. Anuparivattantīti anuparivattino. Kiṃ anuparivattanti? Cittaṃ. Cittassa anuparivattino cittānuparivattino. Cittasaṃsaṭṭhā ca te cittasamuṭṭhānā cāti cittasaṃsaṭṭhasamuṭṭhānā. Cittasaṃsaṭṭhā ca te cittasamuṭṭhānā ca cittasahabhuno eva cāti cittasaṃsaṭṭhasamuṭṭhānasahabhuno. Cittasaṃsaṭṭhā ca te cittasamuṭṭhānā ca cittānuparivattino eva cāti cittasaṃsaṭṭhasamuṭṭhānānuparivattino. Sesāni sabbapadāni vuttapadānaṃ paṭikkhepavasena veditabbāni. Ajjhattajjhattaṃ sandhāya ajjhattattike vuttavasena ajjhattāva ajjhattikā. Tato bahibhūtāti bāhirā. Upādiyanteva bhūtāni, na bhūtāni viya upādiyantīti upādā. Na upādiyantevāti noupādā.
69-74. убаад̣̇аанаг̇ожчагз бхусам̣ аад̣̇ияанд̇ийд̇и убаад̣̇аанаа; д̣̇ал̣хаг̇г̇аахам̣ г̇ан̣ханд̇ийд̇и ад̇т̇о. д̇ад̇о ан̃н̃з ноубаад̣̇аанаа.
69-74. Upādānagocchake bhusaṃ ādiyantīti upādānā; daḷhaggāhaṃ gaṇhantīti attho. Tato aññe noupādānā.
75-82. гилзсаг̇ожчагз сам̣гилидтад̇д̇игз вуд̇д̇анаязнзва ад̇т̇о взд̣̇ид̇аб̣б̣о.
75-82. Kilesagocchake saṃkiliṭṭhattike vuttanayeneva attho veditabbo.
83-100. бидтид̣̇угзсу гаамз аважаранд̇ийд̇и гаамааважараа руубз аважаранд̇ийд̇и руубааважараа. аруубз аважаранд̇ийд̇и аруубааважараа. аяамзд̇т̇а сан̇кзбо. вид̇т̇ааро бана барад̇о аави бхависсад̇и. д̇збхуумагаваддз барияаабаннаа анд̇ог̇ад̇хаад̇и барияаабаннаа. д̇асмим̣ на барияаабаннаад̇и абарияаабаннаа. ваддамуулам̣ чинд̣̇анд̇аа ниб̣б̣аанам̣ аарамман̣ам̣ гад̇ваа ваддад̇о нияяанд̇ийд̇и нияяаанигаа. иминаа лагкан̣зна на нияяанд̇ийд̇и анияяаанигаа. жуд̇ияаа ваа ад̇д̇ано ваа бавад̇д̇ияаа ананд̇арам̣ палад̣̇аанз нияад̇ад̇д̇аа нияад̇аа. д̇ат̇аа анияад̇ад̇д̇аа анияад̇аа. ан̃н̃з д̇хаммз уд̇д̇аранд̇и баж̇аханд̇ийд̇и уд̇д̇араа. ад̇д̇аанам̣ уд̇д̇арид̇ум̣ самад̇т̇зхи саха уд̇д̇арзхийд̇и сауд̇д̇араа. над̇т̇и зд̇зсам̣ уд̇д̇араад̇и ануд̇д̇араа. ран̣анд̇и зд̇зхийд̇и ран̣аа; язхи абхибхууд̇аа сад̇д̇аа наанаббагаарзна ганд̣̇анд̇и барид̣̇званд̇и, д̇зсам̣ рааг̇аад̣̇ийнам̣ зд̇ам̣ ад̇хиважанам̣. самбаяог̇авасзна бахаанзгадтад̇аавасзна жа саха ран̣зхийд̇и саран̣аа. д̇знаагаарзна над̇т̇и зд̇зсам̣ ран̣аад̇и аран̣аа.
83-100. Piṭṭhidukesu kāme avacarantīti kāmāvacarā rūpe avacarantīti rūpāvacarā. Arūpe avacarantīti arūpāvacarā. Ayamettha saṅkhepo. Vitthāro pana parato āvi bhavissati. Tebhūmakavaṭṭe pariyāpannā antogadhāti pariyāpannā. Tasmiṃ na pariyāpannāti apariyāpannā. Vaṭṭamūlaṃ chindantā nibbānaṃ ārammaṇaṃ katvā vaṭṭato niyyantīti niyyānikā. Iminā lakkhaṇena na niyyantīti aniyyānikā. Cutiyā vā attano vā pavattiyā anantaraṃ phaladāne niyatattā niyatā. Tathā aniyatattā aniyatā. Aññe dhamme uttaranti pajahantīti uttarā. Attānaṃ uttarituṃ samatthehi saha uttarehīti sauttarā. Natthi etesaṃ uttarāti anuttarā. Raṇanti etehīti raṇā; yehi abhibhūtā sattā nānappakārena kandanti paridevanti, tesaṃ rāgādīnaṃ etaṃ adhivacanaṃ. Sampayogavasena pahānekaṭṭhatāvasena ca saha raṇehīti saraṇā. Tenākārena natthi etesaṃ raṇāti araṇā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / 2. д̣̇угамаад̇игаа • 2. Dukamātikā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇угамаад̇игаабад̣̇аван̣н̣анаа • Dukamātikāpadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇угамаад̇игаабад̣̇аван̣н̣анаа • Dukamātikāpadavaṇṇanā
